coupon wong's Profile

朋友約呢度晚飯，見呢度啲食評好多喊有啲擔心，但食完即刻上來幫佢平反佢既鍋貼有燶边不知几惹味，仲有賽磅蟹同醉雞都好正宗，津白好濃郁，甜品糍巴都好特別，外面熱辣辣，入面好煙韌。師傅一家人經營小店，我地走時佢地先開飯，好温韾。希望啲人不要受果啲食評影響唔來。…Read More

今日陪友人到珍珠皇宮試食viu TV辣王傳介紹過的印度餐廳，在門口碰到他們的職員，又他們帶我們上一樓的餐廳。点了阿DEE介紹的dosa,超大份，似大pancake，就咁食已經好香，点埋佢果3個汁更加惹味。之後試了職員介紹的烤魚，一啲都唔辣，好香魚味，連平時麻麻食魚塊的朋友都改觀。之後再加咗個節目有介紹的奶油蝦，啲汁好香濃奶油味，入面啲蝦仁又大粒又彈牙，超好味，為咗唔浪費啲汁，再加多個普通naan点汁食，perfect!最後當然要飲埋最愛mango lasi，先算圓滿！…Read More

今天特地和兩位友人來吃下午茶提早慶生。未坐低已經見到好靚的入口和裏面光猛的環境，之後朋友來到我們便点餐，茶的選擇不算多但還好。等了不太久咸点和餐前小点先到，雖然沒有用其他餐廳的三層架，但他們用的旦糕盤還好，當我們請職員幫我們拍照，驚喜來到，噴了生日蠟燭的甜点盤來了，上面寫了happy birthday，我才想起我在訂枱時有註明要寫，但其實我已經忘了，生日的主角很開心，也很滿意這個安排。我們特別喜歡他們提供的小点，因為是新鮮煮，食的時候還有熱度，而他們的咸点也一樣出色，特別是松露puff，菇味非常濃，而紅菜頭批也很美味，跟肉的味道很夾，春卷和三文魚卷也不錯。之後我們試了他們的鬆餅，雖然表面顏色沒有平常的深，但味道卻出奇的好，配合他們鮮製的草莓醬一起食是完美配搭。然後再試其他甜点，首先了熱情果奶凍，上層是酸酸的，下面是吉士忌廉，一酸一甜，超好食。然後還有一件朱古力甜品，初時以為會好甜，結果不是，裏面有兩種口感，一層是焦糖，一層是餅碎，也是很美味。至於剩下的果撻和另一個cream puff就只是一般而已。最後到了結帳時候又有另一個驚喜，就是我們每人都收到一包他們製作的granola，可以當小食或早餐穀物，而且份量不少，真的很驚喜。…Read More

一流的食物和服務，食飯期間我不小心打翻了茶壺，因為沒有濺出枱面範圍無叫人抹，結果好快有人拿來方巾蓋上，實在細心。後來侍者呈上魚旦魚片米線主食，已預先分好四碗，非常驚喜食物味道賣相均佳，值得一試再試…Read More

星期五晚與朋友來到這間樓上意大利餐廳賀生日，竟換來一肚氣，由我們坐低開始侍應不停催促我們叫菜，未食完就收碟，最後更無理要求我們埋單離開，發誓永遠不會再來受氣！！！…Read More

有日晏晝行過中環扶手梯有個鬼佬派傳單，我順手攞咗嚟睇發現原來係新餐廳買一送一優惠，心思思想同附近做野朋友去試卑利街都几高吓，行咗10分鈡左右見到一個紅色招牌先知冇行錯。坐低冇耐有外籍侍應過嚟俾餐牌我地，我即時俾張傳單佢問佢係咪用得，佢微笑話係，跟住我地就研究食乜好:)由於間餐廳走英国PUB路綫，我地2個都想食D平時少食菜色，於是揀咗mash and bangers，沙律先到，係細caesar salad,D菜好脆，面包糠亦唔淋，主菜上枱有一條長香腸圍住一堆薯茸。薯茸好香牛油味，質地好滑。腸雖然同我食開既德国腸唔同，無咁乾身，但肉味濃郁，2樣野撈埋D汁食好惹味。加埋附送的一杯凍檸茶，埋單一百蚊都唔使，咁就食咗美好的一餐…Read More

