sienyee's Profile

已經好耐冇去過紅磡食好野喇。今晚約左班朋友食西餐聚一聚。Kichen J係黄埔美食坊𥚃面，环境舒适，座位寛趟,，係朋友聚餐既好選擇。食西餐一定係由salad開始，先叫左個松葉蟹肉沙津。菜好新鮮，蟹肉鮮甜好味。因為大家都鐘意食cheese, 我地叫左兩個cheese pizza. 一個系水牛芝士瑪格麗特薄餅，另一個系黃金四色芝士蜜糖薄餅。薄餅剛出爐好香好脆，絕對唔系整定後翻熱個d餐廳。水牛芝士好香，配蕃茄及茄醬好好味。鐘意食芝士既，千其唔好錯過呢度既四色芝士蜜糖pizza. 四隻唔同既芝士高溫烤焗，食落不會太油膩，香軟煙韌。Pizza配上蜜糖食，味道好夾好特別。蜜糖好香不是一般平貨，呢個pizza系我最鐘意既菜式，一定會推介俾朋友。因為我地人多，主菜都叫左四個。先有白汁雞肉野菌焗飯，雞肉嫩滑有汁，飯送上時外面焗到金黃色好靚，面層脆口，味道出色。白汁三文魚菠菜扁意粉，三文魚煮得剛好不會靱，好味。我最喜歡既係野菌濃汁扁意粉，一黎到已經香到全店都聞到。個汁煮得好出色，小小辣，配上野菌既香味冇得彈。最後係beef tenderloin with red wine sauce. 牛扒夠厚，肉質鮮嫩多汁，冇overcook, 配紅酒汁食好正。早已聽聞Kitchen J既甜點好出色，黎到當然要試下。法式雜莓班戟卷伴雪糕，睇個樣都已經好滿足！班戟卷好香，加上栗米片口感又脆又軟的好特別。雜莓同汁加上雪糕食酸酸甜甜的好開胃。最後最後，叫左個大家都好期待既魔法黑白朱古力球。服務員介紹後，將黑朱古力醬倒係白朱古力球上，令球狀溶化。有得玩，有得食，今餐真係食得好開心好滿足呀！…Read More

每逄周末，去旺角拍拖，都喺唔知食咩好，食嚟食去都喺果幾間，悶=.=！不知不覺行左去油麻地，又係無野好食，點知行到去間書局附近有間幾靚嘅餐廳，去到門口睇MENU，原來喺食我最愛嘅西餐。一入去就太肚餓，所以一睇個餐牌，就立即叫咗個炸魚薯條先，只可以講太肚餓加上太好味，一上檯5分鐘都無就俾我地食晒。都未食完個ENTRÉE，男友就叫主菜，叫左個紐西蘭羊架，我就叫左個炭燒安格斯西冷牛扒，再加錢每人叫一杯餐酒，大愛白酒嘅我，我就叫左杯”house white wine”。首先配菜嘅沙律好新鮮，加上黑醋醬，好醒胃。魚柳炸粉唔太多，再配埋粗薯條，一流。之後主菜黎啦！五成熟嘅牛扒，食落口感滑到不得了，切落有好多牛汁出嚟。男友果份我完全無理到，因為佢食得太快。總結，餐廳位置都相對方便，但有啲難搵。食物都吸引，價錢都相宜，喺油尖旺區嚟講all daybreakfast 都算平！…Read More

