Thesocialfoodie's Profile

今日同同事去咗灣仔叫咗馳名嘅燒春雞。🐥呢隻雞真係好吸引，金黃酥脆嘅外皮，香噴噴，令人一見就想食。😻咬落去，肉質鮮嫩多汁，完全唔會乾柴，味道好入味，感覺就好似食緊乳鴿或者乳豬咁，真係令人驚喜。💓 配搭嘅醬汁有椒鹽同埋甜酸醬亦都好特別，酸酸甜甜，正好中和咗燒雞嘅油膩感，令人一口接一口，停唔落嚟。可以揀薯條/意粉/沙律/飯，我揀咗薯條🍟。薯條食落去又一浸粟米湯嘅味道，非常特別💗第一次去茶餐廳食到有味道嘅炸薯條🤣同事叫咗意粉，都不過不失。另外一位同事叫咗沙律，但係就太多沙律汁，感覺似食汁多個食沙律🤣餐廳嘅環境都幾舒服，服務員態度親切！大部份都係叔叔輩，全部都風趣幽默🤣而且態度殷勤，服務質素值得一讚💗總括來講，今次嘅用餐經歷非常滿意，燒春雞真係值得一試🫡🫡🫡下次再來灣仔，仲想試下其他菜式！…Read More

最近發現咗一間新開嘅餐廳—茶木，坐落喺mikiki，環境靜謐舒適，非常適合打卡同埋享受悠閒嘅午後時光！親開階段，無論咩時候都幾多人，下午茶去都要等大概10分鐘先有位。讚下服務態度先，雖然就要搭枱嘅，但係服務員態度好親切，而且入到去大家都會同你打招呼👋🏻感覺不錯！今日我哋試咗幾樣下午茶小食，首先係鹽酥雞扒手工拌麵（$62）雞扒外脆內嫩，鹽酥雞嘅香味撲鼻而來，真係熱辣辣脆卜卜，新鮮滾熱辣咁樣炸出嚟。搭配手工拌麵，口感滑順，好入味！每一口都令人驚喜，真係好推薦！跟住係照燒雞刈包（$52）包皮鬆軟，裡面嘅雞肉醃得剛剛好，甜中帶鹹，味道平衡得宜，配合刈包嘅Q彈感，食落好滿足！♥️仲有一碗紫菜湯，湯底清爽，紫菜嘅鮮味夠濃，十分開胃，完美襯托出其他小食。特別要推介嘅係芋泥芋圓鮮奶💜，芋泥香濃滑順，配上Q彈嘅芋圓，係咁用條匙羹潷啲芋泥，好味到停唔到口！相比之下，黑糖珍珠奶茶🧋就唔係咁突出，珍珠唔夠Q，有啲失望啦，始終你係買台式嘢㗎嘛，味道有啲普通。總結來講，茶木絕對值得一試，Mikiki都越嚟越多新嘢食。今次呢間餐廳無論係環境定係食物，都令我好滿意！期待下次再嚟！🥰✨ #茶木 #mikiki #下午茶 #食評…Read More

之前試咗AK有份嘅拉麵店，真係幾好食🤤而且店舖牆身都有好多貓貓🐱啱晒貓奴啦～赤雲拉麵🍜（$108)呢個面最特別就係個湯底！超級濃郁嘅櫻花蝦味道，淡淡海鮮味🥰真係好食到想飲晒成碗湯👍🏻個人口味覺得唔係好鹹嘅～而叉燒同豚肉嘅份量呢個價錢都滿意嘅！口感軟熟偏腍 🤩（另一碗拉麵係鴨胸拉麵，但係由於係最新嘅Menu度搵唔到所以呢度就唔詳細介紹啦）天婦羅無骨雞翼（芝士）$52呢個真係超級無敵大推🩷嚟之前朋友已經話佢不停encore！果然真係好好食！超級濃郁，熱辣辣嘅芝士覆蓋住吹波波嘅雞翼，一啖食晒落肚，毫無負擔，仲要唔需要吐骨👍🏻柑橘果凍唐楊炸雞🍊 $78呢個配搭做得非常出色👍🏻平時食炸雞好容易就漏～配搭酸酸甜甜嘅柑橘汁就可以中和返嗰種油益味🥰…Read More

