ChanChiPang's Profile

今日去咗試嘅呢間餐廳真係唔錯！叫咗個all day breakfast set，份量同質素都幾掂下。個牛角包真係新鮮，脆卜卜咁，仲要熱辣辣咁上。炒蛋做得幾嫩滑，唔會乾爭爭咁，配埋火腿同腸仔，基本功都算做得好好。最意外係隻燒雞扒，汁香肉嫩，幾有驚喜。個沙律都唔係求其做，用咗車厘茄同牛油果，配埋生菜，夠新鮮爽口，唔會覺得個set太肉感。仲有新鮮橙汁，清甜解膩，幾啱！另外叫咗個通粉，個湯底香到癲，成個都係蒜蓉牛油香。啲通粉煮得勁啱，唔會太爛，配埋西蘭花，又夠新鮮爽脆，都幾夾最重要係呢度啲嘢唔係好貴，想食個豐富嘅早午餐，絕對值得一試。個環境都唔錯，光猛舒服，夠寬敞，店員態度又好，真心推介畀大家！個人覺得呢間嘢真係幾抵試，有心機整嘢食，份量夠，價錢又唔貴，絕對係食早午餐嘅好選擇！👍🏻…Read More

銅鑼灣登龍街出名多餐廳，依間餐廳就位於其中一座大廈，地點都幾方便約朋友嚟飲嘢傾偈～ 上到26樓已經感覺到酒吧嘅氣氛，打開兩度好有feel嘅閘門之後，就會好似進入另一個空間咁樣。依度特別設立左幾個梳化位，配合埋燈光同音樂都幾chill～ 今晚就見到另外兩對情侶喺度享用晚餐，飲酒傾偈☺️話明係酒吧，酒嘅種類當然係有好多。可惜今晚我同朋友都唔方便飲酒，又想感受下個氣氛，一於叫兩杯mocktail～都一樣有飲酒嘅感覺呢！第一杯mocktail叫strawberry lounge，用咗新鮮嘅士多啤梨🍓，一路飲都可以食到一啖啖嘅果肉，檸檬汁同埋鮮奶加埋一齊竟然有少少乳酸嘅感覺 味道Fresh得黎口感係滑嘅～另一杯係朋友嘅Apple Yoga，我當然係忍唔住試飲一啖🤣同樣加咗檸檬汁但呢杯蘋果味就比較重，坊間好少見到蘋果加鮮奶嘅組合🧐 估唔到出到嚟又幾好飲，相對來講我覺得呢一杯飲品係比較特別，而且適合怕酸味嘅人！由於朋友同我都係放工就過嚟，小肚餓，我哋另外仲叫咗啲食物，依度小食嘅種類都幾多，其中有好多都係適合一路飲酒一路食既，例如依個韓式炸雞～炸得不錯 外皮薄既唔會好硬，又可以保留雞肉既肉汁，配既醬汁就相對經典：有茄汁同蛋黃醬 另外叫得韓式炸雞 當然有啲泡菜啦 🤣另一個小食係意式腸拼盤，都有好多款腸仔而且已經切好咗，方便分享食，最面頭嘅有骨腸仔係最好食既☺️ 一咬落去爆汁，依個小食又配左另一款醬汁 楓糖芥末醬 甜甜地幾易入口🤓見到餐廳仲有更多特色小食，吞拿魚他他同海膽都有，有機會再訪又可試下其他野，黎多幾次都唔會厭！…Read More

依家無得去日本旅行，於是約埋朋友一齊食日本高級餐廳感受下「旅行」嘅氣氛。 一入餐廳好似置身日本咁，我地坐係窗邊卡位，私隱高之餘，仲可以享受無敵維港景色。本身諗住同朋友嗌一個lunch set，但係見到熊本Fair Menu好似好吸引所以就散嗌左幾款菜式試吓。 第一道菜色係櫓杏特製 海鮮太卷飯券入面有吞拿魚，青瓜，用日本連續4年第一既海苔捲起，上面鋪左海膽同三文魚籽。海膽好鮮甜，加埋三文魚籽已經好有鮮味，可以話係今餐既第一名。 火炙燻製鰹魚刺身，依個係香港比較少識到，外面係少少燒燶而入邊仲係刺身嘅狀態，食落去爽口清新。 新鮮處女生蠔盛合，新鮮但無海水重鹹味，一d腥味都無！ 鹽燒天草大王雞全翼，即叫即燒，可以全隻上或者剪開都可以，黎到「嘩」一聲，好大隻！外皮非常香硊，雞肉好juicy，值得一試！ 叫左一份刺身lunch set，跟左面豉湯，茶碗蒸，茄子冷盤，蕨餅，刺身好新鮮，有係日本食既味道，蕨餅嘅忌廉有好香嘅奶味，有d驚喜。 最後我哋點左甜品焦糖燉蛋，上面焦糖非常香脆，有濃濃嘅蛋香味，質感軟滑，入邊仲有雲呢拿籽！係一個完美嘅作結！總括黎講，餐廳食品高質，服務態度非常好，下次會再嚟過！ …Read More