知道尖沙咀美麗華分別有anna sui crossover即時好興奮，今日响附近食完lunch即刻過去朝拜 等咗3-5分鐘就有得食，唔單止唔漏，仲有脆米同蕃薯肉，口感超正，唔係得個樣 同期有另外3款雪糕供應，有我最愛的紫米露，不過梗係唔及ANNA SUI吸引P.S. 由於promotion関係，買雪糕會送品牌九折COUPON，不過我寧願要labmade九折coupon:)…Read More

Went to Galaxy with 4 other gals last weekend and bought a choco and mango mousse cake fr the cake shop here as SURPRISE for one of the gals Checked with the cake shop that it closed @ 1 am and informed them that the cake will be picked up bet. 10 and 12 midnite The cake looks reli nice with macarons of mango flavour around and the mousse is reli smooth Their high tea looks good to me too...will give it a try if i happen to stay here again :) …Read More

上個週末同4 個女性朋友一齊去銀河玩番晚，由於酒店房包咗200蚊credits俾我地响酒店餐廳用，所以選擇咗去呢度医吓肚先去睇熊貓由於CHECK完ＩＮ已經成２点半，所以無打算食ＢＵＦＦＥＴ，問門口receptionist 攞A la Carte 餐牌睇完覺得價錢ＯＫ，所以就入咗去睇完餐牌最後叫咗一個pasta 同pizza，加埋剛好２００蚊主菜未到前，侍應主動問我地要唔要面包，雖然唔知會唔會收錢，但由於當時個肚都餓餓地，所以就唔理三七二十一，食咗先算食完Ｄ飽，首先上枱既係薄餅，熱騰騰的，忍不住立即放入口入面，芝士味極濃，好味到不得之鳥食完薄餅之後就到Lasagna 上場，同樣令人喜出望外:)食完三碟野，埋單2百2，扣咗200個CREDITS之後，放低廿皮走人，夫復何求也!!!我同朋友一致認為佢既BUFFET應該更令人期待，希望好快又可以再响度大擦一餐啦 …Read More

大約10日前我同朋友透過HK RESTAURANT WEEK 訂咗呢間荷蘭餐廳既$298 3-course dinner，7 点過Ｄ就嚟到。由於想傾密計，所以揀咗坐近門口的２人枱。一坐低就有一個ＳＴＡＦＦ放低ＷＩＮＥ　ＬＩＳＴ，但係由於我地２個都唔好ＷＩＮＥ，我地最後各自叫咗一杯荷蘭出既ＨＥＩＮＥＫＥＮ啤酒:)由於係HK RESTAURANT WEEK 既 offer, 所以我地可以揀既野食係SET咗既，好彩呢度既名菜LAMB FILLET 都係選擇之列，否則我一定會好失望STARTER我同友人响待應叔叔推介下叫咗荷蘭特有既garnaaltjes (north sea shrimps w/cocktail sauce, crisp garden greens and whole wheat toast)，同埋我至愛既紐西蘭藍青口 估唔到D蝦仔細細都竟然可以咁鮮味，我同友人都一致推介呢個頭盤 以頭盤嚟講，呢個份量既藍青口簡直令人驚喜，而且隻隻青口都充滿海水味，真係抵到冇朋友食完頭盤之後冇几耐到2個主菜出場，主打既Lamb Fillet 有焗薯既陪同出場，而另外的mushroom risotto 賣相亦相當討好。但由於之前睇過既食評差不多個個都推介呢度菜，所以我同友人急不及待要先將佢放入個口度 是夜主菜 Highlight of the meal 果然冇令我地失望，個酥皮好脆，同裏面一D都唔騷既同韌既羊係絶配，再加上夾埋一齊既矮瓜，為我既味覺帶來前所未有的滋味食完主菜，侍應好禮貌咁問我地使唔使抖陣先上甜品，由於我地2個都想CHAT一陣同埋有D飽，所以欣然接受佢既建議，但D美食落一落格先叫甜品:)可能我地真係傾得太開心，所以半粒鈡之後侍應問我地上得甜品未，我地亦ready for them la 一如之前果2個course, 我地叫咗一樣荷蘭地道甜品poffertjes (dutch coin size pancakes) w/vanilla ice,同埋一樣我地中意食既Chocolate Truffle cake，前者個賣相好得意(由於同佢影既相有本人個樣，所以不便UPLOAD, 大家可以睇番其他reviewer既相作參考)，味道冇普通PANCAKE咁甜，但有少少咸味，友人不太接受，結果我就老實不客氣地清咗呢碟甜品至於Chocolate Truffle cake就同我地想像中既有D出入，唔係好似心太軟咁濕，但係亦冇brownies 咁硬身，但朱古力味就超濃，好朱古力既朋友應該會欣賞總結全晚既晚餐，無論係食物、環境定係service 我同友人都俾5粒星，好希望下次有机會再嚟happy hour再試埋佢其他特式荷蘭小食…Read More

