Nicolrice's Profile

近排有優惠買一送一，就去試吓，主要食物有巴馬臣芝士米仔粉丶即開生蠔（法國細生𧐢）丶四款魚生（三文魚丶章紅／吞拿魚丶𩶘魚及八爪魚）丶燒牛肉丶火腿及其它小食熟食粉麫等。仲有幾款迷你甜品及movepick 雪糕（雲尼拿及焦糖味）等，自助午餐算多嘢食。環境舒適，不過開𧐢伯伯較生手比較慢，就算之後冇人排隊都要人只可拎一碟兩隻回枱，再回來才可取另一碟兩隻，真係第一次聽，而且見你再拎眼神好唔願意比咁（可能想開少啲，感覺好差令人不爽），希望有所改善！…Read More

一般會幫襯小店，呢間都試過幾次，價錢及食物質量不過不失，可惜今晚外賣好慢，兩班巴士走咗都未有，問下得未竟然個女侍應串串咁話豬扒要煎，先叫廚房煎，食物完成知叫水吧冲好立克，應該想少啲生意唔想做，老闆一定多謝佢唔少。…Read More

今日與同事去食午餐，呢間好似係Greyhound同一集團餐廳，之前在Greyhound食過幾次佢啲蛋糕如椰子蛋糕都幾好味（不過唔平），最後叫咗一份菠蘿海鮮炒飯，但食到最尾原來海鮮只有三隻蝦，沒有一般的青口同魷魚，食完經理嚟收碟，問佢竟然話應該早啲同佢講證明只得蝦冇其他海鮮，完全冇諗過同廚房了解，亦冇任何回覆（例如只有蝦咪直接改名菠蘿鮮蝦炒飯咁，因為菜單都有鮮蝦炒金邊粉同虎蝦配白飯等），沙田分店希望有所改善。😅…Read More

見惜食Apps可以幫小店清剩餘食物又有半價優惠，諗住OT完買返屋企同家人分享，可惜小店列出的食物如蔥油豬扒丼丶芝士焗豬扒飯丶日式牛肉炒飯，韓式豚腩泡菜湯麪丶照燒雞肉芝士麫丶韮黃滑蛋蝦仁飯等一樣都冇，全部係平價食物夾豆肉碎配白飯（兩客）同豆腐肉碎配白飯（兩客），得過辣字，但見其他堂食食客（包括比我遲來的）有雞肉有豬扒晚餐，與其食呢啲平價菜式，不如食兩餸飯更好，根本搵人幫襯佢啲低成本食材，咁做生意咪冇下次囉，希望Apps可以確保質量，不要好心做壞事！…Read More

食物ok，厚豬扒飯保持水準（拎咗朋友啲海鮮食），不過兩杯咖啡不同味有啲奇怪。之前預先訂位要求卡位，今早有職員確認訂位及說會安排卡位，可惜朋友拎位時見到有吉卡位但沒有安排，希望意粉屋能作出改善。…Read More

今晚在此特色小店試咗和牛漢堡🍔，蔬菜沙律🥗提升食慾（可能肚餓，食咗一啲先記得影相😅），漢堡包焗熱脆口，如果和牛質地實啲更好，整體唔錯。加上雅緻裝修設計，飲一杯咖啡☕️或紅酒🍷，聽聽爵士音樂，休閑獨處丶三五知己閑談或拍拖一流！😋👍🏻…Read More

昨天放假，在九龍行了一會，找地方吃自助午餐，雖然見食評好及差也頗多，不過也試一試，法國生𧐢雖然細細隻，但也頗生鮮；松葉蟹腳比較咸，但可以餸白飯或加魚片(似乎是石班片)煮粥都唔錯；魚生款色一般啦，不過鮮帶子壽司值得一試;熱盤有燒牛肉丶牛柳粒及咖哩羊也不錯；而甜品也精緻可口(電話冇電沒有影相)，見好多人食燒乳豬，不過清明節已食了很多所以不攞了，加上movenpick 雪糕及可以幫我電話差電及印openrice優惠卷的服務，下次會再來試！…Read More