Mrlivetoeat's Profile

以前返香港喺上環住，有時去蓮香居飲茶，點心都不錯，好耐冇去，疫情後轉名六安居，今日去上環辦事，好多點心都冇，買來買去都係嗰幾樣，冇乜選擇，食咗4個點心，質素十分不如理想，大部份都係老人家懷舊及國內遊客，唯一可取係D茶幾靚，要讚吓老伙記服務幾好虾餃皮乾争爭，虾冇乜鮮甜未，鮮竹卷味道差，有一件有少少硬嘅腐皮，豬肚燒賣唔知點解点心阿姐將佢翦碎哂，雞扎用淮山，但D雞肉唔靚地方又唔乾淨，朋友去女廁話市政大樓廁所乾淨過，希望管理階層可以多加留意，將一個歷史店舖好好延續下去…Read More

琴日經過佐敦白加士街夏銘記，已前喺油麻地經過好多時都幫襯，質數唔錯，但早前結業，自從年多兩年前重開之后，成日排隊，琴日唔使排隊，11點9入去，得一枱客，入去食魚旦魚片撈麵，麵底一般，但魚旦好"削"冇魚味，軟腍腍，好多空氣，魚片都係，兩樣都冇乜味道，渴底一般般，同以前有很大分別，十分十分失望，食完口乾，食完埋單12点幾我得3/4個人服務都幾好，地方整潔，希望老細可以改進食物質素，維持老店嘅水準，唔好整衰個招牌…Read More

今曰去牛頭角，搵地方食午餐，上 openrice 搵地方食lunch , 見到呢間澳門咖哩清湯腩走入去試吓，問伙記$33 同 $42 嘅清湯牛腩有乜分別，佢話$42係用新鮮牛腩，所以叫＄42嘅腩河，加一個咖哩腩配陽春麵。牛腩一攞到嚟，已經唔多對路，睇見D肉紋，點解咁切嘅！先飲一啖湯，十分淸，牛肉味淡，有少少白蘿蔔嘅味，標謗無味精，但湯一點都唔夠味，河粉一般，牛腩大片，但順紋切，已經唔妥，一人口，好似煲湯渣咁稔，已經煲到冇哂味，靚牛腩一定要不黏牙，呢件牛腩黏牙到暈，要𡁻好內先吞得落肚！邊度有人咁切牛腩!個咖哩牛腩，牛腩又係咁，咖哩汁唔香又唔好味，大家樂個喱腩飯好食好多!倆個字＂失敗＂…Read More

昨天來吃了早餐，睇見下午茶 menu，今日返嚟試吓，二點五十分等咗十分鐘，坐低叫咗$38嘅帶子檸檬扁意粉，加$20 配龍蝦湯，三文魚他他鵝肝醬多士，紐約芝士餅及即磨咖啡。龍蝦湯十分濃郁，好重龍蝦味。三文魚他他及鵝肝醬多士也十分可口，麵包鬆趣，三隻中型帶子十分鮮甜，並沒有雪味，檸檬意粉汁十分清新，下午茶十分適合。紐約芝士餅也十分好味，配即磨咖啡，為下午茶劃上一個完美嘅句號。以後下午茶又多一個好去處，一定要回來吃吓午餐式晚餐…Read More

11/18 星期六早上行經荃新天地，見到 Marco’s Oyster and Grill 有$32 早餐，排咗十分鍾，坐低叫咗 F 餐 ($34），意大利菜湯南瓜蓉雲吞，黑松露炒蛋，牛油多士跟煙肉。意大菜湯十分濃及好味，雲吞內南瓜蓉味不足，我個人喜歡芝士或磨菇。煙肉厚切大片，煎到剛剛好，不太咸，好好味，黑松露炒旦也很好。厚切多士外脆內軟。即磨咖啡也很好。$34 加一，平過區內D茶餐廰及快餐店，以後將會成為我早餐熱點。…Read More

昨天往青衣城吃下午茶，見羅麥記開張，排咗十五分鐘，二个人叫咗三様小吃，羅麥雞翼-辣，羅麥飽，蜂蜜豬手仔，兩個字－＂失望＂雞翼－冇乜特別，瑞士雞翼汁加辣，雞皮不太爽口，我自己用豉油，老抽，冰糖加水浸啤過冰水嘅雞翼好食過佢。羅麥飽－半隻飽用吉列豬扒加沙律醬，另半隻飽用煎豬扒加燒汁，冇乜驚喜。蜂蜜豬手仔－失敗👎👎👎👎餐牌照片十分吸引，但一攞到嚟，已經唔對路，一咬落去，學亞蘇話齋＂硬過我條命＂，跟本就未煑稔，味道得過咸字，冇乜蜜糖味，埋完單，出去同receptionist 講，話豬手仔十分難食，唔該佢叫主㕑自己食番件。kk …Read More

我移居外地的已二十多年，但每次返港都會到一些老店懐舊一吓，以前小時候住在深水埗，屋企對面有間醉瓊樓，十分好食，今次選擇了佐敦醉瓊樓，一坐低，亞姐已推介$400四餸一湯，兩个人點食得咁多，和小兒兩人叫了三个餸，東江鹽焗雞冇例牌，只有叫半隻，梅菜扣肉，骨髓炆三鮮。雞一嚟到已經唔係几好賣相，一食入口，皮並不爽，味道也十分普通，小弟在家炮製的貴妃雞，比佢好食好多。梅菜扣肉，厚厚的四五片，應該切薄一點，皮好似冇走油炸鬆，瘦肉位置也比較＂鞋＂，味道也不好，又係自己整得好食過佢。骨髓炆三鮮，賣相已不好，味道也十分差，令到骨髓淡而冇味。連兩个白飯，埋單連加一，四百大洋。老店格局，老侍應抹枱，把枱上食物一掃落地，再加一腳掃入抬底，冇眼睇！又一間老店被列入黑名單！…Read More