fran520's Profile

今日放假，約左朋友食lunch。朋友想飲茶，我地都有實驗精神，就揀間未試過嘅酒樓黎試下。因為係婚宴酒樓，所以地方很大，樓低都算高，不焗束。lunch有燒味餐及點心餐，但我哋就散叫咗點心，款式可以試多d嘛。蝦餃-幾好喎。蝦爽，皮唔算厚鼓汁鳳爪-一般啦～感覺唔夠淋薄罉-質地唔夠煙韌，味道還好叉燒包-餡偏甜粉果-味道ok,不過皮略厚尖椒釀鯪魚-唔錯喎，3隻都帶辣叉燒腸-好多芫荽呀😭我唔食的。灌湯餃-又貴又唔好食。大家可以慳返。早知叫多籠燒賣好過。離開後，覺得口渴。。。下次都係去樓下富臨。…Read More

今日陪家人入院做小手術。約了11點入院，兩點手術。安頓好一切，待家人進了手術室，我就去搵食喇。在放間看看餐牌，正餐價錢大部份都在$100以上。上openrice 搵下，原來堂食有常餐及午餐，所以動身到餐廳去。一入去只見到正餐menu，心想，點解無左平set嘅。想好食咩，轉身去cashier,就見牆上掛了set menu。咁我就平平地叫左個常餐食啦，沙嗲牛肉通，齋啡，雙蛋火腿餐包。沙嗲味唔濃，通粉係細細粒，有咬口，唔會淋pat pat。👍🏻齋啡沒有酸味，茶記feel。火腿質地及味道唔錯，可惜雙蛋全熟無蛋油。餐包就無烘嘅餐包啦。$58，私家醫院canteen，我覺得合格。味道唔濃亦是正常醫院food👍🏻👍🏻…Read More

今日要跑兩場地，中間有2小時空窗，想起Coffee Alchemy 可以坐下嘆杯咖啡，所以就黎左喇。見要坐咁耐，唔好意思只叫杯咖啡，所以就order左個keto matcha rollcake. $61都貴貴地，不過我食唔落主菜都無辦法啦。從來未食過keto甜點，沒有我幻想的怪味。“蛋糕”部份無正常嘅軟熟，但也算唔錯。餡嘅部份有淡淡抹茶香，質地比正常cream散，但都算滑溜。減肥或有病又想食甜品，都係唔錯嘅選擇。可以平返少少就更好。咖啡我只飲黑啡，味道是帶微苦，沒有酸味。是我喜歡的口味。整體感覺😃😃😃😃…Read More

工作忙，壓力大就要好好對待自己。雖然一個人食飯，亦可享受寧靜。今次叫左個午餐LA骨加配荔枝梳打。服務員先上了一些前菜，呢度前菜是可順便添的。泡菜味道偏甜，我覺得蘿蔔漬最好食，因為超爽脆。上菜時先知LA骨，其實即係牛仔骨😆😆,牛味好濃，味道好好，肉多，骨唔大，但就牙力差d都會咬唔到，建議餐廳提供刀叉比客人。好不容易先可以完成6大件。荔枝梳打就正正常常，唔會太甜。對比過lunch同晚餐差價唔算好大，下次可約朋友食晚餐，試多d款式。…Read More

與朋友行到葵芳搵食。唔想食葵廣，新都會又太多人。就用Openrice找附近餐廳，找到Rosie。鋪位有d難找，因我們穿過商場跟著鋪頭號碼找尋，最後發現商場鋪號不是由順序。搵到餐廳，登記是需要自己有門口的紙上填寫姓名，部份電話號碼及人數。明白未必間間餐廳都有㩒飛或門口帶位，但餐廳沒有在當眼處寫明登記方法，個張紙又只用普通膠紙黐著放係個膠快勞入面，筆又係咁跌落地。點解唔好好放係一個位，及寫張紙叫人自己登記呢。。。等位約大半小時，入去時裝下左右隔離食d咩😆😆最後點了：1. 黑豚肉醬意粉意粉軟硬適中，芝士味濃，肉醬偏咸，但撈埋意粉食剛好。2.卡邦尼扁意粉面頭一大堆香脆嘅肉，不是用煙肉呀🤭🤭🤭香濃嘅蛋黃及忌廉味。扁意粉嘅硬度亦啱啱好。如果個汁可收乾少少就完美。3. 雞胸好淡，無味...如果有少少鹽或胡椒或七味粉就好了，但枱面沒有任何調味料。4. 蝦多士多士非常香脆，味道可口。兩杯飲品屬打卡系列，味道不值一提，只可以講下次只會飲水，將d budget叫其他食物試。我期待下次試其他款式食物。推😋😋😋…Read More

