奕奕's Profile

荃灣真係有好多米線餐廳, 今次黎到雲桂香, 朋友好鍾意食米線架, 話要帶我食盡荃灣米線喎。 平日晏晝黎到已經爆哂好多人, 等咗一陣就可以入座, 未食過佢既辣就由小辣開始啦, 另外點了一個麻辣拍青瓜。麻辣拍青瓜, 勁多辣味, 比一般辣, 但青瓜清爽吾互補, 做前菜一流。小鍋米線本身有哂芽菜酸菜肉碎等等, 都已經好惹味, 我就叫咗魚肉春卷, 蘿蔔同雲吞, 值得得一提米線屬於幼少少, 而且比一般米線多咗煙韌感, 我幾鍾意食佢呢隻米線。 蘿蔔都夠清甜, 雲吞仲好大粒好足料添!呢間米線我幾鍾意, 會成日黎食。…Read More

香港沾麵專門店真的不多, 在荃灣更是少見, 朋友食過覺得唔錯就帶我黎食個午餐。 沾麵店我食過幾間, 睇得出麵屋福用心經營, 食物仲有水準, 絕對值得推介。餐廳位於荃灣廣場附近小街, 只提供三款沾麵選擇, 其如係追加配菜同飲品, 更可以追加麵底。我揀咗黑蒜油豚骨沾麵, 午飯時段仲送汽水, 一上枱已經聞到好勁黑蒜味, 有個細心位係放沾麵既碗會預熱咗先, 唔會麵有麵熱碗有碗凍, 同埋湯汁唔會太杰但又足令麵條掛到湯汁。 每碗都會有味荀, 流心蛋同叉燒, 唔夠一樣可以追加, 流心蛋做得唔錯, 夠味道又做到流心👍, 麵條係我鍾意既粗麵。枱上亦有唔同調味料可以自助調味, 添加惹味既炸蒜, 刺激既日式辣醬同解油膩嘅檸檬汁, 食完沾麵仲可以叫店員添加木魚湯品嚐精華👍…Read More

其實火鍋撚剛開業時已經有食過, 今次約咗幾個朋友在旺角睇戲, 朋友建議食火鍋撚, 話掛住台式火鍋既麻辣鍋同酸菜白肉鍋😂餐廳唔算好大, 座位只係剛剛好, 枱與枱之間都比較近, 不過影響唔到我地打邊爐既雅興。麻辣鍋拼酸菜白肉鍋係我地必點, 湯底味道我幾鍾意, 唔會過酸, 麻辣叫咗小辣啱哂唔太食辣既朋友。其實本身湯底都好夠濃, 但餐廳都會提供調味料同醬汁, 我最鍾意酸菜白肉配腐乳醬。食物材料都好新鮮👍牛肉味濃夠淋韮菜不過不失可以再多啲韮菜粟米好清甜超正午餐肉已炸得好脆娃娃菜放落酸菜吸哂酸味又唔怕太淋蓮藕片夠新鮮最正係餐後每人一小杯既腐竹蛋糖水沙冰, 夠哂香港味道, 又唔會太甜, 推介!…Read More

今晚孤零零一個放工返到荃灣食自己, 經過見到沙嗲王, 而家同遊戲第五人格合作, 出咗一啲特別既野食, 不過自己一個就試唔到咁多。時間晚上九點幾仍然有好多人, 踏入餐廳等待店員帶位, 可惜見到兩位店員企近收銀位交談但未有理會, 唯有主動上前要求入座。 白咖喱豬扒飯同蟹粉豆腐鍋, 兩者最終揀咗後者, 兩樣都想食真係好糾結😂 下次再食白咖喱豬扒啦～熱辣辣石鍋上枱仲滾緊, 超級濃郁既蟹粉, 仲有滿滿既蟹肉, 滑嘟嘟既豆腐, 淨係睇賣相都流口水啦～ 要清哂一碗飯絕對唔係問題, 好味👍👍👍…Read More

有一日收工返到荃灣諗住食碗麵, 求其入咗間茶餐廳外賣"豬手撈粗", 收銀姐姐竟然推薦我前面街既"炯記", 哈哈~ 確實唔係吹水! 我身水身汗行到炯記點知啱啱打烊, 又要行返轉頭買外賣。令我太印象深刻, 今日咁啱又想食豬手撈, 就醒起炯記, 上次食唔到今次終於食到喇。八點幾去到餐廳滿座, 喺門口等咗陣就有位了, 可惜。。。已經聽到店員講粗麵無哂, 只可以撈幼, 唯有照殺啦～鹽焗手撕雞撈幼 - 手撕雞好香麻油芝麻味, 肉質都ok都算滑, 有咬口的。 第一次食鵝油撈, 都幾特別, 唔會好似蠔油撈咁濃味, 比較順口, 味道ok但鵝油味唔算好勁。下次有機會再試下個撈粗睇下係咪會好味啲先~…Read More

有時經過麽地道呢邊都見到幾多排隊食呢間風雲丸, 通常沾麵店都係細細間, 呢間就開喺大路轉角位大大間, 呢間同朋友在附近搵食, 可能時間比較夜, 見無乜人排隊就黎試下。除咗主力沾麵, 仲有拉麵石燒飯/丼飯可選, 小食有炸雞同餃子, 比一般沾麵店多選擇。 有一樣野幾好係可以選擇麵量, 200g/300g/400g都可以免費揀, 大胃王既可以揀富士山盛(+$45 800g)。豚骨魚介味玉沾麵有一大塊叉燒同半熟玉子同荀, 沾麵都係屬於粗麵, 湯係用石燒鍋裝住非常熱, 湯底非常濃郁啱哂沾麵食, 我自己就覺得有點偏鹹, 落埋檸檬汁會更加好無咁漏。見到餐廳推介最後可加香鬆飯, 我地就叫咗一碗試試, 滿滿既味素, 食哂麵後淨返既湯可撈咗香鬆飯吸哂湯汁, 勁正。 如果唔加飯, 亦可以加湯品嚐又得。…Read More

一個易記又簡單易明既名字"三餐", 咁啱過黎尖沙咀做野但又未夠時間, 先解決三餐既其中一餐, 就揀咗新開既三餐冰室。餐廳裝修有霓虹燈嘅招牌, 門口有一排舊式信箱, 牆上更有附近尖沙咀嘅街名路牌, 裝修都幾特色。 剛剛過咗午餐繁忙時間, 啱哂我唔鍾意多人又趕時間。兩點後就有下午茶餐, 常餐同羅宋湯通粉都想食, 最後我揀咗午餐肉粒羅宋湯通粉。 羅宋湯做得幾好, 材料夠份量, 而且做到羅宋湯獨有既少少辣, 夠惹味。 午餐肉份量都夠多, 而且係有豬肉夾喺中間既午餐肉。凍檸茶都唔錯, 茶底夠濃, 檸檬唔會澀。…Read More