choiyee0321's Profile

好耐無出太子，見到有新餐廳，就同家人試試lunch，支持良心小店💪🏽💪🏽我哋專登揀個沙發位，好舒服。我見有個小舞台，相信是for live表演。-我地叫咗3個餐～意式西京香煎比目魚 配意粉～香煎草飼西冷牛扒 配意粉x 2先講 意式西京香煎比目魚配意粉～ 一定要讚個意粉，本身只有一個餐配咗，但試左一啖，另外兩個餐即刻配返🤣～ 意粉：以 洋蔥、蘑菇、牛油 炒過，所以好香，好開胃，平時我屋企人麻麻地意粉，都食哂（拎埋我個啲食😂）～ 講個主角 「比目魚」，條魚好滑，煎得剛剛好，配埋個汁好香，兩者好夾～薯菜：係小編至愛，粗薯條👍🏻👍🏻～雜菜湯：好足料，新鮮蕃茄味好岀，小編都飲左一碗半另一道 香煎草飼西冷牛扒配意粉（忘記影相！）～ 意粉：真係好好食！ 真係好好食！ 真係好好食！ 重要嘅嘢講三次！～ 主角「牛扒」，以呢個價食到，食到牛味足夠，油脂味濃的牛扒，已經好滿意，美中不足，無配到醬汁🥺老闆好好人，見我地坐咗好耐，仲請我地食芝士焗生蠔🦪～ 嘩！個蠔好大隻，好足料～ 芝士配好足料煙肉、洋蔥 ～個蠔都唔係揸流灘，好厚肉，好多汁西餐嚟講，以這個價錢配以這個質素，值得再來。疫情下，好多食肆都面對困境，若果可以，盡力支持良心小店💪🏽💪🏽…Read More

因為預先book左位，所以唔洗等。朋友介紹，５點－７點（７點前埋單！）　８８加一，覺得好似幾抵咁，就去左！本人假日去，所以加多十元，總數　９８加一＝＄１０８　任飲任食。環境都乾淨，坐得都舒服。去到當然即刻拎肉拎前菜啦！先講重點先肉類：大部份都是用同一種醃料，所以ｄ味道都差不多，但肉味唔同！　比較欣賞雞軟骨、腩肉！　菜包住腩肉，正^^　　尤魚仔都唔錯！前菜：都有幾款前菜！　泡菜竟然最難食，苦的！　但波菜、青瓜都好好食，食完再添。食完第一轉，就食ｄ菜……好鍾意佢個「九」菜同豆角，燒完肉，再同個爐炒佢，有ｄ肉油，令到ｄ菜都好香！生菜都有ｄ苦苦地既味。要改善之處：甜品熟食可以多款ｄ，野飲可以多款ｄ（因飲品得汽水，連水都是梳打水= =）個爐燒得好慢，好似廢廢地= =　　不過服務員都好好，好主動幫我地轉個爐板。總括：＄１０８，任食任飲，都算抵啦！食物質素唔算差！咁既價錢，有中上質素，都算係咁！…Read More

聯和墟係一個美食小鎮，真是乜都有，太多選擇，唔知食咩好，同友人行行下，見到呢間新餐廳，望下餐牌見ｓｅｔ　ｄｉｎｎｅｒ都正常價就入去試下。入到去，環境較暗，但冇乜氣氛，但服務員好好態度。牛扒餐好貴，最少＄１５０，所以簡左ｄ　ｓｅｔ　ｄｉｎｎｅｒ友人叫左個　香草茄茸海鮮焗意粉，我就叫左個忌廉汁焗雞扒意粉。無得簡紅、白餐湯，佢定左比你。　當日是雜菜湯。先上餐湯，個碟好大，湯較小，但我都覺得ｏｋ的，因為太多就會好飽啦！味道都好味的，味精不太重。飲品同主食一齊上，份量都算多，完全無偷工減料。味道都算好味，不過嫌佢焗得太燶。份量多，所以都食剩少少。埋單都是１３２連加一。有湯，有野飲，大件夾好食，西餐廳算係咁！想食頭盤＋＄１５，想食甜品＋＄１５，不過太飽，無加到。總結：如果係粉嶺諗唔到食咩，可以去試下，因為都唔錯，老闆都好ｎｉｃｅ，時不時都會同客人傾計，仲好主動問洗唔洗幫我地影相！…Read More

