hk.foodie's Profile

叫雞梗係去西九8樓啦，果度有起碼5檔以上賣雞，岩晒啲雞迷本身想食89，但無開試左呢間一試難忘，要轉機老闆應該係泰國人，好nice, 雖然出餐速度有啲慢，但見到佢好有心思咁砌靚盒飯見到都胃口大增本身我地3個想要3盒雞飯，可惜生意太好賣晒2個照殺，加個豬頸肉飯先講雞飯，雞好油好靚，份量大，啲雞嫩滑得黎有口感，雞槌超重雞味，好juicy, 好正油飯一d都唔油，仲好香味，抵讚！奈何，弱弱的我覺得個汁太辣，個汁係好香嫁，但我食唔到個汁既香料，值得讚既係佢好有心機，個汁係佢自己blend 爛佢整嫁，絕非現成。配送既龍眼汁真係岩晒，解辣到豬頸肉，絕對優質，尤其是個汁，好香！豬頸肉好香口，優質西九真係一個平民美食天堂，野食好味，價錢平！…Read More

今日黎到西九8樓食咩好？我決定叫雞啦！！！見到有檔良記未食過（太耐無去）決定叫半隻雞返屋企食半隻海南雞$70 見到師傅切梗，已經見到好滑好滑好滑（重要事情講3次）老闆娘好親切甘問我啲醬有冇要求 要邊款醬好喇，開餐！海南雞皮好薄，唔肥，無乜脂肪，雞好嫩，真係好滑！！！嫩得黎唔會唔熟，我最怕血淋淋呢個嫩得黎，一滴血都無不過係個海南雞醬唔係我心水，似係現成醬見到西九好似裝修梗，應該又有新鋪開下次再去西九叫雞…Read More

今日好大雨，速食完就返屋企，好驚行雷 劈死我來到皇后街街市，第一次試呢間泰國野叫左個海南雞飯同豬頸肉飯老闆應該係泰國人，速度相當泰國海南雞飯啲雞是我最唔喜的胸位，心諗一定鞋到母親都唔認得，但又出奇地唔算鞋，唔錯唔錯個醬汁唔係我杯茶。啲飯好Q油，食到最底，油到我唔敢食。豬頸肉飯等左好耐，豬頸肉唔香，仲以為佢會即燒好正添咪住，因為個咀太油臨走飲一飲我男朋友杯凍檸茶解油，有驚喜！！！原來係泰式茶底，仲要好好好好味，好後悔自己叫左熱0水，有下次！！！…Read More

麻甩朋友聚會，當然食麻甩野，朋友誠意推介高高，話佢個冰鎮古嚕肉好掂喎，OpenRice 評語好壞參半，一於去試下去到8點左右，已經排晒隊，好彩友人早到拎枱叫左古嚕肉，小炒王，炸九肚魚，帶子西蘭花，炸得夠乾薯仔牛柳粒冰鎮古鎮肉好有睇頭，一大盤冰，肉就唔多，味道偏淡，但都好脆口OKOK 呢味唐X小X 好味好多小炒王都係好有睇頭，超大碟，事因佢炒左啲炸芋絲落去，我都係比較炸九肚魚炸得夠乾身帶子西蘭花有鑊氣，好味，好香薯仔牛柳粒全枱最唔掂，啲薯仔唔香口，牛肉粒咬到我牙甩都咬唔到Overall我唔推介，但搵個地方聚下都唔錯既，價錢平！！…Read More

聖誕節來到上環食咩好？全部西餐/coffee shop, 呢間冰室好搶眼！聖誕唔叫雞對唔住自己！Menu 寫係海南雞，但我覺得似係鹽焗雞味，又幾好味喎，唯一係我覺得個汁可以酸少少，開胃啲！有半碟都係雞肉，仲要去左骨，岩晒我呢啲懶雞迷！另外朋友仔點左雞扒飯，雞扒好嫩，同埋醃得好入味，好香，唔駛點任何汁都可以送到飯！2碟份量都好大碟，價錢50幾蚊個餐，抵食！！！琴晚食完劣質聖誕大餐，今日食返高質野，滿足滿足門口仲有得泊車，仲有outdoor seating…Read More

