Vian.Sian's Profile

8號風球一落波，我地就發現，無買餸！然後行行玩附近見到有任食火鍋就膽粗粗試下好老實 而加任食打邊爐 係基本野🤣所以都無好大諗法點知！佢仲可以任嗌串燒！刺身！仲見到可以活捉海鮮！我地仲見到隻蝦自己跳出黎！隻蝦跳出黎個下 唔知係米店員以為我地被嚇親 🤨仲同我地講「我地啲蝦好生猛 記住水滾先好放落去！唔！好！放！手！唔係佢會跳番出黎」我地即刻埋位揀湯底！🤣佢仲可以揀一人一鍋 唔使迫住一齊食一款湯底 見到隔離枱 8個人8個鍋真開心我地就嗌左一個蕃茄湯底 一個壽喜燒湯底火鍋配料牛肉，豬肉，雞肉，丸類，菜，都應有盡有。然後我地叫左串燒，佢串燒有鮑魚仔！雞軟骨！五花肉！燒菠蘿！呢啲係串燒店有既野佢地火鍋店都有！佢仲夠膽有蒜香燒蠔！另外佢有要個爐仔暖住，唔怕你一路打邊爐啲串燒會凍哂！好貼心！而且味道唔錯，有孜然味，少少麻辣粉，唔辣但麻！超食超上癮！我地去到海鮮區，佢又有鮑魚！都係任食任拎！仲有好多蜆殼類！仲有廣島蠔！蜆殼我地食左好多隻都你沙，好乾淨！但我地見到啲蝦咁生猛，唔敢食😅你咁都仲唔夠既！佢仲有刺身比你任叫，基本既款式，但新鮮好味！再黎另一個驚喜點！飲品選擇超級多！！手打檸檬茶！多肉葡萄！我係米去左手搖店呀😱同埋一個少少回憶殺，JollySandy🙊真係好耐無飲喇🤤然後佢地仲有好多款甜品！又有心太軟又有椰汁芋圓！但我地無能為力，實在太多嘢食太飽啦，所以我哋決定嗌個綠茶新地！佢仲要有珍珠，紅豆同餅碎係底！一啲都唔HEA!雖然全部野都係自助，加湯都係，同時加湯既水永遠都好滿，有人用左好快就加滿番，反而更加自在唔怕成日要搵店員！同埋店員收碟速度超快！唔怕枱面有好多野！店員好有善，見到我地嚇親又會講解下🤣，同埋執野手速真係不得了！係8號風球落波後食到抱住個肚走，真係不得了！…Read More

雖然話而加想食韓牛易左好多但都唔係話有就有加上 我地又心大心細 想食韓牛又想食五花肉上到黎 我地先比個維港景震撼左先跟住突然見到維港景下既「29週年感謝祭！無限激量五花肉添食」我地諗唔到唔食既原因！由於佢本身要生菜由要另外嗌 但嗌呢個感謝祭！係可以加$59一枱，任添！更加無原因唔嗌最後今餐我地決定嗌左中size頂級韓牛肉眼1++9級($538)，兩位任食比利時杜洛克橄欖油五花肉（$199x2)，加左生菜籃($59)，三色煎餅（$138），石鍋牛肉雜錦拌飯（$125），每人再嗌左飲品，奇異果汽水（$39）同埋石榴醋酒（$58）！餐廳好仔細，會分牛肉鐵板同五花肉鐵板，想燒咩先佢就會幫你換鐵板，雖然五花肉任食係有限90分鐘，但見到塊韓牛我地無辦法抵受引誘，我地決定先解決佢！中size頂級韓牛肉眼1++9級($538) ⭐️⭐️⭐️⭐️⭐️熱既鐵板一放落去再反轉！岩岩好3成熟，再拎出黎剪埋佢，岩岩好5成熟！由我地自己燒唔使店員燒，咁可以自己控制自己想要幾熟！食落入口即溶，好有濃濃既牛肉味！雖然有少少根，但唔會影響韓牛本身最滋味既地方！食完佢我地就麻煩店員幫我地換五花肉既鐵板！兩位任食比利時杜洛克橄欖油五花肉（$199x2) ⭐️⭐️⭐️⭐️⭐️個爐真係好夠熱，換左落去唔使3分鐘就夠熱落五花肉，90分鐘任食真係唔怕燒肉會用左大家好多既時間！我地都係咁燒係咁燒！生菜好新鮮，佢地都比左好足夠既配料同前菜我地，私心最愛大蒜+豆瓣醬，然後加水泡菜！真心香港唔係間間比水泡菜！加埋黎食，個味道非常夾，鍾意食辣既當然要加埋辣泡菜！肉脆香口！完全唔會覺得油膩！一舊接一舊！唔好比佢停！講起都想再食！當然唔可以忘記三色煎餅（$138）⭐️⭐️⭐️⭐️佢有蔬菜，海鮮同泡菜三款煎餅，我地揀呢款係因為想試哂佢地既煎餅，每款兩件，岩岩好每人一件！可能因為要整細細件，所以會相對多粉漿，但絕對不失原本既味道！最好食我地會揀泡菜煎餅！最有韓國既味道！本身比較鍾意食飯既我，覺得一定要嗌個飯！所以揀左石鍋牛肉雜錦拌飯（$125）⭐️⭐️⭐️⭐️⭐️拌飯係標準菜式，但必須要讚，石鍋夠熱！當加左辣醬再拌完 能夠再起飯蕉！一定要鍋夠熱先做到！食完咁多肉，先食佢，佢都仲熱，仲食到飯蕉！真係好幸福！佢仲有埋海帶湯，解一解膩同熱氣！飲品奇異果汽水（$39）⭐️⭐️⭐️⭐️⭐️同埋石榴醋酒（$58）⭐️⭐️⭐️⭐️⭐️ 兩款飲品都加左梳打水，食燒肉要飲有汽既野先開心！同埋少少酸，清清地解膩！同埋我地好欣賞枝飲筒，佢可以隔渣，唔會飲到咁多粒粒，真係可以大啖大啖飲！整體店員都好細心有禮貌，特別係因為我地要換鐵板，起初佢以為我地會先拼搏五花肉，但當我地見到韓牛改變主意時，佢地即刻幫我地換番個鐵板，唔會露出唔耐煩既態度！非常有善！地方坐得好舒服！仲可以望住維港景，本身一坐低諗住個咁靚既景仲可以睇到幻彩泳香江！🤣🤣🤣但掛住食野完全無位意🤣🤣🤣…Read More

