abccba1223's Profile

難得同好友聚會 去試下新野一入到去 簡約嘅水泥牆身 木枱 木櫈 有點兒工業風感覺Oppa 鋪 點會無Oppa Oppa 唔太識中文 (不過應該識一啲 食食下同友人講點解枱枱有水 我哋呢枱冇水嘅？轉頭就俾水我地啦～)炒年糕口感不錯 醬油味重 味道比較咸 另一番風味 如果多幾條年糕就好啦個魚片肉質有D硬 未夠入味 湯底黑色一點點是胡椒粉？ 味道比較辣 重頭戲黎啦 Oppa表演熔岩撈飯(佢一日究竟要燒幾多次 完全唔怕火)不斷燒 不斷搖 真係搖手肌有兩款 一個係章魚芝士 一個係火腿芝士較喜歡有章魚芝士味道比較濃蛋漿撈完 無乜蛋香 仲有個芝士排骨 店員一條條 圈好俾你芝士方面 起絲 如果有其他味道濃味嘅芝士撈埋一齊 應該會味道豐富啲 個餐牌轉左？無左壽司⋯小店面積有限 如果5人或以上嘅 就book位時要講定啦…Read More

今日同好姊妹去完演藝睇舞台劇，就黎到筲箕灣食晚餐。😋這裡好多選擇，中西粥粉麵小炒都有，真係好適合不同的食客、一家大細。👨‍👩‍👦‍👦這裡都幾大；雖然枱有點迫，但都坐得幾舒服。難怪客人這麼多！好多服務員，佢地好清楚運作又菜單，所以快而準地為客人落單。👯‍♂👯我們有好多野食想叫想試，最後叫了一個粥、腸粉、2個小菜及一個小食。生滾泥鯭粥好大碗好香滑的粥底、泥鯭剛剛好，又滑又新鮮；配上陳皮及香蔥，一流的魚粥！😍鮮蝦腸腸粉好滑好軟，蝦好爽脆又大隻；好味道的腸粉！😝海蜇手撕雞這裡的雞好出名，天氣熱熱地，食這個就好適合了！海蜇好爽好有口感、雞好滑又香口又無骨，有少少炸菜，加上個汁好野味好香口，正呀！😇蒸茄子好健康又野味又無油，蒸茄子好軟好腍，配上香又少辣的肉碎剛好！😎XO醬叉燒炒蛋好靚呀！一上枱蛋的黃色好搶眼！好香好滑的炒蛋，師傅煮得好好！配上半肥瘦大大片的叉燒及上面的XO醬，好正好易送飯！🤗…Read More

朋友話我知登龍街有間日本野好好食，所以就黎試一試。午市都幾多人，book位係必需！我地被安排坐Bar枱，可以睇住師傅整壽司同串燒。我揀咗雜錦魚生飯，跟餐仲有麵豉湯同沙律，都幾豐富！魚生飯有我最愛嘅海膽，超甜超新鮮。其他刺身包括三文魚，呑拿魚，帶子，油甘魚同甜蝦。樣樣都好新鮮！埋單仲送甜品，係雪糕糯米滋，又係一樣我好鐘意嘅甜品。今次無叫到串燒，但係見住師傅整，好香好吸引！下次再去一定要試下串燒先得！…Read More

次次經過都排長龍，但係真係好好味，所以點都要排隊買黎食。生腸，墨魚同雞腎係每次都必食。因為好多人買嘅關係，食物去得快，自然食物都新鮮。自問係一個玻璃肚嘅人，食過咁多次，都未試過出事就知道佢地衛生程度有番咁上下。…Read More

行到莊士倫敦廣場，睇下招牌，見話有live band，就上咗去睇下。見環境唔錯，就入座試下。食物種類比其他任食火鍋多，多到都試唔唒。我地叫咗重慶湯底小辣同蕃茄海鮮湯底。重慶湯底即係麻辣，不過唔夠麻味。用料新鮮，蝦，牛柳粒同牛肉都值得推介。反而手打丸就有啲失望，唔夠彈牙。平時打邊爐一定會食蛟類，但今次真係無辦法試到，太飽啦。至於live band，質素就麻麻地，同埋打邊爐聽live band好似有啲唔係好襯。…Read More

