yumibing823's Profile

同屋企人一齊想食簡單既中式晚餐✨就揀左呢間商場內既茶樓 唔怕天氣太熱 方便行動 港鐵站一出經商場行就到😬主要叫左幾個小菜同白飯食雞有啲部分有少少孩 但大部分都幾滑 口味上偏淡 可以自己點隔離嘅薑蔥增加味道😌呢道菜係我全晚最鐘意既 豆腐夠滑仲食到豆豉嘅咸味同帶子嘅鮮味 唯一係帶子偏薄身 如果可以切得厚身點 同叫到少油就完美啦 係送飯必備🤓避風塘炸鮑魚都唔錯 鮑魚好新鮮又大隻 炸衣同鮑魚一夾就分開咗🤔炸衣唔會太厚或者太油 呢道菜都值得一試菜心炒斑片 斑片唔會太老而且厚身 有煎過下再去炒 菜心都嫩口唔會食到有渣渣 成碟餸都算健康畢竟唔係太油😆最後茶樓仲送左甜品 紅豆沙同合桃露 俾我地食 唔會太甜 飯後一碗糖水真係唔錯❤️整體嚟講 值得再去食一次既 菜式都唔錯 冇太多伏位 不過職員人手偏少 有時候叫咗好耐都唔見有人幫手😶‍🌫️如果服務再好少少就有更好嘅食客體驗🙏🏻…Read More

一直都有聽聞呢一間既豆漿同粢飯好出名 就搵日黎試下 鋪頭好易搵 一出寶林地鐵站直行過對面馬路繞着商場外圍行就好快搵到😌一入到鋪頭自己搵個位坐 諗好食咩再叫職員就可以了✨試左咸粢飯 鹹豆漿 凍甜豆漿🧡粢飯係即叫即整既 要俾少少時間等下😶 入面既油炸鬼係脆嘅 粢飯好熱又唔會太硬連埋榨菜同肉鬆食都唔會太鹹 非常值得推薦😆鹹豆漿豆漿嘅濃度可以再加強🤔 煮得再耐應該會更好豆漿連埋蔥花 榨菜 油炸鬼一齊食 有少少咬口仲食到蔥花既香氣🤓榨菜會係沉底嘅 一邊食就需要一邊攪住 如果唔係食到尾就會太鹹🫣凍甜豆漿都唔錯 有豆香味又唔會太甜 解渴唔錯😬整體來講 體驗唔錯 值得再黎 食左以上咁多野都幾抵飽加上餐廳有冷氣 食熱野都唔怕 唯一係唔好坐係門口位哦 冷氣會唔夠🙃…Read More

同朋友食生日飯 揀咗屋企附近一間Cafe 之前呢間一直要大排長龍先食到 仲要係排戶外 所以一直未想去乖乖排隊🙂‍↕️ 今次去個陣 竟然可以上3樓坐等😆 首先係1樓留低左電話先 再自己上3樓吹住冷氣等 有位個陣職員會上3樓叫客人落去❤️ 太正既排隊體驗啦飲品叫左一杯 Hi Apple Black同Forest FogHi Apple Black（左）飲落咖啡唔會太酸 有一陣清香既果香 體驗唔錯 怕黑啡苦既朋友都可以一試🥰Forest Fog （右） 同朋友一齊疑惑咗一陣 感覺類似果茶咁 玉桂味都幾香 奶泡都滑 唔會太甜主食叫左Scrambled Egg with Parmesan Cheese on Toast 同Italian Sausage Tomato Cream Sauce TaglioliniItalian Sausage Tomato Cream Sauce Tagliolini 意粉偏幼身但唔會易斷 蕃茄汁唔會太鹹，帶少少酸 芝士碎融入咗意粉之中 仲充滿芝士嘅香味 值得一試😌Scrambled Egg with Parmesan Cheese on Toast 炒蛋滑身 有蛋香味 不過會整到個多士濕左少少 就比較普通😶‍🌫️甜品係最期待既地方 叫左Rum Raisin Burnt Cheesecake同Hojicha Burnt Cheesecake🧡Hojicha Burnt Cheesecake上既時候職員有提醒要快食 會溶得比較快 個流心冇得彈 茶香味有夠，但唔會苦澀 個體驗唔錯❤️下次要再試下茶味既cheesecake Rum Raisin Burnt Cheesecake 食之前聞唔到酒香點知一食落酒味超濃 以為自己飲緊酒添😆流心都唔錯不過就無焙茶嗰款咁多 都好值得試下🥰今次成個用餐體驗都唔錯 不過一開始職員無同我要點樣去點餐 要自己去問 枱面嘅QR code只係睇Menu 點餐要去一樓 而用餐時間係90分鐘 我地一開始唔知 差點就唔夠時間食蛋糕了🫣…Read More

