wing.925的個人專頁

係附近食完飯未夠喉想搵甜野食，見有間中式糖水舖，有位又有得加下小丸子芋圓咁，價錢都係普普通通嘅價啦。裝修都企理又幾光猛咁就諗住試吓。兩條友諗來諗去都係諗住食紫米露，諗住呢樣野應該唔會衰得去邊，友人就揀芒果紫米露+小丸子，我就揀凍嘅椰汁紫米露。凍嘅椰汁紫米露味道上都算可以啦，但就好稀好水嘅一碗野咁，都有椰香味嘅，但紫米就粒粒分明，可能有d人會鍾意呢種感覺啦，係我唔識欣賞:(到友人果碗芒果紫米露+小丸子就都唔洗介紹，紫米底都係一樣，但小丸子好明顯係即叫即整，因為d小丸子係仲熱ga，有一兩粒仲煮到一pat野咁都唔知係咪應該讚佢新鮮製作好，但真係未試過一碗凍嘅糖水又加d熱辣辣嘅野落去囉。…查看更多

行過旺角諗住飲返杯黑糖珍珠鮮奶茶，見有新鋪開咗就諗住試下，點知伏到一個點🤮飲咗一啖就想講粗口應該係我人生中飲過最難飲嘅黑糖珍珠鮮奶茶，黑糖珍珠係未煮熟透嘅☠️中間個心仲係硬又實嘅粉，❌又無黑糖嘅香甜，珍珠仲要有勁奇怪酸味，❌無珍珠應該要有嘅QQ煙韌感。奶茶只有奶味，完全無茶味，真心唔知自己飲緊咩😰因為疫情關係，無好似以前咁買完就企係條街度即刻飲返兩啖，飲嘅時候已經離開間鋪好遠🥲$35本身都覺得佢呢個價錢太細杯，點知真係好彩佢咁細杯，感覺上自己無咁浪費。隨單附上嘅印花卡都因為飲完一啖就撕爛咗😑…查看更多

下午茶想食個茶餐，但偏偏就揀左個常餐A，王牌沙嗲牛肉麵配炒蛋多士，多士搽上牛油夠鬆軟，但炒蛋唔明點解碎濕濕咁。沙嗲牛肉麵本身係唔錯嘅，湯都夠濃有淡淡嘅花生味帶微辣，汁亦都可以掛到係每一塊牛肉度，只係略嫌牛肉份量太少，如果多2-3塊應該會開心d不過個人口味唔知係咪湯太濃，略嫌過於杰身，會有少少漏嘅感覺，可能係個人喜好鍾意每啖麵都要連少少湯一齊食，同埋唔知係咪有落味精？食完勁口渴，再加上杯跟餐凍奶茶敗筆，成杯都冰，奶茶得果兩啖，唔多解釋睇圖最實際，勁失望，名乎其實真多冰…查看更多

今日試新野，OpenRice 見新開就去探一探過究竟，星期日下午茶時段無咩客🤭岩晒，唔洗怕人多😌疫情嚴重想✈️都唔敢✈️唔做自私精🤪望梅止渴，唔係得個望嘅😎一次過叫晒掛住嘅台灣美食😋Lunch set (12:00-17:30)台灣紅燒牛肉麵+醃青瓜、鹽酥雞球+黑糖珍珠奶茶 $68+$18主食+2前菜小食+ $28以下飲品/其他飲品正價減$20牛肉夠晒冧，湯頭夠濃，麵質爽彈，鹽酥雞夠香酥，醃青瓜略嫌鹹左d黑糖珍珠奶茶有點失望😅珍珠好Q彈煮得唔錯嘅，但係茶味太淡，飲唔到黑糖香味不特止，仲自動變左走甜咁😂Tea set (15:00-17:30)南部魯肉飯+台灣腸+巷弄珍珠奶茶$40+$15主食+小食+$28以下飲品/其他飲品正價減$20 魯肉飯喜出望外😍好有台灣嘅味道呀，魯肉嘅肉粒有大部分都係有三層，夠入味夠冧，台灣腸切好片方便食，但份量應該係有原整一條嘅份量😋巷弄珍珠奶茶，比起黑糖珍珠奶茶做得好，但茶味都係比較淡台式蛋餅+台灣腸+荔枝綠茶主食+小食+$28以下飲品$48相比起魯肉飯，就覺得呢個蛋餅比較遜色，而且價錢相對會覺得略貴。荔枝綠茶飲唔晒臨走嘅時候問左店員，可以幫我哋轉外賣杯拎走👍🏼綠茶味濃淡淡荔枝香味，但都係無咩甜味😅單點小食台灣滷肉刈包 $48男朋友話完全同係台灣食嘅一樣🤤中間夾嘅滷肉大大舊，超多配料😍總結，下次會再去😎今日試嘅食物都比起之前係香港其他餐廳食過較出色，只係飲品方面期望下次會有改進😆順帶一提，店舖做緊外賣自取魯肉飯優惠$25（魯肉飯+荔枝綠茶） @ 巷。弄…查看更多