點左一杯芒果茉莉，價值$30，原本以為會好大杯，點知得約300毫升，啜幾淡無曬。都唔緊要，好飲就得啦下話。點知！只得頭2啖有果肉及果汁味，餘下嘅十分之淡味，而且很多冰。總結而言，性價比很低，如果賣$18就可以接受。…Read More

之前係大埔都食過呢間餐廳既下午茶，質素相當唔錯，今日行街先知原來旺角都有分店，地點就腳好多，可以幫襯多啲🤣🤣餐廳裝修都係走西式風格，卡位位置都好闊落，6個人坐都絕對無問題。我地叫左個二人餐。前菜有沙律同鵝肝，唔好以為套餐份量一定係細份，估唔到鵝肝份量一啲都唔細，鵝肝外脆內軟，入口即溶，正👍🏻👍🏻👍🏻主菜有意粉同飯，我地就簡左黑松露野菌意大利飯。未食入口已經聞到黑松露既香味，食落一啲都無失望，好香菇味同黑松露香，好食😋😋主菜仲有慢煮和牛威靈頓，同樣地份量十足👍🏻👍🏻女仔細食啲都食唔曬🤣雖然牛柳好大件，但慢煮左一啲都唔會太乾身，剛剛好5成熟，肉質嫩滑又有牛味，估唔到套餐價錢都食到咁高質既牛柳，推介！餐飲我地叫左smoothie，份量巨型🤣🤣有奶味得黎又唔會太甜👍🏻👍🏻…Read More

自從因疫情而限制左食肆唔可以坐超過一半客之後，都好少出街食，好怕無位坐🤦🏻‍♂️ 不過喺條街到肚餓上嚟都係要食架，所以就碰碰運氣啦，壽左好耐無食嘅活壽司🤓店長好親切咁幫我量度體溫，又遞上紙巾俾我包住口罩👍🏻👍🏻加洲三文魚飯定食係我嘅必食推介💡！ 只需要$58，就有齊魚生飯+味噌湯+沙律，抵到飛起😍魚生飯特別在添加左牛油果🥑 食落成個飯好香口！ 味噌沙就不過不失，勝在多料😘 蟹籽沙律用左沙律生菜，食落fresh過青瓜😝…Read More

上次黎完都係幾個月之前既事，見到有新menu，又有新優惠，就專登黎試下🥳🥳［凱撒沙律］前菜當然叫個沙律refresh下先，沙律醬份量岩岩好，唔會太多太膩，開胃之選👍🏻［美式焗薯皮］另外頭盤仲叫左焗薯皮，配埋酸忌廉食更有美式風味😋［美國USDA PRIME肉眼扒］朋友叫左肉眼扒，肉味香濃，肉眼扒唔算好厚，反而更考師傅控制火喉既功架，果然無令到我地失望！5成熟岩岩好，外層有燒烤香味，又保留到肉汁，正！推薦👏🏻［西班牙法式豬鞍架拼盤］因為今次幾個朋友都係食肉獸，所以再叫左個豬鞍架拼盤，有雞翼、豬鞍架同豬肋骨。份量十足，岩曬同朋友叫黎share食🙌🏻［蒜片辣椒欖油扁意粉］食左咁多肉，叫返個清啲既意粉平衡返🤪雖然意粉淨係用蒜片辣椒調味，但係一啲都唔寡，味道層次鮮明，有驚喜😻［Tropical Delight］餐廳有一邊係做酒吧，一於就試下呢度既cocktail🤩果味都幾重，甜甜地易入口，女仔都岩飲😙…Read More