同男朋友一齊黎左奧運新開張嘅呢一間分店 原來老細去左旅行 所以打電話book位無人聽🙂‍↕️職員後來有建議可以用IG聯絡 方便將來訂位😌好好彩職員有同我地講 剛好有一枱客人仲未到 有機會no show 可以試等10分鐘先 體貼客人呢樣好窩心 最後好好彩入到去 要多謝no show既客人添🫣前菜叫是日餐湯係蘑菇濃湯同芝士疏乎厘蘑菇濃湯好大碗 又有蘑菇味唔會太咸 濃湯面仲有幾粒烤蘑菇粒粒 加埋一齊飲增加左口感 CP值都幾夠 兩個人剛剛好 開胃菜之選😬芝士疏乎厘 切開黎食感覺有點似濕左既咸既海綿蛋糕 入面有花椰菜同菠菜 芝士滿滿仲拉到絲架✨蔬菜加芝士真係絕配😆 不過本人對甜既疏乎厘比較感興趣 而家變左係特別既咸版疏乎厘 感覺好神奇主菜叫左意大利燉牛仔膝配藏紅花飯同瑪格麗特pizza牛仔膝好似煮耐咗有啲肉部份比較嚡 不過連筋位嘅肉都依然嫩滑既🤔連飯食份量都好夠 個汁又唔會太咸 飯係粒粒分明 少少偏硬個種 瑪格麗特pizza比較有驚喜🥰配料好夠 蕃茄醬又唔會太酸 個餅底都唔會太乾身係有彈性個種 餅底有虎紋發現😚 店家有用到個通窿底盤 可以確保唔會有蒸氣整冧咗餅底飲品叫左花生醬脆脆煙肉奶昔偷見到店家係用明治牛奶做既 果然係夠滑身既 杯野飲唔會太咸 咸甜交集係幾特別 煙肉脆脆沉咗底建議飲嘅時候要keep住攪勻先食到唔同口感😌 如果煙肉脆片可以比多幾塊就更好啦 裝飾上都會更靚😶甜品叫左法式奶油可麗餅呢個好有蛋香唔會太甜 熱度可以溶到牛油既 男朋友一查開咗個牛油個陣 蛋香連蜜糖香味即刻聞到 個可麗餅仲有少少檸檬香 調味做得唔錯哦 值得一試✨整體來講 呢間既野食都唔錯 份量都足 值得再黎食既 不過人手安排上可能要做好少少 新店多新人返工 有機會唔熟 會睇唔好個大場 不過員工服務態度好好✨…Read More

