hehewongh's Profile

喺室外露天帳篷下食，吹住海風，環境幾休閒侍應服務態度幾好，好有笑容，會主動招呼客人，唔似得某部分香港人侍應黑口黑面、粗聲粗氣叫左三款食物，上餐時間比茶餐廳較慢，但可接受：第一款係燒羊肉pizza，熱辣辣，餅底好脆，又有芝士拉絲，惹味。第二款係9吋燒雞希臘沙律，燒雞比較乾身，加白色同綠色醬好味啲，紅色醬比意料中辣。第三款係印度甜品，類似浸糖水嘅炸粉團，好甜，比較唔啱一般香港人口味，早知叫開心果雪糕比較好最後兩個人食到好飽肚。…Read More

上次walk in，無位，要等比較耐，肚餓就無食。今次特別提前訂位，終於有位試試。同阿媽一齊去，都唔少人，但坐得唔算迫。餐廳裝修同設計走簡約風，氣氛啱曬放假hea下。食物唔錯，好多款式，湯、沙律、甜品、熱盤、涼菜...咁多款我唔一一介紹，你哋自己睇相都估到有好多種類，我除左胡椒味菜湯，幾乎款款都食曬。有啲食物好味得嚟又特別值得推介，好似椒鹽粟米（惹味），花生脆蘋果（口感好清脆）、紫薯球（好綿）、椒鹽豆腐（外貌內軟滑）、炸雲吞（暫時食過炸得最鬆脆嘅餐廳）、薑汁糕（好有薑辣味），另外，阿媽特別推介一啲香菇食物，話入味又炆得腍。店員服務態度幾好，不停refill食物，中間疑似有個女客想強行闖入walk in坐落人地個空位度（個人應該出左去拎食物），個店員都好有禮貌，解釋暫時未有位，請佢等等。雖然要自己執食具，但其實ikea都一樣，一分鐘都唔使一個人就執完。…Read More

叫左個面線連餃子套餐，順便加多杯涷椰果奶茶，總共54蚊餃子係咖哩味，同埋韓國味面線軟滑，配料係豬腸同肉丸連埋餃子，個餐份量都ok飽餃子味道就同平時一樣無分別奶茶麻麻，半杯都係冰，勁快飲曬張枱比一般茶餐廳細，亦比較迫食完之後肚瀉，應該係杯奶茶出事應該唔會再幫襯，肚痛同肚瀉好阻礙工作…Read More

叫左個餐，烏冬加壽司，由1252落單等到1315，因為返工關係，要十分鐘內食曬，食得好趕，咩味道都食唔出，只想當快餐咁盡快填飽肚，應該係廚房出左事，好心啲管理層比多少少錢，請多一個人幫輕下啲樓面員工…Read More

星期六同屋企人出街，諗住一田優惠日行下街，未買野之前想填飽肚，又想食日本野同唔使等，就嚟左呢間。一嚟就只安排張十人枱，明明餐廳好多空間，但就間張十人枱喺中間。同8個人搭枱，好公開，周圍其他枱都好嘈，即刻唔太想講私人嘢，全枱人人都好静，默默食自己野就比錢走。我哋叫左兩個便當，價錢合理：我嗰個：肥牛金菇卷加炸南瓜薯餅便當屋企人嗰個：吉列豬扒便當便當有飯同薯蓉，兩個都飲涷奶茶。食完行左一個鐘街，馬上肚痛，之前除咗呢間舖無食過任何野，喺荃灣商場大瀉左兩次都唔掂。個肚仲係唔舒服，搞住搞住，好掃興。要急急腳搭車返屋企食藥，免得喺條街度出事。到第二日再瀉多次，但當日屋企人都有食舊薯餅，但無事，應該係肥牛卷啲牛肉出事，希望呢間舖搞好啲食物衛生 。同埋例如可以將十人枱分做6人枱同4人枱，餐廳都夠位，客人會坐得舒服同私隱好多，客人開心同食物衛生，先會嚟多啲。今次食完咁痛苦，我唔會再嚟呢間舖。…Read More

收工去買件西餅食，個阿嬸女店員見我樣細就蝦我，明明手指指住件草莓朱古力卷嚟叫，我講嘢又唔係細聲，佢自己聽錯做朱古力瑞士卷，夾錯西餅，同佢客客氣氣講返要草莓朱古力卷，就即刻西面黑面，仲話我搞到佢錯曬，離曬譜，恃住自己年紀大，就恰後生，明明你自己做錯，仲敢話人全香港又唔係得你一間餅屋，使唔使咁巴閉，好似全世界都欠左你咁，將啲氣發洩落個客度…Read More