crasywood's Profile

上星期朋友訂咗VIP房慶生。前菜有四款，但都係唔好食，尤其係個泡菜，辣醬魷魚還可以。一嚟個阿姐過嚟同我哋落單，sell我地自家製沙冰，話係新鮮手打，我哋就叫咗兩杯，冇錯呀，真係新鮮手打，不過係用甜到漏嘅士多啤梨糖漿，面頭加忌廉（張相有），冇吹水飲咗兩啖轉叫可樂。。。同樣佢有Sell我哋咩糖醋肉同呠呠雞（唔知個名有冇叫錯），嚟到係分開嘅炸肉同糖酸汁（九成似咕嚕肉），個雞係炸雞加炸蒜撈埋，其實係可以嘅，唔算好食，但未叫難食。不過我哋笑話點解係中菜，或者我哋孤陋寡聞？個炸蛋疏乎厘平平無奇，似係焗咗嘅蒸蛋。但薯餅同牛肋骨湯唔錯係好食嘅。跟住叫了最貴嘅牛猪燒肉套餐，首先豬肉，阿姐燒到塊皮好韌，唔係好咬得開。牛話係熟成牛，但係冇之前食開嘅韓牛嘅牛肉味。。。花姐同店員燒嘅時候燒得唔夠香脆，舊肉超級腍。。。食到呢一轉烤肉都已經開始唔係太想食，唔係食唔落，係真係唔好食。。。明白房間有最低消費嘅，但阿姐中間至少睇過兩三次話我哋未夠數。。。我哋最後嗌咗個套餐打包砌夠左最低消費就算。呢間嘢冇下次了。今時今日香港做飲食都已經唔容易，但係呢個價sorry 對唔住個食物同埋服務質素，真係幾趕客。另外睇到好多評論都以五星居多，係我唔好彩？大家請三思。…Read More

星期五晚，冇心水咁咁啱經過就衝咗入去，餐廳得一半人。叫咗韓燒大雜錦套餐，一嚟到放低晒啲肉就走，完全冇人幫手處理同介紹點樣煮。我哋真心唔識邊隻牛應該點樣燒，放咗塊牛肉，我哋燒到黐晒底，問咗幾次先知道應該未熟哂唔可以反面，諗住叫佢幫手處理吓，個老闆娘態度好麻麻話冇人手，叫我哋自己燒。食材方面，講真真係差過其他，食過尖沙咀好幾間韓燒，肉類質地咁算最差。服務方面，佢有一樽凍水，未食到一半，突然收走咗。叫咗個冷麵，有黃芥辣醬，未食完又收走咗，完全冇問過。綜合嚟講，食物同服務態度都唔係咁得。成日都想幫襯吓啲小店，但係某些小店真係令人失望 。張單仲要唔平，兩個人食咗1200。…Read More

星期日夜晚，兩個人諗住簡簡單單食個啲 dinner。見唔使排隊就直入。一共叫咗兩個Pasta ，一個係carbonara ，另一個係豬肉三角扁面。Carbonara先上，食落好奇怪，啲蛋汁好熟，只食到好少嘅bacon，冇乜忌廉。第二個豬肉三角扁面仲伏！完全同張相唔一樣！肉粒少得可憐，下邊層油多到浸住啲意粉。我要加咗勁多黑椒同Tabasco 先食得落。認真兩個意粉都唔平，埋單都360。Pasta嚟講，真心認為全香港數一數二差。意粉屋會好過佢。冇下次了，完！…Read More

上星期一晚打電話去查詢有沒有Taco Tuesday，一位講廣東話嘅男員工確認左有星期二Taco有買一送一，咁我就訂位第二日晚餐。果晚準時到達，得返一張四人枱，但天花板係咁滴水嘅，成個水舞間咁樣，張枱濕晒。即刻同個男員工反映，但係同場其他枱已滿，佢就話冇辦法，只可以幫你抹一抹。當下感覺有D差。第一，明知嗰個位漏水，點解仲要放張枱喺嗰度？抹完隔一陣都會有水的。第二我係有訂位，唔係walk in ，即係預咗依張漏水嘅枱俾我？但係現場冇其他位，唯有照坐住先。我叫住小食等朋友嚟到先再嗌Main。朋友嚟到，諗住嗌Taco，最離譜嘅事出現了，男店員話係竟！然！冇Taco Tuesday ！果下真係好嬲，明明打個電話確認咗先，而家就話冇，即係呃我哋嚟？！個男店員話Calimax其他店有，佢地未做依個推廣。仲話問返我邊個聽我電話，我話係一個男店員講廣東話嘅，佢即刻話嗰個同事唔識放咗假！（但我覺得聽電話嗰個男店員係佢，因為其他店員都係外籍人士）我地後來都食晒啲小食就走人，嗰陣時係差唔多九點，好多堂食就閂門，但係都唔想再order任何嘢食俾佢賺。其他店員態度都係普普通通，冇乜點樣理過我哋，連水都冇俾。食餐飯食到成肚氣，體驗好差，以後唔會再望襯，我都唔會推薦任何朋友去幫襯！…Read More