聖誕節朋友book左枱食聖誕大餐，因為係朋友介紹關係，就揀左佢首先starter 個帶子海膽無乜味，但口感算唔錯另一個starter係鴨肝creme brulee 配多士，呢個真係味道好怪，咸creme brulee都係第一次食之後蘑菇湯，溝得太多水，完全無味到主菜，我揀左牛扒，味道都唔錯，隔離有汁點，有個綠色汁有啲蔥油味，點牛扒又幾襯我朋友揀左豬扒，嘩真係硬同鞋過我塊臉呀好唔掂呀最後，甜品有2個，朱古力 mousse，造型幾靚，味道一般般啦，都可以既另一個椰子雪芭，入面有蛋糕，怪到爆，未食過甘怪既甜品成餐飯唯一滿意既係service, 真係唔錯，雖然上菜極慢，最後一夠鐘就趕你走，但啲staff真係幾有禮貌，抵讚！！張凳搖搖下，唔好坐到極點！！…Read More

今日來到西九8樓food court，見到呢間新燒味店好多人幫襯，一於去襯下熱鬧原來甘多人幫襯係有原因，就係一個字！「平」！有幾平？真係好平！$15個燒雞脾飯！諗都無諗就叫左一個試下！有一隻燒雞脾飯，仲包埋例湯，真係返返去十年前既價錢燒雞脾燒得好靚，賣相好好。味道都非常唔錯起碼入面啲肉仲熱，雞肉好嫩，不過近骨位有少少紅。另外，好多飯，飯質非常唔錯，好過佢呢個位上一手果間燒味真是非常抵食，又飽肚！以後都會再食…Read More

比佢裝修吸引到舊香港風格，好靚呀！叫左個原味雞蛋仔$15，凍奶茶$17同咖喱陳皮魚旦$10@12粒，價錢係深水埗唔算平，不過可以搵返細個既回憶，一啲都唔貴呀！雞蛋仔同出面既好唔同，佢好足料，入面唔係空心的，但無出面果啲甘脆，食完好飽飽凍奶茶無冰嫁，全杯奶茶，抵飲不過我覺得唔夠凍，凍啲會再好飲啲咖喱陳皮魚旦好有舊時既感覺呀，好彈牙，如果可以再辣啲就好喇，唔太夠入味下次要試埋雞翼尖見到是2個年輕人創業，加油…Read More

呢間食過佢既飯卷好多次，應該係我食過最好味而且最平既韓國飯卷，好味過尖沙咀韓國街既多多聲店主係正宗韓國佬，佢唔係好識講廣東話，個感覺已經好似去左韓國甘另外，老闆好nice, 好高大（雖然溝通唔到）好喇，係時候入返正題，個飯卷即買即包，一客有14件， 25蚊咋！平得好過份！啲紫菜有陣麻油味，入面有甘荀，蘿蔔，火腿同沙律醬，食落好香好開胃，仲送杯茶杯茶同個飯卷超夾價錢又超平，性價比超高，極為推介!下次要試下佢個煎薄餅…Read More

食完水門雞飯，梗係要食埋甜品啦，排晒長龍都要等食$10@4球雪糕每次食親佢都諗$10蚊有4球係點賺錢嫁？老闆呢啲真係辛苦錢，好有良心我點左2球蜜瓜同double chocolate, 佢不出來啲雪糕係唔會溶，應該無將隻不放落熱水浸，先可以keep住個溫度唔溶，但老闆就辛苦要大大力不。蜜瓜雪糕果浸味好fresh, 唔會好似有啲地方食果隻味好假甘。double chocolate 岩晒 chocolate lover, 朱古力味好濃，但唔會太甜炎炎夏日最岩飯後食杯雪糕好滿足呀！…Read More

