froggy1014's Profile

Weekend尖東嘅cafe比較少人所以經常幫襯呢間cafe，但比起疫情嘅時候，宜家嘅服務真係差咗好多。連續兩次都係一位帶眼鏡瘦嘅女士幫我落單，我同佢講要杯Furboss Inbkk，佢用手蓋住menu，然後搖頭，都唔知佢咩意思，再三問先知原來嗰日冇呢杯咖啡，咁點解唔用說話表達？俾錢先知原來漏咗落一杯咖啡，我好有禮貌地話佢知，佢好唔耐煩地幫我落返，由落單到俾錢成程都冇講過一句說話。。。宜家咁嘅服務態度點得㗎…Read More

性價比超級無敵低嘅一間Cafe地點要行5分鐘，除咗呢間Cafe之外附近幾乎乜都冇Cafe入面同外面只有幾個位，空間感有啲逼服務好好，員工都非常禮貌地招待及講解各種甜品買咗兩個曲奇同一個巴斯克蛋糕曲奇味道不錯，芝麻口味甚至似食緊芝麻湯圓咁濃郁，但開心果相對上就冇咁濃郁仲有玄米茶巴斯克蛋糕，入面真係有玄米茶，加咗好多口感但最重要係性價比好低一個細過手掌嘅巴斯克蛋糕要$55！曲奇梗係$49一塊如果價錢可以調整下，相信會有咁客人嚟…Read More

喺佐敦返工嘅我，本身喺濃姐嘅超級粉絲，一個禮拜起碼食一次上年八月嘅時候，已經發現腸粉質素有變，十月開始腸粉皮不但厚咗，牛肉仲又硬又厚，豉油冇咗當初嘅香味，味道欠缺層次感今日突然心血來潮，見到最近啲食評幾好，就俾多次機會佢。冇食幾個月，果然，有意外驚喜！質素竟然返返嚟！腸粉皮不但同從前一樣咁簿，牛肉亦有簿到！但多蔥就冇多到😅最有驚喜嘅係，以前辣椒油係免費嘅，上年八月開始每包要收錢，今日買竟然送辣椒油！😱😱😱雖然加咗價，不知不覺加咗兩蚊，以後還會幫襯濃姐…Read More

星期日仲諗住去D2 place逛逛，見有得喺OpenRice訂位就諗住去試試環境靚，食物質素又好餐廳喺D2 place隔離，地點方便，一出地鐵站就見到，外表都幾突出，好似一間小木屋，入面嘅裝修就好似唔喺香港一樣雖然話係一間西班牙菜嘅餐廳，但大部份dish似係普通西餐，不過唔緊要最緊要好食！我哋兩個人都叫咗lunch set，大概二百幾蚊一個月Waiter服務質素亦好好，一見到杯冇水就即刻幫我哋浸已經將餐廳放喺我的最愛，得閒會再去試佢哋嘅晚餐😋…Read More

只能用來打卡的餐廳，食物價錢高但食物質素差🥲一入到嚟餐廳就知道老闆對裝修方面很有要求，本身有去過佢哋先開嘅一間賣古董店舖，知道老闆開咗間餐廳就急不及待去試首先，裝修方面真係好靚，很有復古味道，但因為佢哋本身有一間古董店，所以都有啲期待會有多啲古董睇吓擺盤方面，佢哋有兩套刀叉，但係一模一樣嘅刀叉，食過西餐都知道，有分前菜及主菜刀叉，前菜刀叉係比主菜刀叉細，所以見到都有啲失望。一開始有一個很大的碟在前面，用完隻碟食麵包之後，上菜嘅時候，店員冇換過隻碟，直接將後來上的每道菜放喺食完麵包嘅大碟上食物質素令我非常失望，分量亦十分之少最後仲要提醒大家，千祈唔好去佢哋個廁所，不但地下充滿水漬，兩個廁格都塞晒，環境十分惡劣雖然staff有就住廁所嘅問題同我哋道歉，及請我哋飲酒，但我對佢哋餐廳嘅整體質素都非常失望💔…Read More