易方is易方's Profile

位於中環嘅泰排檔，係一間米芝蓮推介既排隊紅店，lunch大排長龍！主打地道泰國街頭美食，餐廳概念同埋泰國Thongsmith如出一轍，九成食材更加係由泰國直接入口，誠意十足😋😋🍤 炸粟米蝦餅 外皮香脆，蝦肉鮮甜！粟米粒增添口感層次，佢個醬係超級超級好食🤤🤤有少少似酸梅汁既醬，仲令到食落唔熱氣，超特色！🍜 泰式炒金邊粉（虎蝦） 份量好多，金邊粉炒得夠鑊氣，虎蝦爽口彈牙！超大隻！香料味濃郁，每一啖都充滿泰式風情😋😋🐔 雞肉泰式炒河 呢個河粉不得不提，超推介！超級滑溜，沾埋汁食好香口，入口好滿足！雞肉嫩滑，係一個好出色嘅鑊氣河粉！🥭 芒果糯米飯 😍😍芒果香甜多汁，糯米煙韌不黏牙，椰漿分開上，可以自己決定沾幾多，椰漿香濃！推介食！🍹 龍眼冰清甜消暑，青檸梳打酸爽醒胃…Read More

喺旺角食完個lunch就去咗登打士街嗰邊買飲品，一眼睇中咗呢間有香港特色嘅台式飲品店，同埋佢嘅巴斯克蛋糕😍😍開心果巴斯克😋😋超香濃嘅開心果味！食落又唔會好甜，所以一啲都唔膩，蛋糕都做到好挺身，每啖都入口即溶，好滿足🥰再配埋珍奶同埋桂花烏龍，清新一下個口腔再食，大滿足！見佢個menu有一啲有關香港潮語嘅選擇，非常欣賞一間台式飲品店嚟到香港開業都不忘加入返香港元素，好有心思！😋😋 下次除咗買開心果巴斯克之外，仲會食埋佢嘅原味！…Read More

同朋友去旺角，就揀咗呢間韓國嘢食，因為真係由韓國廚師煮，侍應都係韓國人，非常有風味！食品都係自製，好有心思😋😋五花肉炒年糕😋超級大份，份量非常多！辣醬同埋泡菜嘅味道已經炒晒入去五花肉入面，所以每一啖都好香嘅韓式辣醬泡菜味，個底仲墊咗好多年糕，同樣地，每一啖都沾到醬汁，入口非常滿足！😛側邊仲有腸仔、芝士、雞蛋，用嚟點汁嚟食，非常之夾。🤩串串魚糕湯😋同樣地都係好大份，除咗有好多串魚糕之外，佢仲有蘿蔔同埋野菜，蘿蔔吸晒佢嘅湯底，湯底好清甜，而且好好飲，同埋魚糕煮到非常之彈牙，好襟食🥳烤牛肉紫菜飯卷😋飯卷好足料，牛肉嘅份量都好多，好紮實，每一啖都好滿足😝😝配埋兩杯飲品，解渴之餘仲解理，係好滿足嘅餐😋😋…Read More

灣仔有咁多小食店，我覺得呢間廣麪子真係數一數二好食😋😋同同事放lunch就去咗胡忠大廈同囍帖街嗰邊食呢間粉麵店，嗌到成枱都係嘢都只係二百幾蚊，勁抵食😍辣椒油我覺得辣椒油真係好出色👍🏻👍🏻佢係非常夠辣，而且好入味，老闆話係自家製嘅辣椒油，用咗10幾款材料去炮製，唔怪得咁好味，無論加落同魚蛋粉定係豬手，味道都好夾，食到辣椒油嘅香味之餘又唔會冚咗本身粉面嘅味道👅豬手撈粗豬手煮得好腍，唔會硬到好似擦膠咁，南乳嘅味道都好入，粗麵係薄薄地嗰隻，唔係厚嗰隻，所以食落嘅時候啲辣椒油掛晒喺個粗麵度，每一啖都有辣椒油嘅香味再加豬手嘅味道，超正，而且一兜有三隻豬手好大份，好滿足😌切腩四寶撈粗有牛腩，魚蛋，魚片，牛丸雲吞。老闆話佢啲魚片都係每日自己整嘅，所以食落呢就好彈牙好鮮味。崩沙腩吸晒啲腩汁，再索埋啲湯，再加埋辣椒油去食，係天作之合，非常好食。雲吞同牛丸都好大粒，撈粗嘅油分令到口感非常爽滑，唔會將埋一Pat😋😋炸魚皮完全冇油溢嘅味道，原來係因為魚皮係每日新鮮炸，所以係非常香口，非常脆身，浸落個撈麵湯嗰度食，外軟外脆，非常好食🤤…Read More

