sandwich_lion的个人专页

媽咪響屯門碼頭工作，以前都成日聽佢講話＂角落＂個下午茶有幾抵、佢個肉醬有幾好食，我都冇留意佢講呢間餐廳。直到有一次突然好想食扒，又唔想離開屯門區，就響呢到search到有呢間有扒食，所以就黎試一下。呢間餐真係響好角落下，由商場門口入都要行一段仔路到尾尾。鋪頭一Ｄ都唔大，大概有８～１０張枱，座到２０多個人到啦，但係出奇地多人幫襯喎。我地去果日係星期二，都有人要等位。佢個餐牌得２板 + 另外一板set dinner...其實佢都唔洗要整果個set dinner，因為我見好多人都唔揀佢Ｄ set，同埋佢menu裡面所有都係set黎嘅。佢Ｄ扒全部都可以配飯／扁意粉／著條、Ｄ焗嘅又可以飯／意粉...扒類全部得蒜蓉汁。 蒜蓉包 - 香脆，濃濃蒜蓉味！ 匈牙利牛肉湯 - 小小辣，好濃，又好多牛肉小粒。I like it! Beef Wellington配薯菜 - 我喜愛beef wellington，估唔到呢間小鋪頭都會整beef wellington!!! 咁我當然先要試一下啦～ 此終都係小餐廳，收８０幾蚊個餐。佢係用兩小塊牛扒+小小鵝肝醬，再將塊酥皮鋪上面。用傳統材料+平價做法，可以接受。不過佢個扒唔係好似某D cheap cheap扒咁用鬆肉粉鬆到難以入口喎，佢Ｄ扒有牛味，又有口感！ 羊架配扁意粉 - 七成熟啱啱好，上面Ｄ crust又脆脆，80幾蚊算係咁 啫喱 - 甜品就hea左d啦，啫喱一杯。同埋佢係冇甜品menu架。總括黎講食物算唔錯，屯門區又80幾蚊一個餐ok架啦。不過呢到唔好諗住坐下傾下囉，此終地方比較細，比較嘈。仲有，佢地好少人做野，樓面得一個，落單、上菜、收碟、收錢、沖飲品＆畢湯一腳踢；廚房一個做晒Ｄ餐；洗碗一個洗晒Ｄ碗，樓面人手嚴重不足！…查看更多

中學時期都經已好喜愛呢間鋪，果時三文治Ｄ料都已經好足，三文治大大份！讀完書一段日子，突然好掛住佢Ｄ治，所以就去一會佢～以前佢係冇堂食架，淨係得而家落ＯＲＤＥＲ果一個鋪位仔，而家就多左Ｄ坐位...我都係ORDER左我最愛嘅白汁碎蛋三文治（麥包烘底）都唔洗加錢。三文治裡面除左有厚厚嘅白汁碎蛋，仲有生菜同番茄。Ｄ生菜同番茄仲一Ｄ都唔hea架。再試左一杯士多啤梨乳酪，酸酸甜甜咁，飲得出佢唔會落好多糖水，不錯。一定一定會再幫襯。P.S. 佢Ｄ果汁都好足料架。 …查看更多