今日同朋友去咗尖沙咀地鐵站附近嘅一間Cafe聊天 cafe環境舒服，坐得唔會太迫設有戶外也可以作吸煙區 這樣設計可以好好分隔非吸煙區同吸煙區非吸煙者也可以坐外面享受風景✨同朋友share左兩樣主食一款甜點同一款茶飲🤗⭐️煙三文魚水波蛋水波蛋切落會非常之流心但個底包就略嫌普通而個煙三文魚嚟講都唔會太咸仲有蛋汁濕潤但整體嚟講唔算今日最出色吸引⭐️牛油果蘑菇貝果配炒蛋呢個主食係今日最大嘅重點非常之吸引🥰會想推薦俾其他朋友一試🫶🏻牛油果食落軟熟味道濃郁 蛋炒得非常之嫩滑連埋蘑菇加bagel一齊食 成個組合口感非常之豐富♥️⭐️lemon cocktail tea 呢款茶不含酒精，但係飲落去會有淡淡的酒香，要注意要浸一段時間先好開始飲，一開始太淡味反而飲唔出嗰浸酒香味🤗期間職員不停為我地加水服務態度非常之好甜品選擇咗呢款⭐️流心朱古力鬆餅，味道十分之濃郁朱古力味非常突出，中間會有流心食落唔會太甜 表皮焗得非常脆係一款唔錯既甜品用作收尾♥️🥰…Read More

一向比較少去香港仔食午餐 突然聽聞係利群附近開咗一間新嘅越南粉麵就同朋友嚟一嚐新鮮⭐️中午時分去到 大約12點左右呢日係紅日但可能係新店，暫時未有太多人知道所以幸運地唔使排隊😎同朋友叫左一碟燒豬頸肉做小食share 大概50幾蚊 份量上都算幾多 肉唔會切得太薄有點份量 另外燒得又唔會太乾或者太燶 食落香口又有少少肉汁咁 伴碟仲有酸蘿蔔絲 幾開胃呢 值得推薦😋😋主食來講 叫左香茅牛肉撈檬配一杯青桔茶 撈檬需要嘅醬汁店家放咗喺枱面任客人添加想食幾酸 自己來調味☺️粉麵嘅份量非常充足足夠飽肚✨牛肉就偏肥膩少少，如果可以揀啲冇咁肥既牛肉會更加好 另外香茅味就唔算太特出 青桔茶唔錯飲 帶有微甜咁 幾潤喉可以一試不過熱飲來講店家用紙杯裝 有點辣手大家攞起來要小心點哦👾…Read More

餐廳係山東街 距離地鐵站只係5分鐘內🕖個招牌都好搶眼下 一望就見到 唔怕搵錯地方午市不設訂位既 怕排隊既人要盡早到啦🤓我個日同朋友1點左右到 唔使等位太耐算好彩☺️但係感覺樓下做Reception同樓上既溝通唔好 樓下既職員放左我同朋友上去話有位但點知搭lift上到去都要企門口等🥲所以同朋友企係門口欣賞下個餐廳佈置先 一眼望去真係好多打卡位 又有文青feel👻👻👻今次同朋友叫左一個飯一個小食兩杯野食下先🤭好好傾下計 畢竟呢個cafe有沙發位 可以好好坐下加上午市無限時 真心放鬆心情既地方🤗🤗🤗🤗✨黑松露帶子忌廉汁意大利飯($118)✨入口黑松露味非常濃烈 但食落微微偏咸😶帶子一共有3粒煎得嫩口焦香 係道飯既點睛之筆🧡飯中有加上菇類增加口感 如果可以調整咸度會更好🤓✨啤酒薯條配黑松露醬（$55)✨薯條既炸皮非常薄 做得好脆身 單食唔點醬已經好正 薯條已經帶少少咸味🧂醬汁反而唔算好出色 黑松露味唔算重 🫣不過呢個小食份量好夠 是呢餐我同朋友最鐘意既 就算傾計耐左凍左後薯條仲保持到脆身♥️飲杯分別是白桃沙冰🍧同香蕉🍌奶昔兩杯野都偏甜 唔算太出色 就唔特別推薦了🙃…Read More