已經幫襯左N次，每次我都會叫燒魚定食。因為價錢相宜同埋佢地燒魚真係燒得好香。每份定食都會跟一個飯，一碗湯。個湯係足料㗎，不是求其開粉果d。有時會扮健康加多份芝麻醬菠菜。咁就成個下晝都好滿足，唔會四圍搵零食。😂😂…Read More

同朋友到土瓜灣，沿路行的食肆都唔係幾旺，唯獨經過九記就要等位，所以就入左黎食喇。由於生意好，所以2人需要坐大枱及搭枱。我地好快就決定食咩，但樓面姐姐卻好有性格，兩次拒絕幫我地落單，原因是廚房得一個師傅，咁趕落單都唔會快左過左一陣，佢招呼左其他客人就回來幫我地入單。我地叫左：1. 豉汁蒸鱔：鱔好新鮮，彈牙。下次應該要加到中size😂😂2. 椒鹽九肚魚拼鮮魷：九肚魚嫩滑，鮮魷厚身。但懷疑師傅唔記得落椒鹽兜🤔🤔因味道比較淡。3. 豉椒炒蜆：蜆肉無沙，都幾新鮮4. 酥炸大腸：非常邪惡的一味，但師傅炸得好透，大腸沒有一點肥膩感，仲好脆口。拼埋腰果，用黎送啤酒一流。5. 羌葱田雞煲：全晚最唔滿意的一味，因為田雞太咸，加上是最後一個餸，當時已經飽飽地。🤭回到家中，沒有感到有味精帶來的不適，所以估計餸菜都沒放過量調味。下次會再來試其他菜式。…Read More

食完九記經過就入黎食個甜品啦～同朋友叫左一個芝麻糊一個腐竹白果糖水share. 兩碗都加左清心丸，因為依家唔多地方有。先講下清心丸，感覺已沒有以前小時候食的嚼勁，只可以講係可以懷緬一下。腐竹蓮子糖水的蓮子唔錯，不苦而且有少少彈力。糖水不是杰身的，清清地，不太甜。芝麻糊質地好滑，質地濃稠，但略嫌芝麻味唔夠香，我個人比較鍾意芝麻味濃及粗糙少少的質感。下次會來試椰皇燉奶及當芒果遇上榴槤，因見佢平均的價錢都唔貴…Read More

尋日無意中見到某外賣APP有午餐一人送優惠仲有8折, 所以買左個set $66：有碗艇仔粥，一盒叉燒腸及一支豆漿。粥是厚身綿滑的，料都幾多。唔錯。腸粉當然不會要求係酒樓果D皮薄餡靚嘅質素，但以一間粥鋪黎講，我會比佢中上分數. 豆漿係膠樽裝大大支，不會太甜，但豆味亦沒有太濃，都算OK啦!今日再order散叫，試左皮蛋瘦肉粥，encore左叉腸。皮蛋完全沒有"拿"喉的怪味，但瘦肉略嫌淡左d。下次會試佢d油器。…Read More

假日相約朋友見面，行到附近就坐低食個lunch. 餐牌款式有牛、豬、雞扒，亦有牛肉飯，意粉類。加set A就可配飯意粉薯菜同餐飲。加set B就可再有埋餐湯。牛扒餐有standard 150g或加碼300g選擇。朋友點了一個standard size, 而我就揀左個燒雞扒餐。二人都upgrade做set A，叫左杯特大凍檸茶，無限添飲（不過咁大杯，我一杯都飲唔晒😂😂)。牛扒味道正常，size有d細，如果唔加飯、意粉，薯菜係會唔夠飽😅；反而雞扒有驚喜：皮煎得脆脆，但雞肉嫩滑，仲非常juicy，價錢仲平過牛扒一截🤭🤭。食物質素尚可，但位置偏僻，我應該唔會再專程來🫠🫠…Read More