早排去咗火炭工廠區附近，經過見到石燒牛cafe，入去試吓，估唔到咁驚喜！😍「黑松露薯條」🍟薯條啱啱炸起，仲係好熱，食落去好脆。黑松露溝咗少少沙律醬，所以味道有少少酸😌，但同時都有黑松露嘅香味，用薯條點呢個醬真係唔錯🥰！「沙律」🥗沙律用嘅都係普通嘅沙律菜，食落都幾新鮮，冇乜嘢苦味😚。沙律菜表面仲有啲芝士粉同麵包粒。麵包粒好酥脆，同沙律菜配埋芝士粉真係好夾🤤！薯條同沙律仲要任食！「龍蝦湯」🦞🥣龍蝦湯好重蝦味，完全唔覺得淡或者唔夠味。湯嘅顏色都好濃，而且裏面仲有幾舊小龍蝦肉。飲多咗幾啖，亦一啲都唔覺得鹹，非常唔錯😚「澳洲和牛」🇦🇺🥩和牛係限量提供嘅，嚟到嘅時候有兩塊，分別都有少少胡椒調味。一放上去石板上面，啲牛油🧈就爆曬出嚟🤤 好輕鬆咁切開兩塊牛扒，牛扒嘅熟度啱啱好，牛味亦都好濃，畢竟係和牛😋一啖接一啖食，完全停唔到！「穀飼格斯肉眼扒200g」🥩牛扒嚟到嘅時候嚇親，size非常大，而且脂肪紋理都唔錯👍🏻。放上去鐵板煎咗一陣，好快就熟哂，用刀一切開，啲肉汁流晒出嚟😍咬落去牛味非常濃，好有牛脂嘅香味，肉質唔會太老，冇乜筋位，非常之正🥰！因為我哋係叫dinner set，所以最後每人都會有返一份Movenpick雪糕添架🍦🩷📍I Chu Club 🔎火炭坳背灣街26-28號富騰工業中心地下4E號舖…Read More

早幾日放假去許願樹許願🩷附近有間好大好靚嘅西餐！決定入去食返個lunch set😍「周打魚忌廉湯」🐟忌廉湯配上左一塊啱啱烘好既蒜蓉多士🧄，真係好好味😋。首先，忌廉湯睇落冇咩特別，但係裏面有好多配料，例如紅蘿蔔🥕、洋蔥🧅，而且湯既奶香味十足，真係好足料👍🏻。塊蒜蓉包亦都唔輸蝕，熱辣辣同蒜蓉味十足，食落十分脆口，點埋少少湯食，更加好味🤤。「炸薯角」🍟嚟既時候望到非常吸引😍，份量十分之多，外表望落好香脆🤤。薯角食落味道好好，炸得恰到好處，唔會太燶。而且係因為啱啱炸起，食落熱辣辣，唔會放到霖晒。之再點少少茄汁🥫，真係幾好食😋。「黃金樹下 芒果菠蘿沙冰」🥭🍍❄️（$58）夏天就梗係要飲下凍野啦😽，我地一人叫咗一杯沙冰。首先講下杯芒果沙冰先，芒果味非常濃，而且啲冰好綿密，凍冰冰咁❄️。一啖啖飲落去真係透心涼，值得一推🫶🏻。「荷塘青蛙 青檸沙冰」🥒❄️（$58）見佢個名幾得意，所以叫咗一杯嚟試吓。嚟到見到綠色一大杯，滿到要瀉咁😱。飲落去feel到好fresh，好有青檸味，唔會太甜或太酸，味道啱啱好😆。沙冰好夠凍，同青檸味道好夾，勁透心涼😌。「鵝肝醬焗豬扒飯」🐖（$198）焗飯表面全部都係鵝肝醬，未送到埋黎已經聞到好香，睇落勁吸引😍。豬扒每件都大大舊，而且整得好鬆軟，唔會太乾太硬。個飯就係炒飯🍚嚟既，睇得出係啱啱炒好，粒粒分明，可以撈埋啲鵝肝醬食，真係巧巧味呀😋。「美國西冷牛扒10oz」🐂（$338）哇！😍😍 牛扒賣面非常之吸引，我地叫既係5成熟。切落去明顯見到熟度剛剛好，唔會太生又唔會太熟。牛扒🥩亦都冇乜筋位，十分之鬆軟。食落牛味好突出，好有牛香🤤。同埋可以再點啲芥末醬，又會有新嘅味道出咗嚟😚。旁邊既薯蓉上面加左少少五香粉，令到薯蓉嘅味道唔會太單調，更加好食😋。沙津就好新鮮，配埋啲沙律醋，令到我地就算食晒成塊扒，都唔覺得油膩🤩。「火焰雪山」🔥🗻（$128）S size今餐最期待嘅就係呢個甜品😝，未嚟之前已經聽到廚房整緊既聲。雪山表面鋪滿左蛋白，侍應會用火槍整熱啲糖漿🍯，之後淋哂落去，會變到成個好似著火咁😆。切開裏面係海綿蛋糕，仲有少少cream同生果，凍冰冰咁，配埋出面熱熱地既蛋白真係好好味🤤。呢間西餐廳不論風景，食物質素定服務態度都非常良好！推介俾大家！😍…Read More