尖沙咀放題咁多間，呢間魂燒真係數一數二抵食，仲要係好好食，食物選擇又好多，我都翻兜過好多次！和牛必點！啲牛嘅顏色夠紅，唔會有瘀血啡嘅情況出現，紋理都好靚，唔會太肥，同埋唔會好多筋。令到口感啱啱好，亦都做到入口即溶嘅感覺。牛嘅話，燒幾秒就食得，逼咗啲牛脂出嚟，牛味好香口，一定要係咁食，超正！豬肉放油勁香之後就點咗啲豬，一路燒，一路放豬油出嚟，勁香，燒完好脆，加上佢有醃過，所以燒完都好夠味，豬肉都好值得食！除了燒肉，還有其他！ 叫得放題，除咗燒肉之外，仲仲有日式嘅食，當然唔少得魚生。今次食咗吞拿魚，三文魚等等。當中吞拿魚必叫！每塊都好厚切，入口勁滿足，亦有鮮味！個胃仲有位嘅話，可以試埋壽司我就抱住試下嘅心態，點咗一客炙燒三文魚壽司。個火炙味勁香！啲飯又唔會漿埋一齊，勁好食，如果仲有位嘅話，可以食多好多件，因為真係入口即溶咁！ 埋單人均唔洗＄400，勁抵食，係尖沙咀高質放題 ！提提大家～記得book位！佢成日都full booking架～！…Read More

餃掂開咗外賣版🤩🤩以後食餃掂都好方便🥳軟心芝士煎餃外皮煎到金黃香脆，一咬落去，芝士鹹香濃郁，啖啖都係幸福感。餃子皮薄得來唔散，內餡除咗芝士仲有肉香，粟米中和返所有味道，配搭一流！😙黑白松露湯餃（推推推！）黑白松露湯餃，湯餃皮薄餡嫩，內餡有黑松露同白松露同肉末，咬開嗰陣松露味更突出，松露味唔會太濃，但夠晒低調奢華，好味！湯底清而不膩，加咗粉葛，帶點甘甜同軟糯口感，再配上松露嘅獨特香氣，飲落暖胃又暖心。🤩麻辣皮蛋皮蛋嫩滑，配上麻辣醬汁，辣得夠喉但唔會搶咗皮蛋嘅風頭。醬汁仲有少少花椒麻香，食落舌尖麻麻地，好刺激又過癮。食落好開胃，令人忍唔住多食幾啖，鍾意辣嘅朋友一定要試！😍😍蜜餞雞翼蜜餞雞翼嘅甜味唔會食甜，蜜餞味好天然。雞翼烤到外皮焦香，蜜餞醬甜中帶酸，滲入雞肉，咬落juicy到不得了，食完真係有啲唔夠喉，所以最後嗌多咗一份😜😜蜂蜜檸檬薏米水飲品係蜂蜜檸檬薏米水，清新又解膩。薏米又有少少咬口同穀物香，飲落成個口腔都爽晒。🤤🤤🤤…Read More

勁正新邊爐！今日去咗中環有一間叫新京熹嗰度打邊爐 ，入到去間餐廳超大裝修都好有格調，可以每個人有一鍋 lunch嚟講都幾full下㗎😬本身張枱呢已經配咗有唔同嘅醬料啦，店員仲好仔細咁樣教我哋邊啲係點羊肉，邊啲係點其他肉👍🏻我哋食咗個套餐入面就包咗播火鍋湯底，小料草飼180十天高羊肉、寧夏羊、梅花肉、大片脆毛肚、糖油餅同蔬菜😻我哋仲叫左蕃茄湯底同埋麻辣底湯底，個麻辣湯底都幾濃，食辣嘅你一定勁鐘意！！！首先上菜嘅時候真係俾佢嗰個羊肉吸引到，因為一上碟嗰下真係超級長，真係引起全場嘅圍觀啊😹😹上咗之後店員仲有提我哋要淥15秒就好啦，另一款羊30秒就得，好專業👏嗰個糖油餅仲要係即叫即炸，好好食，佢有少少似油炸鬼，但係又冇油炸鬼咁熱氣，但係又有咁鬆脆🤤🤤然後個毛肚都好特別㗎，好似海鮮拼盤咁樣上菜，我哋錄完之後撈埋個湯底好好食，索晒湯汁！…Read More

