kkkenny's Profile

經常將keep fit 排在咀邊卻沒有行動，曾經戒甜一星期的確瘦了幾磅，不過食返甜又重返呀~所以繼續食甜品吧，不要怕~今日拉左個朋友黎呢度食甜品，呢間裝修有些傳統feel , 食番傳統野先-陳皮紅豆沙，紅豆勁多呢，香噴噴的陳皮味超正!甜而不膩，正合胃口。我朋友叫咗碗蛋白杏仁茶湯圓, 雪白色的嘅杏仁茶，很濃郁呢， 香滑的杏仁味加上足料的蛋白， 非常吸引，非常有營養價值呢，朋友好like, 亦係我至愛之一呢。…Read More

今晚真開心，好耐無試過一家大細、有老有嫩咁齊人出去食飯，因為阿爸強烈要求想食羊腩煲，所以近近地揀左呢間喺屋企附近嘅餐廳飯聚。天氣涼涼地，老豆食羊肉癮又起，坐低第一時間叫個雙冬羊腩煲，細味之下肉腍入味，皮彈唔羶，醬香濃郁，一次過滿足「暖身、溫飽、滋味」三個願望！支竹同大葱吸晒柱候醬湯底精華，無得彈！一家人一齊食更覺溫馨。冰梅一字骨就係老媽子點嘅，佢話送飯好喎，用冰梅醬炮製的汁醬一口清新酸甜，開胃之作，排骨咬落去啖啖肉且Juicy，特別惹味。鹹魚蒸肉餅呢d就老少咸宜啦，肉餅很鬆而唔散，肉餅食起上黎好滑，味道啱啱好，又係一道好好送飯的家常菜。清炒豆苗其實無大家想像中咁容易整得好食，好鐘意豆苗的獨特氣味，美味可口，份外濕潤嫩滑！仲有個煎蛋免治牛肉飯，上枱無耐小朋友就急住食咗，所以無獨立影相。冇拍底。太陽蛋輕輕放在肉醬上面，蛋白煎得微脆。肉醬混合左蕃茄醬同牛肉等，舖滿大大碟白飯之上，撈勻黎食好惹味。…Read More

今晚成班波友打完波，就拉大隊嚟左呢度食招牌雞粥做宵夜，之前嚟過食都係成間舖坐滿人，今晚雖然係閒日，一樣打爆，好在喺門口吹水十幾分鐘就有位。大部份人都係點雞粥，我就嚟個兩溝──豬潤雞粥，因為都幾餓，所以想食多D配料。好多人都知佢哋嘅雞粥係用貴妃雞嚟煲，呢個就係佢嘅賣點，就係佢成日爆棚嘅原因。貴妃雞食落特別香滑，雞味重，加埋豬潤，成煲粥勁多料，用砂煲盛載感覺好有風味，個粥底好綿好入味，吸晒食材嘅精華。呢排成日夜訓，所以追加左杯七喜龍眼冰下吓火，平時齋飲龍眼冰會覺得太甜，原來撞埋七喜個味道又幾特別喎，可以話係加倍透心涼，正！…Read More

lee輪炑八開左好多分店，好想試但係都無機會，而家開左間係公司附近，终於可以易d约到人去~我同同事兩個叫左大醬湯，芝士溶岩飯，大蝦同埋牛肋肉。牛肋肉同大醬湯相對效普通，大蝦彈牙，芝士溶岩飯非常之正，芝士夠多，炒飯中間有泡菜粒，所以食多幾啖都唔會覺得膩，十分邪惡!最後我地仲加左個香桃冰沬，lee個係同事極力推介~雖然好似幾貴下，但係佢份量好足，入口好清新，意料之外咁好食~…Read More