Stung18's Profile

整體來講普普通通，冇乜特別。柴火麻辣湯底同酸菜魚湯底都唔掂。不過個柴火麻辣湯底係夠辣嘅。個沙嗲湯底都好普通。就係一間普普通通米線餐廳。價錢合理。不過唔會去第二次。…Read More

今日第一次去呢間野度食午餐，之前只係食過佢d早餐。佢d早餐都還可以，普普通通，無咩特别。但係!!!!!!佢d午餐真係好唔掂！我地叫左一份牛扒，一份雞扒，之後又換左一份豬扒。份牛扒生d都可以接受，因為牛扒可以食生d。 不過雞扒同豬扒唔可以係生掛。第一份雞扒係生嘅，同有好大陣雪房味，好似未溶晒雪咁。叫佢換第二份，第二份雞扒直頭係酸㗎，變左質啦。完完全全係唔放得落肚。咁我見雞扒唔掂，叫佢換份豬扒比我囉。點知份豬扒又係生㗎。係見紅嗰種。我退比佢叫佢刪除左嗰餐佢，我話唔要啦。佢仲同我哋講：「你哋咁麻煩唔好食啦，換咁多次！」 佢咩態度呀，d野食生唔通叫我地照食呀。食度食物中毒、腸胃炎，係咪佢負責任？我只食左少少咋，番到屋企要嘔呀！你哋要去呢間野食，真係要諗清諗楚呀。睇清楚d嘢食係唔係熟同食得落肚先至好食。當然，我係絕對唔推介尼間野比其他人。…Read More

一向都有光顧尼間餐廳，完完全全地感受到尼間野愈做愈差。本人主要都係食豬扒和雞翼為主，所以其他的食品品質我不太清楚。以前d豬扒好食好多，而家d豬扒嘅梳打粉味超重，沒有了本身的豬肉味，肉質比梳打粉𢲡到過份軟身，毫無質感可言。其次，次次食雞翼都炸唔熟。三隻雞翼每次至少兩隻唔熟，感覺蝕曬錢比佢，每隻都食唔到幾daam。…Read More

第一次喺呢間食野，今次係平日約兩點鐘尼嘅。一入去，環境唔錯，有好多卡位座。係一間還算是幾大間的茶餐廳。因為係寫字樓的放飯時間，店內都好多人，基本上都爆滿。下午茶的選擇十分多，普通多士，雞翼，薯條，粉麵類，炒野都有，價錢由$20-50不等，價錢可接受，下午茶為正常的一人分量。 D炒粉麵好香，同個火腿芝士西多士都好好味。可見尼間茶餐廳d廚師有用心煮。服務態度都唔錯。有信心下次去觀塘會再一次去呢間度食下午茶。…Read More