法比+C的個人專頁

今晚去咗翠苑買糖水，記得之前曾經食過翠苑，印象之中都過得去，估唔到再食就中伏，今日幫襯咗合桃糊，完全唔掂，合桃糊非常多粉，一嚿嚿，食落冇乜合桃味，我覺得自己好似食緊用馬蹄粉開嘅熱水，啲糊好似漿糊咁漿住個口，如果盲測應該唔會知道自己喺度食合桃糊。雖然廿幾蚊碗價錢唔係貴，但係性價比極度低，完全係冇良心，冇誠意，食完碗糖水覺得非常之飽，因為實在太多粉，如果想減肥，晚餐用廿幾蚊食碗糖水，包保唔會再食得落其他嘢，不過由於我唔想減肥，所以絕對唔會再幫襯下一次。…查看更多

第一次幫襯呢間餐廳,因為都好多人讚~同女友一齊,我地叫左2個人餐,頭盤既沙津同焗田螺普通,不過D海鮮就好鮮甜,感覺都好衛生~餐湯不過不失,main course叫左炭燒西冷牛扒同意大利飯,牛扒d汁恰到好處,唔太濃,可以食到牛扒本身既味道,意大利飯好香,不過"漏"左d.甜品食左軟心朱古力布丁同藍梅撻,即做既口感都唔錯~總括來說都唔錯~尤其係d waiter既服務態度,主動教埋你食海鮮拼盆時既次序,加晒分~…查看更多