gladys0804's Profile

今日一早起身想搵早餐食，行過Blend and Grind, 望下個餐牌，望下個門面，比我一個好chill既感覺，決定行入去，搵左個自己鍾意既位坐低。 經理好友善，走過來打招呼，介紹自己，介紹舖頭signature 。我本來係open rice 搵到有興趣既dish，但係menu 搵唔到，他解釋可能係上一手其他人試過留言或灣仔分店。簡單幾句交流，好有去左外國餐廳食野既氣氛（當然呢間更有中西文化融合）。 第一次過來食，經歷非常良好，經理準備左個少少acai bowl, 實在有驚喜。感恩職員， 感恩blend and grind. 祝生意越做越旺。…Read More

今日來到西環山道冰室食lunch, 見到必食燒雞招牌吸引入左來食。被安排坐左個單人位，因為風口有少許吹頭，想調位，職員即刻搵位比我。跟著落order,每個職員都好好招呼，男經理最好，臉帶笑容，其他職員做野快手快腳。叫左個紅豆冰，因為有椰汁，無飲杯紅豆冰，職員不單主動問，仲可讓我換過一杯，經理仲幫我減返個特飲價。第一次過來食，呢間既服務態度係香港真係買少見少。來到西環，可以一試。感謝讓我有一個愉快既午餐時間。…Read More

今日星期六，天氣沉沉，好想出街食餐好，讓自己開心一下。住西環的我，試左好多餐廳，食到有d 悶，今日無意間行到一間餐廳，門面已感受到柔光（個人喜歡柔光，帶給我舒服感覺），因為甘就揀左呢間。入到去order ，係用qrcode 落單，星期六無set lunch,但用qrcode 內落單就有brunch 選擇，今日午餐order 左個自選既brunch （磨菇湯，spaghetti cabonara, 奶茶），好滿足。 仲有其他al la carte 都想試，餐牌望落都係高級既意大利飯同意粉，小食也吸引，配合柔和音樂，舒適環境，今日有一個開心愉快既開始。我覺得如果價格平多少少就好，餐牌去到最後頁原來可落‘常餐’單，價錢較優惠。期待試晚餐。…Read More