XuseFans's Profile

路過見到朱古力蛋糕嘅賣相非常精緻，總共試咗4款，其中小蛋糕係買3送1(平均$150就買到4件)，另外亦試咗一個4寸黑森林。總括講全部都有好濃郁同軟滑嘅朱古力，同埋畢竟係中高檔定位，每款都有相當足料嘅蛋糕海綿體，而唔係用大量Cream去撐大同撐厚件嘢。伯爵茶係60%朱古力，食落真係有少少茶香。另外果件72%朱古力香濃軟滑之餘，底部有一層脆脆哋嘅薄層。另外果件好多朱古力碎塊同最後件4寸黑森林上面幾粒車厘子有酒味，蛋糕部分朱古力嘅香濃同上述都係差唔多。以呢個價錢同品質再加源於半島酒店嘅大名，無論係送禮定自用都好體面。…Read More

食過頗多間台式餐廳，不論係台灣當地定海外台灣人開嘅餐廳。呢間味道算幾好，俾到驚喜我同我台灣女友。連佢本土台灣人都對個芥末鳳梨蝦球讚不絕口，芥末醬搭配一流，有別於平時嘅沙律醬，而且應該真係用台灣鳳梨而唔係平價罐頭嘢。佢覺得就呢度菜而言，整體搭配仲好食過台灣當地。沙朗牛扒燉飯亦有配金鑽鳳梨(佢嘅摯愛)，牛扒大約7成熟剛剛好。另外小食拼盤嘅烤香腸同鹽酥雞都好味兼抵食，香脆得嚟又唔會太咸 。價錢方面兩個人食咗4樣嘢約$350，覺得值得再去。…Read More