亞坤新開張既時候，門口經常要排長龍，過左一排，而家周末去食都唔洗等位了。香港人就係咁架啦。當然，冇人排都有佢原因既。新加坡菜係香港唔算太大路。香港人貪心，鐘意menu多選擇，所以大部分做得長既賣新加坡菜既餐廳都另外有其他東南亞菜加入menu。亞坤單以新加坡菜打入香港飲食市場，菜單選擇方面的確係輸蝕，亦贏唔到香港人既心。而食材與味道方面亦未見出眾。講到咁，但我依然會間中幫襯。一黎，我喜歡新加坡菜，簡單不heavy. 二黎，亞坤位置好，而係尖沙咀黎講可以walk in就坐底仲唔迫唔嘈。三黎，平。呢一晚不太肚餓，想食一d light d既野，就諗起亞坤。叫左以下:熱茶加糖係我每次黎亞坤都會叫既飲品。呢個係跟餐的，加兩隻蛋同埋多士。星馬既食法，蛋係會加老抽同胡椒粉，蛋係半生熟的，雖然冇咩難度但都未見有失準。多士有多款可選，而我最喜歡既反而係呢個鮮油糖多。多士係做得出色的，薄薄的，夠脆口。鮮油夠香，加上糖食落口感豐富。Laksa唔係容易煮得好食，所以通常呢個菜式就可以見真章。亞坤既Laksa係普普通通，不是出色的。材料方面唔覺得新鮮，蝦亦似訓左覺既，而且冇蝦殼，所以湯亦冇蝦味，反而椰香味比較重。辣味適中，但都係唔夠香。兩個人，食得輕鬆平平地又一餐。其實香港就係需要多d唔同類型既餐廳，多d唔同既選擇，奈何租金決定了大部分食店既命運。希望亞坤可以係香港捱得住。…Read More

這個weekend去了觀塘，午飯後行左陣outlet, 之後開始肚餓，諗起呢間cafe便過來買左個蛋牛治烘底外賣。早幾年食深水步新樂園都會撞到cafe老闆係茶餐廳幫手，個度既蛋牛治一樣出色，而家佢自立門戶，當然要支持下。$22, 以呢個價錢，本人覺得算抵。蛋牛治係即叫即做，新鮮熱辣。非常重料，蛋牛治好厚，女仔好似我咁，食哂成份會好飽。平時茶餐廳食開既蛋牛治係用礶頭咸牛肉，仲要係凍既。Dance cafe出名在用鮮牛肉，所以喜歡食牛既一定會愛上。牛肉好多，有肉汁，加上煮得剛好既蛋，夾係脆口既多士入面，入口層次豐富。我地d女仔怕肥，略嫌多士加太多牛油，比較膩。咁當然，d喜歡牛油既朋友就有福了。總言之，CPI值高，聽聞老闆開新店了，會繼續支持！…Read More

本來約了好友放工後happy hour, 但因為太肚餓改變了計劃。好友帶了我來這日式燒肉店晚飯。因為佢已唔係第一次光顧，所以今餐晚飯由她拍板。我呢個朋友仔係識食之人，所以我非常放心交俾佢order.因為原意係happy hour, 我地黎到都堅持叫酒飲，好友叫了杯啤酒，而我叫左杯芒果梅酒。梅酒帶清香芒果味，極易入口，好喜歡。 前菜叫了泡菜送下酒，平時我唔特別喜歡泡菜發酵既酸味，但呢度的又不算太勁，幾好味。 沙律菜，菜好甜好新鮮，sauce清清地，及有好香既麻油味，加上紫菜一齊食，係正既。友人叫左碗牛肉辣菜湯，好惹味，感覺有小小似辛辣麵既味，但冇咁味精同甜好多。而且碗湯仲有好多料，係相中都見到d料係多到上左湯面，食完呢碗應已經好飽。 期待已久，和牛海膽卷！高質，和牛加海膽配得好好，入口即溶，材料新鮮，靚和牛，海膽鮮甜，讚。招待既侍應生非常貼心，等我地淸哂以上既野食，先再出下面燒物。 燒牛脷，牛脷薄切，夠鬆化，亦腍，好味。 天呀，呢舊厚切好正呀。燒到五成熟，剛剛好。侍應幫忙將牛切開。厚切就係為了享受外面的脆之餘，還有內裡的腍。牛肉好juicy好腍，有濃郁既牛味，亦有入口即溶既感覺。燒豬腩肉- 本身自己怕食肥豬肉，但呢個腩肉係得既，燒完之後，油份都已經迫了出黎，食落香脆，加上麻油吃更好味。 又係牛，但我已經忘記左係咩牛，總之就係正。呢餐飯唔平，但每一樣食材都高質，物有所值，間唔中一餐獎勵下自己既辛勞，不為過。…Read More