2個月之前响G字頭團購買咗4張呢度既main dish + drink ($99) coupons，拖到尋晚先至得閒出嚟食咗佢 @@呢間酒吧响正LKF入面，地下好大個牌寫住Dublin Jack，上咗一層樓，入到裏面先發覺佢比想像中大間，而且仲有好多卡位，似餐廳多過似一間PUB :)由於我地到達既時間尚早，(八点鈡响呢個區應該算早吧)，所以我地順理成章有得坐卡位由於我地買既coupon 只限可以選擇3款main dish 或者salad/sandwich, 所以我地好自然地叫晒三款main dish 同埋一個salad 開開胃至於drinks 方面，任何$85以下既都可以叫，友人分別叫咗Bally Baileys, Mojito 同埋Pineapple slush (non-alcoholic)，而我就揀咗剛好值$85既lime Margharita ^^主菜上枱啦，個salad 俾想像中portion 細一点，但燒牛肉既味道係唔錯的:) 第二道上枱既係友人既 Signature Guinness Beef Pie, 個樣同想像中有点兒出入(因為佢似酥皮湯多d )，但係友人話味道不錯之後再嚟咗個Lamb Stew，同樣地都係同想像中有d出入，似一個湯多過燉羊肉，好在d羊唔會酥亦唔會un，燉得啱啱好，不過份量足d會更好好戲在後頭，我叫既cod fish and chips 終於到咗，份量係四碟入面最大，味道亦係最好既，不過由於我啱啱食完tea buffet ，d野仲未落格，所以只係食咗4份1，其餘既就全靠各位姐妹幫我啃咗佢最後不得不在此為呢間pub既staff平反一下，佢地既服務唔算得上一流﹐但係基本既sevice包括加水同埋收碟都做得好密，而且亦冇因為我地用coupon 而白眼我地，所以我相信如果下次行開呢頭都會上去坐吓飲杯野既 …Read More