食完晚餐後想食點甜的 選擇芒果甜品 點知排隊期間落大雨了 好彩間店外面有蓮蓬可以避雨 唔知算唔算呢間店既優點 平時也可以避太陽 排隊就無咁辛苦🫣試左兩款招牌甜品 一個芒果甜品 一個麻糬窩夫🌺金玉滿堂冰配料滿滿 芒果肉好甜 芒果爆珠同椰果提供咬口感刨冰都係滿滿芒果味 芒果控食得滿足🧡🌺半份綠茶麻糬窩夫可選全份或者半份 適合眼闊肚窄嘅人窩夫係即烘 熱熱地咁 但同朋友食左好耐都唔太食到個麻糬 有點失望紅豆蓉唔會太甜 夾層既綠茶蛋糕就略嫌有點乾 整體唔算太推薦🫥睇來去芒果專門店食返芒果最好😌…Read More

呢個小店是斜坡上 被稱為CP值高既食店所以同朋友一試 難得紅日都唔算太多人 店面有點細好彩唔使等位☺️今次主要試食小食同漢堡✨🌺經典漢堡包皮軟熟 牛肉有肉汁 醬汁帶微酸甜兩個人share 店家會幫你cut half跟餐薯條剛剛炸起 都好脆身 咁樣才50幾蚊 果然高cp🌺避風塘單骨雞翼聞落去個避風塘味非常之重 上面既炸蒜好好味 但食落去個避風塘味又唔算好重 可以再調整下🌺燒豬頸肉比較失望既一道小食 只有5塊但要38蚊 略嫌有點貴 唔見肉汁 肉質也有點孩🌺蜜糖芥末雞中翼呢個雞翼比單骨更正 蜜糖芥末醬俾左好多 淋在雞翼上既分量剛剛好 唔會太重口 剛炸起既炸雞翼熱熱地 炸粉又唔厚 一流既享受😎…Read More

好少同朋友來沙田食飯 難得見到商場新開左呢個韓國餐廳不停傳來炸雞香味就決定一試🤠🤠🤠唔知係唔係晚市太忙既關係 桌面上污跡冇人清理要我地自己親自收拾 🫤叫左一份炸雞同豬手試一試🤤🤤先講下個炸雞令我地有點失望 叫左洋蔥芝士炸雞 雖然是新鮮炸起但個炸粉有點厚 感覺個雞肉好少是靠炸皮充數咁 而個芝士粉無曬得均 有d雞件會食唔到芝士味🤧也唔覺有洋蔥味雖然炸雞令人失望但個豬手就相對有驚喜 唔會太油 醬油味好夠 包在生菜度食一流😍 食落去滿滿骨膠原feel 但個分量有點少 cp值唔算最好 下次來直接叫全份先會夠飽 半份太少了🤓如果個配菜可以再多少少會更好…Read More

好耐無同朋友去韓國旅行 所以在香港重溫一下韓國傳統食物吧😌叫左個推薦既鐵板熱炒海陸空 材料選擇左豬腸同辣炒雞 必選既有辣炒章魚同魚糕湯😶😶豬腸唔會有腥味又唔會煮得太韌 非常驚喜🧡章魚同豬腸一樣煮得淋身 又入晒味 切到細細舊方便入口😃 辣炒雞就相對辣少少 略嫌煮得孩口唔夠滑身 可惜個陣無雞腳可以選🥲魚糕就不過不失 唔會太咸 感覺是填肚既食物而已飲野就叫左荔枝梳打一大瓶 唔會太甜 算是解膩既選擇😌另外叫多左一個海鮮泡菜煎餅來試下 呢個絕對是驚喜了❤️不會太油有做好吸油既功夫 配料上我哋食到一塊塊既魷魚 泡菜味又夠 中間既醬汁是酸酸的 點上一齊食好正 酸辣酸辣咁🥰🥰🥰…Read More

