smarteatallday的個人專頁

今日嚟到觀塘新開嘅西餐廳—House FiftyEight食晚餐，不論係食物質素、服務態度同環境氣氛都令我印象深刻 又chill又舒服首先，我一入門口就比個環境吸引左，竟然可以玩飛鏢🎯，即時露兩手😎 隔離仲可以打桌球🎱食物方面首先講下前菜，是日餐湯我揀左南瓜湯，味道好濃厚，好甜，夠哂開胃👍🏻 而烤鐵板吞拿魚沙律都唔錯，分量都比想像中大份！賣相非常吸引，有好心思我就揀做西班牙黑毛豬鞍做主菜，可以話係我最鐘意嘅dish黎！同朋友打完卡，擺左一陣先食都仲熱辣辣，外皮香脆，肉汁好juicy😋，一點都唔乾！同個sauce都好夾，店員仲好貼心比多左把扒刀我哋~最後個甜品都唔錯，係好香濃嘅朱古力配清甜嘅芒果mousse~餐飲就額外order左杯Bellini，感覺好refresh! Balance返個main course嘅油脂嘅感覺👍🏻餐廳環境好舒服，又可以傾下計，又可以去玩下，我都幾推介一班人去👍🏻…查看更多

繁忙嘅尖沙咀鬧市多人多車，今日嘅餐廳就喺柯士甸道一個隱蔽嘅天井地下，老實說一開始我跟Google Map去搵餐廳嘅地址都不好找，走了很多冤枉路，最後才發覺原來經過很多次，餐廳原來就在附近，讓我在食評末段，簡單介紹吓點樣行去最方便。餐廳嘅裝修都係行日式食堂風格，店面不算很大，每次只能夠容納10多位客人，好彩我地今日七點就到唔洗排隊。黯然鰻魚飯$118，呢個係港式叉燒飯同日式鰻魚飯嘅Crossover，鰻魚厚肉而且燒得焦香，則無諗過可以同蔥油咁夾，雖然睇落食材都非常簡單，但完全係白飯小偷。每次去居酒屋都會想食一串月見雞肉棒$36，因為雞肉棒裡面有粒粒雞軟骨，口感好豐富。而店家亦標榜用新紀元雞，安全食品等級可以放心生食。每次去日本最想乜嘢街頭小食? 一定係日式可樂餅$38，蟹肉配以忌廉餡料，外酥內嫩！雖然呢間餐廳嘅食物定價都唔平但勝在白飯任添！可以食到飽為止啊～附上餐廳最大特色！就係天井之下，夜晚過嚟食晚飯有夠特別。當初我喺柯士甸道一直都搵唔到餐廳嘅門面，原來柯士甸道大廈15A係喺一個鐵閘入面！大家一定要認住上面嗰張相就好轉入去啦！…查看更多

今日放工約了男友喺觀塘食自助餐。原來餐廳做緊優惠，第二個人半價！四個人仲可以其中一個免費添啊！所以決定難得平日都去食個自助餐先。一坐低，餐廳就提供咗燉湯 ─ 花旗參瘦肉湯，雖然我好少食花旗參，但都好易入口，而且非常滋潤，好適合轉季嘅天氣。自助餐前菜都幾多選擇，除咗parma ham配芝士，各類嘅沙律，仲有好多凍海鮮選擇。當中我食最多係麵包蟹同螺肉，非常鮮味！另外，我地可以搵店長幫忙即切西冷牛扒，大概都有七八成熟，再配埋醬汁，都幾juicy。即開生蠔都係佢哋嘅賣點之一，店員特別介紹呢度嘅法國生蠔，雖然size唔算大，但勝在濃濃嘅海水味，但最後又鮮甜，食完再食！其中最驚喜嘅就係竟然有大閘蟹食呀! 適逢秋天當造季節，每人都有一隻大概三兩半嘅大閘蟹。雖然細細隻蟹肉唔多，但一打開蟹膏依然滿瀉，非常滿足。可能因為平日關係，甜品嘅種類唔算多，我自己就試咗個朱古力蛋糕同曲奇餅味雪糕。蛋糕唔會太死甜，朱古力味都幾重，值得一試。…查看更多

