foodie.bose的個人專頁

炎炎夏日，諗唔到食咩，就去返上次覺得幾好食嘅煲仔飯小店，入到去感覺到強勁嘅冷氣先感到開懷再次光顧，今次叫咗冬菇馬蹄蝦醬肉餅煲仔飯加臘腸 ，茄子煲仔飯同埋煎餃子店員是親切的姨姨們，非常之有禮貌，可能因為天氣太熱嘅關係，顧客並不是太多，不過如果坐得舒服同有大冷氣嘅話，夏天食都好OK等多一陣就上咗個煎餃子先，餃子餡料豐富，韭菜餃也很香，睇住佢新鮮煎出嚟，下次可以試埋佢其他唔同種類嘅餃子，估唔到原來除咗煲仔飯OK之外餃子都OK等咗一陣就上咗個煲仔飯，個肉餅煲仔飯真係好好食，肉餅好大塊，好入味，多料，唔會太鹹，加埋臘腸蒜蓉好食，就算夏天，因為個冷氣都幾大風，所以都冇食到成身汗，最重要係店員會問一問你鍾唔鍾意食飯焦而調校個飯嘅飯焦程度另外魚香茄子都唔錯，不過相對上個人認為肉餅比較好食^_^總括嚟講，依間小店係有心機做嘅，店員都非常之有禮貌，嘢食質素都好好，雖然佢唔係傳統瓦煲煲仔飯，但我覺得有飯焦就得，下次再去食吓其他味道…查看更多

元朗近排開咗好多新米線，見到元朗廣場附近角落頭又開咗一間好大嘅米線舖，原來依間係喺洪水橋有一間分店，如果開得兩間嘅話應該都幾好食，都唔會差，就試下座位都尚算闊落，仲有卡位坐，冷氣都足夠，唔會好熱今次我哋叫麻辣湯同埋酸辣湯米線，呢間本身就包一個餸，幾得意嘅位係無論你嗌啲特別嘅餸，例如雞腎，豬頸肉嗰啲唔係唔需要另加錢嘅，平時啲米線舖如果叫依類型嘅配料都係要加啲比較昂貴嘅價錢，喺依方面都係依間店嘅優勝之處🤣今次我哋叫咗雞腎同雲吞，另一本叫咗豬頸肉同墨魚咀，另外叫咗炸餃子叫完好快就上菜，效率都幾高豬頸肉方便佢係切一條條方便進食，墨魚咀用蒜蓉整都幾野味個人認為雞腎都幾好食，份量都幾多，值得叫炸餃子$36嚟講都幾大份量，小食你講呢個值得回購總括嚟講，想搵間坐得幾舒服冷氣又夠份量又夠食物味道幾好食嘅米線店嚟講，依間係一個唔錯嘅選擇…查看更多

近排又見到元朗廣場附近開新開左兩間米線，呢一間係喺獸醫轉角位嗰度小店裝修，簡潔乾淨，入面廚房採用開放式，可以清晰見到廚房運作，乾唔乾淨一眼睇晒，見到都有幾個好特別嘅湯底，我哋就叫咗糯米酒湯底同埋豬骨雞湯，由於一入到小店已經聞到好香嘅雞湯味同埋幾得意嘅係依間小店竟然買米線之餘有珍珠奶茶飲我哋叫咗糯米酒腩肉雞扒米線，糯米酒好香，食得出酒味都幾重，腩肉非常好食，有啲似台灣刈包入味嗰片，總共有兩大片，唔會肥膩，好入味，入口即溶，好食👍🏻小店嚟講做到依個水準非常驚喜！另外雞湯叫咗鮮牛肉炸雲吞米線，鮮牛肉好滑，幾好食，炸雲吞類似平時酒樓食嘅錦鹵雲吞，幾得意總括嚟講，依間小店都有心機做嘅，下次去可以試埋其他湯底，同埋佢啲特飲都唔差！…查看更多

本身依間喺木頭車既時候已經好鐘意食，點知執左笠，好高興佢地喺雞地開番新店喺雞地嗰頭，都近yoho,最好去左買同拎飛先，佢地會大概話你知幾點再番嚟，勁好，唔洗夏日炎等好耐，仲有好值得一讚既係，老闆同老闆娘同之前一樣爆好禮貌！非常值得一讚依排好興開心果味，由於好耐無食過既關係，決定叫埋招牌嚟食話說喺香蕉仔執笠期間，去左曼谷食香蕉煎餅，但係油膩好多，成個餅都係油，好失望今次開返，我哋都係叫返招牌嚟試吓，個皮同之前一樣，好似酥皮咁，香蕉熱辣辣，勁好食，唔會過甜！非常推薦！開心果味，好濃郁，面頭都有咬口嘅開心果，相對上，呢隻味道比較濟小小，不過開心果愛好者應該會好鍾意。總括而言，招牌一定要叫，另一隻味要咩就睇個人喜好啦😂記住要快啲食先好食…查看更多

