alliask's Profile

响沙田市中心，想揾一間响食飯時間又唔洗等位又抵食嘅日本餐廳，真係好難。如果唔介意行遠D，呢間味房係一個好選擇。平日夜晚大約8點，計埋我地，呢間都係得3枱客。我地食到9點，淨返我地，好似包場咁。所以服務非常好，一對一服務，係一個待應對一個客喎。你手都唔使舉，眼色都唔使打，就有人幫你。嘢食又唔係貴到無人有，$300唔使一個鍋物套餐，有前菜，有刺身，有鍋物（有鹿兒島和牛），有飯，有麵豉湯，有飯後生果同甜品。日本菜+環境好+服務好+價錢唔貴+食物質素ok=性價比高囉。下次想食日本菜+食環境服務，而唔怕行遠少少，呢間不失為一個好選擇！…Read More

之前去過麗豪酒店其他餐廳食，諗住試下呢間食早餐，點知中伏。一開頭俾D刀叉全部都未洗乾淨，我唔係指有跡，個D都算啦，佢D刀叉係有食物渣！嘩，老細，你係酒店，唔係茶記呀！叫左過「香江套餐」，個碗番茄火腿通粉凍嘅。我開頭以為自己見識少，酒店早餐都用西式凍湯。望多次個餐牌啦，無講到用凍湯喎。碗粉味道係唔錯，但唔知個廚係特登定係唔記得煲番熱D湯嘅情況之下，我都係放棄左碗通粉。好喇，食完走去櫃檯理單，人影都無過。淨係見到有個執垃圾嘅姐姐响廚房吹水，同埋有個姐姐响出面掃地。叫左幾聲終於有個待應唔知响邊度走出黎問我咩事。老實講句，55蚊唔加一，價錢唔貴。但你揹住酒店個名而做到衰過茶記，咁真係要扣分！…Read More