kmyk's Profile

朋友介紹，話牛扒唔錯。見到價錢心諗會唔會都係啲一般般充滿發肉劑的牛扒。但見裝修唔錯膽粗粗行入去試一次。點知有驚喜，當然唔係草自而是穀自牛扒，但肉是優質的，煮扒技巧都有70-80分。配埋適量嘅薯條沙律，這個價錢剛剛好非常合理。見到隔籬枱食漢堡包，好想試不過又驚叫太多。個漢堡嘅質素非常不錯。$48 1個餐，今時今日麥記都唔得。點了龍蝦意粉， $88食到咁嘅質素已經好滿足啦。 行入去之前睇過下少少評語，話入邊服務差等等，心諗睇吓有幾差。入去後有個非常有禮貌嘅男仔由頭有禮貌地招待到尾。今時今日呢啲服務態度，點都要寫返個評語稱讚 👍🏽…Read More

唔小心撳錯層數突然之間發現有間牛肉麵，有點肚餓就走咗入去。點知原來有驚喜。老闆態度親切介紹佢哋自家品牌嘅鮮牛骨湯底。初初諗住都係普通牛肉麵啦，點知一試確實飲到一個有質素冇味精嘅湯底。棉質軟硬適中，牛肉淋而有咬感，看似普通，但製作精緻。會再來。太好食唔記得拍照，只係拍下外賣走而又非常好飲嘅港式奶茶。…Read More

見出邊成日有人排隊，諗住一定冇死。聽講當年係一間很好食嘅食店。講緊10年前左右。叫咗一碗崩沙腩麵，油菜，雲吞。崩沙腩冇乜味，真係好清，啲面都好清淡，我應該自己屋企都煮到。有菜林到就嚟爛，應該係比老人家食嘅軟餐。雲吞，食完一隻之後就唔想食第二隻。本身都唔係特別腌尖嘅食客，就算平都唔會再食，何況價錢算係中上。見入面嘅食客大致上都不是講廣東話，所以可能應該係社交平台過分賣廣告所致。當地香港人應該唔需要食呢種質素。求其一間茶餐廳都好食嗰佢。係求其一間。…Read More

Very good steak but the manager/ waiter told us they are in a transition of changing to a Muslim owner, therefore, all pork will be remove from the menu. Well it’s fine but …. ALSO a BIG a selection of whatever in the menu aren’t available either. That includes drinks, chicken, sausage, cheese… aren’t available. No one assigned to service us (which is rare in a restaurant this price) we have to grab whoever that passed with a reluctant to service you kinda look for the whole evening. …Read More

環境幽雅，坐落係市中心ICC樓上的一間法國餐廳。tasting menu 份量剛好，優質，法國菜來講價錢尚算合理。 最重要係有非常好的服務態度。多謝 Tasha，讓我們有賓至如歸嘅感覺。非常值得一去嘅餐廳。…Read More

Lunch 入到去全Westerner, 裝修擺設懷舊，乾淨。服務人員感覺有種自家餐廳嘅傲骨喺入邊，態度幾好。入到去有個set lunch Menu，食物選擇唔係太花巧。普普通通煎羊扒、牛扒、豬扒、等等，都係一般西餐廳嘅選擇。沒有抱太大希望嘅時候竟然有驚喜。點餐後邊有服務人員遞上麵包籃挑選麵包，這般情況通常高級餐廳先會有，冇諗過尖沙咀普通裝潢嘅午餐會有咁嘅服務。頭盤亦都唔係求其幾片凍肉，而係有四五種食材既一碟三文魚, 好食 👍🏽 正餐叫咗羊扒，亦都食到舔舔脷。😍 太好食唔記得影相，只係到最後杯咖啡拍咗一張。值得推介的一家😌～ …Read More

抱興奮既心態，諗住屋企附近多個食堂嘅選擇。好鍾意食雲吞餃子上海嘢的我，滿心歡喜喺門口等咗30分鐘，諗住終於有得試吓啦！每類食物都叫一份試下，但可能店舖主打係清淡為主，而我想像中上海菜應該較為濃味。所以變相好多菜式都覺得唔夠味。用料唔差，但又未去到有家常菜嘅風味。只係覺得係一間還未成熟嘅小籠包餃子店。麵係不錯，湯底幾好。但呢個價錢應該更加好。可以半年後再試下，希望有改善。環境地方清潔幾好。服務人員好多，不過真係知道自己做咩既得1個。…Read More

食物：炸雞翼冇味，truffle fries 食完非常熱氣，亦都冇乜味。叫左牛扒一般般，豬扒就幾好食。沙律唔錯，嗌咗個牛肉他他，都OK。整體來講食物有啲好食，有啲一般。如果有優惠就唔介意去。但正價食啲咁嘅嘢其實麻麻。但飲嘢環境一流，氣氛唔錯。音響亦都唔會大聲過你講嘢。佢有2樓，有少少嘅植物喺露台，若隱若現見到外邊嘅景色。氣氛非常好。舖頭位置亦都離洗手間不遠，因為尖東海旁嘅舖頭，都係去返商場入邊嘅洗手間。有啲可以行好遠。…Read More

食物：魚，唔離骨。扣肉，甜。炒鮮奶，散修修一碟。炸子雞，好油。價錢唔平。裝修：因為新所以唔錯，但係整塊地都係立痴痴。見到有兩大間VIP房有得唱歌，但比其他廚房出入口包圍着，遲啲應該都好混濁。因為喺樓下嘅關係，感覺上空氣如果一多人就唔流通。冇乜必要應該唔會再去。心目中的鳳城應該啲嘢食好好食，裝修比較舊。見新裝修所以去試吓，點知食物非常一般。咁樣嘅價錢，唔應該食啲咁嘅嘢。食物同埋管理都有好大改善嘅空間。…Read More