新新地依排大量人介紹既米線平日既5點幾，去到都滿滿地叫左個blogger 推薦既沙嗲湯同酸麻辣湯首先環境係ok，佢保留上手cafe 裝修，不過米線店嚟講叫ok冷氣都ok,可惜既係米線成碗份量小沙嗲湯唔係濃郁既，不過有味唔會太淡，但又唔係話好出色好特別好有印象嗰種面頭送既芫荽個樣。。。好慘，令成碗賣相打左折扣豬頸肉唔差，不過個人認為屯門嗰間仲好食蘿蔔唔得👎🏻得2粒，唔入味唔淋，咬落去有渣🫥酸麻辣湯，湯底完全唔特別成碗嘢中規中矩要排隊食既會失望，經過無咩人可試一次，不過唔好有期望…查看更多

依間餐廳喺元朗都開左好多年，記得個質素都好食，裝修之後就第一次嚟食裝修靚左勁多，入面成個環境好適合用嚟打卡，平日既夜晚我地6點就到，食食下就愈嚟愈多客人食泰國嘢，我地既最愛生菜包，生菜包偏辣，不過辣得嚟好野味，生菜都新鮮爽脆，好食！個賣相勁靚，好適合打卡炸蝦餅，彈牙脆口，青檸檸檬茶茶底用泰茶茶底，係dup 本既，香港成日食泰菜杯嘢飲都好Hea,勁淡，唔好飲，依間做得好好多泰式金邊粉，值得一讚係店員好有禮貌，會解釋下點食會最好味，依間炒金邊粉炒得好勻循，味道唔會太咸，蝦彈牙 so far，我地已經食晒元朗市中心泰國餐廳既泰式金邊粉，依間係最好食同適合我地既口味見到有新甜品，就叫嚟試下，大佬，勁靚vo,齋食個奶茶冰已經食到又係泰式奶茶嗰個味，好濃厚，不過小甜，但加左個餅碎，即刻唔甜同有口感，連唔太食甜品既，都同我爭食！依個新產品掂，希望店家會考慮依個甜品會長有，好食又唔甜，同有口感又濃厚味道係我最鐘意既style 總括嚟講，值得回頭！…查看更多

依間小店成日經過都無食過，今次終於早到無咩人試到主打雞白湯，我地今次叫左鹽味雞白湯拉麵同鰹魚清湯拉麵小食就叫左免治雞肉棒同餃子店員非常之有禮貌，好有效率，依家叫拉麵加小食送汽水，不過唔知道優惠做到幾時最好同店家查詢免治雞肉棒，幾好食，有口感唔會太鹹，不過就無跟隻生蛋點，不過都好食，有咬口餃子煎得幾靚，味道正常，無咩特別鰹魚清湯鹽味拉麵，每碗包粒蛋，一塊雞一塊叉燒同一粒雞丸，拉麵配料嚟講都幾豐富，湯飲落去幾清，不過依個味道係熟悉嘅，係平時自己煲鰹魚湯嘅味道依個好食！鹽味雞白湯拉麵，唔會好漏！配料一樣，依個唔會好咸，無諗過元朗一間小店做到依個質素，下次會試埋醬油雞白湯拉麵，應該都好食！元朗小店真係臥虎藏龍，無諗過一間小店都做到依個質素，口袋名單又多一間了…查看更多

近排見到網上有好多人介紹依間日式放題 ，見到佢新開就嚟食吓，喺平日嘅晚上6:00，入座嘅時候都見到有好多人，估唔到平日都咁多人幫襯今次我哋就叫升級版嘅，因為見到個生啤非常之吸引😂依間餐廳係用QR code點菜，點完一陣間好快就有，座位附近就有任飲嘅飲品估唔到有三款啤酒，又幾抌本喎，另外仲可以叫抹茶紅豆特飲，同埋生啤麒麟本身對抹茶紅豆特飲都冇咩期望，點知有幾好飲喎，茶味都濃郁，紅豆唔會太甜，好飲刺身，質素都唔錯，生蝦都大隻，魚生都新鮮另外仲有好多天婦羅啊，燒物啊，個雞翼真係幾好食，好新鮮熱辣辣，都再次叫多左隻，見到隔籬枱食好多生蠔，如果鍾意食生蠔嘅人，記住要升級，因為會好抵食總括嚟講，座位坐得幾闊落，飲品，尤其是鍾意飲啤酒嘅人非常之合適，食物質素都幾好，如果同朋友或者家人相聚嘅話，依度係一個幾好嘅地方…查看更多

