午餐點了泰皇黃咖喱海鮮飯，以為唔會差得去邊，點知中晒伏！預咗海鮮不會是真的海鮮，點知離譜到得3隻雪藏蝦仁、3嚿雪藏墨魚，連蟹柳、魚塊都冇，最離譜係，個黃咖喱完全冇調味仲「稀nel nel」，廚師又唔知點解「大手筆」倒咗過多咖喱汁落碟，溝埋白飯似食劣質湯飯！埋單仲精彩：個午餐本身$78，加杯凍檸茶俾多$3，即係總數$81。點知去到cashier，戴口罩姐姐話：「多謝$116。」我即刻：「吓？」姐姐問：「你冇食蝦餅？」咁我梗係冇點先問點解咁貴啦，好喇口罩姐姐作出更正：「多謝$98。」喂！大佬，嘢食唔好味都算，你個餐牌明明寫午餐泰皇黃咖喱海鮮飯$78，凍飲+$3，咁點計到係$98呀？好彩我再問多次，口罩姐姐先胡里胡塗話唔好意思入錯咗單……如果我唔精神，我真係會俾多咗錢就走咗去㗎喇。呢間嘢太伏，絕對唔推薦！
…Read More
…Read More
