Michie's Profile

今晚因為阿妹要做功課，所以我就去左樂富買啲野番屋企一齊食。其實之前都食過小城知味架，係堂食，啲野唔錯。但真係要睇時段。非繁忙時段啲野係幾好味架我覺得。繁忙時段就.....等得耐，啲野一般啦。叫左個椒鹽炸豆腐、滑蛋牛肉同埋一碟生菜。佢話因為有個炸豆腐，所以可能要等耐啲，最耐十五分鐘會俾到我。係附近逛左兩逛，十分鐘已經可以拎野食。仲快過我有次堂食。啲送番到屋企仲係熱辣辣，而且好香。好開心　椒鹽炸豆腐真係好好味，炸到岩岩好個外層脆目地。滑蛋牛肉都好正，如果咸番啲就更好。整體黎講好滿意呢餐飯…Read More

星期日同3點幾同屋企人黎飲下午茶。真係一萬個多人! Counter果度堆滿哂人，佢又冇顯示屏/咪去call枱，唔打醒十二分精神都真係唔知嗌到你number 未。入到餐廳，個個職員都好忙碌。真係好旺埸，但我覺得如果旺到我地要企係到成十分鐘都冇人幫我地執一執張枱好似有點過份。嗌野食，好采啲野食好快到，如果唔係真係餓死小妹都似。啲野食味道好極端，一係超級好味，一係超級難食。最鍾意係個魚頭煲同埋蘿蔔糕。魚頭煲始終好似唔係好多地方有得食兼整得好整。呢度個湯底味好濃，好好飲。蘿蔔糕我鍾意佢真係有一條條蘿蔔絲係入面，又有啲蝦米，好香。今次對小籠包、腸粉等有「粉」嘅食物比較失望。我地已經係上菜後即刻開始食，但係都好乾爭爭，食落好似食緊一大啖粉，好唔鍾意。環境方面都算係幾乾淨，只係非常之嘈，同埋啲員工成日隔住幾張枱嗌黎嗌去吹水....同埋今日多人到連平時人地結婚用果啲舞台都開埋位.....我全餐飯都係度諗，如果真係坐係果d位都食應該都幾無奈=v=…Read More

呢日同一班識左好幾年ge死黨食飯。大家明明住近d旺角，但搞手都係揀左去銅鑼灣間鋪。唔緊要啦，當出黎見下世面啦。因為我地預先book左台，加上做去到，所以好快已經安排到位俾我地，等都唔洗等咁濟。真好。我地坐果度係卡位，而且係比較入嘅位置，岩哂我地咁多人，可以盡情傾計。一坐低，大家就肚餓啦，即刻狂叫野食。叫左啲魚生、炒蜆、SUSHI等。仲叫佢開埋個火鍋，有肥牛、烏東ETC..(當下覺得咁GE價錢有埋火鍋真係好抵)啲野都好快到，呢樣係抵讚的。啲三文魚刺身、炒蜆、SUSHI都好正，火鍋果啲都好好味。仲有一條秋刀魚，我覺得有D，唔係太鍾意。但野食嘅話，咁嘅價錢好抵食啦。甜品就有好多好多好多好多嘅雪米茲，叫到成枱都係，最岩我呢甜怪！某程度上我呢晚係食雪米茲食飽的。另外一樣好好就係啲野飲任飲啦。佢有蘋果綠茶同埋汽水可以叫。蘋果綠茶係啲員工幫你添，比較方便。而汽水就要係咁入紙叫，最後變左成張枱都勁多隻杯，啲員工又執得慢，好「牙」位。講起啲員工就開始火起啦。成晚最不滿真係啲員工。講野串貢貢唔緊要，又唔小心。我個朋友想叫人幫手加綠茶，叫左成十分鐘都冇人應。好啦終於有人認啦，個員工又心不在焉。拎起隻杯，係我地啲袋上面「針」茶。又唔望住你倒，最後啲茶倒哂落我朋友個袋到，個杯空嘅。好啦「針」番杯茶，倒歉都冇句就去左拎抹枱抹地塊布黎抹我朋友個書包......乾淨都俾你抹到污濁啦。真係唔知俾咩野反應好。不過點都好，除左呢件事之外，呢間餐廳食野抑或朋友聚會都唔錯嘅…Read More