今日又同朋友黎呢間泰國餐廳，見到長期都幾好生意，野食質素應該有保證🤣頭盤叫左泰式沙嗲串燒，肉碎生菜包同泰式鳳爪。串燒可簡豬、牛及雞，就每樣各2啦，串燒十分惹味，送酒必點🥳肉碎生菜包唔算太辣，但十分開胃👍🏻相對之下，泰式鳳爪就比較辣，小朋友就唔岩食喇，當然不怕辣都可以試下🙊食完頭盤就到主湯品，泰國菜點少得冬陰功湯呢，冬陰功湯十分惹味，酸酸辣辣，而且十分足料，又有蝦🦐又有菇🍄咖喱牛肉配埋薄餅十分夾，咖喱汁香濃惹味，正。最後仲有火焰燒雞，燒雞上台後，侍應會將雞隻點火讓客人打卡📸 影完相仲會幫我哋剪好啲雞，打卡必點✔️✔️✔️…Read More

【 日式牛排鐵板🥩 】------------------------------呢間牛扒鐵板有別於一黎既港式或者西式鐵板餐，店面有點餐區位置，點餐後先由店員安排坐位，而且店內係自助形式，需要自己取餐及收拾餐盤。［ 環境 ］店內位置唔算太多，想食既朋友仔記得早別啲黎，如果唔係就要排隊等等喇🤪［ 餐廳特色 ］呢度有分三款唔同既牛肉可以簡，分別係肉眼、牛柳同西冷。選完牛肉既種類，就到選擇牛扒既重量，分別有300g/ 400g可以簡。簡完之後，店員就會係凍肉櫃拎成舊牛肉🐂出黎，即場切即場磅重量🥩。可以睇到塊牛扒勁新鮮😻，而且仲1g都無得呃🤣🤣跟住店員會問想牛扒幾成熟，因為有鐵板熱住上菜既關係，今次我地叫左5成，上菜就岩岩好7成喇！想食生啲既朋友可以叫3成，咁就唔怕太熟啦🥰［ 牛柳 ］牛柳係三款肉入面肉質最淋同嫩既，而且脂肪最少，岩曬要減肥既女仔們🤭肉味方面僅次於肉眼，但肉味都唔錯嫁☺------------------------------[ 牛扒 ミディアムレア ステーキ]地址📍大埔翠怡街3號翠怡花園C座地下18A舖港鐵🚇太和站A出口------------------------------好味：😻😻😻😻性價比：😼😼😼😼<5隻滿分>------------------------------…Read More

【 長沙灣中菜館 】------------------------------呢間中菜館似舊式既酒樓，但由於新開既關係，所以裝修都好新淨企理👍🏻睇過食評都唔錯喎，就一於試下😋😋［ 菌皇醬蒸勝瓜 ］菌皇醬雜菌味濃郁，配埋勝瓜就唔會覺得寡，成碟餸一啲油都無，健康之選😜💪🏻［ 燒乳鴿 ］乳鴿啲皮好脆口🤩肉質幼嫩，調味唔算太鹹，食落鹹鹹香香，配埋啤酒就岩曬喇🍺［ 薑蔥焗蠔 ］侍應推薦薑蔥焗蠔，果然無介紹錯🤤桶蠔十分肥美，隻隻都圓碌碌、脹卜卜，食落鮮甜唔腥。配埋薑蔥炒好有鑊氣，正👍🏻👍🏻…Read More

【 虹橋西餐 】------------------------------估唔到虹橋都有環境咁chill既西餐廳😻位置唔算易搵，搵屯門朋友仔帶路就最好喇🤣餐廳劃分左兩個區，有室內同室外既位置，不過今次去室外位置就無開放，下次可以再黎感受下☺［ 澳洲安格斯牛肉車打芝士漢堡 ］安格斯牛肉漢堡扒超juicy🤤牛味夠濃，而且塊扒超厚，一啖咬落超滿足👅配埋薯條🍟炸到脆卜卜，正🤩［ 全日早餐配芝士烤雞 ］全日早餐有兩款，可以配香脆魚柳或者芝士烤雞。芝士控當然識簡，叫左芝士烤雞啦😌芝士真係比足料，而且仲焗到拉絲嫁👅烤雞都焗到好香口，夾埋芝士一齊食，咸咸香香，好惹味💕另外再有黑松露炒蛋！！好濃郁黑松露味呀😻女仔食一個餐都好夠飽😋［ 巴馬火腿班尼迪蛋 ］班尼迪蛋煮到隻蛋仲係流心嫁🤩見到已經加爆分☺流心蛋黃配埋Parma ham，有蛋味之餘仲有ham既甘香👍🏻👍🏻［ 蜜糖青芥末虎蝦意大利飯 ］呢個意大利飯都幾特別，食落係wasabi既味道，有啲似日本fusion西餐🤣wasabi唔算太攻鼻，可能係加左蜜糖既原因，幾特別，大家可以去試下😘👍🏻------------------------------[ Marka House ]地址📍屯門井財街19號嘉熙大廈地下B2及B3號舖------------------------------好味：😻😻😻性價比：😼😼😼<5隻滿分>------------------------------…Read More