觀塘裕民坊商場新開了不少食肆，今天就來試試這道泰國美食-東羅 泰館。我們先點了2杯椰子沙沙，香濃細滑，甜度適中，實屬夏天消暑之選。小食分別有泰式鹹蛋黃單骨雞翼，份量足足有6支，鹹蛋黃均勻沾滿每支雞翼上，充滿鹹蛋香味，香脆可口。泰式咖喱配薄餅是必點之選，這家的薄餅非常有誠意，是手拉的薄餅，口感香脆，味道正宗，亦不會太油膩。配搭少少辣的香濃咖喱，令薄餅不會太乾身，配合得剛好。還有炭烤燒魷魚，在廚房新鮮大火炭烤，外脆內軟，魷魚肉質彈牙，配上特色醬汁，非常清新。正餐則選了巴東蟹肉炒飯配炭烤雞，由新鮮蟹肉、蔬菜、洋蔥、蛋等材料伴炒飯，分量十足。串燒肉質嫩滑，配上特色秘製醬汁，美味可口。甜品方面，美祿恐龍雪糕非常有東南亞特色，充滿美祿粉和可可脆片。提拉米蘇杯咖啡味非常濃郁，口感豐富。在疫情下能品嘗到正宗的泰國菜，非常滿足的一餐。…查看更多

今日同男友喺銅鑼灣拍拖，來到一間專食蟹嘅日本餐廳，感覺非常似左日本旅行。兩個人食一個全蟹宴套餐才$1,380，性價比挺高的。首先是蟹肉沙律，加上醋汁好開胃。接著是兵庫縣的生蠔，這是中級size，非常肥美。刺生有五款：深海池魚、吞拿魚、赤蝦、帆立貝，以及主角松葉蟹刺身。每件都非常新鮮，尤其蟹刺身整鮮甜，真係有種置身於日本嘅感覺。海鮮寄世鍋也都非常豐富，有多款海鮮：大蝦、帆立貝、蠔等等，還有手打烏冬連同海鮮湯底，不知不覺都吃光了。尾聲當然是甜品啦，迷你紅豆綠茶布丁，本身已經超飽了，一口份量剛剛好！特別想介紹呢個非常特別嘅野飲- 蟹宴之夜。原來係茴香酒加七喜，仲好重花椒八角味。我個人都幾鐘意！…查看更多

難得可以去海濱chill一chill，就揀左一間台式餐廳到食lunch，由於今日係平日，所以餐廳唔算多人，我地可以坐左兩個多小時，順便仲食左甜品添！首先點了燒雞泡魚乾，每次我都鐘意吃這個作為前菜，過過癮。主菜是午市套餐的酸菜魚（$129) 幸好有店員的提醒，兩個女生吃一份就夠了，份量真係好多，還有冬粉和一碗白飯。如果酸菜可以多一點就更好了。非常推薦這裡的鹽酥雞粒，剛剛炸起的時候非常香脆，外層炸粉一點也不多，不會有油膩的感覺，不自覺地不停地吃。椰奶仙草芋圓，才$38但兩個人的份量，下面裝滿的都是仙草，上面還有紅豆、珍珠、芋圓。椰奶不多但甜度剛剛好，很滿足。…查看更多

晚市放寬堂食之後，一直都想找一家日本餐廳食豪啲。上網留意到原來銅鑼灣有一家日式燒肉店新開張，都幾多人推薦的。所以我跟朋友兩位就有今晚上去試一試。我倆各自都點了一個mori set，才$580就可以嚐到八串燒鳥、燒物、食事、汁物，以及甜品！性價比極高。經理話呢到的omakase，由廚師發辦，就可以幫客人揀一啲罕有嘅串燒，或者比客人有新嘅嘗試，非常適合唔介意食雞內藏的人！我想特別介紹一下，在我心目中最好吃/最特別的串燒。首先，是雞脾肉，看似平平無奇，但咬下去的時候超級多汁，雞肉嫩滑，雞皮香脆！之後是月見雞肉棒，本來已經是日式燒肉店常見的串燒之一，但這裡的做法與坊間不同，日本雞蛋是經過特別醃製，所以有半熟的狀態。與雞肉棒一齊吃，特別濃味。另一串是雞腸，食下去挺爽口的，而且因為清洗乾淨，加上有炭燒味挺重，味道也不錯。燒雞全翼也很出色，入面juicy，外面也香脆可口，實在需要師傅不少心機和時間。惠比壽炭火親子丼，值得一讚是雞肉是先用炭火燒熟，份量唔算多，但食埋呢個已經好飽。…查看更多