母親節前夕，三個人食午飯，去到已經有幾十人包左部份枱，環境幾嘈下。雖然有隔板，但係有部份係五個人一邊。座低男經理俾咗A la carte menu，後來我問其中一個女侍應，呢一個係咪已經係lunch Menu，佢答係。我哋以為係母親節前夕，冇lunch set所以照嗌。重點嚟啦，食到一半，隔離有台客坐低點餐，侍應又係俾咗Ala Carte menu，佢哋問有冇之前食開嘅lunch set，待應先拎左另外一個lunch set menu岀來。嗰一刻嬲咗，點解一開始唔主動攞 lunch set menu出嚟呢？問你就話冇，搞到我全部嗌哂Ala carte。雖然我點嗰啲除左叉燒飯lunch set冇，但係a la carte 咁同set 兩種完全唔同叫法。問返個男經理，佢話我點其中叉燒飯已經lunch set，完全冇嘗試去耐心解釋，講完就即走。除咗男經理之外，另外一位中年嘅短頭髮女士態度都麻麻地。面包好食我地refill左一次，再refill第二次就話要加錢，咁點解第一次refill果陣又唔講？第一次去依果價位嘅西餐廳refill包要加錢。。。重要重要嘅係態度差，我哋未講完就轉身走。食物方面，持平咁講龍蝦湯好飲，好濃郁嘅龍蝦味，所以我哋先額外要麵包點湯。蟹飯係岀色，不負眾望。美中不足嘅係飯底偏重味，搶左少少蟹羔味，三個人食啱啱好。蟹餅同留心蛋可以，但係蟹餅素價580，性價比唔高，所以冇影相。但叉燒飯真係好普通完全唔值，睇圖都見到側邊位係好乾，完全唔係吹捧得咁好食。最後埋單晏晝人頭1000，一共3000。服務態度完全比唔上呢個價錢，去其他餐廳可以有更好嘅美食體驗，唔會再有下一次。…Read More

小弟嚮睇完各大媒體後，俾燒烤及凍海鮮吸引而來。可惜嚟到係有失望嘅。七點到，眼海鮮有螺，蝦，青口同蟹。蟹岀現左一次之後就再冇出現過，其他海鮮質素普通。沙律吧就正正常常，我冇食過。燒烤海鮮方面，每次出爐均要大排長龍，小弟見有蝦，蜆，蠔，蚌，蟶子等。蝦是冰鮮貨，蠔和蟎子也是國內吃那種，體積很小的，其他串燒出爐的數量很少，例如牛脷，牛肉雞肉串等。每次只有不多於10串，不用半分鐘就給取走。見得最多的是燒腸仔和菠蘿。好心就一次過出多點。燒烤海鮮每次只能取兩至三件，讓我們要來回多次。主菜我選了羊髀，還可以，價錢+1後是$330 ，除了有燒烤的海鮮外，整體燒烤質素不如放題的，這個價錢還是去放題吃得盡興點。…Read More

星期一夜晚，無心插柳經過，見到個芫荽湯底招牌大大個，小弟非常好芫荽就衝左入去一試。首先座位好闊落，同其他車仔麵店完全唔同。叫咗波菜麵芫荽湯底，配滷水豆腐，咖喱魷魚同菜。價錢唔算平，都要六十幾。面一到，試咗個湯底，係我食過咁多間入面相對最好最濃，好過嗰間隔離嘅X嫂，可惜芫荽份量唔夠多，咖喱魷魚果醬出乎意料地好濃，滷水豆腐滷水都好出色。店員好細心兩碟配料分開碟上，最後我連湯都飲晒。雖然車仔麵係家常菜式，但不論係湯底及配菜上都用足心機。值得一題依度有酸蘿蔔任食唔嬲。希望間小店長做長有，值得支持👍🏻👍🏻👍🏻…Read More

餃子有好幾種類，有芝士主題的，併泡菜，味道唔太夾。正經類餃子，好似白菜豬肉個d味道正常，未至於好juicy個隻，勝在有併盤俾你一次過試哂唔同合味，不過其實都係分唔清邊隻味。另外試咗湯面，冷面同菜飯。冷麵同菜飯正常滷水也可以。湯麵就冇乜特別。星期日午飯去時，只有幾枱客，但係待應都黑面，落單好似得罪左佢咁，係收銀經理態度較好，請多加培訓員工。不喜勿插。其實我好鍾意食餃子，如果店舖能供應及專注傳統餃子，我會考慮再次光臨。…Read More

老夫處男下海,第一次寫review,大家多多指教.好入正題,聖誕長放期個幾日下晝,見到有間我至愛嘅越南餐廳看張入面又人山人海喎,就拿拿淋入去試下喇.點左一個生牛河同豬頸肉撈檬加咸檸七.生牛好快到,一嚟到先唔講好唔好食,個碗竟然有隻血印（如圖）...!大佬,拍人肉叉燒包咩？個粉...就好似普通魚蛋檔d河粉....唔係難食囉..個撈檬呢,賣相就醒神好多,大大碟.但豬頸肉就反高潮又乾,又咸,仲要係涷嘅大大啖啜咸檸七解咸喇,個咸檸又tuk極都冇味.阿哥,俾心機煮二個面有冇咁難先.真心好耐冇食過咁極品嘅餐廳.咁歷奇嘅經驗一定要分享俾大家.唔好話我係打手Let the pics speaks the truth碗上血掌印食完會腎虧嘅豬頸肉…Read More