之前同事帶過我去三聖村食海鮮，難得同老公响黃金海岸Staycation，就同佢去食海鮮，睇見呢間响Openrice 評語唔錯 (好過我上次去嗰間)，於是去試試唔同嘅口味。我地先去海鮮檔買海鮮，買咗四樣野，共$960。花甲唔錯，大大隻，無沙，個味呢？幾特別，好香酒味，但又唔係好食到追住食蒸海鮮最穩陣，鮮甜！薑蔥蟹都無問題，但好似爭少少，唔夠野味...最貴嘅賴尿蝦！味道上唔到賴尿蝦度，做出嚟嘅肉質有欠鮮嫩，香茅味只係响腰果度食到，好失望~除咗四個海鮮，再加咗一樽啤酒同通菜。通菜炒過龍，偏黃同林，啤酒無得錯啦? 都唔係架，埋單計咗兩樽！全單$56x ，因為碌咗咭先見到，佢地退返$2x 現金俾我地 (1樽啤酒嘅錯，無退加一)。簡單d講，貪得意試下~可以！但一定無下次！…Read More
