Chungjai's Profile

叫個咖哩燒雞飯，嚟到見個賣相都好似唔錯，啲雞都好似好大舊，點知咬落去，第一嚿係骨，第二嚿都係骨，第三嚿都係骨，第四嚿有少少肉，但係都係骨。然後成兜咖哩只係淨返一舊肉。張相右邊嗰啲全部都係骨。同阿姐講嗰陣先好笑，我同佢講：「阿姐，你成兜嘢都係骨嚟嘅？」然後佢指住第四嚿我咬淨少少肉，同我講：「呢啲咪肉囉。」我覺得都幾好嘢，成個咖哩雞飯，可以得一舊雞胸肉咁多，真係第一次見。一句唔好意思都冇之餘，仲要好似我好無理取鬧咁。…Read More

晚餐去食，坐滿人，我地叫左個三色丼同個鐵板扒。其實佢啲嘢食係ok，價錢亦ok，但最衰鐵板類等到2046都未到。強烈建議如果真係要去，可以叫丼飯，快好多。唔知係咪有order先開始燒鐵板，定還是佢廚房極缺人，我諗佢地真係要搞搞佢，一係請多啲人，一係執吓個流程，如果唔係我諗佢執得快過山一。…Read More

我永遠都唔會再食佢，諗住食個快餐，點知等咗成個鐘，原來佢整好又唔出number，個餐擺喺度擺到凍曬，難食到爆。我自己一個堂食，又冇可能離開個位睇佢份餐有冇出嚟，你唔㩒個number請問我點知幾時攞呀？ 如果你個系統唔work你就人手叫，而唔係睇住個餐擺喺度幾個字都唔理囉…Read More