同朋友仔不嬲都最愛burgers & steaks，之前都已經拜訪過Shake'um buns同Burgeroom都十分喜愛。BLT係一個出名嘅Steak house同burger room，咁當然不能不試啦~~星期二嘅lunch time大慨12:30都冇乜人，到我地走果時差唔多13:30都冇過半數坐位滿，所以都唔洗等位 被安排左坐響一大排窗邊嘅位置，好夠自然光 I like it!! 但係佢D檯唔係大，一大舊紙巾盒，茄汁， mustard，一個小餐牌棟響到搞到好迫咁....睇到之前D人寫話D服務唔好，我諗係個別例子。帶位果位男士好有禮物，仲有笑容。但係Serve我果個waitress真係服務麻麻，目冇表情（好似欠左佢咁嘅樣），講野又細聲，真係要好好改善！我地order左一個combo黎share (Burger + Fries + Soda)，因為我地想試埋佢地個nacho，但係又驚食唔晒~ The Classic - 我要左medium,，所以一咬落去嘅時候D肉汁漏出黎，但係個包又吸返Ｄ汁wo...好complicate~ 個包軟硬適中，不過佢淨係得一塊蕃茄，少少洋蔥，少左Ｄ生菜... BLT 嘛，點可以少左個T呢？呀，佢個burger入面仲有少少酸瓜同埋碟邊都有半條，不過我唔食酸瓜嘅，所以no comment~Fries有3款揀（幼著條，肥仔著條，薯格）我鍾意肥仔著條同薯格，不過我地得一個combo，結果我揀左薯格。個薯格又脆又多肉，正！ Nacho - 係一個幾"漏" 嘅野，裡面有芝士，忌廉，墨西哥辣椒，仲有Ｄ好似牛腩嘅肉，幾好味架 Mango Milkshakes (Today's special) - 又甜又"漏" 本人都已經可以食D幾甜嘅野，但係佢D shakes真係甜左D又漏左D，其實食咁多野真係飲Soda就ok架啦... Berry Me - 一飲就係雪糕味，好甜呀，朋友飲左兩啖就投降啦。佢所有shakes都係用雪糕整，好甜... 佢個menu仲有一杯係用chocolate ice cream + peanut butter + bananas 整嘅，我地都唔敢挑戰　總括而然，d 地方都幾舒服，個burger好味，nacho都OK，不過milkshakes唔啱我地... 我地會再去試埋個BLT burger同埋其他小食~~…查看更多

想試左好耐架啦...終於試到啦~~ ^^本身好喜愛台灣, 所以恨左試呢個好耐....鋪面真係好細, 佢都係諗住D人外賣. 不過我地就係都要堂食~~ 哈哈佢鋪入面得兩張細接枱同D圓小櫈, 真係唔係可以坐得耐嘅地方... 肉鬆蛋餅不錯不錯, 不過如果個蛋皮可以厚D, 多D蛋會仲好!!! 總裁牛肉蛋堡正, 唔會比D美國BURGER店差!! 牛有肉汁, 又有厚厚嘅蛋, 雖然麵包只係嘉頓包, 但係佢焗到脆脆. 老闆娘仲好貼心問我地洗唔洗切開, 跟住用兩張紙分開包 唔會食到周圍都係 地瓜拉餅我地一見到嘅時候覺得 "照片與實物不符" 因為佢D地瓜好薄.... 不過OK啦, 有D餐廳D相仲誇....呢個都OK嘅, 有淡淡嘅地瓜甜味.... 咪睇佢薄薄咁, 都幾"濟" 百香果乳酪 & 水蜜桃乳酪唔知點解半價$7杯 不過.........飲品麻麻, 冇味嘅..... >.<一定會再黎~~~ …查看更多

我地去到果陣7點左右, 都已經有幾多人入坐, 坐坐下都有8成FULL, 星期二都有咁多人都算唔錯...我同朋友第一次黎呢間到食, 唔知佢D主菜係點, 見到有個MAIN係鐵板德國腸 for 2-3 pax嘅, 又有一個都係鐵板德國腸就 for 1-2 pax嘅. 咁我地想知除左係大份D之外有D咩唔同(佢地係有附圖), 我地就問一個香港嘅男服務生. 點知佢竟然指住兩幅圖答我, "上面咪有寫囉".... 呢個叫答左我地嘅問題?? 之後我地再問另一個外籍女服務生, 佢就詳細解釋比我地知有咩分別...我地就叫左兩個MAIN COURSES 鐵板德國迷你腸有3款唔同腸, 各兩條. 都係好似平時D德國腸咁, 冇乜特別 德國咸豬手佢話係for 1-2 pax架, 但係都好大份下. 德國咸豬手果然係咸, 好彩有D薯仔同酸椰菜, 如果唔係就咁食真係唔係好得... 不過佢豬手D皮整得好脆 我地ORDER左食物先, 跟住再諗飲品. 同一個香港嘅男服務生幫我地落單, 我地叫左兩杯MOCKTAIL. 我地叫完之後, 佢好似好出奇咁同我地講 "呢兩杯冇酒架喎", 其實呢句本身係冇問題架, 但係佢講嘅態度真係好差, 我同朋友都對佢好反感..... 我地都唔一定會再黎食...…查看更多