呢間小食舖頭真係又平又好食！次次買完一大堆都唔洗30蚊。老闆推介撈麵加煎蛋，又真係好好食！最值得推介係有得買我最鐘意嘅炸燒買！仲有好多小食，炸花枝丸，魚蛋，雞蛋仔，台灣腸等等⋯⋯…Read More

食咗幾次，粥底好味！無味精！份量好多，一個人未必食得唒。腸粉即製，皮薄！炸兩超好味！一定要叫！可能仲係新開嘅關係，員工仲係新，落order錯完又錯，不過服務態度好！…Read More

同朋友訂了這間火鍋店。見好多客人食過都讚，就一定要親身試一試啦！好中式的設計，感覺好有中國氣派的火鍋店。火鍋湯底有幾個可以選擇：藥膳、番茄、麻辣；我們選擇了紅油藥膳鍋（鴛鴦）。藥膳鍋好適合蔬菜，能增加鮮味及香味；麻辣鍋就好適合肉類，香香麻麻的感覺，令肉的味道好出！這裡的食材都好特別，不同一般的火鍋店。我們叫了龍廚八寶摩天輪，好靚呀，真係一個會轉的摩天輪，上面有八種不同食物：4種手打丸，4種手工餃子，令客人一次過可以嘗試不同的食物！手工餃子好出色，又大隻又多餡料，好香好豐富的我們也叫了小龍上上籤拼盤，又係一個名字特別的食材。原來係好多不同食物用竹籤串好，等客人可以一串串放進鍋內。有蝦、芝士腸、鮑魚、墨魚仔、蟹柳等等叫了鮮魚卜，好乾淨好爽脆我最愛是這個即炸紫菜響玲，好香好脆，用紫菜一同包著，增加口感、香味同健康龍坎排骨，好大碟好多塊，醬料好香濃，令排骨好好食，肉好腍更叫了山藥片、秋葵同皇帝菜，好新鮮又乾淨，份量不少…Read More

今天朋友生日我們相約在位於銅鑼灣樓上舖, 這餐廳是我朋友介紹的，它是由幾位擁相同抱負的餐飲愛好者共同創立的意法式私房菜餐廳。一進到餐廳的時候，燈光的情調，已經使一日的忙碌感完全退去。我平常食飯都會選擇晚餐，因為不用眾裡尋它，也有完善的配搭。在這間餐廳，可見他們的細心及對食材的嚴緊度。最愛是他們的自家制麵包及醬汁。麵包醬有兩款，第1款:是香草茄子醬茄子醬有點像東亞南國家香料的調味， 第2款是辣肉腸南瓜醬，好像pizza 的醬料一樣。前菜的皇帝蟹腳沙律真的好清新，因為配料豐富，每一啖的口感及鮮味層次都帶來不同的驚喜！還有我最愛的酥皮盒，香濃的煙鴨胸配上柔滑的牛油果及千層脆薄的酥皮，帶來更嶄新的口感新感受及刺激!碰上生蠔買一送一，在外比較少會選擇的 ScottishRock，有意想不到的清甜、爽口彈牙的感覺。 第2款 Lambert Special海水味比較重，但也比較軟滑，多了齒夾留香的回味。湯也不失細心及創意，忌廉湯中的自家制煙肉，香濃的油脂但不失口感。龍蝦湯更是清甜香滑，令人一試難忘。entrée的北海道半熟厚帶子，以刀叉的食用方法，更能帶出帶子的彈性、爽滑、鮮甜的滋味。鵝肝更令人興奮，蘋果沙律配上的鵝肝，把油膩感及清新的感覺重新定位。法國用膳當中，主菜前的石榴雪芭，令口腔帶來另一個溫度的刺激及緩和。主菜最令我感到非常出色的是慢煮黑毛豬火腿，它的香濃味加上爽滑的口感，令火腿有另一更突破的口感及味蕾的牽動。最後配上玫瑰茉莉花茶，及甜品櫻桃乳酪芝士慕絲配金巴利啫喱，味道突出配搭上的新享受，仲可以免費加上祝賀字句！而綠茶焦糖燉蛋更令我對綠茶重新改觀。埋單前like+share Facebook 比現金的 set dinner 仲有95折，仲有送了85折coupon給我們下次使用，二選一，冇限期的呀！…Read More