爆滿的Amitie Kitchen尖沙咀內咁多間餐廳，呢間係數一數二嘅意法菜。放工同朋友去H8食Amitie Kitchen, 因為唔少同事都推介呢間，話好好食好正，所以一於去拜訪，果然冇失望！火炙半熟三文魚伴紫蘇莎莎三文魚嘅外面燒熟咗，但內𥚃係生，呢個交融好特別，加上外面半熟嘅紋里，令到特製嘅汁，滲晒每一塊每一個位置，令到食嘅時候，每一啖都有洋蔥同埋黑醋味。加上沙律其中用咗紫蘇葉，所以好香口，食落好清新，配上汁同三文魚，係一道好出色嘅前菜。牛肝菌露荀意大利飯一上枱就有好勁嘅洋蔥味，食落牛肝菌味好出，勁惹味，但係配咗露荀，露荀本身比較粗身，所以佢有足夠嘅甜味去中和返意大利飯，另外，奶味唔會太濃烈，所有配搭都啱啱好，係一道好高水準嘅菜式。美國西冷扒今次嗌咗5成熟，控制得啱啱好，大廚功架好有料，煎出嚟嘅紋路都好靚，切開見到肉汁都鎖住咗，但就做到5成嘅程度，食到後尾，本身嘅餘溫慢慢令肉質成熟咗，再索返肉汁食好正！朱古力心太軟配雲尼拿雪糕焗得好脆，切開啲朱古力流心勁香，連埋冰凍嘅雲尼拿雪糕一齊食，冰火交融嘅感覺，好夾，亦都中和咗雙方嘅甜味。最特別係落咗少少柚子醬，有淡淡嘅果味，好夾好好食！…Read More

屯門名物-餃里-開新分店！餃里喺屯門超出名🤩最近喺紅磡開咗分店，紅磡/黃埔/何文田行過去都好方便！今次同朋友嚟潮聖，就緊係要食盡唔同味道嘅餃子，仲有上海麵😝湯餃子餡分別有 椰菜、韮菜、白菜、芫荽、芹菜、紫菜.煎餃就雙拼咗芝士、泡菜. 餃子嘅餡好足料，有足夠嘅菜之餘，又唔會比肉同調味料搶咗味，最特別係芹菜，真係一咬開就有芹菜味衝出嚟。另外，鐘意食芫荽嘅朋友，一定要食，因為！啲芫荽味！極濃！（好正😝）芝士煎餃一咬開就有勁熱出晒煙嘅芝士，啲味湧出嚟好香，啲芝士溶晒，配埋粟米食，勁正。泡菜就係香，同埋我覺得都算係偏辣，食得幾過癮.餃子都唔洗掂醋/醬都好夠味～配上海麵好好食，麵質唔會太厚，煮出嚟唔會太淋，都唔會食到麵漿，加上蕃茄湯好香，酸酸甜甜好好味好開胃。豬骨湯都好香嘅豬骨味，唔會太濃烈，唔會蓋晒餃子味。…Read More

今日去開牛頭角見到有間好特別嘅工業風裝修風格嘅餐廳，於是就入去試下～一入到去成間餐廳都好多人，喺外面完全估唔到！呢度用qr code落單，店員亦都好有禮貌解釋落單流程畀我哋聽～我哋叫咗個二人餐，有雙層手打牛肉芝士漢堡、安格斯牛肉芝士漢堡，我哋兩份都揀咗牛肉七成熟，咬出嚟超有肉汁！亦都相當豐富！係成個包基本上一啖都咬唔曬呀！每個漢堡都係新鮮整，包亦都好新鮮好軟熟，畀其他漢堡店更加特別嘅地方就係，佢哋個漢堡包面會煎一煎，所以有啲脆脆crunchy感～小食我哋叫咗炸大薯條，食落熱啦啦，仲有好多醬揀，我哋就揀咗黑松露醬，大份到我哋兩個人其實都食唔曬！另一個小食我哋就揀咗咋洋蔥圈，配千島醬，洋蔥圈都幾好食，新鮮炸真係好脆呀！飲品方面呢呢個都幾特別，有時食咗熱氣嘢會想飲涼茶，呢度嘅飲品竟然仲有有氣涼茶，我哋叫咗有氣嘅竹蔗茅根同埋有氣嘅羅漢果茶，仲要係香港製造，支持呀！…Read More

