wai_sik_maau's Profile

早上叫左個外賣.真係好無耐,食個早餐都充滿驚喜…差啲要入廠.事原我打電話叫左下面個外賣:早餐沙爹牛米粉炒蛋+吐司熱港式奶茶食左件吐司燶左都算啦…食食下個沙爹牛米粉就真心有驚喜啦…咬落去卡左一聲,吐出來檢查一下先發現,額外附送尖膠粒...之前食過有骨都算, 今次真係太過份.碗米粉食食下有粒硬野, 依家牙又痛,脷又損...大家食嘅時候都最好小心啲,唔好因為食個早餐就要去醫院.自從這次的經歷之後,應該都唔會再幫襯里間店舖了,食物安全應該是最重要的吧……Read More

忽然想食火鍋，上OPENRICE睇下VWalk附近有咩好介紹，這間牛涮鍋もっと之前食過其他分店，感覺唔錯，於是就入去試下啦。去到店門口已經人山人海咁等緊位，睇真D先知原來排緊隔離燒肉。排左15分鐘度就有位可以入座。入去之前掃安心出行或填寫個人資料的同時，員工已經可以幫你選定套餐同湯底。今日就試下澳洲和牛肩脊肉放題，鴛鴦湯底加左海鮮加刺身放題。坐低無幾耐就已經黎左湯底同刺身，飲品、蔬菜配料同甜品都要出去自取，當晚人比較多，所以快手攞左少少娃娃菜同飲品就埋返位開餐了。第一輪先黎左十品刺身，可以試勻晒每種刺身。比較好食的有三文魚肥美、吞拿魚雖然比較瘦但唔會有筋、貝類爽口、八爪魚同魷魚唔會好重雪味。食到差不多前菜頭盤，忽然想食火鍋，上OPENRICE睇下VWalk附近有咩好介紹，這間牛涮鍋もっと之前食過其他分店，感覺唔錯，於是就入去試下啦。去到店門口已經人山人海咁等緊位，睇真D先知原來排緊隔離燒肉。排左15分鐘度就有位可以入座。入去之前掃安心出行或填寫個人資料的同時，員工已經可以幫你選定套餐同湯底。今日就試下澳洲和牛肩脊肉放題，鴛鴦湯底加左海鮮加刺身放題。環境似日本地鐵站的設計，好有特色。而且座位唔會太逼，坐得舒適。坐低無幾耐就已經黎左湯底同刺身，飲品、蔬菜配料同甜品都要出去自取，當晚人比較多，所以快手攞左少少娃娃菜同飲品就埋返位開餐了。第一輪先黎左十品刺身，可以試勻晒每種刺身。比較好食的有三文魚肥美、吞拿魚雖然比較瘦但唔會有筋、貝類爽口、八爪魚同魷魚唔會好重雪味。食到差不多前菜頭盤，牛肉同海鮮都已經送到面前，澳洲和牛肩脊肉三份，二話不說立馬下鍋，一拖變色馬上入口。入口油脂散發出香味，之後一咬牛肉味就充滿口腔，肥而不膩，厚度唔會太薄，一份有三件，淥完唔會縮水太多，而且無筋，所以最後一個食左十碟。其他海鮮都唔錯，唔會有腥味同雪味，魷魚口感一流，蜆又大粒唔會有沙，青口鮮甜大隻，蠔唔會縮又有鮮味。牛肉同海鮮都已經送到面前，二話不說立馬下鍋，一拖變色馬上入口。入口油脂散發出香味，之後一咬牛肉味就充滿口腔，肥而不膩，厚度唔會太薄，一份有三件，淥完唔會縮水太多，而且無筋，所以最後一個食左十碟。其他海鮮都唔錯，唔會有腥味同雪味，魷魚口感一流，蜆又大粒唔會有沙，青口鮮甜大隻，蠔唔會縮又有鮮味。時間過得好快，都食到飽飽就係時候食甜品，雪糕小點都一般，但都非常滿足。…Read More