朋友係餃子愛好者，介紹我地去食呢間！仲話一定要食佢既金沙餃！真係「餃」到我地囉囉攣要試番次，去到見到大排長龍，仲己經係兩個鋪位！仲見到啲外賣出出入入！見到咁 來都來了 我地就決定一次過食盡佢！叫左傳統既7隻韭菜鮮肉餃，配番佢地本身既椰子海帶鮮雞豬骨濃湯。再叫左7隻南瓜粟米鮮肉餃，呢個我地想試埋佢個惹味酸辣湯底，再加左米線！最最最最重頭戲就係佢地既王牌芝士粟米鮮肉餃！王牌緊係加王牌！我地要左10隻做煎餃加埋邪惡金沙餃！先黎左傳統既........ 韭菜鮮肉餃7隻（$39）⭐️⭐️⭐️⭐️⭐️勁多餡勁足料！好食係好食！但點好食都唔及佢個湯底咁癲！椰子海帶鮮雞豬骨濃湯！呢個湯我地絕對會為佢再黎！又鮮又甜！可能韭菜又足料夠哂濃味，再加埋呢個湯，完美帶出個韭菜鮮肉餃既肉味！大堆呀！我以後嗌咩湯餃都一定要黎呢間要呢個湯！暫時無食過一間餃子店個湯咁出色！跟住到既係......7隻南瓜粟米鮮肉餃配惹味酸辣湯加米線（$60）⭐️⭐️⭐️⭐️唔食芫荽既朋友注意！佢成碗放落黎個陣我非常崩潰，因為我係唔食芫荽既，好努力都唔能夠完全清除🥲!但好好彩，南瓜粟米鮮肉餃冇俾芫荽沾污咗！南瓜蓉好多好足，所以食落好香南瓜味，但個湯，雖然都冇俾芫荽沾污，但佢只係得個辣，無酸，本身會以為係上海酸辣湯或者係米線店個啲酸辣湯，可惜只得辣無酸，同埋如果唔食得辣既建議唔好叫呢款湯，因為都偏辣，同埋佢既辣味的確有多少蓋過左個南瓜粟米餃子！呢個有保留，但都好食，因為佢真係好惹味！重點大推！10隻芝士粟米鮮肉餃轉金沙煎餃（$72）⭐️⭐️⭐️⭐️⭐️我地係唔小心嗌左10隻架🤣但嚇我地唔到！全部食哂！雖然有左金沙鹹蛋黃既味，入口有遮到芝士味，但食落芝士同粟米味會出番黎！我地反而覺得仲更加好食！但係呢個做法加埋芝士會相對膩啲，但下次再嗌！我地都會咁嗌！（可能嗌番7隻先🤣）但叫個配搭真係幾襯！建議大家呢款加金沙！同埋佢既鹹蛋黃味真係好出，唔會覺得唔夠味，所以其實配咩佢都無得輸！總括嚟講，我開始有少少掛住佢個湯底！好想再去食！但可以既話可能會揀嗌外賣，因為地方相對有啲逼，如果食飯時間黎，搭枱都係在所難免，同埋唔知會去舊鋪定新鋪坐。員工都好快手，大家都唔會要等好耐！呢間係絕對會再食既餃子店！覺得個湯同個金沙醬無得輸，所有野都一定會絕配。唯一無酸辣湯有啲保留，但鍾意辣既人一定會好開心！…Read More

