BladeEater's Profile

同朋友響銅鑼灣想搵咖喱食，行過阿拉丁咖喱屋，好奇怪，見到呢間嘢好耐，但係從來都冇入過去食，就試一試佢，我叫咗個咖喱茄子蓉，同埋一個印度薄餅，個咖喱好出色，好香香料味，個茄子都處理得非常好，識落唔會太油膩，同埋食完唔會太口渴。薄餅啱啱烤出嚟，都好出色。不過杯masala tea就差咗少少，有啲啲水汪汪嘅感覺，飲落去唔係太濃，好薄身。感覺麻麻地，不過整體成餐都唔差嘅，值得推介。當然仲有特別嘢嘅，不過未適宜嚮依度講，留返大家去發掘。…Read More

記得第一次嚟呢度食，就係俾佢個名吸引到，黯然銷魂飯，當然飯底就冇洋蔥粒嘅，主打就係叉燒同埋煎蛋，記得啱啱嚟食嗰陣時，塊叉燒好出色， 燶邊半肥瘦差，啱啱出爐熱辣辣，但係啱啱嗰次食，就好失望，半肥瘦叉燒就有嘅，但係完全唔窿，感覺就好似食緊蜜汁腩肉咁嘅感覺，好肥膩，完全唔係啱啱開始食嗰陣時個水準，密汁都好鹹，仲要叉燒係同飯放埋一齊，好多汁，啲蜜汁浸住啲飯，有啲失望麻麻哋，不過個嚟湯就非常好，希望下次有改善。…Read More

如果大家對大坑嘅食物有研究，就會知道滑蛋飯就去大坑嘅傳統命脈，成日都會有啲歌星明星走飯野。今次叫咗個滑蛋豬扒飯，當然個蛋配豉油就真係好食嘅豬扒就不過不失，豬扒炒咗入香濃嘅滑蛋入邊，所以你會發現一塊塊豬扒好似樣左入去咁樣。有少少溫馨提示，個飯一上嚟嘅時候，隔離會有一兜豉油，見過唔少人一下就落晒全部，建議唔好因為會好鹹，個人喜歡就係少少少少咁樣落去，再加埋啲麻油，未到得到一個好大嘅提升，杯凍奶茶亦都係可以試一試。留意返禮拜一係大亨坑休息日。冇得食嘅！…Read More

講到雞白湯拉麵，我記得第一次接觸雞白湯拉麵就係去第二間拉麵譜，不過而家已經冇晒，所以見到雞白湯拉麵，我都抵受唔住誘惑好想食，最後嚟到拉麵來，叫咗一個雞白湯拉麵，一個餃子，個餃子感覺上非常出色，最緊要夠熱，個皮切係有少少焦脆，但係就唔會脆到好似塊餅乾咁。皮薄餡都好足料。個雞白湯拉麵就有進步嘅空間，個人就覺得啲湯唔夠杰，做唔到嗰種掛湯嘅效果，嘉德骨膠原就想過湯更加掛，所以有少少失望，如果雞湯雞味都唔係好濃，整體嚟講俾原味水準冇咁高。…Read More

呢間嘢係響金輪大廈入邊，見到佢有好多印尼拉麵套餐，有時想食下啲垃圾食物或者依啲味精食物，都未嘗唔係一個差嘅選擇，嗰日叫咗一個串燒套餐，豬牛羊雞各兩串，新鮮即整即叫即燒，所以等嘅時間都要耐小小，好啦終於有得食，味道唔差，但係食得出啲材料並唔係用到最頂級嘅材料，不過咁嘅價錢完全明白，將貨就價，感覺上佢已經發揮到嗰楊食材嘅極致，不過最好味就係個沙嗲汁，食到粒粒花生，好香沙嗲味，而我最鍾意嘅就係佢呢個沙嗲汁花生味都好香濃，如果突然間想食串燒又冇乜特別好大嘅要求嘅，呢度係一個幾好嘅選擇。…Read More

