lawchichi's Profile

很久沒有食小籠飽, 很掛念皮薄餡靚的小籠飽, 於是就來鼎泰豐再嘗:)星期日8時來等位, 我和BB 2個, 但已經肚餓了拿票後就跑到最下層的food court 先吃些點心 哈哈吃了3個中式點心, 肚子飽了一半 接連立即再到鼎泰豐, 哈, 枱號未過, 還要多等2張枱前枱的小姐原本叫了我們的枱號, 後來來叫我們再多等一會, 因客人還未離開 服務小姐真的細心, 可能怕我們久等了9時多, 終於坐下來了, 不用撘枱, 好野 :)坐下來, 另一位經理替我拉椅子, 接著倒茶商量一會後叫了 炒扁豆,小籠飽, 酸辣湯 上菜的次序沒有規律 酸辣湯 -> 小籠飽 -> 炒扁豆酸辣湯: 不覺辣, 帶有很香的胡麻味, 料子足, 有豆腐,肉絲, 不覺有木耳(可能太少了), 不過不失, 感覺可以再好一點 小籠飽: 皮薄餡靚, 湯汁味道鮮, 不過略賺鮮肉餡比較碎和散, 是肉質不夠好嗎 ? 但我仍不減喜愛炒扁豆: 是屬於"涼菜"列的, 可上桌時郤是微熱的 :) 味道出乎意料的好, 與甘香的碎肉配合得很好, 雖然樣子有點油, 但入口不覺太肥, 反而有點驚喜 吃飽飽了, 談天說地, 其間也有服務員來加茶借洗手間一用, 還有一位貼的姐姐在洗手間前以笑容待侯你整體感覺很好, 所有事情都很對難怪等位要等這麼久了 …Read More

見到推出 $88/2人餐 有剌身, 以為好抵, 1行4人, 買咗2張諗住同daddy 慶生入到去係冇人招呼你的, 個個入泥既人都好似唔知頭唔知路咁 ... 果然係水魚 ..(包括我哋) 人人都同counter 個位叔叔講, 團購訂咗位的, 佢會答你 : " 人人都係團購訂咗位, 企喺度排隊等下先啦" 之後有位姐姐, 見邊度有位就叫你地坐邊到 ... 我覺得book咗位基本上都係唔會留枱俾你的, 都係要排隊等... 食物1)味噌湯 - 同場加映<<< 味噌湯製作表演>>>你排隊果時可以見到味噌湯既製作過程, 因為侍應叔叔會响旁邊將一碗豆腐+䓤 再加入湯 味道: 暖暖的, 普通2)燒雞翼 2pc個樣都幾衰的, 細細隻, 雖然係暖, 但好似煮咗好奈咁味道: 暖暖的, 普通, 冇咩味3)剌身 (我地4個人, 可選剌身6款, 不過有d都唔記得)點咗 好幾款: 三文魚, 海膽細板, 水母, 生蝦, 北寄貝 ... 一次過上,上時你以為係 "碎切剌身" 所有份量只有正常既1/4 片 .... 細到呢 味道都叫做ok既, 冇咩味咁law 4) 鰻魚炒飯＋豬骨湯拉面　鰻魚炒飯－當然係沒有鰻魚的，顏色極深，因為煮燶 咗，全個飯都有一陣燶味，同埋用鼓油／老抽煮．．難食豬骨湯拉面－勁！我細佬叫的，冇為意．．．　上枱就知, 係”豬骨湯”拉面, 咩料都冇架SURPRISE ~ ．．個面煮得太奈，勁淋，完全唔覺得佢係拉面．．．恐怖5)小食炒牛肉粒－細細粒，唔洗講，ｄ肉好老，唔新鮮，味好咸牛油金菇－好核突，因為ｄ金菇俾好似响湯入面，唔知佢ｄ汁點煮的，杰杰地，冇咩牛油味，唔好食燒鯖魚－正常份量，正常味道6)雪米糍相比以上既食物質素，相信可以評為可口（因為唔係呢間野煮的）服務客太多，做唔切，唔多會有人理你　，可能我哋算早到，所以ｄ野都唔算等太奈環境似ｄ好cheap既西餐廳，　完全同日本餐廳拉唔上任何關係厠所 <-- 又係一絕, 指示唔清楚,入咗去一間好似雜物房既地方,鋪有地壇, 但係污糟到地壇會痴住你對鞋, 個厠所內格既情況更加唔洗講咁恐怖 ...坦白講，做唔到就唔好做團購，　做到個名咁衰，我諗好多人食完呢次都一定怕怕，　唔會再去食．．．團購係反宣傳．．佢俾呢ｄ食物質素／服務俾客人，真係太差了完全係將貨就價，或者根本係一個騙局我諗好多消費者會寧願俾貴ｄ去食餐好既多過咁"貼錢買難受"& 真係對唔住daddy, 佢既生日飯被迫要食d咁既野... …Read More