ivantwktse's Profile

打電話去Pizza Hut度問一個超級至尊咩價錢，因為見到OpenRice有做特價買一送一catalog，問個女店員，個女店員回覆199之後想問吓佢係咪做緊買一送一，佢嘅答案即係一句答我，公司就唔會有啦，你有本事就喺OpenRice訂啦：…Read More

環境野食keep 到水準，但服務態度方面，某位侍應光頭偏瘦態度幾差外，其餘都可以，五點果轉多咗龍蝦，但偏黑同有啲橡膠感覺，甜品依然略差，其餘都可以，尤其煎牛肉同牛扒！…Read More

服務態度極差，全個場得三個人，一上去眼見都有好多空位都要你喺出面等，俾點心紙時眼見兩個侍應不停傾偈，舉極手佢都唔應你，只有行過遞俾佢，佢個樣都啤一啤而收，好似你阻住佢哋傾偈！茶淡，蝦餃粉果皮超硬，啲鹹完全冇肉汁好似返蒸過！最估唔到一個乾燒伊麵都硬到一個點！…Read More

入到舖頭裝修還可以，但你想叫嘢食時，枱面點心紙，牙籤咩都冇，你要夥計𠼝，三個女夥計圍住傾偈，同佢講多句都嫌你煩，態度差到一個點，先叫一壺香片，只有少少苦味，冇茶香，點心等咗25分鐘，嚟到蝦餃皮超厚蝦還可以，有少少筍粒，最慘係一個鳳爪排骨飯，用極度難食來形容，啲飯好似未煮熟咁，排骨浸雪味！只可以同佢講一句，多謝以後不來！…Read More

門面ok， 但態度惡劣，嘢食難食，落order好似丐佢咁，惡到一個點啊！一個炒飯炒完出嚟都係濕到黐埋一嚿嚿，啲小炒又鹹得滯，同埋D芡汁好似一劈漿糊咁，土瓜灣真係冇乜好食嘅茶餐廳！…Read More

前菜，尤其刺身十分甜美，值得一讚！雞煲尚可接受＇但到火鍋就係惡夢開始，第一次送嚟海鮮仍可接受，但牛肉D脂肪比例三分之二，啲菜偏苦，再加單要生蠔同蝦嚟到全舊冰嚟，嘢飲冇晒冇refill，以價錢來講都唔係平，人均去到$495！出面大把火鍋放題店以這個價位比佢好好多！…Read More

服務態度用惡劣形容，一到三點半，吹你埋單，語氣極差，驚死你阻住佢落場，喺你面前收柸柸碟碟勁大力，與其係咁不如好似快餐店先俾錢後食飯！再唔係每一台都擺返個收電子貨幣收錢！…Read More