foodie_penny's Profile

Emmm.. 海南雞飯88蚊呢個價位係抗疫時期都企得幾硬下。如果88蚊性價比黎講，個飯有啲貴。雖然餐廳有少少南洋風裝修。餐廳除左海南雞飯外都有啲喇沙嘅選擇，但叫完海南雞會即上（因為可以整定），但見隔離枱海南雞飯食完喇沙都未到就有啲老尷。好！海南雞飯！驚起嘅係個冬瓜雞汁湯飲落去係熱到辣口嘅雞就去骨三黄雞，油脂充足（減肥中既朋友就去皮叫白飯唔好點汁啊），雞肉唔會鞋同唔乾，正常發揮。我就比較好奇佢海南雞飯醬係咩環境，薑蓉溝左啲沙薑；辣汁有食辣生蝦感覺；豉油醬我不嬲麻麻，只食到甜味，無咩點過～到個雞油飯，其實有啲失望，一黎唔夠熱又鬆散，可以我孤陋寡聞，佢夠水份嘅，唔爛嘅，但如果可以團結到少少就好了～（定南洋啲米都係咁，而我唔識）飯量黎講，男仔就未必夠喉，所以⋯我忍唔住叫左小食。本身都只係想叫咖央多士，22蚊。 但做緊優惠，38蚊兩款小食，好喇，叫埋個豬肉串。咖央多士 邪惡嘅選擇個多士夠脆嘅，如果有啲熱力就好嚕🥺🥺🥺牛油就好細塊置中，所以切完見到啲又見唔到啲，咖央醬正常發揮。下午茶可以點呢個！豬肉串（感覺似油炸的）偏甜，點沙茶醬更油更漏⋯好彩有青瓜清爽一下。完。…Read More

永遠唔會令你失望既R&B！！每一次黎都食carbonara pie ，今次大家都飽飽地，又試試新意思於事叫左card and shrimp pasta濃郁嘅龍蝦汁加上蝦肉同蟹肉 勁足料香到爆！一上枱大家都急及待動手！ 小食方面 放棄左薯角 叫左chicken nuggets 痴左線 啲雞件有別於一般韓式英式同台式炸雞同鹽酥雞，直頭係有齊佢地重部優點！外皮酥脆但雞肉唔「鞋」唔乾，食到停唔到手，食埋連雞皮都感覺清爽（仲有居酒屋燒雞皮嘅香！）黎返支啤酒添啊，唔該！…Read More

早排見同事買外賣完過都返尋味，仲強推呢間，今日就一於試試佢！因為唔想食飯同意粉，不如試試佢個薄餅！嘩嘩嘩！ 慢煮手撕豬薄餅 外賣自取連凍咖啡 七折 $69！見到有得加黑松露薯條都係 $17 依家外賣自取真係好抵食，好似話用mpower埋單仲有額外優惠！快啲搵埋朋友一齊試試佢！（當然 薯條一定係堂食最好食！）個pizza 邊好脆好興奮！勁足料，個pizza勁有內涵，啲豬肉同芝士好香，又脹卜卜！好飽肚，救命，全日無餓過，仲要分享左薯仔比同事！！下次要試埋pasta同burger啊！…Read More

有咩開心過有時間可以係堂食時段坐定定食野嘆嘆上海菜 本身諗住食埋小籠包 同下午茶 但實在太飽了 放棄左因為屋企唔會整重口味嘅野 所以見到水煮牛要叫🤣水煮牛三拼，入邊有牛肚 牛柏葉 同肥牛肉牛肚好認真 堅好味如果肥牛轉小片滑牛便好了牛柏葉大塊啲 薯粉可以講得上若隱若現咁 多返啲啲就100分味道方面，畢竟食緊上海餐廳，對比重慶同四川風味，上海姥姥嘅就係味濃，微辣。小黃魚出色嘅 香脆可口 送飯一流 魚肉嫩滑 外面酥脆可口 大滿足！…Read More

趁住難得閒日放假，出去放下風，四圍走走。行到去呢間店面，附近冇乜嘢食，覺得佢好特別就入咗去。叫咗個lunch set連嘢飲，佢意粉唔Hea底，認真足料，啲芝士勁香。叫咗杯latte，改得呢個名佢啲咖啡一定有啲特別，雖然佢個杯唔算大🤣間鋪唔算太大，可能係閒日，冇乜人排隊，靜靜地幾清幽，耐唔耐有三四枱客，成個店舖設計幾舒服，感覺乾淨，座位舒適，唔使同人迫( ´ ▽ ` )ﾉPS 本身好想食佢個Cheese cake加多杯espresso 試試個咖啡底。。。好可惜，芝士蛋糕一眨眼就已經賣晒，大家記得記得食正餐之前好落定件蛋糕！🤣朋友仔仔食完話勁好食，唔會太甜，希望下次去嘅時候有機會叫到件蛋糕啦！…Read More

