Staceywsy's Profile

見到佢11點幾仲有得食早餐，加上出面落大雨費事行，所以決定食呢間。由入門口開始，完全冇人招呼，入面勁多位，但係截住晒喺門口冇人帶入位。開頭諗住算啦，求其食完個早餐快快趣搞掂就繼續等。點知落單開始計，半個鐘都未齊成份餐。見到附近啲人已經不停催佢哋，但係一樣冇嘢食，所以諗住都係唔出聲慢慢等，點知一等就40分鐘係40分鐘都未齊嘢食，其實呢個時間真係好誇張，所以如果食呢間，一定要預一個鐘頭嘅時間，唔好諗住茶餐廳可以快食，要用食法國餐嘅心理準備，等咗咁耐以為好新鮮，嚟到啲包已經凍哂，入座率只係三份一，樓面有兩三個人，唔明白點解可以由早餐等到午市都知道朗豪坊做茶餐廳好難做，但係如果冇心做到咁，求其俾人開間咖啡店都好。…Read More

新北江哩間米線店一向好多人等，店面面積不大，可以容納唔多人。今次係打電話黎拎飛，去到唔係等好耐就可以入坐。要贊吓哩度d姐姐係超級好服務態度，EQ好高，即使多人等一樣好有耐性，有講有笑超有人情味。食物價錢唔貴，大大碗份量多，味道不過不失，熱辣辣唔錯…Read More

餐廳位置唔多，慢煮係真係好慢下既，所以一定要預留非常之充足嘅時間，大概等30分鐘先會有野。食物供應比較隨緣，坐低叫魚湯飯話無，嘢食一上隔離嗰枱有🤣問返原來突然之間有返供應慢煮紐西蘭牛扒沙律🥗$88牛肉非常非常非常韌，以哩個質素，CP值較低。西京燒雞扒便當 $51溝咗紅米飯🍚，冇醬汁，味道淡，不過由於餐廳標榜健康，所以呢個味道可以接受。青椒🫑由於冇乜點樣烹調，所以幾爽脆👍🏻套餐C溏心蛋+巨峰提子梳打 $19糖心蛋嘅汁好味，不過應該係現成嘅🙈提子梳打一般，都係淡味，符合健康主題。今次黎試係因為新開，未食過，見到好多笑哈哈，整體感覺一般，唯一優點係以健康作為主題，有佢嘅獨特之處。不過未必再幫襯，…Read More

呢間餐廳嘅可取之處就係門口放咗幾張枱，俾啲人可以帶寵物過嚟坐喺門口。嘢食係有味嘅，意粉係熱嘅班尼迪蛋係唔合格嘅，將一隻烚熟咗嘅蛋放喺一塊硬嘅麵包上面，然後隔離再加一啲西生菜🥬同照片係不符嘅。員工好多，但係全部都係冗員。由入門口開始，已經係零招呼，自己搵位坐低，叫佢俾杯水，有say OK，但係唔會俾你，全部自己搞掂。咁啱隔離有人企咗喺度，同佢打聲招呼叫佢落嘢食，佢有回應嘅，如果唔係爭啲以為要自己寫單😅零服務，全自助，只係爭在唔需要你入廚房攞嘢食。雖然嗰個位置唔係熱鬧嘅地方，不過我都建議哩間餐廳可以結業，等其他有心做嘅小店進駐。不過收枱係快手嘅，完咗先知道間嘢啲員工係會郁嘅。…Read More

椅背好直，坐落唔舒服，好彩另一邊係有梳化位，不過就難為坐硬櫈嘅朋友茶用茶包，味道偏淡。$3位唔貴，當飲水啦😆鳳爪排骨飯$38個蒸飯望落雖然好大份但飯多餸少，豉油無味，排骨同埋鳳爪味道都偏淡。姫松茸燉雞湯個湯夠熱，加$27換，比其他點心舖嘅份量少。鹹水角$21煎炸野等得比較耐，超過半個鐘先起好。鹹水角熱嘅，始終都炸咗半個鐘，啲皮非常之厚，食落似係翻炸嘅，好痴牙。$21唔抵食。總結：性價比偏低，唔會再幫襯…Read More

意粉得幾條，不過個汁幾好味。侍應服務態度唔好，唔耐煩。性價比唔高，嘢食份量唔多，叫咗個四季Pizza，其中一款啲鹽未煮溶，非常之鹹，入口仲食到一粒粒粗鹽。未必會再幫襯。…Read More

呢間野啲阿姐服務態度認真麻麻，喺正你後面都可以叫六七聲唔應，仲要擺明聽到，只係背住你舉下隻手就完咗。叫佢倒杯水叫咗半個鐘唔理你，最後自己倒。開頭啱啱一落完單，想改嘢食，佢就話唔改得，已經同你落咗，咁冇嘢啦，都預咗改唔到。點知隔離枱幫人哋落錯單，而佢落錯嗰樣嘢正正係我想改嗰樣嘢，佢就放返去廚房，隔10分鐘出嚟問我：你頭先咪要改單嘅，依家幫你改，我即刻拒絕。之後再隔10分鐘問多次，我同佢講，咁其實原來你連我本身叫嗰樣嘢都冇落，我取消埋啦。啲嘢食難食，就唔關服務態度事，係真係難食。…Read More

食物味道唔錯一坐低即刻殷勤俾一大碗湯，湯好飲，夠熱。涼瓜牛肉飯牛肉好嫩，好食😋豬扒早餐個豬扒太乾、好韌，唔好食。腸仔同蛋都好味。奶茶好飲，華田正常。可惜店舖污糟唔衛生，呢個望落已經知道，見到員工換餐牌直接踩上張凳度，之後都唔會再清潔返。…Read More