sam909090's Profile

見佢新開咁去試下午茶又幾好，咁第二日就食埋個午餐，喜出望外喎出品非常之都唔錯， 咁星期日就去食埋早餐啦仲要約埋好多親朋好友成11個人，點知服務非常之混亂出品又非常之差，每一個餐要等上十幾二十分鐘，炒蛋竟然係一堆碎濕濕嘅黃色物體，粉麵淡而無味，沙爹牛肉冇 沙嗲 味 牛肉顯然係雪藏用醃肉粉醃得太過，雞扒米粉竟然係一嚿少到一吋乘2吋嘅黑蚊物體 ，真係不知所謂水準會差得咁遠， 最弊連杯咖啡都冇咖啡味好似奶水一樣。…Read More

今日行過旺角諗住食個下午茶 見到呢間極之好車仔麵擺出嚟嘅餐牌都好似幾吸引，又不停播放安德專賣廣告， 其他嗰 附近 幾間 無位都人頭湧湧只有佢有位 ，咁就試下啦， 叫咗一個下午茶餐魚蛋河咖啡另外我老婆叫咗個及第粥 ，点知送咗嚟嘅係牛丸麵當堂o曬嘴，咁又等佢換過碗不過要等好鬼耐，竟然係夾底粥嚟先不過一望見即刻打曬突，粥顏色奇怪好似 糊仔 ，粥料食落啲味全部都有陣味，但粥底反而係冇味嘅， 跟住碗魚蛋河終於嚟到嗰啲河粉竟然係碎濕濕淋bet bet 杯咖啡亦都係冇問冇味 唔怪得之佢小貓三幾隻食客啦， 每樣都係食咗幾啖就唔敢再食落去即刻埋單走人， 遲早執…Read More

昨日星期天 妹夫生日 ，佢話到呢個茶水檔試下早餐 ，因為未食過， 咁就去試下， 去到 裝修 都幾好 新穎 ，應該係新開冇耐， 望見內面都人頭湧湧座無虛席 ，原先估計 食物都幾好挂， 坐低拎起餐牌一望 款式都算多 ，但價錢 好似有點 那個 ，普通早餐 牛扒蛋 未包任何粉麵 都要45蚊， 要加十蚊先至有出前一丁或者芝士麵辛辣麵 揀擇 ，食物上枱 牛扒好似掩得太過又點霉嘅感覺 ， 雞蛋 煎得普普通通好似快餐店 用圓形模剪咁，唔似一般茶餐廳有微燶邊嘅蛋， 有啲失望 ，最搞笑 望見隔離枱阿伯 叫咗個麥皮餐， 麥皮竟然係一舊舊未有搞開就咁拎上嚟畀人 ，另外杯咖啡 一般般毫無味道 ，咁嘅價錢咁嘅質素應該再冇下次幫襯…Read More