hkdonaldduck's Profile

8月25日，3號風球的下午，平日見呢間拉麵店很多人光顧，今日因天氣關係，不多顧客，12:00到達的我，見店一半客都無，就膽粗粗去試下，掃完安心出行，有一位職員問：一位？你坐門口的面獨立位啦，你入面大L把位，點解要坐門口獨立面壁位呢？我明白，土地問題呀嘛，但係有2人細枱，餐廳又唔滿客都唔比，又係乜嘢邏輯呢？ok，反映後都比張2人枱我。我點咗黑貓，牛舌，可樂，一共$149黑貓，好咸，咸到苦，如果呢碗你占麵都話啫，你你湯麵喎，濃味就等如咸？牛舌，一樣好咸，肉質軟淋的，不過都係好咸可樂，正常，夠凍，100分$ 150食個咸到疑為自己味覺有問題的Lunch, 衹可以怨自己農曆7月鬼黯眼入咗去…Read More

今日放假，瞓到自然醒就搵間酒樓食個下午茶，平時無乜幾何㗎嘛，上到去230pm, 門口知客無招待，咁就自己入去搵位啦，可能午市剛完，十張吉檯，九張無人執，去到房位有執好的吉檯，我都醒啦，問咗佢仲開唔開先坐，估到佢話唔開㗎啦。好不容易見出面有張未執的細檯個部長執緊，咁我咪問坐唔坐得啦，部長回應係，你要出去攞票，好，我忍你呀，咁我就出去攞，之後知客話你直接入啦，比咗張點心紙我，入到去又係要自己搵位，搵返頭先張檯，結果條部長都係唔比我坐，要去張12人大檯搭檯，我明，地方問題，但有位有檯唔開比客就係你的問題，我係來真金白銀付出買你的服務，食品，你有加一服務費，唔係茶餐廳，大x樂，又要自己搵位，搵到又唔比坐，葵芳得你有茶飲咩。結果唔食走人1…Read More

新年假期的早上, 新都會廣場啲食市間間都full, 敏華, euro gogo, 太興都full 晒, 得返東海堂有少量吉位, 咁就嘗試吓啦早餐得炒蛋, 菇菇同牛角包, 跟凍飲, 大約HKD 45蛋, ok, 熱的, 但唔滑, 唔算好香蛋味牛角包, 凍過凍飲, 又唔脆, 無香濃牛油味, 雖然唔難食, 但估唔到係凍囉, 好心佢求求期期都放入叮叮爐叮叮佢呀菇菇, 咸到呢, 我終於知道甚麼是咸到苦, 真係想問佢攞杯水洗吓佢先食凍奶茶, 係全份早餐最好味, 茶夠凍, 有甜味, 有茶味…Read More

100%的真金白銀付出, 所得到的只有半盒的飯盒今天下午到海港城大家樂買飯，返到公司一打開盒飯，真係呆咗2秒，唔知比乜反應。之後只可以用我所識的粗口去型容佢.....少少.........…Read More

這間茶記一年前食過一次早餐，碗麵未煮熟仲硬就serve 客，之後就一路無幫襯過。今日突然想食海南鷄飯，上網睇完Openrice 啲食評話佢好食就放工去試吓。坐下來，餐廳有2枱客共5人，火記就3個，同一個疑似老闆的男人。看完餐牌。叫咗個海南鷄飯，一杯凍奶茶少甜。姐姐就放下張寫住$54的紙。好啦，約3分鐘，凍奶茶先到，隻杯比一陣茶記細少少。茶味不濃，不夠滑。可能要他們的樽仔奶茶會好D。但不算難飮，可以啦2分鐘後，海南鷄飯到。一睇……D鷄會唔會少咗D，個飯又細咗D? 不過算啦，最緊要好食。先講個飯，ok的，夠乾身，有香芧味。不太肥D酸蘿蔔超難食D鷄……好瘦，好似鄧兆尊咁瘦，皮唔爽脆，比較鞋口食完走啦。比張姐姐寫住54的紙比櫃位疑似老闆的男人，佢好粗聲粗氣問我食咗乜。我答佢海南鷄飯，凍奶茶。個男人就大大聲話60蚊呀。夜晚正價。唔係這個價。講真，54蚊同60蚊只係6蚊，不是大金額，況且錯不在我。㸃解要發我皮氣。你好聲好氣解釋比個客會唔會好D?這 黑 店我以後都唔會再食。永久blacklist.…Read More

天氣凍, 想買D餃子打邊爐,近排網絡上熱捧圓方餃子, 星期六晚去開深水埗食野, 就順路想買D餃子星期日夜晚打邊爐.星期六晚大約7:30 行去購買, 門外排了大約6-8人等候入座堂食,有個叔叔坐响門口(老板)包緊餃子. 咁我就入去櫃面話想買餃子.櫃面話今天賣晒. 心想老闆坐响門口包緊餃子, 你同我講賣晒, 有無搞錯呀.好, 算數,明天再來買星期日下午大約3:00再去, 當時唔見老板坐响門口包緊餃子,入去問櫃面話想買餃子. 答案都係今天賣晒當時真係想爆粗, 你地係唔係做生意架.你食物幾好食都好, 無得賣即係無得食, 無食過就唔會知道好唔好食.我就會blacklist 你, 無論你幾好食,我都唔會幫親, 世界上唔係得你一間餃子店. 希望你早日結業…Read More

後生女仔看檔，態度十分之寸。説話無尾音。數錢放在個櫃面時，大聲無禮貌叫唔好放錢在這裡。今時今日咁樣態度，你D嘢幾好食都無用。我今次第ㄧ次想去食，但咁的服務態度。無緣。…Read More

這是第一篇openrice 食評，以往一直無食市使我有沖動去寫，今次真的勞氣了. 新星 - 平常都不多光顧，只會假日去吓飲茶，但是現在亦少去了，附近太多好選擇，不過有時夜收工或假期就買吓燒味飯或特價燒味，$68一斤燒煵仔，皮脆肉肥，放縱吓係唔錯，$28一個雙拼飯包百事一罐，這價錢亦無要求.剛剛週日晚，見叉燒特價$68一斤，就打算買一斤叉燒，一個雙併飯，返去橕枱腳啦.入去同收銀姐姐講，一斤叉燒呀唔該，點知收銀姐姐話買晒，嘩，星期日，工廠區，6:30就售罄，有無咁好賣呀，ok, fine, 無得加餸，就買2盒雙併飯啦，比張500蚊佢(滙豐新版500)，收銀姐姐的回應係，無散紙，嘩，我真係O晒嘴囉，咁大間酒樓，啲叉燒又賣晒，竟然無得找.姐姐, 你玩野呀, 好, 無得找, 咁唯有唔買啦, 你估得你有飯賣呀. 酒樓食品非常重要，新星的出品已經退步不少，看他晚上火鍋的生意已經今非惜比，重要請啲咁的員工，只好祝你一路好走，天堂之路不遠了…Read More