平時甚少係呢附近食野，咁岩今日公司有training 係附近先會係附近搵野食，呢邊多寫字樓，撞正lunch hour周圍都排晒隊等位食飯，行過呢間餐廳見到咁岩有位唔洗等，而且公司上training一大早就到就係欠缺一杯咖啡，見呢間西餐應該有杯咖啡可以飲下就入左去喇。餐牌set lunch有A-F可以揀，但係其實一d都唔吸引🙈當中有兩個Set已經係Salad，兩個飯Set有一個係日式豆腐肉碎飯，一個係鰻魚飯，一個意粉係香草醬雜菌雞肉意粉，仲有一個係牛肝菌意大利飯。我最後係揀左食意粉，格局係西餐斷估應該西式野會做得正路d⋯⋯個Set係有一杯細嘅田園沙律+一杯所謂嘅野菌忌廉湯+主菜（意粉）+甜品+餐飲。沙律係正常野，個湯呢就淡到好似無落調味咁🤣不過飲得出唔係麵粉水開嘅湯🤭值得欣賞嘅係好夠熱，連裝湯嘅杯仔都保溫嘅，食完個沙律個湯依然係熱到飲唔到，而杯口太細跟本係唔會可以用到湯匙去飲🤭見個湯係咁，個意粉都係預料之中嘅「無味」，淡到呢⋯⋯都係無調味一樣🤷🏻‍♀️但又唔可以叫做難食，因為真係連味都無，又點可以批論碟野食嘅味道呢😅呢個moment 真係唔會對甜品有期望🙈🙈🙈甜品係一件蛋糕，以顏色去估計應該係綠茶海綿蛋糕😅叫做係有味道嘅野，因為好甜😑最期待嘅餐飲-凍齋啡（iced black coffee)終於出場喇👏🏼👏🏼👏🏼幸好，都係有咖啡味嘅☕️題外話...其實本身想要iced americano,但店員竟然唔知係咩🤷🏻‍♀️咁又順便問埋咖啡嘅糖水係自己落定已經落埋啦，知道係分開上嘅到上，咁就放心啦，可以自己控制甜度。點知最後杯咖啡到嘅時候係無跟到糖水ga🙄真係唔該晒😑店員服務好唔好就見人見致啦總結，朋友話「你唔試過無咁好嘅，咁又點會知咩野係好野/正野」🤣🤣🤣真係不能認同更多…查看更多

中環隱世小店捐窿捐啦搵嘢食姊妹收工飯聚吹下水幾個月前，呢間小店岩岩開，果陣無意中比我發現佢嘅存在，咁岩好姊妹話要約食飯，我就突然諗起呢間餐廳，要幾個好姊妹山長水遠係新界區走黎中環就我好彩佢地食完都話無介紹錯咋可能因為平日嘅關係，餐廳都比較靜，但反而就好岩我哋三五知己飯聚飲野吹下水喇事隔幾個月原來餐牌都有不斷轉，應該係想保持住客人新鮮感有好多選擇，樣樣都好想試，店員都好耐心講解同介紹餐牌嘢食，其實講到我樣樣都好想食。忙完一日收工同朋友食飯梗係要飲返杯野輕鬆一下啦唔知飲咩好，店員就叫我哋講下鍾意飲咩味道嘅嘢飲，或者鍾意咩水果咁，之後就叫左同事幫我地調較幾杯cocktails喇其實唔飲cocktails 好似係有Happy Hour，隱約記得係話House紅白酒、啤酒、烈酒有買一送一由4點到9點咁:)不過我哋比較鍾意cocktails 甜甜地🤭飲品面頭嘅裝飾係餐廳店員用新鮮水果切片，再用乾果機風乾嘅果乾無任何添加，睇得又食得藍色🍹係蘋果味，裝飾係菠蘿乾🍍粉紅色🍹係荔枝味，裝飾係桃乾🍑黃色🍹係柚子味，裝飾係橙乾🍊頭盤：日本室津蠔&法國塔蒂蠔日本蠔肥美，法國蠔鮮甜，原來餐廳每次有嘅蠔都唔一樣，係視乎供應商邊個品種嘅蠔較新鮮就會有邊種蠔，好岩d蠔友鍾意試多幾款唔同嘅蠔湯：羅宋湯店員話佢地自家嘅羅宋湯係唔用牛去做湯嘅base，因為宜家好多人都唔食牛小食：Pizza Margherita  🍕 夠薄夠脆，夠多芝士，夠多料，食過返尋味主菜：烤澳洲羊鞍熟度岩岩好，好juicy，好香好夠羊味又腍配菜：蒜蓉炒時蔬Our  of  menu，另外要求餐廳幫我哋安排，喜出望外，有驚喜😊主菜：燒U.S. Prime Ribeye 配咖哩薯餅店員好細心，知道我哋幾個女仔share食，一早已經叫大廚幫我地切開肉眼排方便我哋開心sharing意粉：牛油果大蝦明太子忌廉汁扁意粉份量好夠，勁大碟意粉軟硬度適中，每條都被明太子忌廉汁包住，而且無諗過一個簡單嘅意粉廚師都好用心去做，除左餐牌寫嘅材料仲加左雜菜👍🏼👍🏼平時出街食飯就係最怕食得少菜 意粉：醬燒鯛魚香煎帶子香草蕃茄汁意粉香草蕃茄汁有少少微辣，帶子煎到岩岩好唔會over cook ，雖然都已經好飽，但都會令人想再食多兩啖先收手同收口…查看更多