好耐冇夜市堂食啦 一於食豪啲！今日同朋友去左間有得食燒肉同打邊爐嘅放題店 一次過滿足多個願望呀！我哋2個人坐左窗邊嘅卡座 都幾闊落慢慢食慢慢傾都坐左差唔多2個鐘 環境舒適 又唔會好嘈 係聚腳嘅好地方一坐低店員就幫我地著左個燒烤爐梗係即刻揀返轉肉食啦！個人十分推介土匪雞中翼 啱啱燒起表皮係卜卜脆 肉質又鮮嫩 忍唔住encore左好幾次！另外仲食左韓式厚切腩片 肥豬肉真係好邪惡！食燒烤點少得多春魚 烘到條魚尾有少少濃就啱啱好燒魷魚都好好食 一放落個爐到佢好似識郁咁 哈哈 枱面上都有唔同調味粉提供 就咁加少少黑椒碎已經好好惹味~而火鍋方面因為有分隔湯底 可以一次過試2樣 揀左豬骨湯同壽喜燒 味道都好濃 就咁放生根響鈴落去 可以連豉油都唔洗點 食左好多粒麻糬燒 原來佢同打邊爐係咁夾 煙煙韌韌 好過癮飲品除左紙包飲品外 唔有唔同種類嘅罐裝飲品 我就覺得食住燒肉飲返支有氣嘅檸檬茶真係好爽！最後係甜品部 雪條選擇都好多 有咸蛋黃珍珠同焦糖布丁味甜筒 都係好特別唔常見嘅口味試左薑條奶條 薑味的確非常濃郁 最開心係可以自己玩乳酪雪糕機 仲有雪糕筒提供買單每人$251 而咁多選擇嚟講係非常抵食！…查看更多

自問平時好少專登上OpenRice寫差評，但食完過左兩個星期依然印象深刻。如果我食之前上嚟睇吓食評，我就可能就唔會中伏了。/有次去將軍澳海濱發現咗有一間新開嘅Cafe，裏面有唔少寵物，原來係Pat friendly 嘅餐廳，而且客人都有七成滿，所以就決定入去試吓佢。/今次我點了一個明太子意粉以及all day breakfast。/睇相都可以見到「明太子意粉」嘅明太子真係好少...所以食唔出有任何味道。而且佢專登加左啲紫菜脆脆，第一眼就睇落就好似donki零食。而且意粉真係發漲哂overcooked，所以我食左三隻蝦就食唔落去了.../另一款all day breakfast性價比極低。相中都見到個兩塊toast原來係759都賣緊嘅多士，而且兩塊咁細舊都有一舊係燶的，超級硬。隔離嘅炸薯餅係我最期待的，但同多士仔一樣size... /有圖有真相... 下次真係唔敢再去幫襯了...( •᷄⌓•᷅ )੨੨…查看更多

等到冬天天氣終於凍，好想食啲暖笠笠嘅熱食，所以就嚟到尖沙咀最多野食嘅厚福街，令和呢間日式居酒屋，有得打邊爐添！門口見到餐廳做緊promotion 清酒半價就知無揀錯餐廳！堂煮壽喜燒（$398)這款壽喜燒採用了先燒後煮的食法，而店員會親自在旁邊烹煮，燒好的A4和牛會撈埋蛋汁，靚嘅牛肉就可以做到入口即融嘅感覺。而且套餐仲包埋一盆野菜，所以性價比都幾高，菜嘅份量都幾多，兩個人食都夠。除咗食牛肉，我地仲散叫左一碟雞肉。雞肉本身都好嫩口，就算煮耐左一陣都唔大問題，而且吸收左壽喜燒湯底嘅精華，食落都幾入味。然後就點了幾串串燒過過口癮。分別係燒粟米、燒白鱔、明太子燒雞肉棒。最好食係燒粟米，外面唔會燶左又夠香。而燒白鱔就比較失望，雖然魚皮幾脆，但略嫌太鹹。最後點了餐廳特選的梅酒啫喱！$35超大杯，兩個人share都有點多。但梅酒的確超香，第一次嘗試都比好評啊！…查看更多

今日約了朋友在深水埗逛文青小店，中間找了一間cafe休息，嚐嚐咖啡、蛋糕。Bonding coffee雖然舖位唔算大，但平日過嚟都幾舒服，安靜嘅環境好適合休息嘅地方。Hot Creme Brulee Cappuccino Nutty $45店主推薦我的signature coffee，結合了焦糖布丁甜品以及Cappuccino，啱哂鐘意甜味重嘅新手coffee lover。記得要襯熱飲，就會有面頭嘅一層焦糖脆脆，再攪拌咖啡後，香濃甘醇。Hazelnut Chocolate Latte $42店主同我講呢款chocolate latte係出面cafe少有，而且有好靚嘅拉花。加左hazelnut後會甜甜地，相對朱古力就無咁rich。Raspberry Roll Cake $46層次非常豐富，有士多啤梨、藍莓等生果，有果香味。甜品的外觀亦好特別，一眼就被吸引了。Lemon Tart $48薄薄一層嘅檸檬撻剛剛好，上面嘅濃厚嘅cream中和左檸檬嘅酸味，所以綜合唔會太酸難入口。…查看更多

