xiao*ning*'s Profile

成日都想試新野之前多數都會做足資料搜集先去今次例外行行下忽然想試朋友又冇異議就入左去本人十分喜愛酸辣湯底於是未揀送已經揀左酸辣湯底 最終: 新海洋之光中酸辣米線有蟹柳呀...魚肉呀...其他唔記得因為成個米線都冇重點令我記住佢湯底...食得出有辣, 但唔'野'味野食好中規中矩冇記憶點:(朋友叫蒜香豬扒撈上海麵好淡冇蒜香味:(但都係果句:中規中矩想坐下, 食下野, 涼冷氣為前題的話都可以既總之唔食同食左都冇損失…Read More

由於上次食下午茶印象唔錯, 所以決定再去 (食左好耐都未寫返tim)今次係食午餐!同上次一樣, 唔洗等位因為下晝去, 日光透入黎好舒服利用自然光, 幾好!身為香港人既我, 特愛食港式野, 炒河亦係港式茶餐廳中佔一席位!所以望左陣餐牌, 好快下到決定------- XO醬叉燒炒河 果然冇令我失望河粉唔會太油, 味道適中! 係會再叫既item唯一係想d河粉幼身返少少(呢個係個人口味姐)個餐有湯 + 野飲可惜我胃冇咁大…..食唔曬(我諗對男仔黎講應該完全冇問題)…Read More

前幾日行行下友人話肚餓, 我又攰見就近就入左去D位麻麻舒服, 餐廳偏細好快就坐爆我個人對葡汁有點好感但礙於出到街太多其他選擇加上又唔知邊到d葡汁真係好食(同埋..肥)所以極少叫 見到個menu有葡汁野, 剛好今日想試喎把心一橫, 就你啦!(一黎到就比個碗辣親, 大家小心:( )食落真係好好食唔會太椰, 調味又適中下次黎係一定再叫!!不過另一個_ _ _ _ 炒烏冬就差d (唔記得個名)味道係幾好但… 太 ~ 油 ~ 喇 ~ (硬係覺得食完我個胃會好唔舒服…所以冇食太多)如果呢個唔咁油係好食咖!…Read More

夏日炎炎……胃口總是飄忽。吃一口涼麵, 喝一口冰涼飲料在某程度上為我降溫不少_________________________還記得荃灣碼頭有一間 ‘普洱’, 前身叫 ‘滇園’! (鋪面完全沒變)如今‘滇園’ 只剩下悅來坊附近這間了也許是執著 (?) 我始終喜歡滇園今次叫既係 “菜肉餃餌絲” 『餌絲是中國雲南食品。與米線有 異曲同工之妙。簡單說，餌絲就是用米替代麵做的麵條。截面是方形，區別與圓形截面的米線。由於工藝上的差別餌絲的質感沒有米線那麼滑溜。餌絲外觀潔白，偶 有麩皮夾入其中。質感厚實，煮熟後仍有很好的彈性。經典吃法與麵條無異，然口感絕對是不一樣的，跟內地稱為米粉的東西也仍然不同。對餌絲的偏愛存在地域差 別。滇西和滇西北人比較愛好吃餌絲，而滇東滇中一帶比較喜歡米線。著名的餌絲是騰衝餌絲，以耐儲存出名，還有有名的大救駕。大理餌絲則以厚實筋逗贏得眾多百姓的喜愛。』 - 轉至維基百科哈哈我之前第一次聽到餌絲真係完全冇頭緒但本住 “人生在世, 乜都要試” 既精神, 我決定一試!試落, 又ok 喎!同平時食開既麵好唔同, 係似…年糕 (個人認為呢個質感… 凍食最夾! )配上酸酸甜甜既麵汁Good!(其中一個黎滇園既原因就係涼拌餌絲!!)但叫餌絲前請你確定自己真係肚餓因為真係幾飽肚!另外要推介飲品-----芝麻奶茶!!!!又唔係一味甜(我飲唔到太甜), 芝麻又香! 正(哈哈飲完記得照照鏡! 如果唔係d 牙有芝麻就唔好啦!)…Read More

優雅的環境柔和的陽光風扇轉動的倒影……暫時令我放低心中煩惱:)邊個話一個人食唔浪漫?一個人一杯靚奶茶望住餐具上風扇轉動的倒影浪漫得很由於減肥計劃又開始(雖則減肥二字掛在嘴唇邊說了N次)唔想食太正餐所以叫左個三文治餐 : 冰火三文治!!!!!!但份量原來都不少講下今次主角:冰火三文治顧名思義, 有齊『冰』+『火』2種口感係呢到, 冰係冰凍吞拿魚 火係熱辣辣ge蛋!2樣到出乎意料好食!蛋同吞拿魚係茶餐廳黎講真係值得一讚!(蛋好鬆軟! )但記得叫呢個ge時候把扼時間食, 因為耐左d吞拿魚比d蛋搞到暖左就冇咁好食!另外要讚下奶茶夠香 + 濃茶冇過火第一次黎講, 印象真係唔錯會再黎!…Read More

「放題」 二字經常在我生活中出現無他, 身邊友人10個有9個都愛食日本野, 凈低果個都會失驚無神1-2個月1次左右話想食日本野(但我仍然係每次聽到都好驚喜)再者, 唔知幾時開始, 朋友間聚會, 無論傾緊食咩都好, 總會聽到有人建議「放題」不過!今次想講既, 唔係呢間既放題係佢地午餐鑒於呢頭都幾就腳(就我腳)又未食過佢放題以外既野一於衝左入去再算!入到去見到好~~~多~~~~人~~~~~~都幾多附近上班一族過黎食本身想食冷烏冬/麵, 因為真係好熱但後來見到隔離台碗魚生飯咁靚心郁郁又叫左個「京蔥吞拿魚飯」餐(唔知冇記錯名) 論賣相, 都ok咖尤其係個木筒, 好得意! 日本人果然係食呢方面果然係連視覺上都兼顧到但「好睇唔好打」(好睇唔好食)D吞拿魚同飯都唔得吞拿魚唔新鮮單單係呢點已經將佢既分數減半畢竟魚生係主角飯冇醋味我好少食魚生飯會有淨仲要今次淨既係魚生:(下次唔會叫呢個喇…Read More

日本野簡直係我人生中不可或缺ge野唔開心:食日本野開心: 更加要食日本野行開呢頭醒起好耐冇食呢間由於食過幾次知道水準ok, 於是就咁撞左入去今次主角:三文魚親子飯(好肚餓唔記得影, 到記得ge時候已經面目全非)*三文魚: 新鮮 / 水準+份量正常*三文魚子: wow! 好多! 冇三文魚咁新鮮2者夾埋ge化學作用令我覺得呢個下午好滿足!:)…Read More