「鹽酥雞」🐓 （$42）雞肉比較嫩滑，唔會因為炸得太耐而變得好柴🪵。雖然同平時食開嘅鹽酥雞味道唔大分別，但係出奇地佢完全冇任何雪味❄️，解凍做得非常之好👍🏻。而且表面都灑咗少少蒜粒🧄，配搭住鹽酥雞嚟食，感覺幾好，值得一試😽。「古早味魯肉飯」🐖🍚（$38）食落去豬肉嘅質感比較柴🪵，帶肥嘅部份唔多，主要都係瘦肉為主😵‍💫。醬汁嘅味道唔會太鹹，太濃味，配飯食一啲都唔heavy😚。雖然同台灣嘅味道雖然有啲出入😔，不過都可以一試🚶🏻。「魯肉麵」🐖🍝 （$38）麵質煮得比較爛，冇乜咬口！主要係用嚟送肉食🥰魯肉味道尚算可以，不過不失😎，同魯肉飯🍚既味道差唔多🥹，但只係飯轉左做麵，食落都唔太heavy，份量比較少👀。「珍珠奶茶刨冰」🧋🧊 （$98）外型非常之吸引，刨冰表面全部都係珍珠，仲有啲糖漿🍯同埋奶🥛，完全覆蓋晒成個刨冰。一啖食落去，個冰好綿密，完全就係珍珠奶茶嘅味道😂。一路食落去，完全唔覺得heavy，冇任何負擔，輕輕鬆鬆就可以食完😚。非常推介，而家隔住個mon都好想食😍😍😍…Read More

今日難得放假去咗港島區搵食，見到呢間餃子舖頭都幾多人排隊就去試吓啦！🥟「鰹魚昆布湯米線」🐟雖然話係鰹魚湯，但係個湯完全冇鰹魚味🤥，因為嗌咗小辣，所以個湯完全比辣味🥵蓋過咗，變咗一碗好普通嘅辣味米線🍜。成碗米線冇乜特色，十分普通😓「大阪餃子燒」🥟整得有啲似章魚小丸子嘅煎餃子，表面放滿左鰹魚碎🐟、紫菜同沙律醬，真係好似章魚小丸子🐙。餡料就係一啲普通嘅豬肉餡🐷，而且煎得幾香脆，配搭埋好似章魚小丸子咁嘅食法，味道唔錯😜「豆漿蝦米湯米線」🦐🍜雖然係豆漿湯，但係味道真係極淡🤨，成個面都冇乜味，更加唔好講有啲咩蝦米味🦐，米線都唔難食，煮得唔太差，但係湯底真係好麻麻😓「黑白松露豬肉煎餃」🐖🥟松露味好香，每咬一下餡都有好濃嘅松露味🤭，配埋豬肉餡都幾夾😝。餃子皮剪得好香脆，好似鍋貼咁樣，而且細細隻，一啖一隻，都算唔錯，可以叫嚟試吓🤤總括嚟講，大家嚟到呢度記得嗌佢哋嘅餃子啊！🥰🥟😍🩷…Read More

