Maggielym03's Profile

試下呢個親子場， 就訂位f，佢有一個位置係畀小朋友玩嘅 ， 小朋友應該開心，有燒烤及非燒烤座位， 因為我哋燒烤， 就要去燒烤嗰邊， 行到去燒烤嗰邊， 眼見成個埸都係油煙， 原來係冇抽氣，眼濛濛，好辛苦， 食物正常可以，但環境完全唔得，唔會再選擇。…Read More

2023-9-16 星期六我哋一行22人, 訂咗間房開兩圍食晚餐, 叫咗兩個龍蝦餐, 大約5000一圍, 晚上8點起菜, 第一味乳豬,味道都可以, 等咗45分鐘, （眼見大廳爆晒, 廚房做唔切, 我明嘅）到第二味, 就係上湯龍蝦伊麵底, 一食D龍蝦, 頂！啲肉「梅」架, 跟住D食物次序亂晒, 如跟住上干燒伊麵同炒飯（廚房忙, 我都明）跟住搵經理反映龍蝦啲肉「梅」, 佢話西澳龍蝦係咁, 再問佢幾點鐘劏龍蝦, 佢話四點鐘劏龍蝦, 即係死咗成4-5個鐘😱（我哋冇要求更換）跟住其他餸一係炒燶味, 一係冇味. 你咁樣做法叫我點樣留港消費？…Read More

莎莎奶蓋芒果, 我問職員係乜嘢, 佢話係芒果沙冰加奶蓋, 整完杯飲品, 奶蓋沉底, 一見杯飲品, 已扣晒分, 已經唔想飲. 要41蚊一杯, 買咗點都要飲, 一飲, 頂！芒果味好鬼假, 一啖成口都係大大粒嘅啲冰,係大大粒嘅, 唔係沙冰, 奶蓋冇味,完全唔會再幫襯🤬🤬🤬🤬…Read More

行過見到，之前從未試過，見到有四川涼皮，買返一碗外賣。首先見佢即淥個粉皮，然後阿姐踎喺地下用盆水過冷河(衛生方面好唔掂喎)，跟住個粉皮就只落花生同埋辣椒油加幾粒鐘蔥(有啲青瓜絲墊底)成個粉皮只有辣椒油味，係咁多。…Read More

星期六下午1點半行到旺角，見周圍既放題去到3點，仲要2點半last call, 見open rice 呢間可以食到5點，又咁多好評，又見唔係兆萬而係瓊華，可以一試，原本諗住日式放題嘅我見有火鍋，我兩大一小（5歲），火鍋、串燒、甜品任食90分鐘$158（大人每位），小童$108， 但見每人加$30-40（即大人每位$198，小童$138）有刺身、壽司任食，仲要可食120分鐘。結果仲晒伏😫😫火鍋唔奢望有好野，但所謂海鮮，超級差，D蝦全部「梅」嘅（叫幾次都係），有指頭咁大嘅蜆、聖子、青口、帶子，刺身唔新鮮，由我入去見壽司盤得4-5件壽司，問啲侍應可唔可以order，佢話稍後會補回壽司去壽司盤，由我哋坐低到食完只係90分鐘，完全冇補過壽司，我同老公一路食一路鬧🤬🤬🤬，呢間野點收我二百幾一個，仲衰過兆萬，一山還有一山高。我唔明點解有咁多好評😡😡😡😡😡😡😡…Read More

我去銅鑼灣間「麻辣派對」食超過10次，今次我一個人經過尖沙咀又突然想食酸菜魚，就搵尖沙咀呢間試吓。可能疫情期間，平日中午1點，得4枱客，但D職員（招呼我嗰個似部長）都無乜禮貌，已經少客啦，有幾辛苦？叫咗個酸菜魚中辣，辣係夠但無咗酸味😞，一般，午餐有糖水送，一試，超級超級甜（好似食緊糖咁），我之前每次都覺得好味兼食曬D糖水，唔通我D味覺問題？用水漱口，再試，一樣咁鬼甜，唯有放棄唔食，埋單又係嗰個女部長，我同佢講D糖水太甜，你哋有冇試過味？佢答話有個客話好好味喎，已經無乜客，生意唔好，完全唔諗下有問題要跟進。好難叫我再去幫襯。…Read More

我十幾年前住附近，都會經常食，都ok ，自從搬咗屋後就無再食，相隔十幾年，最近剛經過買兩碗外賣返屋企食，因路途遙遠，米缐同湯分開，自己係屋企煮番熱D米線。一碗豬潤酸辣小窩米線，完全無酸又無辣，D酸菜又係無味，成碗米線係完全無味👎🏻👎🏻👎🏻。另一碗炸醬黃蟮米線，大部分係豬皮（本人唔鍾意食豬皮）有大約4至5舊黃蟮，呢碗同樣無味👎🏻👎🏻👎🏻。簡直係垃圾。我從未食過咁難食嘅雲南米線。…Read More