通常都係飲茶多, 飲茶都唔錯嘅, 不過晚飯就....有所補留...茶芥果兜小食 - 以前都會係D花生呀, 豆呀咁嘅. 今次竟然係南乳味嘅小牛耳. 又硬又唔鬆, 同晚飯一D都唔配合片皮鴨套餐 - 都幾抵食嘅, $228 片皮鴨 + 雲吞雞, 加多$35就可以多一味鴨全食 (薑蔥/涼瓜)不過當D包鴨嘅麵皮到嘅時候, 成餅皮痴埋一齊, 完全分唔開, 同個侍應講佢又扮聽唔到, 要同個部長講先去換比我地. 新果碟好明顯係叮嘅, D麵皮邊又乾晒, 我地都廢事再換啦. 不過D鴨皮幾好食, 好香!!另外果味我地揀薑蔥炒, 都幾好味, 幾惹味 ^^糖水就不堪囉.... 砵仔糕 - 4件細細件都幾得意, 不過太椰子味, 怪怪咁薑汁湯圓 - 講起就火都黎... 一上嘅時候D糖水濺到成個底碟都係, 仲要係D糖水有D黑色野咁... 見到咁嘅時候心裡面都知有D野.... 點知一開盅, 成碗似茶葉碎湯圓咁, 好肉酸, 因為D芝麻湯圓爆左. 我就即刻響同一個侍應講話咁肉酸嘅, 佢又扮聽唔到. 我畢起D湯圓睇, 估計係叮得耐左, 滾到湯圓爆左仲成碗滾瀉. 見到都唔開胃. 我地再同同一個侍應講, 佢解釋果D黑色係芝麻, 跟住佢就問我地仲要唔要, 唔要就幫我地CANCEL, 見到碗咁嘅野, 唔CANCEL都唔會食啦.... 我唔諗住比廿幾蚊係食D咁嘅野囉.....如果要響呢區到競爭, 就真要改善改善啦... 唔需要花巧, 做好D傳統野就得架啦... …查看更多

我地本來諗住去另一間burger place食burger ga, 點知去到先知佢啱啱閂左....sigh... 咁我同事話有另一間都好食, 咁我地就黎左另一間/呢間 - BurgeroomClassic Burger + Mushroom - 其實呢個就等於Mushroom Beef Burger without onion. 仲平2蚊. 係阿收銀姐姐教嘅~ d mushroom冇煮到熟晒, 仲有D口感, good!! Bacon Cheese Burger - Bacon好食, 食果時唔會"un" 同唔會成塊飛出黎. 好多juice, 但係唔知點解個burger始終都係dry dry地咁. 個bun好食, 烘得啱啱好!!Potato Skins with Bacon and Melted Cheese - 好飽! 因為佢個薯皮有好多肉... haha, but it tastes good!不過可惜佢地冇shakes or smoothies, 整係得coffee 同D soft drinks... …查看更多

呢幾日同個同事突然間好想好想食burger, 我地就去左呢間聽過好耐, 但係一直都冇去食嘅burger place - Shake'em bun...Cushin' for the Pushin' - 個burger夠juicy, 不過個bun就差D, 係嘉頓包包, 又烘得唔夠, 所以我地叫佢cut in half嘅時候個包包切得好肉酸. 不過個burger搭夠. GOOD!!Magical Mushroom - 佢D mushroom用左個creamy sauce黎煮, 太creamy左D. 同埋 d mushroom 好似稔左D ....Chili Cheese Fries - 正! 我地兩個都係cheese lovers. 不過D sauce淋響薯條上面之後, D薯條變林左... 如果可以再多~~~D cheese 同 BACON 就更好啦~~ 哈哈. Tropical Romance - 同事話taste like 鳳仙雪條.... 哈哈Berry Delight - 得!! 好Berry!! …查看更多