星期日晏左起身，但早餐係必須嘅所以就去之前都去過嘅Flying Pan，因為佢係一間24小時營業嘅早餐店，無論咩時候起身去到都可以食到早餐就係佢地嘅賣點星期日去到係全場滿座，我地好彩一去到就有位唔洗等男朋友揀左個full breakfast 🍳 因為佢話好肚餓，野食落枱見到隻碟係好大隻，不過早餐份量黎講應該都算多嘅我就揀左個omelette，side dish揀左salad同生果，無諗到沙律係會有一大pat醬係面🙈最怕就係呢種一大pat嘅醬，所以我只係揀左d無醬嘅食🤣個omelette有d令人失望，因為中間做唔到有蛋汁，而係welldone但係bakery 可以揀唔要toast 轉Croissant係good嘅整體普普通通啦，因為早餐無咖啡飲係差少少野咁🤣野飲揀左要lemonade，但我覺得太甜喇，如果無咁甜會好好多，因為我平時飲野都要少甜嘅🤭…查看更多

同朋友出開中環唔知食咩好，行過見有人派傳單就睇下啦，見到西餐set lunch 4 courses係中環區都係$185/set好似都試得過就即管試一試，小妹最鍾意四圍試新野😬上到餐廳見到無咩客，可能真係新開無宣傳，今次仲唔比我試到頭啖湯😎😎😎上到門口店員已經熱情地招呼，是咁的，真係無咩客呀，所以可以任揀位，餐廳有大大嘅落地玻璃窗可以望下街，仲有booth table 😍安排好座位之後就諗諗食咩好，因為樣樣都好想試呀🤭最後我地揀左鰻魚伴海膽蟹籽炒飯+烤伊比利亞豚肉，set lunch有湯有沙律，是日餐湯係南瓜湯，雜菜沙律，睇得出都係用新鮮食材，沙律菜真係無得呃，一睇就知新唔新鮮呀。主打梗係要睇個main course 得唔得啦，首先個烤伊比利亞豚肉，擺碟見到廚師有用心思，烤完嘅黑豚肉扒都依然保持到肉汁，以本身伴碟嘅汁都岩岩好唔會好搶，大食嘅我以為得一塊扒唔夠飽，其實食埋薯菜係岩岩好之後到朋友order嘅鰻魚伴海膽蟹籽炒飯，我偷食左一啖😊真係有好大塊鰻魚，本身仲以為係切碎嘅鰻魚mix 埋落個飯，但原來係分開ga😍有驚喜呀，而果塊鰻魚又唔會好乾😋炒飯入面嘅海膽分量都好足夠，仲有一粒粒嘅蟹籽係入面，口感唔錯呀最後仲有甜品奉上，係人都知女仔食甜品係另一個胃😍😍😍原來佢地嘅甜品每次都有機會唔同，今次我地係宇治綠茶蛋糕，唔會太甜，又唔會好乾身，面頭仲有一塊乾果做裝飾，聽店員介紹原來果片都係佢地自家製無添加，佢地都放左部風乾機係度真係無諗過有餐廳仲會花心機同時間去整呢d呀後話，有時間叫多兩、三朋友一齊再去食個lunch先，因為傳單度寫餐廳soft opening 3送1優惠，4個人去食都係每人$150左右同埋有個outdoor位夜晚去飲野應該幾舒服，又要約朋友得閒上去摸下酒杯底見到drinks list d價錢，喂，好ok wor，原中環都可以平平地飲杯野喎…查看更多