今晚唔想煮飯，就帶一家人去附近的這間酒樓試下菜。入到門口唔駛等位，可以使用安心出行同埋手寫資料，然後量度完體溫就可以入內，非常順暢。當晚比較早入座所以唔算多人，坐低服務員馬上幫手開位同介紹有咩好食。諗左一陣我們就叫左片皮鴨一隻，粟米班塊，芝士大蝦伊麵同埋海鮮粉絲煲。片皮鴨雖然可以兩食，但係怕食唔晒，所以只是打包了個殼。味道方面OK的，但皮就有點淋同乾，但份量足夠四人享用。粟米班塊就麻麻地，唔夠脆同有少少過火所以燶左少少。海鮮粉絲煲夠乾身同惹味，材料又夠多，份量適中。芝士大蝦伊麵，大蝦數量多，但蝦的體型比粉絲煲的細隻，伊麵就粘著一團，味道就一般。食到差不多的時間，人開始多，服務員開始忙，所以想加水都無人理會。整體上面唔會太差，但係有可以改善的地方。…Read More

今日LUNCH想食日本野，諗諗下有間野可以試下。附近呢間餐廳之前裝修完，原本係做西餐嘅，但近排轉營改咗做日本餐廳。抱住試下嘅心態去試試，入到去裝潢唔似一般日式餐廳，反而都係之前西式餐廳。餐牌選擇都幾多，最後我同朋友各自選左自己想食的定食套餐，本身仲想叫小食，但見隔離台份定食份量都好多,所以怕食唔晒浪費食物就無叫。落單店員都有推介，而且落單同上菜的速度都好快。先嚟嘅係野川牛舌丼定食，當中有三文魚刺身，日式蜂巢豆腐漬，蟹子沙律，茶碗蒸蛋，味噌湯，水果小拼盤，牛舌丼，牛舌都幾厚，口感唔錯，但係啲牛舌脷胎未清理晒同三色椒比較多，有少少影響。再嚟嘅就係角切魚生丼定食，反而這個比較有驚喜，魚生新鮮，口感清新。以午餐嚟講份量OK，質素嚟講算過得去，但感覺上有改善的空間。…Read More

有一段時間無出嚟食大餐啦，趁屋企人生日梗係要出嚟慶祝一下，順便放縱一下個胃，享受一下啦。今次嚟到沙田大喜屋日式放題，食下午市日式放題，時間三小時非常充裕，可以食野同暢談。好在可以提早預訂，係門口等一陣就可以安排入坐，入去前可以先掃描定[安心出行]或填寫資料，咁就可以更加順暢。位置安排得唔錯，座位闊落之餘都方便出去拎野食同飲品，出面的食品飲品選擇豐富，但當日人比較多，所以就無逗留太耐，專心入返個位作戰。落單上面可以用手機掃瞄QR CODE 落單輕鬆方便，而且有WIFI提供,唔怕落唔到單，而且上菜非常之快。一眨眼就嚟左第一輪雜錦刺身拼盤。選擇各人喜愛的三文魚、油甘魚、甜蝦、赤蝦、赤貝、北寄貝、帶子、鱆紅魚等等…望落刺身方面色澤亮麗，賣相吸引，份量十足，厚薄適中，非常新鮮，入口鮮甜。三文魚唔會太瘦，油甘魚唔會腥有口感，赤蝦同甜蝦爽口甘甜唔會霉，貝類入口鮮甜無雪味。手卷方面紫菜就有少少淋，但細細個可以過下口癮。食完上面啲美食，第二輪的刺身又嚟啦，而且比第一輪更加出色。今輪主打劍魚腩、油甘魚、甜蝦、赤蝦、北寄貝、八爪魚，而且唔會手軟，落幾多上幾多，速度又快又乾淨。刺身食到咁上下，就係時候試下啲熟食，但選擇太多，我就選出的的至愛燒鰻魚味道一流，肉質彈牙，醬汁香濃，芝麻加分。唔會燒到乾噌噌，口感味道攞滿分。當然唔少得天婦羅啦，但各位都已經食到七八成飽，我就叫少少試一下，個粉衣唔會太厚，上到嚟仲熱芮芮。3小時任食，慢慢吃，慢慢傾，最後仲有雪糕雪條任你選擇，埋單錢較實惠，非常扺食，可以再來一次。…Read More