【 粉嶺高質西餐美食 】------------------------------［環境］估唔到聯和墟呢個小區都有間咁特別既西餐廳。「Good Times Restaurant and Bar」固名思意，將餐廳劃分兩邊，一邊係西餐適合朋友情侶約會，另一邊就係高身餐檯加吧檯，一大班朋友放工黎飲野吹水就岩曬喇！餐廳樓底超高，坐落舒服唔壓迫。［ 芝士焗薯條配黑松露醬 ］呢個岩岩焗起，要小心辣親咀仔🤣🤣薯條面頭既芝士焗到溶曬，係拉絲呀😻黑松露醬係。精。髓。好香黑松露味，配埋熱辣辣既薯條，好好食！ [ 法式煎鵝肝］淨係個擺盤已經加爆分，陳太覺得食物既賣相好既話，啲野食都會好食啲嫁☺所以鵝肝都好好食，入口即溶🤤🤤一件唔夠喉😆［加拿大殼飼豬鞍架］餐廳介紹呢個豬鞍架係天然無激素既穀飼豬，對於健康有追求既朋友仔就岩曬喇🤗豬鞍架肉質鮮嫩，肉身好厚，但係食落一啲都唔難咬😘配埋法式芥末籽紅酒汁，有淡淡既酒香，一啲酒既酸澀味都無😋［黑松露意大利飯配海鱸魚］呢度唔似一般西餐份量細細得幾啖🙊呢度份量好夠，兩個人share岩岩好！意大利飯除左有黑松露，仲有牛肝菌，所以好重野菌香味☺海鱸魚好新鮮，一啲雪味、腥味都無🤩一入口就充滿魚油既甘香，魚皮仲煎到好脆，必點😻雖然餐廳位置唔算市區，不過以呢個價錢質素黎講，性價比超高！------------------------------[ Good Times Restaurant And Bar ]地址📍粉嶺聯和墟和豐街28號囍逸地下G06- G07A號舖#Foodieandcats_粉嶺------------------------------好味：😻😻😻😻性價比：😼😼😼😼<5隻滿分>------------------------------#陳生陳太 #吃貨 #吃貨夫妻 #eating #food #foodie #foodiehk #hkfoodlover #instafood #instadaily #hongkong #hk #followforfood #followme #like4likes #likeforlikes #hkrestaurant #GoodTimesRestaurantandBar #粉嶺 #西餐…Read More

【 泰國酒吧 】------------------------------［環境］「薄荷葉」餐廳有分室內室外位置，一大班朋友黎飲酒🍻傾計，坐室外檯都幾chill嫁👯‍♀［ 炸蝦餅 ］蝦餅爽口彈牙，食得出蝦既鮮味🤤岩岩炸起熱辣辣，配埋泰式雞醬，甜甜辣辣好惹味👍🏻［ 泰式串燒 ］串燒有豬/ 牛/ 雞三款肉可以選擇，可以叫每款各二，樣樣都有得試😬串燒好入味，配埋沙嗲醬好香口，配啤酒一流🍻餐廳推薦可以夾埋香草—小茴香一齊食，令到味道多一個層次☺［ 泰國檸檬魚 ］呢個檸檬魚好特別，平時泰國餐都係明爐烏頭魚配埋泰式酸辣汁多，薄荷葉將泰式既檸檬酸辣汁釀入魚身入面一齊蒸，所以成條魚都好夠味🤤酸酸辣辣勁開胃😻［ 冬蔭公湯 ］冬蔭公湯同樣好夠味，除左飲到酸辣味之外，仲有椰汁既椰香🤤［ 咖哩大蝦 ］ 咖哩椰汁味濃，食落唔算太辣，但都食到咖哩既香味😋而且好足料，大蝦超大隻👍🏻👍🏻正［ 肉碎生菜包 ］肉碎食到有香葉、青檸，配埋洋蔥同生菜一齊食，成個味道好fresh，肉碎炒得好夠味👅------------------------------[ 薄荷葉泰國菜 ]地址📍元朗安康路怡康大廈地下12-13號舖#Foodieandcats_元朗------------------------------好味：😻😻😻性價比：😼😼😼<5隻滿分>------------------------------#陳生陳太 #吃貨 #吃貨夫妻 #eating #food #foodie #foodiehk #hkfoodlover #instafood #instadaily #hongkong #hk #followforfood #followme #like4likes #likeforlikes #hkrestaurant #薄荷葉泰國菜 #元朗 #酒吧 #泰菜…Read More