睇到網上好多推介水門又平又正，所以成日都想試，次次去到都唔好彩，唔係撞岩佢地落場，就係無開。今日我就早啲去，好開心見到佢開點左個雞飯，$30送碗湯好驚喜，竟然有雞脾啲雞超級超級 嫩滑，好有雞味添，雞皮下冇乜脂肪，好滑好香。個油飯都好抵讚，好香，正到爆成碗清晒唯一唔好既係雞太少，唔夠我食大佬呀，$30食海南雞飯仲想點喎？我估真係深水埗先搵到啲甘平既雞飯另外，老闆好nice好有禮貌！搞到我聽日又想去食添…Read More

下午茶唔知食乜好，就來得cafe 360 嘆下平時lunch time排隊排好耐，下午茶時間唔駛排下午茶價錢係深水埗區都叫貴，40蚊up，但叫做坐得舒服，服務又好我點左個焗雞肉通粉，份量不多。等左五分鐘，就已經上餐，熱辣辣好正，雞肉焗完都好滑，唔好鞋十十，吱埋啲檸檬汁係上面，異常地夾，如果通粉份量多返少少就好喇另外，包左一杯餐飲，我叫左杯洋金菊，好fresh見到隔離枱叫左waffle ,個賣相超正，下次一定試…Read More

想飲珍珠奶茶，所以上左來試下之前係太子見過，覺得裝修不錯，幾chill，所以一直都想試下入到來，類似快餐店型式，先自己搵位，再去買飛我揀左個美極煎魚柳，貪佢加大蚊有得加杯珍珠奶茶另外朋友叫左個焗飯，冇包野飲，total $150等左五至八分鐘就有得食，甘我地習慣用紙巾抹左兵器先食，隻隻匙都勁dirty,有啲汁漬，抹唔甩，係突起果隻漬，仲差過茶餐廳，呢度先扣五十分。好喇，到我碟飯，賣相好一般，又係衰過茶餐廳，食落啲魚柳梅到爆，好彩有美極陣味蓋住，好失望份量都ok ge，但味道真係有待改善。而我最期待既珍珠奶茶，可能唔係我杯茶，奶味太濃，毫無茶味😒失望本身諗住試埋佢個珍珠pancake ,但都卻步了食物賣相太差無影相…Read More

行過見到有新野開，叫Coco既珍珠奶茶店，之前聽過未試過，唔知好唔好飲，但見佢買一送一，唔口渴都朋友一人一杯試下店員服務好好，我要左熱珍珠，我朋友要左凍，大家都係半糖因為真係好驚啲超甜飲唔到係執邊bar 枱等左兩至三分鐘就有，甘多人買算快手味道唔錯，奶茶味濃又滑，而珍珠唔會林滋滋，好有咬口。仲要超級大杯，我飲左一杯已經飽晒，唯一覺得奇怪就係明明我杯熱飲點解用膠杯雖然溫度唔太熱姐，但用紙杯好似好啲不過二十蚊買一送一仲有啲咩好講丫真係性價比高!另外，佢仲送左兩張減五蚊卡比我地下次用:)會再來!…Read More

去到太子，梗係食七喜👍高質兩個人去，點了三個餸: 蜆蚧鯪魚球必食每次去必點，新鮮炸起，熱辣辣，食落肉質好彈牙，唔食魚既我都唔覺腥，真材實料，又唔會成口粉同太油生滾蠔仔粥沙煲上，真係生滾，上枱仲滾梗，岩晒宜家天冷食，粥底好綿，味道好正，蠔仔都好多粒，係我食過最好味既蠔仔粥白洽豬雜唔係度度有得食，亦都唔係人人敢食雖然白洽，但豬雜好新鮮，好鮮甜，下面有少少芥蘭做底，誠意推介每次來啲姐姐服務態度都好好，好nice!…Read More