兩個人行行下想食下扒餐懷舊下 見到呢間叫金牌咁 咁岩睇到有扒餐價錢都合理 所以就走左入去試喇 我地揀左一個特選晚餐係鐵板西冷牛扒配司華力腸再要一個黑松露燴意粉配帶子晚餐話哂都為左個扒餐而黎 我地就先講講個特選晚餐係鐵板西冷牛扒配司華力腸（$216）⭐️⭐️⭐️⭐️可能你見到成$216仲話價錢合理 你聽我講埋先 我地加左好多野🤣 因為我地加左隻太陽蛋，又轉左特飲，仲加左半份蔬菜！本身其實個餐己經好有誠意，包左茶/咖啡呢啲飲品，包左個煙三文魚沙律，包左蒜蓉包，同埋紅/白湯，但我地見佢有新既特飲，係果汁梳打，覺得食扒要飲啲有氣既野，所以就加左個葡萄梳打。然後單純係覺得呢排少食蔬菜，就叫左半份蔬菜食下。煙三文魚沙律好食，好足料，汁都好夠。我地揀白湯，好多粟米好開心，蒜蓉包勁香口夠哂味！扒我地見到有啲人講，話叫幾多成熟都係全熟所以我地就揀左3成熟睇下佢點！但我地個塊又真係一上枱係3成熟架wor! 鐵板好夠熱，因為相機食先既我地講，影影下相就發現己經攪到塊扒去到7成熟喇，但係無惦到鐵板既位，係真係保持到3成既！所以無呢個話幾多成都全熟既問題！然後醬汁除左黑椒蒜蓉，竟然有個叫「紅波辣椒醬」！好過癮，少少辣，更加野味！同埋好彩加左特飲要葡萄梳打！非常襯！我地配左薯條，薯條跟呢個紅波辣椒醬仲配左，佢比既茄汁都唔使用！另一份黑松露燴意粉配帶子（$98）⭐️⭐️⭐️⭐️呢個我地就覺得黑松露味唔太濃，但菇味就好夠喇！帶子都好有誠意，全隻，唔會係個啲細細粒個啲！呢個餐雖然無湯無包，但佢本身都跟個飲品，諗起懷舊我地就決定跟番個「黑牛」！真係好懷舊同好懷念！佢好好，會比罐可樂你自己林上去個雪糕到！好開心好滿足！員工都好爽手又好有善，咁岩我地坐著個庫位，佢地成日都慢慢開門關門都會好有禮貌咁講唔好意思，唔會一野撞黎撞黎！…Read More

出街前岩岩睇完韓劇，決定今日要食韓國野！發現朗豪坊開左間新既韓式餐廳！仲要係近期成日係社交平台見到有人講濟洲開左間岩洞韓燒同呢間勁似！忍唔住要試下！叫左個罈仔五花肉揀左配炒飯，食食下追加埋燒芝士同年糕，再叫左韓式芝士蒸蛋！見到濟洲爺爺勁得意所以都叫埋！飲品嗌左漢拿峰梳打，同埋一個漢拿峰金桔雞尾燒酒一嗌完野食就比左個格仔盒我地，係一啲前菜，有傳統韓式辣醬用黎點五花肉，有個好香芝麻油既胡椒醬，有一格係生牛肉，一格係辣生魷魚，仲有一格有濟洲桔既沙律！五花肉配炒飯（$376）⭐️⭐️⭐️⭐️⭐️原來450g都唔少野！有專人Oppa幫我地燒埋，燒肉既石板好似岩石板咁，大細火完全唔使擔心，燒肉之餘仲會燒埋泡菜，杏鮑菇，蒜頭一齊燒！Oppa將五花肉放上，蔬菜放下面，五花肉的燒出來既油流到蔬菜到！精華呀！佢地唔係典型既韓燒用生菜包，但都跟左粉紅鹽，Wasabi同埋芥末，仲加埋前菜兩格既醬可以用黎點！最得意係佢地會燒埋個濟洲桔！我地試哂啲醬同粉紅鹽，仲試埋唧咗啲桔既汁落啲肉到食！我地覺得粉紅鹽最夾，當然傳統醬都唔會輸，但仲有個好重芝麻油既胡椒醬係好有驚喜架！燒緊肉既Oppa極力大推粉紅鹽！認證！食完啲肉，當然唔少得趁岩石板上有五花肉既油，轟埋個炒飯落去！個炒飯係泡菜炒飯，但我地覺得唔夠辣，加左啲佢本身燒緊既泡菜！推介大家留番啲泡菜加落去！食食下我地追加左芝士同年糕（$40）⭐️⭐️⭐️⭐️⭐️將年糕包住啲芝士食！原來係咁過癮！韓國年糕食得多，咁樣好似日式薄薄一片好似牛角咁都真係未食過，但佢唔似日式咁會發脹，佢會軟林林，再包埋個芝士，熱辣辣，好煙靭！韓式芝士蒸蛋（$68）⭐️⭐️⭐️⭐️⭐️個拉絲真係不得了！而且蒸蛋既湯超級入味！雞蛋打出好多泡泡所以空氣感十足，同時啖啖芝士，錦錦既蛋！想再食多一個！！！呢個五分滿分我地比十分！Jeju Yeah Yeah($70) ⭐️⭐️⭐️⭐️究竟佢係蛋糕，布丁定係慕絲呢？我地都唔肯定，但佢滿滿既黑芝麻味，入面仲有濟洲桔！特別同時好夾，再加埋側邊既雪糕，淋左桔既醬！成件事好夾，食完韓燒加一個咁樣既甜品，好完整既感覺！漢拿峰金桔雞尾燒酒（$48）⭐️⭐️⭐️⭐️見到濟洲桔咁出名，我地叫左兩杯都係同漢拿峰桔有關既飲咗，呢個highball，佢唔講有燒酒真係飲唔出，勁易入口，仲有埋熱情果咁，呢個用黎呃女仔真係好好！超易入口，食住韓燒好快飲完！漢拿峰梳打（$48）⭐️⭐️⭐️⭐️⭐️同樣都係漢拿峰，但無酒精既選擇，韓燒就係要配呢啲飲品，解膩同時有氣！唔酸，攪勻佢黎飲，絕呀！整體黎講，服務有埋Oppa幫手燒，絕對一流，韓國一樣既體驗，又乾淨，無油林林既枱同地，最令我地驚訝既係個抽氣系統，我地食完都唔會成身油煙味，袋可以放入櫈入面。走時完成唔似食完韓燒！大讚！…Read More