好耐之前都黎過，見個Menu改咗，所以再黎試下。沙律，餐湯可以去Buffet枱攞，都算幾多選擇。頭盤揀咗生蠔。啲生蠔好新鮮！落檸檬汁果陣仲識郁！主菜揀咗肉眼扒，七成熟。肉質多林，啱啱好！甜品又係去Buffet枱攞，都有幾多款式，味道可以！呢個價錢，真係好抵食！…Read More

朋友推介下，去咗呢間餐廳食晚食慶祝生日。七點半左右去到，人數唔係好多，枱嘅數目都唔多，約十張左右。短短半個鐘，突然坐滿客。所以想黎食飯記得訂枱！不論味道，賣相都可以俾100分。5個人叫咗6個餸，加一個炒飯。真係好好味！餐廳仲有燉湯，入座時候已經問洗唔洗留俾我地，因為得番兩忠，但係未齊人，做唔到主意，就無留到。等朋友黎到想叫嘅時候，已經賣哂。唯有等下次再黎先飲到啦。食完出面仲有客等緊位，所以想坐耐啲嘅話呢到可能未必適合。…Read More

平時唔係樣樣咖哩都鍾意食，不過呢間餐廳嘅咖喱真係好好食。尤其係咖喱雞扒飯，配埋薯仔，用咖喱汁撈飯，可以令你平時唔鍾意食飯都可以清晒成個飯。佢嘅雞扒係炸過，好香口，好脆。…Read More

平時慣性帶飯，點知同事話60蚊打邊爐，仲話飽到嘔，實在太吸引！放棄咗個飯盒，跟同事黎試下點樣飽到嘔！環境超好，對住海景食Lunch，心情都暢快啲！Lunch set包湯底，飯或麵，三款餸，仲有埋飲品，真係好！抵！湯底揀咗三杯雞，辣辣地，好野味！如果唔食得辣嘅話，就記住叫小辣！麵款有幾隻揀，我就揀咗個台式拉麵，麵底好多，食極都唔完！餸方面揀咗雞件，花枝丸同芝士年輪。三樣都好味，雞件係必食！飲品好多選擇，所有都唔需要加錢。揀咗巨蜂提子沙冰跟雪碧，味道好好，但係沙冰唔夠沙。Lunch time都幾旺，因為價錢平，食物質素高。所以如果黎嘅話最好book位啦！…Read More

同朋友本身諗住黎九龍城食泰國野，行行下見到有間西餐廳，俾佢個門口吸引咗，於是變咗食西餐🤓餐廳唔係好大，得30個座位左右，橙啡色嘅裝修，柔和嘅燈光，配埋輕快嘅音樂，感覺好relax🙂員工好nice, 服務好好👍🏻餐牌好多選擇叫咗湯，pizza，肉眼扒，同甜品。落完order就有熱辣辣嘅麵包，有芝麻包同蒜蓉包，兩款都新鮮，又脆又軟😋南瓜蟹肉湯將南瓜煲到好蓉，好鮮甜😋煙肉辣肉腸PizzaPizza個底係店入面嘅廚師自己手打，厚薄適中，煙肉同辣肉腸份量平均，配埋蕃茄醬同芝士😋肉眼扒叫咗七成熟。員工介紹用海鹽味道更突出。一食落口，好濃烈嘅炭燒味道，正！😋薯蓉好香牛油味，食落好有罪惡感😩Cream Bulee一層脆脆嘅焦脆，配上香濃嘅蛋味，好好味😋最鐘意佢唔甜👍🏻最後員工仲送咗兩杯餐飲俾我地😊無啦啦食咗一餐有驚喜嘅西餐😋…Read More

食飽飯行下街，點知經過呢到好多人黎潮聖嘅餐廳，見到得幾個人排隊，所以都黎潮聖一下。叫咗一人一款，因為入座一定每人要order一樣食物。綠茶紅豆三舊pancake嘅size都唔細，食飽飯再食都有小小過飽。味道唔錯，紅豆份量都幾多！原味本身甜味已經夠，配埋個cream味道更正！個人會比較推介原味，食嘅時候味道同口感層次分明啲！對甜品唔係超級忠實粉絲嘅我黎講，如果可以兩個人share一碟嘅話，份量就啱啱好！…Read More