依家d食店好多都收好早。8點幾就諗住求其坐低搵食。路過呢間收9點 （8：30截單，好在趕得切）就入去諗住醫肚。餐牌好多頁，有選擇困難症嘅我真係唔知點揀好。最後就叫左個平時好鍾意食但好少食到好食嘅西檸雞扒+18蚊仲有湯有飯。例中湯係西洋菜湯，不過不失，淡淡地，起碼唔係味精水。西檸汁不是杰撻撻的那種，不太酸亦不太甜。雞扒粉漿不會上得太厚，雞扒亦幾嫩滑。總括而言，都算唔錯，食完返屋企無口渴。下次會想再來試試其它菜色。…Read More

友人放假專程到我公司附近陪我食飯。兩個帶咳嘅人就去食呢間燒肉。🙈🙈餐廳名就係燒肉，但其實menu都有好多唔熱氣嘅選擇。今日我地兩個就叫左個lunch set 壽喜燒 同單點一個溫泉蛋和牛飯。味道還可以，個飯嘅份量就比較細，如果只食個飯應該唔夠飽😅😅另外一提，當日午市人唔多，侍應在餐廳內見我地企門口等都無出來招呼。我們企了大約5分鐘，侍應做完自己野先施施然行出黎問我地幾位。服務真係一般般，應努力改進。…Read More

與好友相約見面最想可以找到一個不限時的地方。飲茶通常都係最理想。新竹園軒已經幫襯過好幾次，喜歡佢枱與枱相對比較濶落之外還有點心是即叫即蒸，味道相當唔錯。3個人叫了10個點心（只影了第一輪5款），酒樓還送了糖水（馬蹄露），每人都捧住個肚離開。燒賣 -大大粒，沒有肥肉又彈牙鳳爪 - 正常蝦腸 - 蝦大隻，腸粉皮略厚但尚算唔錯魚翅餃 - 好少地方有得食，味道令人懷念叉燒包 - 正常叉燒酥 - 酥皮做得唔錯👍🏻芋角 - 脆面做得好鬆，沒有強勁臭粉味，內餡綿滑蘿蔔糕 - 煎得幾靚， 唔會只係一舊粉，有食到臘味粒牛肉 - 正常棉花雞 - 正常奉送的馬蹄露唔太甜，清潤，稀杰適中…Read More

朋友生日，想搵一間價錢相宜但又特別嘅餐廳，睇見好多網友都推介呢間打卡寵兒，而且地點又適中，所以就book左J Moon.由於book左枱，所以到達時立即被安排入座，但當時餐廳已滿座。坐低之後見餐廳門外已有人排隊，生意非常好。我同朋友order左一份薯條： 松露薯條，粗條，外脆內軟，好味。一份青口：青口細細，無腥味，配左幾片sourdough, 唔錯一個pizza：Parma ham火箭菜pizza批底薄脆，味道正常。一個Risotto：和牛Risotto, 份量唔大，但牛肉量按比例來說算多。味道幾好。一個豬鞍：肉質嫩，有豬味👍🏻👍🏻全晚之冠朋友生日，仲order杯特飲J Moon比佢，杯野味道正常，但用來打卡都值回票價。我就咳嗽未癒，所以就飲茶好喇😭值得一讚，餐廳侍應都很有禮。甜品還主動問要唔要寫生日快字句。唯一小缺點就是頭頂燈光太紅，所有食物相都。。。睇相就明。…Read More

朋友從外國回來，大家想搵個好食但又可以傾計嘅地方。又要就一個要返工嘅朋友，所以選擇黎mamaday.三個人食下午茶時段，餐廳不設下午茶set，菜單都係a la carte。我地各自點左一個主食，一杯飲品。主食份量都幾足。朋友一叫左個鰻魚蛋包飯，我地加錢要左全條，一上枱三個一齊嘩左出聲，最後食唔晒要打包一半😅😅佢飲左杯牛油果shake，好滑好似smoothies.朋友二叫左一個蟹鉗松露意粉，賣相加左好多分，味道都好好食，個面有好多蟹籽。佢叫左邊蜜桃茶，入面真係有蜜桃㗎😍😍。而我就點了一個炸雞沙律，d雞炸完都好嫩滑，唔會乾柴柴； d菜就好新鮮爽脆。我自己叫左杯Tiramisu coffee. 第一啖真係好驚喜，因為真係好似食緊Tiramisu咁。如果可以大杯d就好喇。餐廳好多打卡位，唯一缺點就係冷氣不足。但我地三個都認為佢嘅食物質素可以蓋過佢嘅缺點，係可以放入再翻黎幫襯嘅list。…Read More