小店位置喺千色店嗰頭，話說依間係一個住元朗既朋友介紹既小店，佢個位置都幾隱蔽😂上次已經食左海老沾麵，今次試下上次見到隔籬枱食嘅綠色湯底拉麵，問咗店員原來綠色湯底係翡翠拉麵嘅菠菜湯底，由於上次食咗沾麵嘅關係，今次試吓食拉麵另外都叫咗辛味噌，叫左沾麵版食估唔到個湯底都係好清新，唔會太過油膩，菠菜加雞湯又唔會太奇怪，係個賣相有啲特別，麵係比較有咬口嘅，好食，加埋京蔥同小小湯，好味雞肉係好似人地慢煮咁，好嫩，幾好食辛沾麵，又唔會太辣，食到食道好唔舒服，佢有d似四川風味，唔錯餃子就中規中矩，總括嚟講，湯底有誠意，唔會太油膩，棉質有咬口好食，會再次光顧…查看更多

話說想喺屯門買間好食生日蛋糕，喺社交平台屯門谷收集左街坊既意見，有人介紹依間小店，本來都無咩期望社交平台揾到小店資料。pm店主，店主細心咁建議4個鐘內要食，仲好有禮貌！詢問左店家咩生果甜d,經過店主既介紹下，買左一個芒果拿破崙298元一磅，唔貴賣相不錯，一切落去卡一聲，就知佢唔小嘢餅底非常脆，入邊既custard唔甜，但面嗰個芒果好甜夾住d餅，好正！可以battle 帝苑同Nina hotel 個拿破崙已小店嚟講，依個質素好outstanding!估唔到做到依個效果，絕對會回購，下次再試下其他味道！性價比非常高！值得介紹！…查看更多

不嬲都最鍾意試新餐廳，今次見到個門面好似食咖喱嘅嘢，就入去試吓啦本身都鍾意食咖喱點烤餅嘅，見到依家有得食，就試吓佢嘅功夫得唔得價錢都係依啲啦，唔會太進取或者太平，今次我哋叫咗個咖喱羊同烤餅另外叫咗個雞肉烤串卷嘅套餐，雞肉烤卷$75加套餐加多$20好快就有得食估唔到個卷入面咁多肉汁，佢唔係用沙律味令到個卷有肉汁，而係本身個雞肉自己好多肉汁，調味剛剛好，唔會太鹹或者太甜，雞肉份量都多，如果一個成年人識一個雞卷加薯條，會夠飽，同埋佢好細心咁分咗4份，幾好幾好，不過原來個套餐係再加多一碟薯條，所以變咗超多薯條食😂另外叫咗個紅咖喱羊肉，$95，羊肉份量都多，唔會太過辣另外叫咗個北印度烤餅$30 ，個人應為烤餅點咖喱都係原味好食啲總括嚟講，呢間小店幾好食，希望快啲加盟d外賣平台過,令到多啲街坊都會試吓啦…查看更多

炎炎夏日，突然想打邊爐，就揀左依間小店，位置喺yoho 橋行出嚟過2條馬路就到，好方便重點係冷氣好夠，太熱會完全唔想食嘢一入到去，店員會用煲梗既熱水幫我地洗碗同餐具，乾淨！仲有調味料任揀見到個個都推薦椰子雞蜆肉煲($318)就試下，好快就上菜，勁浮誇，個爐同係咁噴煙😂打卡正，加上佢入邊有半隻雞，大概10隻蜆，同好多椰子，就咁飲都鮮甜,同好足料，想睇片請去我ig (@foodie.bose)再叫左個雪花牛($338)，又係噴哂煙。presentation 好得，個肉質一睇就知靚黃金嚮鈴好食，新鮮，熱辣辣，加湯，正！橡果豬($168)，豬味濃，份量都多，好食雜菜拼盤 ($98)，勁多菜，好多份量，洗得乾淨，擺得靚，好多多纖維既菜，正仲叫左4粒龍蝦餃($78)，彈牙肉質有咬口，小小麻油味，幾有趣值得一讚係依度有生啤飲，勁大杯，爽呀！叫左stella 同hoeggarden ,依間一大班人gathering 真心幾好，女仔都會坐得舒服，又可以打卡，又好食，男人可以啤啤去，正！店員非常勤力，主動加湯收嘢，有禮貌，仲有火燒豆腐花，為依個平日既夜晚增添左開心同滿足既感覺，人均600幾元，不過我地2個人食，係叫太多份量😂不過食物質素好，有大冷氣，有賣點，明白到點解佢有分店推薦！…查看更多