去到一間都叫做喺香港有啲知名度嘅沾面店，周月拉麵，其實之前都有不嬲有食開呢間，不過今次就真係大失望，不如以往，叫咗個周月大沾面，濃湯底，面一上嚟，一月以往咁大碗，個面底都幾煙韌彈牙唔差，好啦咁就試吓個湯底啦，唔知做乜嘢事，只係感覺到死鹹，好似飲緊一碗豉油汁咁樣，有少少魚味海鮮味，感覺就好似飲緊美極湯咁樣，整體來講今次個湯底簡直係我食過咁多次最差嘅一次，希望以後會有改進，因為以前嘅周月拉麵就真係味道唔差嘅。會再俾多次機會佢！…Read More

話說有一日睇完戲，經過銅鑼灣見到有間甜品舖排到人山人海，就一於等一等試吓，基本上見到舖頭都係食台灣甜品，珍珠奶茶，地瓜溶，芋圓粉圓嗰啲甜品，我就叫咗一個上邊有杏仁布甸嘅甜品，唔記得咗叫咩名，佢有分1號同2號嘅，一個係紅豆底第一個就係水蜜桃底，兩款我都食過，感覺上紅豆仔嘅感覺有誠意啲，水蜜桃抵受有啲似罐頭水蜜桃嘅味道，整體上芋圓完都好煙韌，仲有啲椰果粒粒，最出色嘅就係上邊有一個杏仁布甸，如果鍾意食杏仁嘅同學，一定唔可以錯過。個人建議，紅豆底係好食啲嘅！…Read More

住咗大坑咁耐，竟然冇介紹過呢間小店，一開始聽New York-club呢個，一定會認為一啲格局好高嘅餐廳，但係完全相反，完全係一間好噏耷餐廳，但係入邊食嘅嘢完全係非你所想，基本上係同紐約冇關係嘅，佢哋最出名嘅就係元蹄，基本都係要幾日之前預訂，開party一流。順水題外話介紹一下。嗰日食咗個好出名嘅黃薑炒飯，拼豬頸肉。豬頸肉都燒得好Juice，無過火嘅情況，另外再加多個香葉肉碎炒飯，炒得好入味，佢哋最出色嘅就係粒粒米都分得開，啲飯底好靚好干身，係其中一間最出色嘅炒飯呀。大家嚟到大坑唔可以錯過！…Read More

行過壽司郎，有冇見到冇乜人等位，立即狗衝入去條拎飛等食，果然多10分鐘左右就賣咗入去食飯啦，基本上入到去都係唔諗㗎啦，想食乜就叫乜，不過嘅喜之次有啲驚喜，當然吞拿魚腩呀嗰啲就一定有叫，覺得比較驚喜嘅仲有蔥花和牛粒卷，同埋琴日個油甘魚都幾新鮮，不過識食嘅你，知道去壽司郎一定唔可以錯過食甜品， 主打嘅卡搭拉拿當然唔少得，食咗兩舊，同埋琴日有一個期間限定嘅cheese cake，感覺就係Tiramisu蛋糕底，加上NY cheese cake ，再面頭加上酸芝士嘅感覺，感覺幾新幾特別，冇得講㗎啦，鍾意食壽司嘅你，一定會返到壽司郎。…Read More

朋友介紹，中環蘭桂坊，和安里有一間隱世餐廳，味道好，大食夾抵件，坐低，成間舖頭我有舊式餐廳冰室嘅情懷，播啲歌都好有回憶，加晒分，叫咗個咖喱羊扒飯，依舊邊係羊扒，完全係羊腩嘅扒版，每一啖脂肪同埋肉嘅分布都係非常之出色，好林一啲都唔靭，仲要份量唔少，有兩舊咁多，基本上覺得淨係食咗兩舊羊扒都已經夠數，飯底做得唔差，粒粒分明，我覺得我食咗珍姐呢個羊扒飯之後係冇辦法接受到其他餐廳嘅羊扒飯，見到佢lunch仲有其他四五款唔同嘅餐，要搵幾日試埋其他。…Read More