自從N年前老世請我同同事食過呢度既lunch buffet 之後，一路都冇机會再嚟呢度開飯，咁啱上個收到某銀行通知話呢個月尾前幫襯有75折，計落都係200蚊一位，即刻約埋下個月頭生日既死黨嚟呢度食tea buffet 預早慶生我食buffet 既策略永遠都係由冷盤開始，由於我個人唔好沙律，加上呢度既下午茶buffet 並冇海鮮供應:(, 唯有先嚟一碟三文魚同埋八爪魚刺身啦三文魚比起之前响novotel 同埋royal pacific 食既都差d，冇乜魚味，但係八爪魚就唔錯:)至於碗仔入面由師傅即場製作既新加坡撈起，共係一般:(食完冷盤轉攻熱盤，揀了中式点心、英式scones、炸薯角同埋即製nann加素菜咖哩，可惜点心味道強差人意，全靠美味scones 同埋印度薄餅挽回一点分數由於肚內食物已差不多到頂，所以第三碟已轉戰甜品區，之前响開飯已經俾呢個靚靚雀籠吸引，忍唔住要攞相机影底佢經過一輪取捨，最後揀滿一碟甜品，當中以cheesecake 最好味，其次係個napolean :)反而好似mahjong 咁既囍字芝麻椰汁榚只係一般而已:(最後當然唔少得試吓佢地既綠茶雪榚啦，去到雪榚櫃發現連少有既Baileys 味都有供應，臨時加碼要多咗一球，再加埋平時少見的泰式椰汁榚同啫厘糖，完成任務總括來說，同意其他網友所講，呢度既食物選擇係多，不過真係好味既就5隻手指數得晒，除非係有朋友仔生日，如果唔係應該唔會特別再嚟食tea啦....…Read More

今日同朋友做義工派粽俾附近几個老人家，派完之後個肚餓餓地，於是入咗呢間印度野食tea 我同朋友分別叫咗烤雞胸同埋素咖哩角，本來以為好快會有得食，点知等吓等吓等咗4個字先有野嚟T_T正在失望之際，竟然發覺佢d野食係新鮮出爐既，個chicken tikka 比起重慶既tan chicken 好食10倍，而samosa 入面既咖哩直頭熱到差d淥親我條痢由於是下午茶時段，所以我地叫既2 樣野加埋野飲先至每人廿皮，真係抵到冇朋友離開前我同老世講我會再幫襯...老世同另外個女侍應都笑住口話好呀…Read More

几星前與同事一起到同一酒店的另一米芝蓮餐廳食tea buffet，偶然發現地下間酒吧竟然有英式自助午餐供應，加埋一都只係140蚊，番屋企既時用fb約一班好友响度開餐訂咗12点半的枱，点3便已到達，侍應把我們帶到酒吧最裏面的梳化座位，令我喜出望外(因為之前响開飯見到d相係坐高枱的)由於未食早餐既関係，所以一坐低食咗件bread and butter :) 然後再裝咗碗chowder cream soup 同埋半pint 生啤(extra $15) 飲啖啤食個包之後，我就正式開動啦 第一碟係我既最愛fish & chips，但因為太心急食落肚既関係唔記得影相之後果碟係蝦杯、藍青口，同埋sausage & bacon，D mussels 一入口就有海水既味道，而sausage 同bacon 亦中規中舉 最後一個熱葷係咖哩，可能大家會奇怪点解英式午餐會有咖哩，但只要大家諗番起英國同印度既密切関係，就會明白点解咖哩已經成為英國菜既一部分啦XD食咗咁多碟菜，終於係時候食甜品啦 :)雖然呢度既甜品選手偏少，但好在佢包括我最愛既面包布丁同埋cup cakes …Read More

久聞文華快船廊的高茶可跟半島四季爭一日之長短，剛好友人生日想試吓佢地啱啱有返既choco buffet,於是約埋其他几位友好一齊賀一賀佢:)訂咗3点八人枱一張，坐低後waiter 遞上menu 一份，裏面分別列出咗choco buffet, afternoon tea, mandarin afternoon tea 同埋tea list :) 由於個人對西茶冇乜特別喜好，又覺得食high tea飲中國茶有点兒格格不入，所以最後飲咗呢度特製的Taste of the Legend.High tea set 未到之前，出咗去影咗几番choco buffet 既相，但老實講本人對朱古力甜品不是特別愛好。期待已久的文華高茶set終於到咗，但係份量俾我預期中少，而且最重要係每種咸/甜食都只有一件，即係每樣野都要同人分一半最後再來了一籃4個的scones及一碟rose jam & clotted cream, 個人覺得都係penin 既scones 香d :(總結來講，呢度既高茶無論味道同份量都比唔上半島，唯一可取既係環境同埋格調。…Read More