呢間簡直係中學回憶，入到去都係咁多人，份量又多又抵食！😍「碎蛋沙律牛角酥」🥐 （$27）牛角酥做得好好👍🏻，表層好酥脆，裏面好軟熟😚，而且淋上咗少少蜜糖🍯。碎蛋沙律🥚🥙就同大家平時喺七仔食嘅味道一樣，不過不失，冇乜嘢特別。但係整體都幾好食🤤「草莓酸尾尾」🍓 （$29）味道可以，帶少少士多啤梨味，亦都有啲士多啤梨肉🥰，但係感覺比較似士多啤梨奶昔🥤，有少少失望🥺「玫瑰酸尾尾」🌹 （$29）玫瑰味都幾香，有少少酸味😣，但係都同玫瑰味夾得幾好，算係比較好飲😋「卡邦尼意粉」🍝 （$45）認真呢個價錢呢個份量，真係冇得輸😤。味道十分之正常😌，就係平時食開卡邦尼意粉嘅味道，但係份量真係好驚人😧，而且配料都好足夠，只係$45真係邊度搵呀，值得推薦！👏👏…Read More

今日6個人夜晚嗌咗pizza bird外賣食，大概等咗一個鐘頭到，都算滿意嘅。🥳「皇牌炸雞 12件」🍗（$193）我地分別揀咗原味同蒜味兩種炸雞🐓，炸雞味道好好，口感酥脆，肉質唔錯，而且冇乜雪味，咬落去仲帶啲肉汁🤤。我特別推介大家揀蒜味🧄，因為蒜味嘅味道比較濃，啱晒啲鍾意重口味嘅人。「暴龍獸」🍕（$162）跟住我地就嗌左一個全肉嘅pizza。pizza既配料都算豐富，有辣肉腸、牛肉🐂、雞肉🐓等等。但係成個pizza味道好一般，略顯平淡。特別係個餅底，好似麵包皮咁，唔係好推介大家食😖。「海鮮闊條麵」「葡汁烤雞焗飯」🍝🍚 （$63）我哋揀左兩個主食，海鮮闊條麵同葡汁烤雞燴飯。兩樣嘢嘅味道都好唔錯，尤其係烤雞燴飯，加左葡汁同芝士汁，味道幾香濃😚。「小食拼盤」🍿（$63）小食拼盤嘅味道就好一般，裏面嘅都係啲大路嘢☹️，有啲咖喱角同春卷咁。不過最重要嘅係送到嘅時候成盒已經凍哂，口感有啲欠缺，霖晒同埋凍冰冰咁🥶。總括黎講，pizza bird嘅味道都算唔錯，價格亦都好合理，人均只要$100左右，不妨試下啦。🫶🏻…Read More

約咗個朋友去間呢間好多人嘅串燒店食宵夜，平日凌晨12點幾入到去都坐得幾滿。🫣環境有啲迫，等咗30分鐘啲嘢食一次過嚟晒。爸B燒烤 （$82/半打）豬牛雞各兩件，味道中規中矩，對我來講冇話邊樣特別好食，價錢略貴。🫣日式雞皮串（$18）呢個幾大驚喜！啲雞皮查完之後好似變咗一粒粒咁，食落去脆波波勁香口😻有少少乾身，但係可接受。香蜜燒雞中翼（$18）呢款雞翼做得幾好🥵好有喺燒烤爐燒完之後即刻食嘅感覺，雞翼入面冇乜血🫡燒生蠔（$30/1隻）（兩隻叫起）我哋一共叫咗三隻，冇加到芝士，生蠔一般size，對得起個價格🫡蒜蓉味都好重，勁香口。椒鹽海蝦 當日去舖頭做緊優惠，$6隻椒鹽海蝦🥰呢個價錢真心勁抵，而家諗返都後悔點解嗰陣時唔叫多d😢成隻蝦燒到脆卜卜，連個殼都可以食埋🤣椒鹽味好重，唔會剩係得死鹹味，極度推介。🥰…Read More

