週末下午兩點左右到達天后，本來已有目標想去華姐清湯腩或坐忘，但剛好兩間人氣店都排長龍，唔想等位，誤打誤撞下路經蠔灣，門口有lunch menu，西餐來說價錢十分相宜，於是一試。 鋪頭面積唔算大，小店格局，數十個座位左右，叫左個蒜香蜆白汁意粉，一上枱已經香氣撲鼻。見到蜆既size 比平常西餐大隻好多，已經知係好野黎，果然一食下發現蜆肉非常飽滿鮮甜，絕對不是一般急凍貨色，我懷疑係每日新鮮去街市買的。意粉亦非常掛汁同滑身，同時有海鮮香氣，非常美味。沒有什麼特別擺盤，但就是純粹的極致美味。 比起我食過的貴價西餐更優勝。 餐湯蘑菇湯，沒影相，也是十分高質。每一口都有蘑菇碎粒，用料十足。 連餐飲雜莓汁都好飲，雖然細杯d, 但完全唔會係化學飲料。 可惜的是小店計我在內只有幾枱客。與同區其他人氣排隊店成強烈對比。餐飯埋單都只係69蚊，沒加一。比起很多地方都便宜兼好食。 
o係宜家咁困難既經營環境，希望小店做得住。…Read More
o係宜家咁困難既經營環境，希望小店做得住。…Read More
