vaehg's Profile

距離沙田地鐵站不算遠，座位也算坐得舒服。野食選擇都算多，有特色的准山酥，很酥脆！蝦餃燒賣牛肉球基本野合格，腸粉皮厚左啲，牛肚幾入味，整體菜色都比較油，如果鍾意清淡就可能覺得一般。仲可以叫埋糖水食，隔離店send過黎，呢一點幾好！整體唔錯都可以值得一試，畢竟夜茶又坐得舒服都唔係到處都有，呢間店地理位置都幾好。…Read More

Book左信用卡app既午餐set，包前菜buffet，有各種salad菜，拌好的salad，cheese and ham同西瓜蜜瓜，有餐前麵包、湯、主菜、甜品和餐飲，整體份量好足夠，味道也很好，值得推介。平時都有呢個semi buffet lunch提供，價錢就貴少少，人均160-250左右。餐廳環境幾好，服務員有禮貌，也會及時收碟和換餐具，餐具都幾靚！salad種類都算多，食材新鮮，味道幾好。主菜有🦐意大利粉、牛扒、豬扒和魚等等，部分菜需要額外加錢。牛扒有炭烤味，都幾juicy，熟度都掌握得好，另外蝦爽口，麵都好掛汁！甜品唔會好甜，都有cheese味，幾好。…Read More

經中環friend介紹去呢間相對少遊客的店食雲吞，超級大隻，起碼3-4隻蝦一隻雲吞，十分良心，價錢很ok，一個人一碗都幾飽。牛腩麵都唔錯，牛腩好淋入味，麵都爽口。大多數來的人都是local食客，要搭臺，餐廳收比較早，好似只收現金，服務態度就算係咁啦，唔好要求咁高就無事😂😂…Read More

小店乾淨企里，店員親切有禮，多款選擇，性價比高！推薦👍🏻👍🏻👍🏻豬排擔擔麵，豬排鬆軟入味，擔擔麵面軟硬適中，湯底不會很濃味，不錯。辣菜脯也很一絕！送麵一流！！！墨魚馬蹄餃好特別，皮好有彈性，餡料調味亦很好，湯底清清沒有負擔！整體味道家常，不會味精濃郁，很好！…Read More

呢間野完美演繹金玉其外敗絮其中，裝修其實都無想像中靚，噴水池好一般，燈光又暗，影相打卡都滿滿廉價感。。。呢個牛肉他他調味好差，完全唔係西餐水準，個牛骨髓D出聲，一堆腥的碎骨…阿媽煲湯嗰舊都靚過佢。同經理反映，佢仲要話其他客無講過呢個問題，笑左。尋日好天唔通日日都好天咩，呢種服務態度唔應該出現係呢啲餐廳囉。service真心差，加水落單呢啲爽手野，竟然等啊等，叫極無反應無左件事。openrice訂位送一份野食，最後不了了之無下文。仲叫左個main，都係一般般，唔值呢個價。甜品只是及格水平，無咩層次感。埋單兩個人快要$800，倒不如去食高級啲，起碼唔洗食垃圾又受氣。環境又吵鬧，趁虛咁，食食下無啦啦又會有堆網紅企曬係度影噴水池。完全唔明白啲好評從何而來……Read More

點解會有咁多好評，被騙了😭😭看到很多好評於是特登走去食，完全失望，平價街坊老店都預左環境差，不會介意。但是出品真的不行😟煎豆腐的魚肉好像不太新鮮，有股臭味。豆腐也不香。豆腐花依然失望，不滑，豆味也沒有，勉強加糖才吃完。雖然它價錢很便宜，10幾蚊4舊豆腐，但我寧願貴啲食啲水準好啲既豆腐。沒有下次了😔😔😔…Read More

聽聞古琴雅苑水準浮動，有時好好，有時唔好，決定去try下咩料。個場都算好full，都坐得迫迫地，多人的話安排卡位就會比較理想。片皮鴨都有肉汁，配菜都算好食，及格之上，價錢都算合理抵食，推薦！鴨仔碟幾可愛🦆蟹黃蓋飯就嫌味道不夠濃，有些lup身，不過不失。上海炒年糕好煙韌，幾好味👍🏻👍🏻小籠包就失色啲，可以略過不叫。送的前菜小碟就無咩特別，有青瓜雲耳這些基本涼菜，餚肉都不錯。整體可以嘗試👍🏻…Read More