本身想去OPPA燒肉店，係諗過同一條街有兩間燒肉店，入錯左餐廳 :(咁既然入錯左，唯有將錯就錯。環境：好整齊，好光，坐位都好寬敞，坐得好舒服。衛生：環境都好乾淨。食物：叫左一個＄３７８的二人餐。有一碟豬肉拼盤、韓國炒粉絲、韓式炒年糕同兩粒雪糕糯米滋。等左五分鐘左右，有個「阿朱媽」就一次過上哂。先講兩個熟食啦，韓式炒年糕都偏辣，份量都可以接受，只係嫌佢太多汁。韓國炒粉絲就幾香，不過太油，味道都食得落，份量都是普通。豬肉拼盤都比想像多，有六至七塊豬頸肉、五六舊醃豬肉，同兩大塊五花腩。（但除左醃豬肉有醃，其他都無醃架＝　＝）跟住有一盤菜（得五塊= =)但味道都ｏｋ，加辣醬、配菜，都食得過！總括而言，食物質素都ｏｋ，但加埋野食就＄４００，每人二百就好唔抵！！所以唔會再有下次＝　＝…Read More

因為有預約所以唔需要等位，而我食９點時段，所以都較便宜（＄１５８＋１０％）環境：我個位光線較暗，坐位較狹窄，亦都比較熱。相信卡位會舒服好多！衛生：觀察環境都尚算乾淨。好，講食物啦！　呢個餐廳比較多元化，似自助餐多於日式放題一坐低，緊係即刻叫刺身啦！ｓｉｚｅ比較細同薄，口感一般，要一啖食幾塊先過癮，但都算新鮮。壽司亦麻麻，ｄ料好薄，唔太推介。但極力推介就是熟食！羊架，串燒，都好正，食完再食。味粉岩岩好，好香，燒得又岩岩好，保到好多汁！炸物都唔錯，炸粉唔厚，但因為太熱氣，所以食得好少。其他小炒，有唔同國家的款式，炒得幾香，可以一試，不過嫌佢菜多過肉。飲品就麻麻，飲左一小杯梅酒，甜甜地，但太嗆喉。柚子蜜就啖口ｄ。甜品都是雀巢雪糕，無乜特別！整體評價：都會有漏單情況，都是叫十樣，可能漏一樣，都可以接受。特別一讚服務員，真是好好，態度禮貌無得彈，仲好細心。食物質素中規中舉，可以更進一步！…Read More

巧合經過十八座，睇到店面貼上好多明星相，就入去一試。　店比較細，位比較窄，坐得都唔是太舒服。四個人點了數個招牌菜：馳名狗仔粉（４碗細），招牌火鴨翅（一碗大），大雜燴（一碗大）。每枱都有各一樽辣同唔辣菜莆任你添。狗仔粉：一睇就覺得好「杰」，聞落去就幾香，食落去咸咸地，加左少少少少少菜莆（半匙），已經辣到飛起（利申：本人只食到小辣），同枱朋友都是食辣之人，都覺得辣度十足！食完會想再加辣。雖然味道唔是太特別，但平民小吃來講，都幾ｏｋ，可以一試。火鴨翅：一睇就覺好多料。聞已經好香火鴨味，但食落去就味偏重，食多兩啖就覺咸，同味精味都重。大雜燴：豬腸好肥= =，蘿蔔好淋，但個汁幾正，甜甜地。總括而言，試左三樣野食，四個人都是每人夾四十蚊左右，味道都唔錯，可以一試。…Read More