long_playboyz's Profile

前兩日同朋友諗住落水街食野，點知路過見到呢間野。停低望望餐牌，先知原來佢係食漢堡。基於對漢堡既偏愛，我就強烈建議（好似係強逼）我個Friend同我一齊食。叫左個（極邪惡)黑松露芝士漢堡，因為佢係即叫即製，所以所有野都好熱好新鮮。黑松露既味道出到黎，兩塊包夠脆，最重要係塊漢堡夠肉味，D肉汁一滴一滴咁出黎。最緊要o個樣野係，呢個包只係賣53蚊！如果同一個包係銅鑼灣間漢堡房間賣，應該已經過一百蚊。所以因為呢個包既性價比好高，令到食o個陣覺得更加好味！支持小店唔係得把口，亦唔係等佢臨執笠既時候去instagram 呃like 既技倆，係要身體力行咁係日常生活做出黎。難得遇到一間咁有誠意既鋪頭，因此都抽番D時間都打幾隻字去俾番個Credit。亦希望係新假期未報道呢間「隱世」既小店之前，大家快D去用一個合理既價錢去品嚐一份誠意。…Read More

今日同屋企人去筲箕灣食晚飯，一開頭無諗過食過，見呢間「八沢」裝修幾靚，門口餐牌D價錢都接受到，見唔駛等位咁就入去試下。入到去，得兩塊hea爆既餐牌(仲要做新細明體打字)，嗰一刻心諗，__街，中伏!因為睇嗰兩塊餐牌實在諗唔到有咩好食，結果捉左個店員黎問有咩好食。佢推介左一堆串燒：又元貝，又牛舌，又豬頸肉，又靖魚........ 我屋企都費事用腦，咁咪聽佢講lor。點知............點知..........原來係咁好食，d元貝用蒜茸燒，勁大隻，超好食!!(因為嗰時無諗過要打食評，所以無影到相就食左，各位大大唔好問候我娘親，thx!) 我堂妹仲話呢粒係佢呢一生人食過最好食既燒元貝(佢不嬲誇張過劉子千 =.=)另外，d豬頸肉好嫩，都好正!個人覺得最令人驚豔既係條靖魚，好耐未食過一條d肉唔'un'唔腥皮脆而且食落唔油膩既燒靖魚，質素絕對係某著名連鎖店__民之上!!咁但係淨食串燒都唔飽嫁，跟住再叫個店員推介d飽肚既野，佢推介左咖喱豬扒飯，一個唔知咩蠔湯烏冬同埋拉面。個蠔烏冬都幾特別，d烏冬手打，蠔好大隻好清甜!其餘嗰d都ok，不過相對於d串燒同埋個烏冬就顯得無咩特別lu。食飽飽後，個男店員(原來佢係老闆，我咁都認得錯，真係要撞牆><)仲送左D特飲比我地，真開心!最後我地4個人食埋單六百幾蚊，雖然比我想像中貴左少少，但係我地4個都一致認同物超所值，下星期有親戚請食飯都決定係呢度食!真係GOOD X 1000000000000!!!講真勁耐無打過咁大篇野，食評更加係第一次打(咁耐我都只係一個無account既CD-ROM)。今次經驗搞到我有動力share比你地，證明間野真係excellent!誠意推薦，一定要去!P.S. 個老闆ok靚仔(利申：唔係基)，呀媽話佢似羅仲謙，去食的話可以留意一下!現附上餐牌同埋格局…Read More