吞pot雞煲 ------------------------------［環境］呢度唔似一般既雞煲店，又迫又嘈好似大排擋咁。餐廳採用玻璃幕牆，由於位置既樓層係22樓，所以望出外面可以望到好遠，感覺開揚。坐位同坐位間位置一啲都唔迫，一大班朋友黎食飯聚會就岩曬喇👯‍♀👯‍♂［ 香辣雞煲 ］黎到當然唔少得試下招牌雞煲啦，雞煲款式都幾多，有花雕藥膳雞煲、花膠雞煲、胡椒豬肚雞煲，有辣有唔辣，任君選擇😆陳生陳太覺得就係要食辣配啤酒🍻叫左個香辣雞煲 - BB辣配 Asahi🤭BB辣唔算好辣，陳生接受到🤫微辣得黎配埋洋蔥、乾蔥等配料，成煲雞都好惹味😎煲入面有幾條乾指天椒，怕辣既記得夾起先，如果唔係就愈滾愈辣👅［頂級雪花肥牛］油脂分怖平均，真係雪花❄紋黎嫁😻食落唔油膩，而且肉質鮮嫩，入口鬆化，仲食到濃厚既牛味🤤［菜菜籃］有幾款菜同雜菇，份量都幾多，兩個人食未必食曬，多啲人share就岩曬喇☺［自創爆芝響鈴］呢款係餐廳自創，當然要試下啦😆響鈴加芝士都驚會太漏，但食落又幾夾喎。響鈴吸收左雞湯既精華，辣味過後食到芝士既香味，即刻平衡返啲辣味，食落咸咸辣辣，好過癮🤪------------------------------[ 吞POT 雞煲火鍋.住家菜 (旺角) ]地址📍 旺角彌敦道560號譽發廣場22樓港鐵🚇 油麻地站A2出口#Foodieandcats_油麻地------------------------------好味：😻😻😻性價比：😼😼😼<5隻滿分>------------------------------#陳生陳太 #吃貨 #吃貨夫妻 #eating #food #foodie #foodiehk #hkfoodlover #instafood #instadaily #hongkong #hk #followforfood #followme #like4likes #likeforlikes #hkrestaurant #油麻地 #吞pot #雞煲 #朋友聚會…Read More

「Amplifier Restaurant」係大圍都有新分店，餐廳用左工業風既設計，燈光都係偏暗黃，坐位與坐位間位置都好闊落，所以坐到唔想走🤭🤭餐廳新出英式下午茶，價錢都幾抵，就嘆個下午茶啦🤗第一層係鬆餅，有原味同提子兩款鬆餅，配鮮牛油忌廉同士多啤梨果醬，鬆餅唔算太乾，而且帶點微熱，岩岩好可以溶化牛油忌廉，散發牛油香氣👅第二層係咸點。炸洋蔥圈配埋千島醬酸酸地，所以食落一啲都唔油膩👍🏻迷你牛肉漢堡既漢堡扒煎起熱辣辣，咬落仲食到肉汁，配埋個包好鬆軟，好食☺仲有挪威煙三文魚外餡治同吞拿魚手指三文治🥪。三文魚新鮮唔同太咸，吞拿魚就勁多醬🤤好足料👍🏻最底果層係甜點，有三款甜品：鮮果撻、迷你芒果千層酥、意式奶凍。千層酥酥皮鬆脆，芒果唔算太甜，不過配埋吉士醬就岩岩好balance返，食落清新👍🏻意式奶凍係好濃郁既咖啡味，食落好滑溜🤩餐飲叫左Mocha，咖啡味濃，但一啲苦澀味都無，飲落有淡淡既朱古力香，咖啡同朱古力味配搭得好好，高質咖啡👍🏻👍🏻…Read More