Tapas! Everyone loves tapas! 😎 Now here’s a fabulous Spanish restaurant here in Causeway Bay 🤩 A little bit out of the way, but worth the trek!The building stands out with its beautiful and unique architecture! Inside, you’ll be transported to a seaside Spanish home (even better during golden hour!) 😍The Pan Con Tomate ($55) has a nicely blended tomato puree mixed with some vinaigrette on a crunchy coca bread! 🤩 Refreshing and appetizing! The Chorizo Ibérico Tortilla ($95) is a cheesy loaded cake of fluffy eggs with a salty and savoury sausage bites! 😎Offered to us verbally, the Morcilla Bomba ($88) felt like a pepperoni loaded with cheese 🙂‍↕️ Not a must 🙌🏻The Suckling Pig ($390) 🤤 Amazing! Crunchy skin with juicy juicy meat in every bite! You don’t even need the dip to enjoy every single bite! 😍 Although, it’s a bit in the fatty side, so really consider this before ordering 🙌🏻 No Spanish meal is over without a paella 🥘 The Arroz Negro ($210) satisfied that need perfectly! Loved the sour cream mixed with the seafood-y taste of the squid! 😍On the dessert side, the burnt cheesecake ($95) was fantastic 🤩 The Crema Catalana ($70) was a creamy delight too! 😎 Though the Churros ($70) held no surprises 🙂‍↕️The Sangria was very refreshing with a white wine base, so it’s more on the sweet side ☺️ And the jug was so cute too!Moreover, they’re like the Spanish Haidilao 🤭 As in go celebrate your birthday here for an amazing experience! 🤩…Read More

我地早兩日本身想搵間咖啡店但搵搵下見到呢間Sick Burger 見好多人講所以就走左入去試！一坐低 不停聽到周圍啲人話「呢間一定係cheat day之選！」攪到唔係cheat day既我地都覺得自己揀岩我地兩個都揀左加combo 因為啲小食太吸引喇！漢堡我地揀左撚手牛肉漢堡，同埋香菇藜麥脆薯餅素漢堡！小食係一個黑啤蔥油洋蔥圈，另一個揀左金沙黃紫菜薯條！飲品揀左薄荷朱古力奶昔，同埋一個波子汽水。撚手牛肉漢堡（$95）⭐️⭐️⭐️⭐️⭐️佢用左燒烤醬加一隻半生熟煎蛋，咬開蛋黃，啲蛋黃汁同啲燒烤醬混埋一齊，令到個醬去到另一個層次，牛肉完全食到係手打，係相對地有啲散，但加哂所有配料，有埋蕃茄同菜令到成個感覺唔會膩，覺得下次可以試雙層！香菇藜麥脆薯餅素漢堡（$92）⭐️⭐️⭐️⭐️⭐️當我地以為會係典型用不可能素扒之制，佢比左驚喜我地！佢地自制左個香菇扒！佢又唔係用菇做扒！佢個扒入面有香菇有藜麥，入面有菠菜，有火箭菜，佢入面仲有普羅旺斯雜燴！素漢堡我比佢第一！搵唔到咁有特色既素漢堡！佢煎埋個香菇扒，入面有藜麥，又脆又香！我絕對要番黎食佢！！攪到我試唔到其他漢堡喇咁！！黑啤蔥油洋蔥圈（+$36）⭐️⭐️⭐️⭐️佢好大個洋蔥圈呀！好大隻！真係外脆內軟，啲炸粉可能就係加左黑啤？好鬆脆！但佢真係好大個呀，會有啲膩，差啲食唔哂！金沙黃紫菜薯條（+$44）⭐️⭐️⭐️⭐️⭐️我地睇住佢係煎pan都炒啲鹹蛋黃落啲薯條到！每一條！係每一條都有味！係一個好滿足既shake shake 薯條，每條都好均暈，佢唔會好鹹，但佢每一條都好夠味！超級開心！薄荷朱古力奶昔（+$52）⭐️⭐️⭐️⭐️⭐️果然除左撚手漢堡！仲係搖奶聖手！佢係好天然既薄荷，薄荷味係黎自薄荷葉架！朱古力唔會輸！佢比綠色連鎖快餐更好飲🤫波子汽水（+$8）⭐️⭐️⭐️⭐️⭐️因為怕兩個都飲奶昔會好膩，但其實所有奶昔都超吸引！環境係懷舊美式漢堡店既佈置同設計，同食物好襯，影相都好有feel，如果天氣唔太熱坐出面影相仲靚！佢地係自助形式，野食整好哂先比錢，自己拎餐，但奶昔就會送到枱，員工友善既，唔會趕人走！…Read More