尋日喺尖沙咀收工咁岩經過，見到世界一蘋果批終於開咗啦，可能因為疫症嘅關係竟然冇咩人龍，見夜晚經過都冇人排隊，而入邊仲有野買嘅時候，梗係要去買嚟試試啦！店舖設計勁細心好開心買蘋果批仲可以飲咖啡，可能驚大家食蘋果係覺得太你或者太甜，要咖啡嚟中和下。買完之後行咗成10分鐘先醒起要趁熱食喎！是但搵個空曠嘅地方，除低個口罩食個蘋果批先！可能因為年紀大嘅關係，開始好enjoy食辣口嘅食物，呢個蘋果批嘅溫度令我有驚喜！咬入去外脆內軟，牛油唔會膩到飛起，麵粉勁香，加上一粒粒富士蘋果肉，湧出黎吉士醬同埋豆乳忌廉，熱住都唔會成水墮，細節位認真！另外買埋迷你版千層蘋果脆粒，拎左返屋企同屋企人分享，我個人來講覺得佢真係有啲甜，但係好鍾意食甜王啊妹表示⋯⋯好正！放棄左手上包薯片一粒粒隊入口！外邊糖漿好趣，入邊嘅酥皮做得非常之好勁香口，可能拎到返屋企已經凍咗，我哋試吓將佢放喺焗爐入邊焗一陣睇吓有咩效果，結果太熱都係要放涼少少先，個表皮糖漿更脆，係入邊熱完仲香牛油味，加倍滋味🤣🤣…Read More

係東薈城掃完貨，慳錢家族上身，抵食之選當然係行耐少少去food opera平食！死港女表示太常見嘅餐廳又唔想食，咁耐無得去旅行，去轉東涌經過汀九橋都有旅行感，出到黎不如當去轉日本喇，食個蛋包飯試試佢。本身見到人地個雞扒炸蝦同埋雞扒鰻魚奄列飯好新鮮好香好好味咁，但自己一個食會太多，浪費食物個隻，唯有試下佢嘅漢堡扒睇下有無誠意！結果！兩塊漢堡扒上面有片裝芝士，本身唔大期望，但佢啲肉食得出係認真製作！似係人地burger個啲漢堡，唔係平時豬柳蛋嘅hea野！讚！加上佢嘅茄汁唔係一般茄汁，又再落蕃茄煮過嘅蕃茄汁，誠意加分！沙律菜同粟米都份量多，平時食菜機會少嘅人嘅恩物。唉，可惜美中不足嘅係佢嘅飯底，竟然唔係炒底不特止，連少少誠意用茄汁撈嘅飯都冇，只係白飯一碟，如果可以有有味嘅飯底就好嚕😭😭咁一定會食得晒😭。完。…Read More

癲左啊！！！點解一間茶記可以有咁多選擇！！！日韓港式都有！！！睇完menu之後決定短期都食佢做lunch，返工唔帶飯⋯⋯本身打算同同事落去買外賣嘅，但點個姐姐見我地兩個人望望menu，望望條等外賣既長龍，同我講⋯⋯入邊有位，唔洗等喎⋯⋯well，我屈服，即刻入左去。因為第一次食時代。之前無做咩功課，睇睇menu第一樣野，就係防疫套餐，又岩時勢又岩feel，最緊要夠重口味。一於就試試佢！出餸好快，因為我有條80歲婆婆嘅脷，如果個咖喱可以熱到㷫口就更好了！咖喱唔太辣，岩晒想食咖喱又怕太辣嘅朋友，因為秘製嘅關係，仲隱約食到D蕃茄味。仲叻叻係佢用左superfood——薑黃入饌，真係有助增強免疫力，同時唔怕難入口。對營養有少少研究嘅我，見到呢個配搭，決定食左先講！叫左秘製咖喱牛腩，牛腩唔會過肥，有少許筋腱位特別好食，加試個汁無極重椰汁感覺，好似light啲可以食多兩啖肉。成個飯份量算大，大男人食的話都夠食，可能係香港人關係薑黃唔習慣，會食得慢少少。重點係，因為份量都唔少，D肉又好好食，得食剩左半碗飯，然後⋯⋯樓面姐姐好善良有心咁同我講，你下次食唔晒可以叫少飯，仲可以平一蚊添！正正子，又慳錢又環保同唔怕浪廢，有貼心嘅提醒，唔似得其他茶記怕煩寫咁多野，草草了事就關人。呢個貼心係茶記世界度加分！！！個防疫湯水似得出清甜味，有心認真。同事食左巨人漢堡扒奄列飯，個漢堡扒個樣唔夠靚仔，但個內心都認真有加洋蔥。個飯就你茄汁撈出黎嘅，比香飯好，但始果係炒底記perfect池喇！anyway，沙津菜量很好，唔係伴碟type咁少，中午飯黎講，PASS！…Read More