順路經過見到櫥窗啲生煎包好吸引就買咗四個試😍買完之後果然好食，喜出望外！生煎包（$40/4件）個皮好薄，啲餡好足！🤩同埋一咬落去啲肉汁係噴晒出嚟，大家食真係要小心啲，唔好好似我咁樣，焫親自己🤣總括嚟講真係幾推介嘅，雖然價錢唔係好平，但係咁嘅質素非常滿意🫶🏻…Read More

今日去公司附近嘅 #旺角熟食市場 搵嘢食😋。熟食市場真係好多平靚正嘅嘢食架，遲啲再介紹多啲先！😍之前都食過呢間茶餐廳嘅農夫包，覺得幾好食，所以今日就嚟試下佢嘅下午茶餐。因為我哋有幾個同事🚶🏻，所以嗌咗幾樣嘢試吓。「西多士配薯條」🍞🍟（$34）首先講吓份西多士先，外賣盒裏面剩係得半舊多士，份量好少，兩啖就已經食晒。花生醬同蜜糖都俾得唔夠多😞，配埋多士嚟食完全唔夠。而啲薯條雖然炸得好脆，但係裏面係空心嘅，好似食緊空氣咁😫。「咖喱角拼薯條」🍟（$34）雖然寫到明得三舊咖喱角，但係感覺上份量好少，唔係咁抵食。咖喱角嘅質素好普通，係出面買到嘅貨色，食落好乾同冇乜餡，而個薯條都係一樣，唔係咁好食😩。「瑞士汁雞髀撈公仔麵」🍜🍗($37) 公仔麵份量都夠嘅，大大份而且都幾好食。隻雞髀滷得好香好入味，煮得唔太老，亦都冇乜雪味❄️。成個餐整體感覺唔錯，而且$37都唔算貴，幾抵食👍🏻。「五香肉丁煎蛋米」🍳 （$34）係一碗普通嘅米粉，五香肉丁少少辣，配埋米粉都唔錯，不過不失😲。煎蛋就仲有啲流心，咬落仲有啲蛋液流出嚟。…Read More

「烤紐西蘭肉眼牛扒配燒汁」🐂 （$168）牛排大大份只係要168蚊，係乜嘢都貴既銅鑼灣嚟講已經算得上好平。落單之前侍應話牛排要等廚房整，大概要15-20分鐘度。牛排嚟咗之後，個賣相果然好吸引！擺盤都有一定水準👍🏻 牛排切落好霖，但略嫌有少少太熟，食落唔多筋，牛味都夠，但係個燒汁就可有可冇，點唔點都冇所謂。薯條仲係熱嘅，炸得脆卜卜，算係幾好食嘅🤤。沙律菜就麻麻地，有啲太苦，普普通通。「烤雞·溫泉蛋·牛肝菌燴意大利飯」🐓($118)本來以為烤雞最少有半隻雞，但係最後只有兩三舊雞柳，有少少失望😞。雞柳有醃味嘅，帶少少辣，但係煎得有啲過火，略嫌有少少老同乾。而個牛肝菌燴飯相比之下好食好多，芝士同埋嗰忌廉汁好夾😋，啖啖飯都有芝士香味，但係又唔太膩。飯入面嘅蘑菇同埋洋蔥增加咗個飯嘅口感，食落好有層次😚。「Orea奶昔」🥛🍫 （$40 跟餐$25）想講有驚喜，奶昔上面啲cream唧得好高，成個賣相好靚🤩。Cream食落冇乜味，好一般，但朋友話夠甜，口味因人而異。而奶昔飲落orea味較淡，但都有少少奶味，整體感覺唔太heavy，算係幾好飲👍🏻，而且仲有少少orea碎喺裏面。…Read More