放工去貓之茶房探下啲貓貓治癒下心情❤️之前貓之茶房大河道嗰邊，兒家搬咗去眾安街，店內裝修嘅環境好舒適☺️有個好大嘅area比貓貓跳台，好多地方可以比貓貓休息同瞓覺，窗口大玻璃仲set咗比貓貓瞓覺睇街景嘅地方.🤣有好多比貓貓活動同休息嘅地方，同時都有地方比客人同貓貓互動.環境靚咗，多咗cafe area比人坐低，一邊同貓貓玩，一邊食cake/cookies，但記得要小心啲食，貓貓會好奇跳上格haha.😆入面有十幾隻貓貓，佢哋都好乖巧，唔會好百厭.我哋可以買啲凍乾/濕糧，嚟餵啲貓貓，貓貓見到你有嘢食就會行過嚟，甚至爬上嚟，😍係一個好好嘅互動體驗除咗買食物，仲可以免費用逗貓棒同貓貓玩❤️另外，茶房仲有提供board games，書，漫畫，可以好chill咁甘relax，同貓貓玩，真係好治冶癒架😚…Read More

真荃灣街坊大推！荃灣必食「爹仔串燒」！🔥爹仔喺荃昌中心昌寧地下，穿過嗰堆商場再落地下就係，夜媽媽想食宵夜就去咗食爹仔，串燒即叫即燒，有唔同辣度，就算唔食得辣，但仲有秘製沙嗲醬。😍肉類嗌咗牛肉、羊肉、豬頸肉、雞中翼，啲肉質好淋，咬落仲有肉汁，加上老闆啲秘製調味，勁香口，羊肉特別香，勁好食，唔係持別臊，豬頸肉好爽口，超正！🤪内臟類嗌咗雞腎同埋牛脷，雞腎勁爽脆，一串都好多粒，牛脷係厚切，燒完嘅口感係淋，入口即溶嘅口感！🥳蔬菜類點唔少得我勁鐘意嘅韭菜、菠蘿同埋茄子！痴滿味料嘅韭菜燒完之後好香口，韭菜味出晒嚟，同埋好juicy，食得好爽！菠蘿都好大份，甜甜地好開胃！茄子真係原條燒，好有心機，加上有蒜蓉香，勁惹味！🤭特色食物另外仲嗌咗個炒麵，好大份，最啱就係嗌啲芝士腸配嚟食，芝士腸燒完好香甜，配埋撈麵嚟食一流！🤤必食！沙嗲醬！老闆秘製嘅沙嗲醬，一食便知龍鳳，唔同平時食嗰啲稀稀的，爹仔嗰啲沙嗲醬啖啖都係花生粒，非常杰身，一啲都唔膩，係非常高質嘅沙嗲醬！🤤🤤價錢今時今日做到＄15/串真係好抵食（路德圍嗰間都差唔多價錢），下次食宵夜都會再幫襯爹仔😋老闆真係即叫即燒，所以等待時間差唔多15分鐘，望住老闆燒嘅過程都好冶癒！就算天氣咁熱，都有客人特登堂食，係爹仔即燒即食嘅威力！！…Read More

同朋友慶祝生日，所以就去咗旺角嗰間快樂小羊打邊爐，平時都好多人食，好彩book咗位，位置又好方便我哋，喺寶石戲院隔離，我同朋友都好滿足，呢間打邊爐好好食，又唔貴，2個人食500蚊都勁飽，性價比勁高！！佢仲要做緊食300送300優惠活動！下次再嚟食！酸辣湯底味道同數字味嗰隻酸菜魚差唔多味，非常夠味，酸味好出，辣味好香！完完全全帶晒啲辣味出嚟，我鐘意食辣都覺得佢辣，食得辣既人一定要試下！好過癮，用嚟淥菜，索晒湯好正好刺激！肥牛兒家嗌酸辣湯底仲要送一大碟肥牛，啲肥牛好大份，啲肥牛淥完後，令到個湯底好香肉味！羊肉 嚟到快樂小羊緊係要食羊，但啲羊好正，一啲都唔羶，兒家仲要做緊特價，$28就有一大碟，幾乎一蚊一塊，勁抵食！牛舌牛舌啲肉質勁靚，厚薄度切到啱啱好，淥10秒拎返上嚟啱啱好，好爽口！豬肉勁抵食，一份$39都夠2人份量，厚薄啱啱好，淥完都唔會過硬，入口即溶嘅感覺，點埋豉油食就最好不過。鮑魚$38有4隻勁抵，淥1分鐘左右拎上嚟，好彈牙，一啲都唔梅，食落都好新鮮。鬼馬墨魚滑真係好鬼馬，但用咗油炸鬼，塗上墨魚滑，同埋蟹籽，拎去淥，首先個油炸鬼索咗勁多湯，一啖咬落去，好多湯，好正！墨魚滑同埋蟹籽淥完之後，都keep到鮮甜味，連埋成件油炸鬼食，好有驚喜！黑松露羊肉滑淡淡既黑松露味，唔會蓋過羊肉嘅味，仲keep到醃料既香味，呢到3简淥到好多粒，勁抵食！自家製土豆粉最後緊係要叫個土豆粉嚟索湯食！佢唧土豆粉索晒湯，勁惹味，又唔會好粉，但好彈牙煙韌，好好食！蒙式烤羊串除咗火鍋之後，佢仲有啲小食可以揀，今次揀咗個烤羊串，即叫即烤，熱辣辣炸炸聲咁上枱.味道都晤錯，啲羊冇羶味，人口好香，仲有啲羊肉汁！楊枝甘露兒家like instagram就送楊枝甘露，食咗咁耐辣嘢，整碗楊枝甘露嚟消一消，勁凉爽，成個人即刻舒服晒，仲有啲芒果粒粒，細細碗都已經好足料！每款食物既擺盤都好靚，打卡一流，環境又舒服，同朋友嚓gatering都好開心好正，我哋都食得好滿足，下次一定要再嚟食其他湯底！…Read More

