為食妹●'s Profile

營業時間到10點，8:55分到自己座底無人招呼 等到有人招呼，同服務員講2位～服務員一臉不爽2位呀？（完全唔想理你個重態度）我答：係呀！2位～服務員行去收銀拎餐牌，收銀仲有另一個服務員，佢地講完野後，再行返黎，話last order 唔比落單我話下？佢答 last order 營業時間到10點 ，9點last order 唔比落單，趕客走:)今時今日咁既服務態度真係非常好，難怪越執越多間～一直食開臭臭鍋，都好鍾意食，以後都唔會再幫襯…Read More

知道尖沙咀烏蠅館有得食烤魚，上網睇相食評都唔錯，一心黎試下，點知真係中伏，首先講下條魚，本人一向都好鍾意食烤魚，都試過唔少店舖既烤魚，呢度既烤魚真係我食過咁多間最細條既魚（三刀魚）仲細條過平時係屋企食既魚，完全睇唔出有烤過，細條都算，未開始食見到一層超厚既油，好似油浸魚咁，我以為自己睇錯，就問下員工咩一回事，員工答我烤魚係咁多油架！呢啲係健康油，唔駛擔心，咁既然你講到咁健康，我地咪試下囉！雖然食落唔算太油，但我真係唔敢用呢盤野煮菜黎食，之後就叫員工加啲湯，點知係加水🙄加完水完全無味道，仲要勁油，索性叫員工比個碗撈起啲油先再食，撈左一碗滿既油都仲係有層油係面，叫左兩碟菜都唔敢整黎食，我唔明呢間野點解會係新假期必食店😑唔會再有下次…Read More

睇到廣告話好好食，要排長龍，滿心喜起黎試下，睇下有幾好食，仲話日賣150碗，賣哂就無，點知難食到食左兩啖就唔想再食，未食過一碗咁難食既拉麵，又貴又唔好食，揀左白松露濃湯底，完全淡而無味，一啲牛味甜未都無，講到用左幾多牛骨整個湯底，同清湯無分別，$114蚊得兩片紙咁薄既生牛肉咁大吧！完全唔抵食，好在唔駛浪費時間排隊等食呢碗咁既野，唔會再有下次！食完走見到門口有人排隊，真係想叫啲人唔好排隊等食呢碗咁既野…Read More

前幾日同屋企人好想食壽司，咁岩屋企樓下開左間新壽司鋪叫羽壽司，嘩．．．超多人等位呀~等左成個鐘終於都有位喇~仲要係迴轉枱,坐底冇耐竟然見到有個師父係魚缸度撈條活魚出黎,仲要係我面前即劏做壽司,真係估都估唔到,好正呀~我當然唔執輸叫左兩碟試下,真係好新鮮,好甜,好平,$20一碟,超抵食呀~佢地除左活魚仲有日本魚,好多好多野食揀,個豬骨湯拉麵水準好好<==必食,仲有個乳龍蝦壽司個賣相好吸引,好生猛,好爽,好鮮甜,埋單六百幾蚊,我都覺得好抵,一d都唔貴,最抵死仲有得蓋印仔做會員,我今次已經做左會員,下一次再食已經有九折喇,每次仲有抽獎,個侍應仲同我講我生日會有七五折添呀~~最開心就係我下個月生日喇~~哈哈...我一定會再去食餐勁既...…Read More

食過幾次,但都覺得冇咩特別,因為好小野食揀,成日聽人講D帶子好大隻好新鮮,但本身就覺得一般,but佢地既左口魚背就真係超正←本人極力推介,因為真係好好食,好有口感,我每次去都會一個人食兩碟,D服務就麻麻,因為每次想叫侍應都係要由D師傅叫D侍應...但都會再去既,因為真係好鍾意食佢D左口魚背^^…Read More

前日同男朋友係旺角行完街肚餓諗住食野,聽好多人講e間咁既野好多人排隊咁咪黎試下囉,去到都唔係好多人ja,等左4-5張,點知一入去已經好唔like,個度d服務太度實在太好喇(反話)...但都算喇~我都係想醫下肚,坐迴轉諗住可以睇到食乜就拎乜,但........都係要落order,因為見到迴轉d壽司已經唔想食,咁就叫左d三文魚,油甘,帶子,赤貝,甜蝦剌身,但係迴轉拎同落order都係一樣,因為d師傅係條拉度拎比客人(好過份)野食一黎,碟三文魚乾的,帶子一d鮮味都冇,碟甜蝦...個頭黑色的.....超差!!!!!從來未食過一間咁難食既壽司,諗住叫侍應換個碟,但佢地好勁.睇你唔到的,叫極冇人理,咁既服務咁既食品.....一句講哂以後都唔會再黎!!…Read More