tam-o'-shanter's Profile

聽到同事推介話食天奴豬扒,d豬扒抵食好大塊。lunch走左黎試下。本身呢度好似好出名果個香芧豬扒蛋,但係我自己唔太like香芧味,就揀左吉列豬扒香腸意粉配蒜蓉汁。呢間餐廳真係一分錢一分貨,毫不吝嗇,有條大茄子,仲要有d生菜。主角當然係塊豬扒,吉列炸過,但係佢唔似出面咁好厚炸漿,係整左d薄薄的麵包糠先拎去炸,食落又唔太油,而且豬扒係揼到d肉好鬆,真係唔錯,茶餐廳菜式得來好有誠意。蒜蓉汁亦都唔係太杰太稀。我少有地都清哂成碟,食得好乾淨,哈哈。…Read More

呢個豆花撈米線上過電視,就連開幾間分店。分店開左響元朗,放工就去試下。成日聽人講話好平好平10幾蚊有一個米線。但去到,多數都係套餐,唔知係咪真係通脹問題,已經無10幾蚊果回事。叫左個豆花撈米線,加左個手拍青瓜,再配多個豆漿。手拍青瓜,無拍過,三大條。我覺得豆花唔錯,的確配米線撈黎食幾特別,係食到豆花好滑好豆味,不過如果可以再多d豆花更好。醬汁都幾惹味同濃味。但係米線食到尾有d碎得滯食唔到。如果整體來講,只係覺得上過電視出名,豆花配撈米線係配搭新鮮,其實味道普普通通,我都係鍾意食番有熱湯的米線多d。…Read More

同事介紹的醉雞米,放左工去試下,可能去到都差唔多打烊時間,淨係得番新鮮雞,無哂冰鮮。新鮮同冰鮮價錢都差幾遠,新鮮$47,冰鮮$32。雞都幾滑,有酒味,但唔係好重酒味。但呢個價錢真係有少少貴同細碗左,連菜都無條,可能真係主打食個醉雞。試過就算,太貴唔係太想再來,呢個價錢可以食多d野,而唔係一個有酒味的白切雞米粉。…Read More

之前睇雜誌已經比個聖誕樹造型的cake吸引左,為左應節,梗係一定要黎試下啦。比我預期中少人,我以為香港人like新潮野會好多人來試。叫左個聖誕樹造型的apple cinnamon mousse cake,冰皮月餅造型的mixed berry cheesecake,同埋苦惱左好耐唔知飲咩好,waitor介紹我地飲有黑加侖子味的infuso frutti di bosco tea。我自己貪心d,另外買左個聖誕box set放聖誕假果陣慢慢食。聖誕樹果然幾好味,酸酸甜甜,另外冰皮月餅果個cake,就不過不失。waitor介紹果杯果茶都唔錯。完完全全好有聖誕氣氛,聖誕無大餐,但係有個聖誕cake都唔太差。…Read More

和朋友仔好耐無見,諗住聚一聚,佢話想tea,比左幾個choice佢,佢就揀左呢間。等左個半鐘左右先有位。入到去,環境好relax。兩個人等左咁耐,一心黎到,絕大部份人都係叫呢個high tea set (for 2 people)。tea set有甜點同鹹點,仲包埋飲品。朋友叫左earl grey,我叫左apple tea。一壺茶倒出來有三大杯。個tea set件件cake同三文治都好精緻,細細件咁,好藝術品咁,食完哂d cake都唔覺得甜得滯或者太漏。甜點有opera,有個好榛子味的cake,另外仲有黑白朱古力cake咁。(除左opera之外,其他同餐牌有少少唔同)鹹點就有法國鵝肝,鮮龍蝦松露三文治,煙薰三文魚芝士三文治,巴斯克火腿三文治。鹹點都唔可以睇小,唔係普通三文治咁簡單。鮮龍蝦松露三文治最好味。食完個tea set d cake,等waitor拎個scones埋黎,先發現仲有野食,hehe,配奶油同果醬,d奶油好滑,唔漏。呢個價錢,食到咁皇室的high tea,好有水準的cake,配relax的環境,真係好享受。…Read More