我地比佢地既裝修吸引左入去，係西環既環境下，呢間餐廳既裝修，我地會加多十分！當我地睇到menu見到有好多唔同既朱古力飲品選擇！經過左近日試過兩三間朱古力既經歷！我地好快就有心水！我地揀左65%既Grenada同埋100%既Pure Ecuador！佢地都寫左每種朱古力既味道比大家有大概概念！我地都嗌左啲食物，法式鄉村鐵鑊早餐，手打意式紅羅勒醬配香烤慢煮雞扒水牛芝士手製比利時窩夫，甜品我地揀左自家特調朱古力醬配香蕉開心果碎雲尼拿雪糕法式牛角包窩夫！法式鄉村鐵鑊早餐（$148⭐️⭐️⭐️⭐️⭐️鐵鑊既小心思擺設，加埋少有揀選既豬肉腸，平日見到既茄汁豆都轉成乳酪！面包都轉左做窩夫！將平日食開經典英式全日早餐，真真正正轉成法式！雞蛋炒得好creamy，配埋新鮮車厘茄同用左柚子醋既沙律菜！完全打破左我地唔想再食全日早餐既心！手打意式紅羅勒醬配香烤慢煮雞扒水牛芝士手製比利時窩夫（$128）⭐️⭐️⭐️⭐️⭐️慢煮既雞扒非常入味，完全食唔到雪藏雞味，味道濃但食完唔會口渴，並唔係只靠味精去入味！窩夫放係雞扒下面既非常邪惡，所有雞既精華都係哂到！雞扒上面有溶左既水牛芝士，令本身唔鍾意食雞皮既我都忍唔住食哂！自家特調朱古力醬配香蕉開心果碎雲尼拿雪糕法式牛角包窩夫（$78）⭐️⭐️⭐️⭐️⭐️我地揀佢係因為佢自家特調朱古力醬！話哂都精品朱古力店，揀呢個一定可以試到佢真偽！朱古力同香蕉加埋雲尼拿雪糕呢個係一個鐵三角既組合！朱古力唔太甜，帶出香蕉味同時夾埋脆脆既法式牛角包窩夫既底，上面有埋開心果碎！我地覺得係完美既口感！法式牛角包窩夫唔會又實又硬！佢係好酥脆酥脆既法式牛角包窩夫！朱古力醬係食完會有衝動問有無得買走！唔會係假朱古力，又或者平日既香蕉船既朱古力醬！重頭戲既熱朱古力......65%Grenada（$55）⭐️⭐️⭐️⭐️⭐️近日飲左兩間好出名既朱古力，比較下，呢間應該係我暫時唯一一間會決定再番黎再飲既精品朱古力店！因為佢既朱古力溶得好暈循，我地忍唔住問究竟佢地係用朱古力粉定係用熱奶溶朱古力，佢地係無加糖，唔同既朱古力，用唔同既朱古力磚，同唔同既熱朱古力用唔同既格數既朱古力磚去溶出黎！平時用朱古力溶出黎既熱朱古力，當你飲到尾，開始凍時，佢會有啲好似朱古力碎浮番起面，我地坐左一陣傾下計，都完全無呢個情況！Grenada佢既味道會偏甜，或者你會覺得佢同某大品牌既朱古力粉有啲似（大家都黎試下睇下係米一樣有同感🤣）100% Pure Ecuador（$55）⭐️⭐️⭐️⭐️⭐️飲完佢，我會覺得Grenada係小朋友級別，Pure Ecuador 就會係成人既選擇！佢會偏苦，但佢唔會苦到唔能夠入口，相信係熱奶既幫助令佢變得易入口，同時保留朱古力應有既味道！兩個人黎，一人一杯，一杯65%一杯100%係最正確既選擇！總括黎講員工好友善，令我地唔會怕醜問問題！環境一流，亦相當舒服！食物我地都好喜歡！己經決定要番去試埋佢既晚餐！見到個pasta好吸引！當然！絕對會番去再飲佢地既精品朱古力！…Read More

放工偷懶唔想煮飯，記起早兩日路過見到呢間好有居酒屋感覺既鋪頭！所以揀左佢！睇埋個menu樣樣都想試！拎埋番屋企真係開番枝Sake黎襯都米話唔過癮！我地兩個人揀左兩個主食兩個小食再加左個湯！非常夠飽！份量十足！小食我地揀左 Wasabi小丸子 ($34) 同埋飛魚子玉子燒 ($20) ！主食就揀左叉燒地獄拉麵 ($52) 同埋牛肉壽喜泡飯 ($48)，湯就加左個豚肉野菜麵豉湯 ($10)! Wasabi小丸子 ($34) ⭐️⭐️⭐️⭐️⭐️先講下小食，我地番到屋企打開左個盒，比佢震驚到！每一粒都有大大舊既Wasabi係上面！但一食，好得意，佢唔會好攻鼻！但佢有淡淡既Wasabi香，好襯章魚丸既味，食完唔會膩！飛魚子玉子燒 ($20) ⭐️⭐️⭐️⭐️⭐️濃濃既蛋味配住濃濃既飛魚子！真係一啲都唔吝嗇啲飛魚子！落左勁多！但無搶左蛋味！玉子燒依然食到個高湯煮出黎既味！好鍾意呢個配搭！叉燒地獄拉麵 ($52) ⭐️⭐️⭐️⭐️⭐️可以外賣番屋企既好處！終於夠膽試地獄拉麵喇！（諗住大不了係屋企狂飲水都無事麻🤣又唔怕比人笑）但店主再比左七味粉比得我地，話如果我地食到勁辣可以加埋！我地見係屋企食！我地倒哂落去！！！估唔到七味粉令佢野味左！因為我地其實唔太食得辣，所以覺得其實無七味粉都夠勁！但有左七味粉令個地獄拉麵多左個層次！同埋令到個後勁更西利！終於知道地獄拉麵既威力喇！但佢野味到，我地食哂！個叉燒好入味之餘，仲唔會膩！牛肉壽喜泡飯 ($48) ⭐️⭐️⭐️⭐️⭐️呢個泡飯既濃湯令我地諗起某大型連鎖店牛肉飯店當年好出名既牛肉邊爐，但佢多好多牛同埋菜！食到停唔到，最後連湯都飲哂！食得出唔係味精味！濃湯有牛味，但唔會有雜質！最後我地仲加左10蚊要埋豚肉野菜麵豉湯 ($10) ⭐️⭐️⭐️⭐️相對地有少少咸，但麵豉湯味好出！食完再飲佢，日本居酒屋既感覺由頭帶到尾！佢地既店員好親切！又會建議下我地點食，而佢地既價錢都好親民！份量十足！性價比好高！如果再偷懶唔想煮飯！都要再黎試佢啲新野！…Read More