見到康怡嗰度開咗好多新嘅餐廳，有一間係買台式炸物，又炸魷魚，甜不辣，炸雞，諸如此類，最後嗌咗一份細炸雞，本來以為細炸雞嘅份量唔多，但係原來都有成十幾舊，見到佢嗰個moment啱啱炸起，炸雞熱辣辣，台式調味粉嘅份量又恰到好處，舊炸雞食落又唔會太乾身鞋口，整體上我都覺得係一間幾好食嘅炸雞店，見到舖頭有好多其他特別嘅飲料，下次試吓，同埋個炸魷魚望落好吸引，不過印象中好似唔可以雙拼，所以唯有等多人啲嘅時候先可以試到其他嘢。…Read More

過到嚟九龍城做嘢，以前一定諗都唔使唸，清真牛肉館就係穩陣嘅選擇，不過今次返去有少少失望，叫咗個咖喱牛腩飯，同埋清真牛肉餅，個咖喱牛腩飯同其他巴基斯坦咖喱相比，真係好失色，咖喱面頭全部都係一層好厚嘅紅油，洋蔥香料就真係食唔到啦。油膩程度滿分，牛腩就真係柴柴地，雖然份量好多，水準以下，失望之作。而個清真牛肉餅只係暖既，想來嗰陣時唔係脹卜卜，而係有少少縮咗嘅感覺，換言之應該係擺咗一段時間，同埋好老實，價錢真係唔平，希望佢哋有改善，重拾以前嘅水準…Read More

店舖位於金輪大廈的地舖，通常好夜先會收工，所以有遲咗返嚟或者想食少少宵夜，有時都會選擇喺呢間酸菜魚入面食。酸菜魚個味道唔錯，辣度同酸度都適中，魚肉都幾滑，冇過火嘅情況，不過美中不足就係有少少骨係入邊。不過呢間店舖我最鍾意食都係個炸矮瓜，根據老闆講，佢哋用嘅矮瓜係白矮瓜，相對於普通矮瓜比較淋同埋甜，唔係周圍都食到。嗰日都叫咗個豬手，不過不失，都算幾淋，入味就唔係好入味，叫做合格，個口水雞就真係差少少，啲雞好明顯有少少雪味響度，希望有改善，整體來講唔錯嘅，平平哋酸菜魚。…Read More

啱啱過到嚟九龍城做嘢，就去到呢間Cafe，諗住嗌一ice americano. 見到話依度嘅環境都算幾好，可能好早，所以門口都有得泊車，我哋可以放低架車慢慢飲。其實杯咖啡都叫不過不失有少橡果嘅味道，現在不過略嫌淡咗少少，唔知係沖嘅問題，定係咖啡豆嘅問題。不過整體嚟講，作為一杯早晨咖啡都算係幾好。不過有啲可惜就係冇得揀fruity 同埋nutty嘅咖啡豆，有嘅效果更佳！整體來講，之後去到九龍城想飲一杯咖啡或者食一個早餐，都可以考慮吓呢間Cafe。…Read More

樓下開咗一間特色飲品小店，應該都係乳酪燕麥飲品嘅朋友，成日都見到佢哋有人買，所以今次就試一試，叫咗一杯佢哋嘅王牌飲品，牛油果酸乳酪燕麥smoothies, 首先，一飲落去，杯飲品嘅味道係失望嘅，完全飲唔到牛油果嘅馥郁味道，一落去感覺似係一啲黑糖燕麥混出嚟嘅味道，但係杯嘢飲應該係冇黑糖嘅，甜又唔係甜，穀物味又唔係穀物味，因為佢用無糖乳酪嘅關係，所以有一浸酸酸地嘅乳酪味，但係完全唔香，杯飲品好似四不像咁樣，同埋真係唔知啱啱好牛油果冇貨定係點樣，我見佢沖嘅時候只係用咗半個牛油果都冇，問心感覺係真係有少少失望。喺我嘅角度，我清楚明白佢哋係sell健康, 但係有時買得呢啲飲品，健康真係有少少次要😂😂…Read More