星期日既夜晚，經過依間冰室，環境非常漂亮，細細間，不過裝修好特別，好多貓貓店內座位唔算多，不過冷氣非常之足夠，喺炎熱嘅夏天入面一樣嘢非常之重要，睇返個餐牌，原來之前嘅袋鼠外賣嘅時候已經幫襯過，記得佢哋個雞扒幾好食今次嚟到，就叫佢個鐵板雜扒，88元，我記得之前喺元朗另一間茶餐廳或者冰室食一個鐵板都要過$100了，仲要唔係雜扒，所以依間價錢都算合理鐵扒熱辣辣，豬扒雞扒腸，蛋，煙肉，非常足料，茄汁另上，正，雞扒醃得幾好，薯仔炸左，好有咬口有誠意！另外一個叫咗咖喱牛肉飯，個咖喱底非常之濃郁，加埋d，牛肉唔會好硬，飯量足，男人都會夠飽小店來講，依家非常之有誠意，會再次光顧…查看更多

上網睇開埋餃子谷，見到有人介紹依一間小店，發現佢同好多其他小店合作，會擺喺人哋嘅店舖度寄賣，甘啱去開西九龍中心，就買來試吓。原來好多人一早已經上網預約咗某幾隻味，所以現貨並唔多，下次都係WhatsApp 定預約定先嚟拎貨商店位置喺蘋果商場5樓，一行入去就見到一個好大嘅招牌由於冇預約嘅關係，所以今次買現貨嘅時候就揀咗西洋菜餃子同埋韭菜餃子小店提供嘅冷凍袋都幾靚，同有用，仲俾埋冰袋一返到屋企就要煮嚟試下，餃子嘅內涵非常之新鮮，佢嘅豚肉唔會切到好細粒，食嘅時候好有咬口，西洋菜都非常之新鮮，係食佢本身嘅味道，冇落任何調味料之下，餃子嘅調味都非常之合適，唔會非常之咸，係健康嘅感覺。一啖一粒，明白到新鮮嘅食材係非常之重要，亦都明白到點解依間餃子店非常多人識。下次都係喺社交平台睇定有啲咩口味再WhatsApp通知店家先嚟拎😂…查看更多

話說之前成日都見到間外賣店做漢堡包，一路想試，但係想試時已見唔到了，剛剛經過元朗，竟然見到開咗間漢堡包小店個名都差唔多，就入嚟試吓啦今次我哋叫咗一個手打牛肉漢堡，令一個叫咗豚肉漢堡，食漢堡就梗係要配返個薯條，所以兩個都叫咗套餐，由於相冇咁多罪惡感，所以叫咗個冷泡茶估唔到都幾大支，白桃同桂花味都唔錯，好清新估唔到好快就上菜，呢一個係手撕豬肉煎蛋漢堡，豬肉嘅份量非常之多有圖有真相，豬肉多到成碗飯咁，非常足料，加上酸酸甜甜嘅醬汁好開胃，仲有一隻流心蛋好食洋蔥圈嘅份量都非常之足夠，雖然價錢唔係好平，不過佢真係俾到相同嘅份量同質素你，絕對唔係Hea另一個叫咗馬森至尊，勁誇張，勁多料，有煙肉腸仔手打牛肉雞蛋，蕃茄，洋蔥生菜，每一個配料醃料剛剛好唔會太過鹹，尤其是欣賞手打牛肉，好有牛肉味，加上有肉汁，非常之高質👍🏻👍🏻喺元朗，估唔到有間咁有心做嘅漢堡包店，依間小店可以媲美港島區轉埋漢堡嘅小店，雖然佢價錢唔算係非常優惠，唔知道小店會唔會諗一諗減少小小料既份量之後價錢再優惠少少呢？希望依間小店做得住，因為佢真係非常之高質素下次會試埋其他手打牛肉系列，同埋海鮮同雞漢堡，睇得出二間小店係有心機做，唔係Hea Hea的…查看更多