天氣陰寒陰寒但又想食大排檔，好彩有朋友介紹我地風雲排檔比我地舒舒服服咁食大排檔鑊氣小炒！雖然我地得兩個人，但睇完個餐牌之後，樣樣野都想試想食！結果嗌左好多野食！仲要樣樣都大大份！都米話唔抵🙊炸饅頭($58)⭐️⭐️⭐️⭐️⭐️好老實！呢個係朋友話充滿儀式感既炸饅頭，當我地睇埋呢到啲介紹相，我地即刻嗌左！佢係不過不失既炸饅頭，外脆內軟，但船頭既諸葛亮真係唔簡單🤣！荔枝蝦球($78)⭐️⭐️⭐️⭐️⭐️蝦肉唔會有梅既味道！再加埋佢既甜甜果味醬汁，提升左蝦既味道！外脆內爽口彈牙！呢個一定會再番黎食呀！鑊氣豉椒炒蜆($108)⭐️⭐️⭐️⭐️⭐️無改錯名！真係好有鑊氣！唔會太辣！但手非常惹味！真正展現大排檔既味道！呢個絕對係切叫既餸！避風塘茄子($88)⭐️⭐️⭐️⭐️可能食左鑊氣豉椒炒蜆有比較，相對無咁好鑊氣既避風塘茄子，好少既辣味，茄子無好入味，但都好香口，停唔到係咁夾黎食，啲蒜脆脆差啲想搵匙羹刮黎食！瑤柱蛋白菜粒炒飯($88)⭐️⭐️⭐️⭐️可能全部小炒都好惹味，配起上黎個飯會清啲，但配合埋啲小炒，覺得我地揀岩左呢個飯！仲可以拎避風塘茄子既炸蒜黎撈飯！超級好食！水蜜桃雜果茶（壺）($88)⭐️⭐️⭐️⭐️⭐️大排檔唔想飲啤酒，食咁香口惹味既野，嗌番啲清甜既飲品，解一解膩！重點係！我地食完成餐飯，番到屋企唔會覺得口渴口乾，呢個水蜜桃雜果茶真係幫到唔少！同埋大大壺兩個人岩岩好！咁樣斟出黎唔會有冰但又會好冰涼清甜！又係回頭必點！總括黎講，食物質素有大排檔既鑊氣，但就唔使風吹雨打，陰陰濕濕咁坐係污污糟糟既街邊食。可以舒舒服服咁享受香口小炒！如果黎開旺角想食有鑊氣既野，又或者成班朋友要搵地方吹水，一定會再黎！…Read More

早幾日睇ig見有人分享一個雲朵飯見到都食欲大增，所以今日決定要黎挑戰下！我地雖然得兩個人，但樣樣小食見到都好吸引，攪到我地除左最想試既雲朵飯之外，仲叫多左好多小食！先講下啲小食先！忌廉粟米流心脆餅 $26 ⭐⭐⭐雖然無好濃好濃既粟米味，但真係好滑，充滿忌廉既香！真係有流心感，熱辣辣，一食就覺得好香甜！紫薯甘栗薯餅 $23 ⭐⭐⭐⭐⭐甜甜既紫薯加埋真係有好大粒栗子！係我地食過最足料既紫薯餅！佢唔會好大件好膩，但足料既佢絕對值回票價！日本迷你黄金奄列 $28 ⭐⭐⭐⭐呢個我地一見到個名就覺得佢好特別，一咬落去，有種食玉子豆腐既感覺，但佢又真係蛋黎，成件事好得意，口感特別，但味道就好香蛋味！海苔魷魚鬚 $48 ⭐⭐⭐⭐平日食炸魷魚鬚就多喇，海苔真係好新奇！一咬落去，真係好香紫菜味！仲要好夾！唔會覺得油膩！炸芝麻雞軟骨 $38 ⭐⭐⭐雖然係芝麻雞軟骨，但咬落少少微辣，好似有少少七味粉，但又唔見佢有加七味粉！壽喜燒牛肉鍋-小盛 + 稻庭烏冬 $128（+25）⭐⭐⭐⭐⭐個壽喜燒湯底真係無得輸！肥牛食得出唔係平野😏！店員話煮十分鐘就開蓋食得，但我好太多小食，食食下唔記得左十分鐘，我地煮左佢好耐，但啲肥牛都唔會難咬！仲依然好好食！當然，咁好味既湯底一定要加埋個稻庭烏冬！貼心地個烏冬己經係熟左，唔使浪費湯底開煮佢，直接將佢放落去煮番開就食得！飲多啖湯！好滿足！夢王蟹肉三文魚子漬飯（配備DIY 雲朵夢王飯）$108 ⭐⭐⭐⭐⭐重頭戲黎喇！！我地為左呢個雲朵夢王飯而黎！仲要有遊戲玩法提供！佢仲有個雞仔分蛋器幫手！我地自己先將蛋白蛋黃分開，再將蛋白打到企身，打到一半店員忍唔住「我地有電動打蛋器架」🤣！打完再放上飯！中間放番個蛋黃！跟住，撈起！！一撈起發現佢超多蟹肉同三文魚子，初時仲諗連壽司豉油都無會唔會好乾同好淡架？點知，剛剛好既三文魚子令個飯夠哂鮮味！同時蛋白蛋黃令個飯好似有左味咁一啲都唔乾！好好味！呢個如果可以比十粒星我會比十一粒！因為加埋個儀式感！好開心！飲品方便，我地嗌左一個熱金桔檸檬水果茶 $58 ⭐⭐⭐熱既金桔檸檬飲完喉嚨都好舒服，就算食煎炸物都會令佢無咁膩！仲有一杯椰子菠蘿乳酸梳打 $48 ⭐⭐⭐一個好熟悉既味道，但無酒精！如果掛住但又唔想飲酒既人，絕對推薦！🤣整體黎講，我地覺無論係食物同店舖裝修，都好適合一班女仔放工黎，飲下野，食下飯，同時食物既份量都好足夠！有少女味既餐廳！同埋店舖感覺係小食式經營，店員都對相親切，又唔會有催人執野催人埋單既情況！如果一班朋友黎傾計食飯，飲番兩杯，又再整下個雲朵飯，都真係唔錯！…Read More