約朋友食飯最鐘意去日本居酒屋食日本菜，大家飲下酒，慢慢食慢慢計下計，好舒服嘅用餐享受。蕃茄蒜子沙律 $28這是一份晚市必食的前菜，蒜蓉蕃茄酸酸非常開胃。芥末紫蘇章魚$68芥末味本來就很醒胃，加了紫蘇葉的味道很特別，章魚亦好有趙口，作為前菜亦很不錯。法國馬田生蠔 $118生蠔非常肥美，size很大，海水味唔會太重，所以食得出鮮甜嘅味道。日本白粟米 $48白粟米係新式嘅食材，唔多餐廳會食到，味道唔算超甜，但燒完很香。松葉蟹肉甲羅燒 $108居酒屋必食茶式，特別之處係用青瓜代替平時食嘅梳打餅，所以食嘅時候會好fresh，突出蟹肉嘅鹹香味。蟹盛御好燒$158薄身嘅御好燒加入大量嘅蟹肉同蟹籽，煎到好脆好香口，仲可以不停任加紫菜同紅薑。酥炸雞心 $68第一次食雞心，但完全唔覺得似食內臟，好爽口，送酒必點小食！…查看更多

Urban Cafe 旺角分店想嚟好耐，一入門口就見到好多可愛乖巧貓貓，餐廳很好安排了坐窗邊位，不過因在角落少了很貓貓接觸機會，但志在和朋友相聚啦！先叫小食避風塘香酥雞翼，炸得非常酥脆，調味也剛剛好，小食而言比二人餐的小食拼盤吸引很多。主食叫了香煎紅鯛魚柳配香草荷蘭汁和薯菜，荷蘭汁味道特別，唯魚柳略嫌太軟身～麵類叫了西班牙紅蝦蟹籽墨魚汁扁意粉，味道非常驚喜，食落去有蒜茸包感覺，但很好味，紅蝦也很大隻，好抵食。飲品叫了兩壺花茶：香橙檸檬茉莉花茶和草莓荔枝紅莓乾綠茶，香橙花茶較酸，草莓花茶較甜，花茶份量很足，仲可以夠兩至三人飲添！整體食物也很美味，可以買小食餵貓貓，立即會有一群貓貓包圍住你，會再光顧🥰…查看更多

作為將軍澳區居民，都幾經常去坑口站的TKOgate 迷你food court搵食，而且裡面有一間黃店。餐廳地方唔大，只有一個壽司bar、6個人的座位。不過我發現幾多附近的街坊都事前點定外賣自取，買返屋企食非常方便啊！首先我們點了幾款刺身作為前菜：油甘魚刺身（$35) 、大吞拿魚腩（$98)、帆立貝刺身（$36)。刺身都非常新鮮，特別魚腩很肥美，大大啖好爽！之後是Omakase set($180)，當中有赤身、深海池魚、秋刀、真鯛、灸燒三文魚、赤蝦。個人認為性價比極高，餐廳會根據時令食材而調整，例如秋季當然要食秋刀魚啦！之後我們再點了多款壽司填肚：吞拿魚壽司、海鰻壽司、灸燒左口魚壽司、芥辣八爪魚軍艦、三文魚籽軍艦。灸燒左口魚壽司最為壽司，經過灸燒後可以迫出油份，魚油白四溢，入口即融！…查看更多

當日去太子找朋友，發現花墟後面都幾多餐廳，但嚟到汝洲街係唯獨呢間餃子店最多人排隊，無論係堂食或者外賣，都好多生意。所以我地亦唔執輸，試下呢間餃子店有咩特別先！食餃子前點了兩款小食：涼拌海蜇（$20),秘汁雞腎（$22)。極抵食嘅小食好大份，海蜇口感爽脆，而雞腎配上滷水汁，非常入味。餐廳供應嘅餃子數量有限，愈遲就愈多唔同味嘅餃子賣哂了，真係手快有手慢無。我地就點了七隻煎韭菜鮮肉餃（$36)、七隻紫菜鮮飲湯餃（$39)呢到嘅餃子偏大，所以餃子皮都比較厚，但煎完就會脆口，而入面嘅肉餡都好紮實，絕對唔會偷工減料。另外，每枱都有辣菜脯提供，非常加分！但我個人就食唔到太辣，所以每隻水餃加一小口菜脯已經非常惹味！食完辣可以飲支豆漿（$10)解解渴，不過可惜唔可以揀無糖/熱豆漿～…查看更多