8! 久仰大名，上年黎澳門前早一星期訂位但訂唔到。今次三星期前訂位，雖然訂唔到理想既時間，但終於都有得食喇！係接待處確定左訂位後，侍應姐姐帶住我地經過一條黑黑的長廊，兩旁有流水，前後各有自動門，終於入到中菜廳。坐底後就研究下叫咩食。侍應送上了濕紙巾，用水沖開會發大個隻 男友太興奮，叫左成九樣野！平時街坊茶樓好少有龍井，所以黎到呢度，緊係揀d平時冇得飲個d啦。坐左一陣，有野食啦！侍應送上了餐前小食，係每人一碟柚子啫喱鮑魚凍，和牛盞。嘩！送係送鮑魚，好豪呢！鮑魚入口彈牙，底下係薄薄一層的柚子啫喱凍，一齊食味道好夾，清新開胃。旁邊係和牛盞，和牛粒加色椒香濃惹味，雀巢仍是脆脆的，只係和鮑魚放在一起，感覺鮑魚搶了風頭。藍天使蝦金魚餃，係招牌菜之一。賣相精緻，皮薄夠彈牙，不油不乾剛剛好。藍天使蝦，鮮甜爽口又夠大隻，好耐冇食過咁好味既蝦餃喇！金絲脆網叉燒卷，係令我最驚喜既點心。金黃色既脆皮，一咬，係冇諗過脆成咁！香脆唔油膩，味道竟然仲係甜甜地的，一啖已經愛上了。內𥚃既叉燒餡料豐富，肉質滑，有香濃既蜜汁味，我一個應該可以食一碟！日本青瓜漬叉燒腸。係特別的，腸粉皮薄，青瓜漬有d似雪菜，不過食起黎略嫌太䶢。 老陳皮雞汁小籠包。如果你喜歡陳皮香，千其唔好錯過。小籠包皮夠薄，夾起唔穿。入口多汁，二十年老陳皮香味四溢，令肉餡更香，帶出鮮味。竹苼海鮮卷。喜歡呢個，入面有冬菇，蝦，蟹柳，魚塊，用竹苼包住，露筍束起。小小點心，層次豐富，有齊魚蝦蟹，冬菇點綴帶出鮮味。XO醬珍珠雞。相比之下呢個比較普通。聽侍應講佢地既XO醬出名的，係真的好香口。男先生連甜品都甜左兩個，人參酥同荔芋包。人參酥係有微微人參香味，不會太濃烈，酥皮入口鬆脆，不油膩。荔芋包，荔芋餡一流，外層包子香軟。不過我已經食到太飽。。。好不容易食哂枱上所有食物，侍應竟再送上餐後甜點。早之唔叫甜品啦，真係好飽呀！迷你葡撻加奶茶，葡撻可加上肉桂，朱古力或雲呢拿粉。奶茶略嫌太甜了點，兩樣甜點不過不失，但飲個茶送兩個餐點確實令人興奮。呢一餐十分滿意，叫了九樣，送了兩樣，共十一碟食物，二人食，埋單$600，服務亦稱心。幸福滿足地離去。…Read More