每次去到觀塘都會嚴選好食既餐廳 因為觀塘有好多好野食 所以絕對唔可以浪費quota!今次都唔例外！而我地又再次成功 無浪費quota!!!揀得台灣野 當然要試下佢既魯肉飯見佢種類相當多 同時又見到啲小食好吸引！所以我地決左兩個人只叫一個飯 再加配啲小食同飲品我地揀左一個 香蔥紫菜魯肉飯 拉絲芝士火腿蛋餅 魯肉汁蔬菜 台北夜市小食拼盤 我不是章魚燒 飲品叫左 珍珠奶茶 同埋熱黑糖玫瑰紅棗茶香蔥紫菜魯肉飯 ⭐️⭐️⭐️⭐️⭐️好香紫菜味，見到魯肉係五花肉咁帶有肥肉，但一啲都唔覺油膩！女仔絕對唔怕會食完覺得好肥，而且佢既醬汁好夠撈哂成碗飯！飯都大碗，本來諗住兩個人食嗌個特盛，但佢分量真係唔細，好彩唔油膩，如果唔係加埋啲小食，都怕會食唔哂！佢蔥花同紫菜味好夾好香口，配埋啲魯肉，令到我地一啖接一啖咁食！拉絲芝士火腿蛋餅 ⭐️⭐️⭐️⭐️佢真係拉絲架！！佢係我地等左最耐既食物，但見到佢咁樣拉絲法！點捨得嬲佢！🤣芝士火腿夾埋一齊無話好特別既衝擊！如果佢地可以試下拉絲芝士肉鬆蛋餅就好喇！我即刻番黎再食！！！魯肉汁蔬菜⭐️⭐️⭐️⭐️我地見食咁多肉 想叫番個蔬菜平衡下 食完清清地 雖然配魯肉汁 但同魯肉飯一樣有油而不膩 減少左啲罪惡感台北夜市小食拼盤⭐️⭐️⭐️⭐️個台灣腸係我地既最愛呀！！！有蜜糖係上面，食完好想再叫個剩台灣腸！真係好好食！甜甜地但又唔會無肉味！下次一定要再嗌！另外仲有花枝丸同鹽酥雞，鹽酥雞相對失色！無落好多既椒鹽，唔辣亦唔咸，無好鹽酥雞既味道！花枝丸亦不過不失！但絕對會為台灣腸再番黎食！我不是章魚燒3粒 ⭐️⭐️⭐️⭐️哎 撞鬼原來係花枝丸！初初都覺得撞左小食拼盤，但佢加埋章魚燒既醬汁！又另一個食法！原來花枝丸加大板燒既醬汁係咁夾！唔乾同時好有章魚燒既感覺！雖然我地只係叫3粒就佢擺盤都唔馬虎！飲品我地特登揀珍珠奶茶，始終台灣野就係要試佢既珍珠奶茶！唔錯有茶香，我地叫左少甜少冰，黎到時仲有少少暖！唔錯，有台灣既味道！另外既黑糖玫瑰紅棗茶都好好飲，無額外揀少甜，但佢都唔會好甜，個人覺得岩岩好，而黑糖，玫瑰，紅棗都真係飲到佢地既味道，甜味都彷似係單單佢地三樣野而衍生出黎，唔會有假既味道！相當唔錯！全部食物既份量都唔細 而且價錢相當親民！上菜又快！lunch time 過黎都唔怕要等好耐！仲要如果follow左佢地ig係下午2點半後幫襯仲有9折！又抵又好食！我地今次又揀岩左喇😛…Read More