這家點心應該是做街坊生意，平日中午人不算多，店舖很大算多座位，點心選擇也不少。看到千島醬蘿蔔糕，心中頓感不安，但是有驚喜，意外地很match，蘿蔔糕也很挺身有口感！推介！其他點心也算不錯，例如腸粉、蝦餃燒賣、綠茶煎堆仔等等。…Read More

一開始朋友介紹來吃，個名咁長😂😂笑左但是，作為不太能吃辣的小廢物來說，這家的laksa真的很好吃，調味出色，湯底有沙爹和花生醬的濃郁香味，少少辣，好惹味，個湯底超級正，吹奏佢1萬年！！麵都好好食！仲可以加埋串燒小食！個麵可以選擇搭配海鮮魷魚，或者丸類，還有menu上的肉骨茶飯都很受歡迎，但是都是推介laksa麵，出色！！好開心搵到hidden gem！位置在巷子裡面，位置不多，也很擁擠，不適合聊天慢慢坐。…Read More

作為鍾意pancake的朋友，來吃這間pancake店，環境是不錯的，坐得都算舒服。抹茶味欠缺，pancake也是秒塌，沒有那種蓬鬆的感覺，不太划算，味道也一般般，希望之後會改進啦！！…Read More

松記真的從小吃到大了，承載了很多回憶，味道也沒怎麼變過。最好吃的是綿綿冰，可惜現在沒有了豆腐味！芒果綿綿冰可以加錢配果肉，本身送兩種配料和一種醬汁，味道厚實一點，比外面的日式刨冰來得實在，不會很快化成一灘水！喜歡❤️❤️紫薯涼粉不會太甜，口感很q彈，也很滑，涼粉做得很好，芋圓很有彈性，值得order！重磅！榴槤水晶涼粉，真心出色！底部的奶和滑溜溜的涼粉非常match，榴槤味十足！夜晚通常要排隊一會兒，都幾長龍，外賣也不少！…Read More

好多好評的餐廳，又是時候看看是不是名過其實，結論價錢偏高，食物質素中挺啦，無吹到咁大。乳豬沒有想像中出色，反而覺得有些乾，也不夠熱，side dish的蘋果蓉幾match，反而羽衣甘藍唔太夾，乾上加乾，可能個人口味啦。西班牙炒飯比較膿，海鮮味都算可以，及格以上啦，份量就不算很大，2個人左右。生日叫甜品可以幫忙寫碟，效果幾靚，不過個tiramisu就無咩特別，稍嫌酒味/咖啡味不夠。環境都唔錯，適合聚會傾計，但位置好難搵，要比啲心機😂…Read More

整體cp值很高的lunch buffet，環境不算很好，燈光有些昏暗，人也多，比較吵鬧。但是食物選擇很多，海鮮有蟹腳、蝦、生蠔、刺身等等。熱葷中西印都有好多唔同款，有各種點心、燉湯，還有雲吞麵檔同意粉檔。選擇真的很多！整體每樣食品都及格，無特別不好吃的。意粉有意外驚喜，order後廚師即刻做，十分新鮮好吃！推薦！自助甜品🍧刨冰有得玩，新奇！甜品選擇很多，也有雪糕和曲奇，味道都可以。整體來說這個價錢很划算！…Read More

晚餐時間6點，馬鞍山街坊推介我來呢度食燒鵝。來到已經開始大排長龍，可見街坊都好鍾意呢間餐廳。排左大約20分鐘，環境都算企里，可惜燒味飯賣曬，否則都想試下燒腩仔，聽講都好出名。叫了燒鵝下莊，肥美多汁，皮肉相連，外皮仲有焦脆，價錢合理。肉質不錯，新鮮！拔絲咕嚕肉真的很拔絲，筷子夾起來糖絲連綿不斷，幾有鑊氣，仲有喬頭，份量也很大，送飯一流，不錯！侍應態度都算不錯，樂於介紹餐廳的推薦菜式。多啲人來吃飯可以叫煲仔菜，都幾好鑊氣！…Read More

下午茶時間，路過蕃茄18🍅，來試試出名的雞腿🍗！入座率不算很高，靜靜地食個tea幾好。侍應服務很好，介紹菜單，又會與客人聊天。蕃茄米線湯底無味精味，不會太鹹，米線爽口煮得剛剛好，大大碗，下午茶抵食。餐飲綠豆冰清新好飲，可以一試。奶茶正常發揮。招牌醬油雞脾，色澤鮮豔，味道濃郁，雞肉嫩滑，刀叉一撕就開。好有以前舊冰室的感覺，很好吃！另外叫了下午茶餐的餃子，麻辣口味，一般般。都係食返蕃茄同雞好啲！！…Read More