之前響雜誌睇過話係正宗日本人開的家庭料理,一直想試,但未有機會。朋友仔突登落黎元朗搵我放工一齊dinner,問我食d咩,我就揀左呢度。坐位唔太多,不過我地早左少少吃晚飯,所以不用等位就有位。我和朋友不約而同揀左照燒鯖魚定食。一上枱,個定食擺得好靚,好吸引。前菜有烤蕃薯仔,好好味,有好日本家庭feel的麵豉湯,唔太鹹,唔似味精湯飯完會好口渴,好好味,仲有燒鯖魚,好似有d鰻魚汁響面,魚肉好滑,我未食過咁滑的鯖魚,醬汁好好味,送飯一流。果然係好正宗的日本家庭料理。份量剛剛好,唔會飽到想嘔。好滿足。…Read More

某年某月某日,和朋友去過北海道小樽吃過一頓湯咖喱,回味無窮。知道香港都有湯咖喱之後,躍躍欲試。見平安夜無諗到食d咩好,就去試下啦。打開餐牌,見到揀辣度,湯底同配菜,仲有大細。其實初時唔知half portion同唔half portion差幾多。後來見到隔離枱叫的,唔half portion,即是大的,飯不算份量多到食唔哂,只係舖平個碟咁。所以我點左蕃茄湯底,bb辣,雞肉湯底,大的。可能響北海道吃過,係原味,唔洗揀咩辣度,湯底同大細。我覺得北海道吃過的始終都係地道d,好味好多。而我叫了蕃茄湯底,覺得蕃茄味蓋過咖喱味,吃到最尾先適應番個咖喱味。朋友叫了蝦湯,佢話蝦湯好過蕃茄湯。蕃茄湯有點怪怪的。雞肉燉到好林,唔洗點咬就可以食到。好懷念北海道小樽超有水準的湯咖喱。…Read More

姆明係我的兒時回憶，和朋友一知道姆明響香港開cafe，就相約好一定要來朝聖。我地兩個人，好準時十一點到，但已經好多人排隊拎飛，我地拎到50號飛。行左精品店購物後，仲有大把時間，好彩門外有三隻船仔可以坐住等。等左兩個幾鍾，係有史以來等得最耐的一次，等得到入得去，開始明白點解出面要等咁耐。因為入到去會很忙，忙著用餐拍照。對住無敵大海景的姆明谷實在太正。而且入左餐廳內，大人細路都唔記得自己幾多歲。如果有需要，可以跟店員幫忙，找公仔影相，店員也主動幫我地影相，每次影相都會叫moooooo~min.用餐時間係90分鐘，下午3點前都仲係午餐時間，我和朋友分別叫了樹精套餐(茄汁雞肉飯，有忌廉湯，沙律，同飲品一杯），套餐的飲品係唔可以叫牛奶咖啡，牛奶咖啡可以指定四款姆明角式的圖案，我和朋友又各自叫了一杯，然後再叫了個姆明pancake share。估唔到呢度唔係得個樣，d野食都幾好味，意料之外，特別係pancake。初時驚pancake白色果d醬會很漏，但原來唔會，其實白色果d係cream。pancake仲包左芒果布甸，焦糖燉蛋同朱古力慕絲。最好味係焦糖燉蛋。樹精套餐的茄汁雞肉飯，茄汁很開胃。忌廉湯內有姆明通粉，連沙律都有阿美胡蘿蔔剪影，沙律醬汁有三款。牛奶咖啡味道比較普通。…Read More

今日剛巧細佬都響元朗放工，就拉埋佢試呢間新開的北海道沾麵。拉麵店的位置其實都幾偏僻，唔係響元朗旺區食肆一帶。一去到都有位，唔洗等。其實舖內的坐位大概得十多個左右。有三款湯底，兩款麵揀。我同細佬都揀左原味湯，係豬骨湯來的，湯不太鹹，食完唔會太口渴。我揀左麥麵，份量剛剛好。而本身碗麵已有一隻流心蛋，三塊叉燒。食完之後，店員有問洗唔洗加清湯。好味道。真心推介。…Read More

和朋友約好特登黎，為左三眼仔拉花。排左半個鐘就有位，比預期中快。店內氣氛環境唔錯。食物雖然不算太特別，但味道不錯，雞扒意粉上菜時香氣撲鼻。green tea latte拉花，真係好有心機，係大眼仔同三眼仔，好cute。不過飲落口好鞋口，可能係綠茶粉的關係。賣相同誠意滿分。…Read More

