Mongorhoyan's Profile

有日我點了兩個午餐，一個生牛湯河，一個咖喱豬扒飯。點餐後大概10分鐘生牛湯河到咗，但係咖喱豬扒飯等左20幾分鐘還未到。於是詢問侍應餐還有幾耐。搵了兩個侍應，只是敷衍回應，跟住完全沒有跟進。於是我再問另一位侍應，侍應過來用急速而不太友善的語氣打開餐牌問：「咁你轉唔轉？」，我心諗轉乜嘢？ 我話我點咗咖喱豬扒飯，轉乜嘢？我開頭以為係賣晒，跟住佢就話而家好多單呀唔知要等幾耐…粉麵就快啲，但完全冇交代發生咩事，淨係問我轉唔轉…我話我唔想轉仲要等幾耐，佢話唔知㗎，可能等多15-20分鐘架…個侍應全程西口西面，一開始又唔主動講發生咩事，淨係要個客喺度等，仲要當時其實餐廳唔係好多客，如果等一個餐差唔多要40幾分鐘合唔合理？最後要三催四請之下先將個餐送俾我。總括而言，呢間啲食物可以，但服務真係非常差⋯其實有少少禮貌講句我幫你跟跟，俾個預算個客要等幾耐都唔係好難咋嘛？ 真係好難怪人哋話香港餐飲業做唔住….無奈😓…Read More

 一心來到荔枝角想試試黑麥，一黎到睇完餐牌就點左兩個set dinner，一個係忌廉白汁野菌意大利飯，另一個係燒菠蘿蝦沙律。因為係set, 一黎就有個跟餐沙律。其實買相係ok, 沙律上面有塊野，應該係D咸火腿之類既野，一咬落去真係不得了，咸過食盬，係極咸⋯年紀有番咁上下千其唔好試，真係以防賢炎。到主菜，首先出場係忌廉白汁野菌意大利飯，一來到我眼都凸左，點解？我以為係人地食剩！個份量係極細，可以係話兩啖食晒囉，你話係兒童餐我都接受唔到，非常呃秤⋯唉，算⋯因為有2個人諗住share 食既，咁叫侍應比兩隻碟啦，佢拎到黎張兩隻疊起既碟棟係我前面，我望一望佢，佢呆左半秒，然後黯然轉身走⋯呢D服務，你話係咪令你有賓至如歸既感覺呢⋯到個燒菠蘿蝦沙律，普普通通啦，菠蘿好多蝦好少⋯但最敗北既係食食下見到菠蘿上面有條疑似毛髮既野⋯真係無言⋯總括黎講，咁既價錢，咁既服務，咁既食物，係絕對晤會有下次。…Read More