間中食晏都會過黎上環呢間冰室，不過平日lunchtime好多人成日要等。呢一日，復活節假期，剛巧要到上環，順便來幫襯下。一坐底就叫左個餐，豬扒跟茄汁乾意，加蛋包，凍檸茶。扒係即煎既，好香口，又唔會太乾，好味！茄汁乾意而家得好少餐廳有得食，懷舊又好味，又不會太油，讃！蛋包，即係煎蛋加塊方包，如果唔食蛋包，亦可揀一款多士。枱細細，但一個餐有三碟野，一杯野飲，四人一枱既話，成枱都係野！呢d就係呢度既特色。埋單$44,有扒，有蛋，有包，有意粉，有野飲，男仔都可以食到好飽，其實仲可以去邊揾？ …Read More

男友中午要到銅鑼灣一趟，剛好店舖剛開門不用排隊便買了一個cheesecake回家一起吃。Cheesecake外觀別緻，印有品牌logo，用了疏氣既紙盒及牛油紙包起，不會有太多倒汗水令蛋糕變濕。蛋糕是剛出爐的，回到家後仍然微暖，所以趁熱吃了一件。剩下的放雪櫃晚上再食。暖的蛋糕比較濕，但吃下的味道沒有聞的香。比較之下，凍的較好吃。凍的蛋糕質感比較實，吃下的味道較暖的香。可是芝士味始終不夠濃郁，蛋糕也不夠滑，但勝在夠平。經過不用排隊的話，買一個過口癮絕對不錯。 …Read More

臨近生日，電訊公司送左張生日卡，憑卡可換cova蛋糕一磅. 當然食得唔好嘥，去訂左個熱門既mango cream dome.Cova既蛋糕價格算高，大約$350一磅。近年坊間的貴價蛋糕品牌一一湧現，不過Cova始終係一哥。除左賣品牌，其內涵亦值回票價。蛋糕水準不變, 香滑鬆軟，依然高質。蛋糕面有少許生果及朱古力。朱古力香濃滑順，亦係Cova既賣點。夾在海綿蛋糕及忌廉之中，係帶酸既芒果肉，另到整個蛋糕不至太甜太膩。不過因為係忌廉蛋糕，有d heavy，食一件已好夠了。見到有raspberry favour應該係新出既，蛋糕紅噹噹好靚，下次試下先！ …Read More

生日飯，諗住近近地book沙田大會堂上面意大利餐廳。打去點知full左，侍應叫我地可試下到時walk in.呢間西餐轉手好幾次，之前食過一次tea, 食物普通但勝在靜靜地可以坐下傾下計。晚餐係第一次試。晚上7:30pm walk in 兩位，真係有位。侍應話兩小時要交枱，奇怪係餐廳9:30pm last order, 我交左枱你都翻唔到枱吧。。。睇睇menu, 原來只有set menu. 叫左兩個set, 跟餐包，salad或湯同埋有杯蘋果茶。 Baby ribs夠林幾好食，醫汁都唔錯，跟薯條及沙律。可惜食物唔夠熱。 龍脷柳不錯，但個飯略為太濕太油。味道可以。食物不過不失。餐廳光線太強影響氣氛，而且好嘈，以為自己係茶餐廳。食唔到環境，食唔到質素，食唔到氣氛，所以價錢實在太貴。只此一次，不會再回來了。…Read More

自己都有整下蛋糕，所以知道整拿破崙絕對係考真功夫既甜品。整得好食既唔算多選擇，但話帝苑係第一相信冇人反對。家人食生日飯，兩磅重芒果拿破崙生日蛋糕，大家都最期待。咁多favour入面，仍然覺得芒果係最好味。酥皮做了好多層，唔太油，所以蛋糕食落好脆口。雖然係貴，但物有所值。 …Read More

情人節晚餐，識食一定食中餐。今年再黎金鐘北京樓，這一天係星期日，所以茶樓比上年黎較人多熱鬧。 就係鐘意中菜地道得黎帶點西式。 好飽, 二人食了八百元，雖然唔算平，但以情人節黎講，性價比值高。環境一流，食物質素偏高，氣氛當然冇西餐廳浪漫，但呢一餐食得舒服值得。…Read More