有食過好多韓燒，但係就未試過爐邊蛋，一直都好想試。和朋友一行二人，排左個半鐘終於試到。叫左二人份量的豬肉套餐(包左爐邊蛋一次，護心肉，五花肉，豬排骨，年糕，蘑菇，豬肉香腸，大蝦，仲有火龍果沙律同幾碟菜），仲叫左秘製豬皮，覆盤子梳打汽水同埋紅豆冰沫。呢度的前菜比起其他的韓式燒烤店都多款，三層式的層架擺出黎精緻之餘又慳位。火龍果沙律用左新鮮的芝麻醬，第一次食這種芝麻醬，很特別。覆盤子梳打汽水好好飲，很解渴。爐邊蛋同護心肉真係超好味。唯獨燒豬皮令我有點失望，甜味的豬皮有點怪。食到飽飽之後，一場黎到排左咁耐，點都要試埋紅豆冰沫。食甜品果然係有第二個胃。呢度的亮點係呢個紅豆冰沫。唔同其他刨冰咁，就算有牙齒敏感都唔驚，因為唔會冰到震，入口即溶，甜味剛剛好。今晚晚餐真係超滿足。…Read More

朋友突然相約我去飲野，介紹我黎all night long。九點前的order都係happy hour,飲品大約40幾蚊有一杯，我地8點半到，當時都無乜坐位。我地兩個人，一人叫左一杯sex on the beach，仲有叫了小食Nachos Grande，兩個人一齊share，實在超大碟。店舖環境氣氛唔錯，最重要係接近十點就會有live band，第一次黎有live band的酒吧，接近live band的時候，可能係happy friday的關係，愈來愈多人走入黎，企位都差不多爆滿，live band出場，將全場氣氛推到最高。朋友真係無介紹錯。兩個人埋單都係平均唔洗100蚊。有機會會再黎。…Read More

之前睇報紙介紹，新開的專門吃pancake的rosie cafe。和朋友一行三人，Rosie cafe果然有驚喜，pancake好好味，沙律都好新鮮，所有食物同材料都新鮮，配搭得好好，感覺有用心製作。餐廳環境都好舒適中。非常滿意呢一餐，嘻嘻，今次叫左甜的pancake，下次有機會都想試下鹹的pancake。…Read More

和朋友響the one買了三點幾的戲票，因為係慶祝我的生日，就叫朋友早點起身，早點出門口，一齊去台灣人氣吐司dazzling cafe排隊。身邊有朋友之前黎過話十二點幾無籌，咁就上開飯食評睇下d人點講，話11點半就已經黎排，舖頭就12點先開。我和朋友最後就11點45分到，拎籌排45，等左大約一個小時就有位，店員就提示我地用餐時間只有個半小時。雖然我地好怕太甜，但係黎到呢度就點都要挑戰下呢度最出名的吐司，幸好有店員為我地服務，則我也無從入手，店員先將最頂果層吐司移走，然後夾起一舊小蜜糖磚頭用刀搽少少cream同雪糕，最後就放埋士多啤梨響上面。先吃第一舊就覺得好好味，但因為吐司實在太龐大，後來都消化不來，食唔哂，無食到吐司的外層，只係食哂三層小磚頭。初時以為只有兩層小磚頭，但原來cream同雪糕，即是最初店員移開的最頂層也有小磚頭。不過呢度的食物，環境都好好，雖然等候時間較長，但明白係有需要的，因為店員服務態度非常好，而且呢度為左提供咁好的服務，我覺得分流都做得好好，並唔係一開門放哂d人入去又order唔到野。只要有位坐左落去，其實都好快上菜。無位出面等得耐，但係入到黎坐低左就唔洗等太耐，值得一讚。…Read More

食完韓燒之後，和朋友繼續走韓風，知道紅磡有新開響韓國好hit的蜂巢雪糕，就立即去試下，當係食飯後甜品。雪糕太細杯，五啖都K.O.完，再加上唔知係天氣太熱定係我食得太慢，雪糕溶得很快。…Read More