Thick, juicy, sizzling… all perfect words to describe the dinner tonight 😎 Located in an inconspicuous side in Tsuen Wan is this unassuming storefront, but inside is a delightful meal just waiting for you! 😍 As said, the storefront isn’t anything special nor is the interior decoration 🙂‍↕️ The utensils and serveware are pretty elegant bringing quite the contrastThe menu is all the different cuts of steak offered, but we gotta go with the recommended US Flat Iron Steak ($158) and adding on a $58 combo set with a pastry soup, spaghetti or fries and a ginormous drink! 😎 For an even more premium experience, you can always go with the foie gras version! 🤭The steak is served up on a flat iron (watch the fire!) with your server asking for your preferences then begin helping you cook! All right in front of you! 🤩 But do expect the grease to start popping off!The meaty taste is very prominent without much of the buttery taste~ The meaty juices just gushing out with each slice! 😍 All blended together with your choice of butter! I went with Truffle Butter! 🥹 Quite tender without too much difficulty chewing (at medium) though I did find a bit of tendon in my steak 🙂‍↕️ But the succulent steak was pretty high quality with little to no impurities when chewing! 🤭The soup is your standard cream soup though the pastry is the plus 😎 The spaghetti is pretty standard too without major issues 🤭 The lime soda wasn’t too sweet and actually a bit sour…increasing my appetite 🤭The onion rings ($38) we got to share was very memorable especially the super crunchy coating!A bit on the pricey side, it definitely is worth the money 😍 A damn high quality steak that js superior to a lot of other steakhouses (don’t forget the service)! Do be forewarned that booking a table in advance is crucial!…Read More

Meow meow cafes hold a special place in our hearts 🥰 But what about a meow meow adjacent cafe? 🤭 With a Japanese inspired interior and paw prints on the cup and the chopsticks, it’s quite the fun dining room! Located in Jordan, they serve up some specialty udons that has attracted quite the crowd 🙂‍↕️ We waited outside for around 20 minutes for a table during a weekend at lunch time, so gotta make sure you get there early! 😎The Creamy Curry Potato Udon ($78) is just the thing we desired! With a thick, rich, creamy sauce mixed with the udon and a cat print from Japanese curry powder 🤩 This dish was out of this world! Every udon strand was utterly covered! 🤩 Totally a delight from presentation to the texture to the taste!We also got the Sukiyaki Beef Soup Udon ($98) and compared with the curry udon, this one fell a ways behind 🙊 That is not to say it’s not a delight! It ticks every box with a savoury sukiyaki soup, al dente udon and covered with beef 😍 It’s very much up to par, but just not as memorable 🙂‍↕️ …Read More

早兩日係IG見到有人食呢間過江龍手多多禁兩禁發現原來有幾間分店所以放工就去附近個間會一會佢！見到人地介紹二人套餐 所以我地都唔執輸，嗌番個黎試下，暫時見佢都係得呢個二人套餐（$428），兩個人食，豐富但唔會覺得滯！我地仲心多多嗌多個小食同飲品！上菜速度都好快，冷盤好快就上枱，沖繩豬耳沙律，三文魚刺身配飛魚籽，香蔥吞拿魚腩蓉手卷，輕燒帆立貝配柚子汁，時令冷素麵，同我地嗌既小食輕燒三文魚沙律都好快上枱！沖繩豬耳沙律⭐️⭐️⭐️⭐️好爽口！酸酸甜甜咁，非常開胃！又焗又熱既天氣搵佢黎開始真係岩哂！三文魚刺身配飛魚籽⭐️⭐️⭐️⭐️⭐係居酒屋級數既三文魚！新鮮唔會出水！見佢咁快上枱，以為係雪櫃即刻拎出黎，一啲都唔會有雪味亦唔硬！香蔥吞拿魚腩蓉手卷⭐️⭐️⭐️⭐️⭐超creamy！無根亦唔腥！不過師傅入面己經加左醬油，而我地又無為意，點左豉油，鹹咗少少！不過都唔會蓋過吞拿魚腩蓉既鮮味同質感！輕燒帆立貝配柚子汁⭐️⭐️⭐️⭐️因為係輕燒，半生熟既帆立貝質感雖然唔爽，但亦唔會硬！配埋柚子汁，又係好開胃！帆立貝下面仲有啲提子同士多啤梨，加埋啲柚子汁咁食，甜而不膩！可以再食多碟！輕燒三文魚沙律⭐️⭐️⭐️⭐️⭐同樣輕燒既係我地隔外嗌既三文魚沙律，呢個沙律既重點，一定係佢上面既炸三文魚魚皮！香口得黎配埋沙律唔會覺得油！三文魚仲要塊塊都輕燒過，塊塊都好厚身！時令冷素麵⭐️⭐️⭐️⭐️⭐唔可以無澱粉既我地，見到個素面超級開心！夏天食冷麵絕對係樂事！差啲覺得唔夠食！麵既質地好好，並唔係浸軟哂既麵地！天婦羅盛合⭐️⭐️⭐️⭐️⭐重點黎喇！係關西天婦羅！薄薄既炸粉，熱辣辣！忍唔住喇！唔想影相呀！我要食喇！超好食！南瓜同蕃薯都好薄，蝦唔會用梅既蝦用鮮蝦！雞肉好驚喜，好少會有雞肉做天婦羅！熱辣辣食真係無得輸！一啲都唔油膩！雜菜卷天婦羅上面仲要有芝士粉！唔使加天婦羅汁都好好味！未試過會配芝士粉！大滿足！雜菜卷既洋蔥清甜加少少芝士粉！十勝紅豆檸檬雪葩⭐️⭐️⭐️有呢個衝擊既結尾！酸酸既檸檬味加甜甜既十勝紅豆！但佢都真係相對地酸，係真正既雪葩，所以果味好濃！唔會有假既果味！飲品我地飲左香桃梳打同熱情果芒果梳打⭐️⭐️⭐️⭐️⭐兩杯都唔會好甜！果汁梳沙永遠都比人覺得清新，食完炸物配梳打真係好滿足！總括黎講係大滿足！而服務都相當好，上菜又快！地方都整潔！…Read More