下雨既一日 想同朋友食漢堡 發現左呢個漢堡店 可能是落雨既關係 唔係太多人在用餐 只有兩桌人 店面唔算大 只有四五桌 如果係平時可能要排隊了👀✨呢間漢堡店可以將漢堡包免費轉菠蘿包係佢最大既賣點✨今次同朋友試左兩款漢堡加一個小食😊經典手打牛肉漢堡✨個菠蘿包皮整熱左 脆脆地 好好食 牛肉都唔太孩有肉汁 配上少少既沙律菜淋上微酸既沙律醬 好開胃牙 不過如果沙律菜再俾多少少就更正啦🤤另一個漢堡就試左秘製牛油果醬蟹餅漢堡 呢個我地加左combo 轉左餐 會跟一杯野飲同薯條一樣叫左菠蘿包皮 熱熱脆脆咁吃落好有口感不過個包食唔太到個牛油果味 可能塗得太少了 😞唔太食到佢既存在 個蟹餅就好正 很豐富既蟹肉絲 薯條剛剛炸好 好脆身粗幼度剛好 如果可以跟下黑椒或者茄汁就好了😶野飲叫左荔枝茶 荔枝味都幾濃 不過略嫌少少甜 冰落有啲多但沒有俾飲管 有點難飲到底🥲小食方面叫左炸蘑菇 炸皮好薄 加左黑椒調味 味道唔錯 不過有點油 如果瀝乾油再上會更好…Read More

忙碌既生活想靜下心情 偶然知道左呢間日式cafe 好簡潔既裝修 闊落既地方 好適合俾都市人自己一個人或者同朋友食下野打卡既地方😌今次上來先簡單叫左兩款甜品先吧 先試茶系列既 店內有水可以提供俾大家自己斟記得出去斟個陣戴好口罩就可以啦😉Tiramisu食落去非常creamy 綠茶味亦都非常之濃 個餅底同蛋糕有濃烈既咖啡味 成個蛋糕食落去好有層次 非常推薦大家去試 下次打算再去試下原味🤠🤠🤠個巴斯克蛋糕就相對無咁出色 個茶唔算太濃 但個芝士濕潤軟棉 層麻薯非常煙韌 如果茶味再濃少少就更有層次更吸引店內氣氛寧靜美好 是一個令人好放鬆既地方😍😍😍😍😍…Read More

一直都很喜歡黃豆製品 聽聞呢間店既豆乳濃郁好飲就抽時間來樂富分店試試🥰平日中午時間唔係太多人在用餐 只有一台人 感覺自己似包場咁🤓隨便選左靠入面既桌子坐 但係見桌面有水跡也有一隻烏蠅在附近一直飛 🫥雖然話桌面上有寫明希望客人自己清理桌面食完要扔咗自己既垃圾 但希望店家都可以抽空檢查擦下桌面 講返重點既食物 飲品點左出名既濃豆乳 豆香味飲落去好濃郁又順滑唔孩口 唔會有豆腥味同豆渣 本身是無糖既設計 但店家會體貼咁問你要唔要額外俾一包糖漿☺️非常值得一試食物點左和風炸雞 調味粉唔算落左好多 可能本身食得比較重口味 感覺個炸雞唔太夠味只食到個辣味 不過是新鮮炸所以算唔錯既 但係個價錢要32 蚊先有6隻單骨 cp值唔夠🤧…Read More

一直都係譚仔既fans想試下佢出既早餐 但偏偏唔係間間分店都有 難得返工前見到中環既分店有售就試一試啦🤓睇佢個早餐menu 大部分同普通茶餐廳差唔多最特別就係土匪芝士多士仲要係推薦選項所以就叫左外賣來試下😌可能唔係繁忙時間 唔多人等 好快就出餐可以攞走 返到公司打開賣相都唔錯❤️ 個外皮唔會太淋被倒汗水影響仲有少少烘焙香味 個內餡滿滿既炸醬同芝士超有咸香味但又唔會過咸 是炸醬fans值得一試既選擇🥰不過價錢連左一杯熱飲要價31蚊 就有少少偏貴🙈…Read More