Musedream's Profile

有好幾間分店的加藤屋一直都想試下，今日經過深水埗就決定試試。一間集吉×家，壽喜燒，pepper Lxxxh同銀×喱於一身的店舖，感覺有D似去左food court，令到你樣樣都好想食，唔知點揀好，最後我地揀左和風咖喱唐揚同日式牛肉鍋定食。日式牛肉鍋不過不失，但如果個湯底能夠再濃一點會更好，而和風咖喱唐揚反而幾有驚喜，個唐揚炸得幾好同埋上枱個時仲係好熱，唔係一早炸定，食落口唔"鞋"，真心唔錯。店舖方便都算整潔，價錢亦非常平民，所以值得再黎醫肚。…Read More

同朋友打邊爐，硬係要搵間平靚正舖頭打邊爐啦!話說一鍋堂好評如潮，咁真係要去一試真實啦！首先間舖頭真超多人去食，如果想Walk in 去食，真係唔知要排到何年何日，所以要食一定要先去下載'一鍋堂'個apps預約，而且仲要早一至二個星期預約，否則連預約都預約唔到。一鍋堂有16個湯底，都算幾多，我地就叫左杏汁豬肺湯，因為比較少有，但湯底個味唔夠濃，所以感覺一般。食物方面有A,B,C 3個套餐比你選擇，我地選擇左B餐，價錢HKD238,不同價錢食物選擇都有不同，當然選最貴C餐就一定係最多選擇啦，但B餐其實都已經好多野食選擇都叫足夠。食物質素方面都算新鮮，手打魚蛋，自製魚皮都好味，而且仲有竹笙食，以這個價錢來說性價比高值得一試。…Read More

假日下午緊係要食好D啦，所以就周圍搵下有邊間餐廳午餐好食，最後就揀左Hamiharmony 啦!Hamiharmony 已經黎過3次了，但每次都係食晚餐，今次就試下佢午餐啦！午餐我地叫左個炭燒鰻魚意大利飯同香烤檸檬香草石斑配忌廉汁。由於是午市套餐，所以附送龍蝦忌廉湯，如需要再叫飲品則可加5元加購。龍蝦湯須然唔夠creamy,但有好香龍蝦味。香烤檸檬香草石斑配忌廉汁個石斑溫度掌握得幾好，令到外皮香脆，而肉質嫩滑。最後炭燒鰻魚意大利飯都幾特別，有種日式同意式食材crossover feel,而同時出來味道又幾夾幾特別，都可以一試。…Read More

講起食米線，大家多數都諗起譚仔，而且多數以速食為主，價錢方面多數HKD70以下，以快平為印象。今次去雲魅個感覺同平時去食連鎖米線舖好大分別，完全係高級版米線舖。首先佢個位置比較高，可以望到街外景觀之餘，整個環境都非常整潔，完全冇壓迫感，再加上一直播放輕快音樂，完全有種係cafe 食米線感覺， 好岩同朋友一齊黎食住傾計。食物方面個排場又幾特別，將米線，食材同湯分開上，自己可以控制食物敦熟成度，令食物唔會過熟，個感覺有種打邊爐一人一窩的感覺。價錢方面比起普通米線冇咁親民，但食材方面質素都比較高，可以一試。…Read More

一諗到搵食，當然就要去美食雲集的佐敦啦，今日就發現左一間隱世拉麵店-金鶴。拉麵平時多數只有豬骨，醬油湯底的拉麵，今日居然比我搵到間蟹湯湯底拉麵仲要係期間限定，咁當然要試下啦!麵身硬度適中，湯底香濃但蟹味道如果可以再重一點會更加好。叉燒方面同平時拉麵店比真係差好遠，薄身大塊肉質更加好。蟹湯拉麵當然要有蟹肉啦，蟹肉份量都算充足，可以加分。最後店舖裝橫精緻，整體乾淨整潔。仲有即時加入會員仲有免費汽水或半熟蛋送，可以試試!…Read More

今日天氣比較熱，想食d比較開胃野食。突然諗起上次有朋友介紹話越男的法包幾好味，所以就去左試食。講起越南餐廳，通常都係食生牛肉湯河、蝦餅、檬粉、紮肉、蒜蓉包等等，比較少有法包提供，更何況係燒豬腩法包，咁當然值得試一試啦!首先法包都算鬆軟，麵包夠熱同夠脆。燒腩份量充足，皮都算脆，都算唔錯!由於燒腩仔都算油膩，食多幾舊好容易有油膩感，所以法包內的菜同蘿蔔絲漬物剛剛好能中和這種感覺，令你開胃又易入口。裝橫方面幾有越南特色，座位間距都算適中，整體整潔乾淨，可以再來。…Read More

今日行過入左去食左個招牌牛腩魚蛋米，牛腩份量屬於超多，如果1個女仔都好大機會食唔曬，所以如果2個女仔食絕對可以叫1碗麵再叫小食同飯品2份食都已經可以。男他食就絕對飽肚。牛腩質素尚可但如果可以再軟身一D就更加好，魚蛋方面就幾彈牙，食得出係有質素同新鮮，絕對唔係超市魚蛋質素。價錢方面合理，唔算貴。地點方便易搵，環境方面以食魚蛋粉類來說算是整潔衛生，而餐具座位都比較新同乾淨，座位又唔會太逼。如果要快食，都係一個唔錯選擇。…Read More

D間舖頭成日都好多人，今日忍唔住去試下。平時食漢堡多數都只得牛，豬，雞，但D度竟然有羊，咁當然要點個香辣煙肉蛋羊堡同香辣煙肉磨菇芝士牛堡試下啦!牛肉都唔錯，有肉汁唔會乾屬於有質素而羊肉方面反而都幾有驚喜，一D都唔羶又有肉汁，麵包皮方面夠熱又夠脆，正啊！另外加16元仲有小食同飲品，小食方面居然有炸燒賣，D個都真係比較特別，其他小食都係薯條薯格。炸燒賣方面因為小食覺得都唔錯而薯格都好夠熱唔會好似連鎖店凍冰冰。總結:價值一D都唔貴，性價比高，唔怪得咁多人去啦:)…Read More