joelabee's Profile

有優惠券午餐買兩個送多個，海鮮寬條麵，個汁好味，闊麵又十分飽肚。千島海鮮迷你批:)，一般都OK。車打海鮮焗飯，唔夠料，汁又小，要食白飯。再加兩罐汽水一個湯，合共$95。…Read More

星期五下午四點去元氣食壽司。見到個牌有下午茶餐$39好似幾抵，就一人叫一個試下。:)加$9多個手卷，當然要一人一個軟殼蟹手卷啦！:)個餐未到又好肚餓，就試左新出個松葉蟹腳壽司，嘩！隻蟹腳仲淡過舊飯，冇味既，仲要$15咁貴，後恢了。:(即刻拎碟$9蟹柳壽司食補番數，仲好味過咩松葉蟹。個套餐真係幾抵食，等於食兩碟壽司又送沙律又送烏冬比你，加埋$9手卷真係好滿足，埋單連加一$148。…Read More

味道無問題，係賣得貴左d…:(賣$32至$38還可以接受。加杯汽水就賣成$43，好唔抵食！四十幾蚊食牛肉火鍋好過喇…舊鰻魚又好多骨…怕怕喇。…Read More

日本野d包裝係好靚，又冰袋…好好味…呵呵…食完一粒又想食多粒…次次打開就要食成條至夠喉…加杯朱古力雪糕一齊食仲正！但其實我係想話…如果收到女孩子自家制既朱古力，先至係最開心…味道都係其次，最重要係份心意。…Read More

WOW常餐賣$35好似抵d，又湯又麵包又汽水再加個意粉，外賣速遞最低消費$60，所以叫左兩個常餐。:)湯麵包汽水當然冇問題啦，但係個意粉呢，份量就好似比正常的小左，味道都好一般…:(唔怪得賣咁平啦，下次都係叫番午餐好過囉。…Read More

$28雜果涼粉，我覺得兩個人都夠食。比起其它甜品佢真係king size！雜果多過涼粉好多，正！…Read More

又係我喇，平日二人餐$132，小食滋味盒加$39，有優惠券減番$20。埋單$151。原來平日二人餐那個是大批，食兩件就飽啦，結果要分六餐先食晒。平均每餐$30，經濟好多。…Read More

日日二人餐$149。有個普通批，意粉，雞槌，兩罐汽水。另加一個小食滋味盒$48。網上訂滿$180再送一個繁星雞塊拼墨魚塊。埋單$197。一個人食足兩日…味道很統一，水準保持穩定。仲送左15張不同美食優惠，一至五才可用，大約八折，都幾抵食。…Read More

睇過之前既食評真有點擔心，做晒功課去到我負責點菜。一行七人，叫左個六人餐，再加幾個小食。點知食淨好多野，叫小兩三個小食都夠。睇番張單，$8位茶，套餐$880。另加五樣野共$174。埋單再加一。三小碟…唔知咩黎，唔識講好定唔好。七彩春段拼豆腐卷…春卷好食，百腐卷更好！貴妃黃金蝦…幾鹹，都好味，算中上。:)西施賽螃蟹…其實炒蛋白有乜好食，但有人又好鍾意。宮庭花膠翅…其實冇乜翅。:(錦毛鼠（糖醋桂花魚）…有人好鍾意食，我就麻麻。雲裳吐艷（雲腿茸津白）…好味。:)霸王鹽水雞…合格。:)朱雀小籠包…合格。:)富貴炒飯…打包拎走，食唔晒。皇母蟠桃…做生日必吃壽包，內有原個蛋黃，正！生煎鍋貼…算中上！:)醉豬手…個個話好味，但我覺得酒味太勁，我唔識飲酒既。拍青瓜…好味都極，必吃！沖油餅…麻麻地，唔會再叫。:(豆沙鍋餅…算中下，細件餡小。:(個餐包六杯野飲，一定要叫汽水好大杯，豆漿好細杯架。d位真係幾迫，椅背貼椅背。同埋冇電視睇。…Read More

我第一次去，個大叔好似叫發哥，車仔麵多數係要自己排隊買，但依度好似茶餐廳咁，搵位坐低睇餐牌然後發叔自然埋黎問你食乜，態度恩勤，有笑容，給我賓至如歸的感覺，好似去左親戚屋企食飯咁，很難得。講番碗麵就不過不失，一般水準，不太好亦不太差。見到好多人同發哥打朝呼，氣紛一片樂也容容，唔洗對住d黑面侍應食野，感覺多輕鬆。…Read More

買三個包做宵夜，合共$23.5，都幾貴。首先食忌簾牛古力號角，嘩！很好味，抵佢賣咁貴。第二個食日式薯仔牛肉包，切開來看看，一粒牛肉都冇，完全無肉味，又唔好食，似隔夜麵包。:(第三個食蘋果乜乜包，個味都唔夾，甜甜地冇咩特別…。:(整體感覺係賣得貴，普通貨色。:(但那牛肉包給我被騙了的感覺，一定要投訴！…Read More

食過番尋味，再來。可惜大失所望。今次叫牛腩拼牛柏葉湯河，賣相幾好。:)首先試啖湯，好淡，差過上次好多…:(再來牛柏葉，冇調味，食質感…牛腩都冇上次咁好食。:(河粉就夠晒大碗，全晚最好食係那兩條菜…:)如果我第一次來食到咁既味，絕不會推薦給別人。…Read More

當晚有兩家擺喜酒，另外好多人打邊爐。晚飯時間最好訂位喇。我就係一家人食晚飯小菜既。七個人點左九個菜，有龍蝦，又大班兩味，又燒鵝…連酒水加一，埋單$1082。菜色味道都OK，又唔會很特出。見到好多人打邊爐，下次先試。有大電視睇，不過有人擺酒好熱鬧都聽唔到聲。…Read More

兩個定食埋單$182，公眾假期下午兩點幾，好多位剩，假日係德褔唔洗等位有飯開算係咁啦。個燒魚幾好味，但煮魚就凍既，又淡口。豚肉飯幾好，刺身都OK。其實今餐冇乜特別，只係報告下近況，佢下午茶時段休息，過左三點唔洗黎。…Read More

兩個人，叫左牛肉羹撈麵，牛腩河，牛肚拼雞翼，加兩罐汽水，合共$80。最好味係牛腩，湯味濃，配河粉一流，湯都飲埋。牛肉羹第一次食，都幾好但唔及牛腩好味。牛肚我鍾意食，雞翼就一般貨色。聽晚再來，試下叫牛腩河拼其它材料加$3。…Read More