同中環朋友食lunch 後啡一啡！價錢黎講就中環價喇～最正係佢可以揀fruity 或者nutty既咖啡豆， 可以一次同唔同口味嘅朋友去飲，唔怕唔岩口味喇呱。（anyway約女仔一流！，咁隱蔽嘅鋪都比你搵到？！）平時係幫襯大街嘅咖啡，估唔到巷內都咁既小店❤️店內裝修簡約，有品味 （sorry 掛位嘆啡忘記影相）門口有兩張竹櫈，夏天都有風，又有大廈遮陰，唔算極熱。同朋友吹吹水再飲返杯，我諗：人生不枉過啊！:)後記：飲完之後，另一個朋友話⋯⋯原來呢間coffee shop最出名係佢杯鴛鴦⋯⋯「精品鴛鴦」(Specialty Jyun Joeng) ！ 心諗， 乜咁本土既咩，西方世界同港式茶餐廳風味喎！好唔好飲架，會唔會好怪架？！ 因為咁，我地會有第二次相遇，我相信！…Read More

因為好耐冇行過尖東，去文化中心途中發現左美心餐廳同埋deli & wine 。餐牌少咗幾個意粉，多咗幾個港式茶餐廳選擇，都好香港特色。裝修之後位置變得寬敞，可以坐得更加多人，可以自助購買燒味飯。常餐，不過不失，蛋老左少少，意粉轉左做通粉，保持水準。朋友食咗大蝦喇沙米粉，米粉正常，五十幾蚊有野飲，大蝦兩隻，係爽既，辣湯足料幾香，仲有幾粒硬到不得了既豆卜，外貌相當不俗。位置多左，坐得舒服左，加分，以後唔洗等位等到甘慘！…Read More

聯和墟泰國菜黎講，見平嗰間冇開今日就一於試吓朋友介紹嘅金邊粉，晏晝趁人少少冇咩人嘅時候入咗去食，因為成日冇食嘢所以兩個人都點左好多嘢食。去到泰國野同行有幾識嘅一定係泰式辣生蝦，然後炸蝦餅，生菜包，椒鹽軟殼蟹，蒜蓉炒菜苗，仲有泰式牛肉炒飯。呢個應該係三個人嘅份量嚟嘅⋯⋯但太肚餓了⋯⋯冷盤通常都係最早到，一嚟到佢顏色偏紅色本來有啲驚因為喺粉嶺食辣生蝦，因為平時食開嗰啲都係藍綠色嘅今次第一次食偏紅色，醬汁方面呢佢哋唔係坊間勁辣嗰種，但係個蝦肉真係好好食！至少係香港冇食過咁新鮮既辣生蝦。重點係唔腥唔霉，肉好新鮮的感覺爽爽地，隱約有甜甜地嘅感覺！而且隻蝦好大隻，要分兩啖先食得晒！炸蝦球喺同泰國曼谷nara嘅份量同質量係一樣，炸又唔係用萬年油，蝦肉好彈架！份量好足！然後係蒜蓉炒菜苗，唔係太油又唔係太鹹份量比坊間嘅大。然後生菜包都係每次必點，其實可以多啲青檸嘅我真心覺得，但係佢地暗啞底加左豬皮同豬腸令到成碟肉碎都好有豬味，而且唔算太油，加埋超級新鮮筆直嘅生菜，脆卜卜，有啲鮮甜嘅感覺好好味呀！因為點都要有少少飯氣，所以叫咗個泰式牛肉炒飯，其實冇咩驚喜佢未到唔係太濃烈可以接受，但如果加少少蝦醬應該更好味，不過以今餐比較重口味嘅情況下，用嚟送飯嘅餸係一流嘅！最好梗係我哋密切期待嘅椒鹽軟殼蟹，其實呢間鋪頭最出名嘅係咖哩蟹，但我哋覺得食蟹好麻煩，咬來咬去都可能食成個鐘都未食到啲咁多肉，所以我哋選擇咗比較喜歡同埋快捷嘅椒鹽軟殻蟹，十分大碟，應該有三隻大軟殼蟹，送飯一流！然後，佢哋放低左四粒椰汁西米糕係台面，本小姐最喜歡嘅泰式甜品！！我以為佢落錯單，因為出去食都廿幾三十蚊 ，問返侍應先知原來盒野係送架，今日係一定好日！❤️…Read More