學校附近新開咗間餐廳，放學就同同學去食！蟹肉蟹籽忌廉扁麵一上枱已經勁香，啲蟹肉味好香，同埋佢勁多汁，每一啖意粉都掛到好多汁，加上佢係扁意粉除咗掛汁之外，蟹肉都好多，味道好香濃蟹肉味，但又唔會太鹹，味道啱啱好，好出色嘅意粉.羊臀肉佢冇臊味~唔鐘意食臊嘅同學就好鐘意.肉質方面，佢一啲都唔un.大廚煮得好好，煮出嚟唔會全熟，仲鎖到肉汁，眼見都已經好juicy，食落都好juicy，肥肉同羊肉嘅分佈比例好好，唔會太肥，但又有肥肉去添加味道同口感.羊臀肉呢個部分都好淋.我覺得唔洗點汁都已經好好食，食到羊肉同埋調味本身應有嘅味道.龍蝦包超！大！個！即叫即炸嘅龍蝦啲龍蝦肉就算炸完都好彈牙，包都烘過，所以成個龍蝦包食落好脆，勁正！加上佢有蟹同沙律，所以味道入口好好食！雞串燒配薄餅估唔到佢咁多串，勁抵食！啲雞肉唔鞋，醃料醃得好入味，夾埋薄餅食，條另一種風味.薄餅微微烤烘過，少少脆身，加埋雞串嘅汁一齊食，都好夾！（我點意粉汁勁正，hahahaha)…Read More

有真oppa嘅高質韓燒. 仲有醬油蟹食！環境都好舒服，位置闊落，坐得好舒服.好似去咗韓國啲鋪頭咁.wall art好靚。啲袋仲可以放入桶入面.格隔離仲有個tray比我食物，嗌得多都唔怕冇位放。坐低就有芽菜同埋kimchi，一陣用嚟燒肉+kimchi+生菜.然後staff就會落咗蛋漿比我. 有唔同嘅set揀，今次我哋揀咗世子set. 世子set係可以嗌埋大君set嘢. 除咗肉類之外，仲有啲腸同海鮮，最特別係好多韓國小食，麵，同埋湯，味道仲要好正宗！海鮮海鮮都好新鮮，特別係石蠔，燒完都仲有啲海水味，一定都唔梅，好好食，好鮮甜.帶子同埋扇貝都好鮮美，燒完唔洗點醬汁都夠味.世子set嘅牛扒好大塊，可以自己剪開一塊塊去燒，之後再夾生菜食，超正！牛脷都有牛臊同牛奶香味，點埋醬汁就一流！最特別係有護心肉唔係間間都有，係特殊部位嚟，佢係橫彌膜同肝之間嘅肌腱，口咸好淋，而且燒完冇乜油，又淋又油又香肉味，護心肉係最正！小食/韓國食物炒年糕好夠辣而且仲有魚糕喺入面，好似去咗韓國唯！特別想講水冷麵 唔係到到都有得食水冷麵.師傅整得好好食，醃蘿蔔唔會太酸，所以冇搶走冷麵味，好清涼，同埋酸酸地好開胃！牛肉紫菜湯都好好飲，燒完肉最後飲個湯係最滿足！…Read More